預產期係07年9月o既姊妹入黎入享下啦~~一齊生個可愛又健康o既bb

我日去左抽血驗,要空肚既,我都唔知係驗咩,不過醫生話例行既,下次睇報告問下佢先.依家10星期了,已經無之前咁唔舒服,個人胃口都好左,之前個人成日都想嘔同無精神,你地有無成日肚脹同尿頻呀,我就有,個肚好似已經開始現形,但係我又無咩重左wo,你地有無肥度呀

各位豬bb媽咪大家好呀!
 
 我啱啱check左bingo左,5 weeks,預產期係10月中,而家仲未book醫生,請問hk side有邊個醫生好呢?
 
 我呢幾日都有少少流啡現像, 醫生話可能係作小產or係d絨毛流出黎,upto我訓唔訓床,咁我叫佢寫左幾日假比我休息。
 
 想問你地有冇or有冇朋友都會咁架? 同埋訓床係咪要訓响度定係"唉"响度都得架? 我而家好擔心呀~~ 我好想做金豬媽媽....

我呢個星期一同老婆去check, 預產期係10月中, 其實如果想去政府生, 係咪一定要先睇母嬰健康院, 因為我地只係睇左私家.

各位,
 
 新年快樂, 心想事成, 祝大家大大細細都平平安安, 豬年好運!

Happy year of the pig!
 而家9th week, 胃口時好時壞.
 
 tcboy,
 你可以攞私家醫生張 confirmation letter 去book 政府，會吾會再要你去母嬰健康院就吾知．．．
 
 chubebe,
 我都有流啡，最初吾知大肚，仲以為係m．．．而家間中都仲有D，睇書話正常，但係個人始終都有D擔心，下次都係問下醫生.
 
 gnit,
 我D褲已經扣吾埋，點解個肚o甘漲．．．

各位蠢(準)豬媽媽,
 開工大吉呀!祝大家同bb都健健康康,平平安安生個肥肥白白的bb :)!
 
 gnit,
 乜抽血要空肚咩?我上次去政府抽血我都冇空肚,仲啱啱食完早餐tim..
 
 chubebe,
 我冇試過流啡呀,我諗坐係度都ok, 其實訓床主要係唔想你四圍走lor!
 
 tcboy,
 你去政府book做產前檢查,就等於book左係政府生架啦!

hbb, bigcompany,
 
 訓左幾日床真係好左ｄ，加埋ｄ中藥，冇再流啡勒 :-)
 
 今日打左去瑪麗book做第１次產撿，要下個月即第10週先有得做。姑娘仲話到時唔駛見醫生，只係做抽血同聽講座喎.... 你地係咪咁架?
 
 我又問姑娘駛唔駛book定時間做oscar test，佢又話睇情況，叫我去左第1次先知有冇須要。請問你地係點架? oscar test係咪淨係抽血架咋?

chubebe,
 
 你睇中醫呀?西醫就話吾好食中藥...
 第１次產檢會係第十一週, 廣華同我 book埋 oscar test (因為 over 35) 係第十二週. 應該只係驗血同度 BB 頸.

多謝hbb同bigcompany解答, 因為係第一胎, 乜都唔識, 所以要儘量搵多d料, 尋日我太太見紅, 作小產, 夜晚入左瑪嘉烈急症室, 好彩今朝check左冇事, bb有心跳, 但都要萬事小心.

今次用左個nickname post message添, 豬爸爸即係tcboy

bigcompany:
 我驗血要空肚9個鍾架,聽日會去覆診,就知結果,唔知醫生聽日會唔會同我做埋oscar呢?希望一齊正常啦

各位sister,
 我尋日去左東區做oscar啦! 不過要等3日先有result,我諗如果我result 有問題,佢地下個星期先會call我,如果唔係,我會收到佢地郵寄的report.. 希望唔好收到佢地0既電話啦!
 
 好開心,又見到阿b :) 佢訓左係度,我只係見到佢0既側面,同埋每次醫生用個機scan佢時,佢就"彈彈"下...好過癮 :)
 
 chubebe,
 第一次做產撿,姑娘會同你抽血,and then聽唐氏講座,如果有需要book埋做oscar.
 做oscar test會同你用u/s照小b,同抽血.
 
 tcboy/豬爸爸,
 冇事就好啦 :) 不過真你要萬事小心呀!
 
 gnit ,
 原來要空肚,不過我尋日做oscar抽血,姑娘都冇講...

hi大家好, 我返完鄉下咯。
 
 祝大家恭喜發財、身體健康、步步高升, 今日開工丫, 我尋日已經去左政府醫院, 實在都無咩野做, 只係問野同抽血, 足足抽左6筒, 然後再去仁安做oscar又抽過, 尋日真係大出血丫, 呵呵, 不過今朝一早姑娘就打黎話oscar報告出左, 佢話患o既機會非常低非常低, 即係低危啦...放心曬。你地咁多位新年點呀?

抽左6筒血 @_@

各位豬年快樂呀！
 
 尋日終於去左西醫度照ultrasound, 見到bb心跳, 不過醫生話個胎偏細, 6個半week 得0.2cm, 聽到有d唔開心....醫生叫我下個星期再去照過喎.....
 
 想問你地呀b响我既週數有幾長呀? 睇書話都應該有1cm.
 
 呢幾日覺得自己d情緒好唔隱定呀, 而家先有左幾個星期, 已經有好多野擔心, 以後仲有幾廿年擔心呀, 覺得好大壓力, 有d後悔....唸唸下仲減埋出黎......

chubebe,
 my case: 8-week is about 1.6cm

唔駛驚WO,我六星期時BB都係得0.2CM,8星期已經2.1CM,依家11星期已經5.1CM LA,BB大得好快架,你放鬆D啦,唔駛比醫生嚇壞

bigcompany,
 
 原來我空肚驗血唔係驗bb,係驗我自己本身有無咩病,健唔健康,尋日睇報告先知.
 我oscar 要下或下下星期先驗,因為我依家先11weeks,醫生話13weeks 驗差唔多,不過就要出去做,我諗又要千幾蚊 la,你地知唔知如果我無去開公立醫院睇,係唔係唔可以去個度淨係做oscar 架,我都想慳番筆錢.

gnit,
 
 我23號去政府醫院初診, 咁我問佢可唔可以o係政府做oscar, 佢話無得做, 佢話政府唔會幫你做, 除非你已經係高齡產婦咁就會免費幫你做咁話, 不過因為我住將軍澳所以要去將軍澳醫院, 但係生就要係聯合, 不過我都唔會去聯合生, 因為感覺唔係幾好, 再者將軍澳醫院原來咩都無, 佢地只係幫孕婦做產檢, 同埋我覺得d姑娘都幾衰, 佢居然答我話我地呢度咩都無架, 姑娘唔夠醫生又唔夠, 你地都無要轉介去聯合架咋, 嘩... 咁都得, 不過貪佢近近地做產檢就唔緊要囉。

所以因為我23號同一日都約左去仁安做oscar, 咁既然佢無我咪去仁安做埋, 咁佢會幫你抽血同用ultrasound度頸皮, 費用$1.350

金豬一號
 
 唔該你wo,咁算啦,我都係去留私家驗啦,不過醫生話都要幾日先知結果,希望一切正常啦.

gnit,
 
 政府做oscar都要$950, 同出去做唔係差好遠, 分分鐘仲有埋dvd比你, 到時你得閒可以播來睇下, 開心好多架

金豬一號,
 嘩!抽6筒血咁多..你要食番多d野補下啦!
 你咁快就知道結果,真係恭喜哂,你係非常低非常低危 :)
 
 chubebe,
 我個醫生(私家同政府)都係咁講,佢話阿b比較細,不過又冇話會有乜大問題..
 我估佢係用我last m 的日子去計我bb應該幾大,跟住再用u/s計到的size去比較.其實我period一向都唔係好準,cycle係28-40日,所以用last m 去計,可以有成個week的差別.
 你唔好擔心,無事架,如果有事,醫生一定會同你講啦,你只係6.5weeks,遲d再照會準d.
 For your reference,我 8 week =1.7cm, 12 week = 5.1cm
 
 gnit,
 原來係咁,不過早上空肚都幾辛苦..宜家有左唔係好捱得肚餓!
 我係東區做oscar,有3種架,我做左$450個隻,只係度頸皮&抽一次血,準確度85%.不過好似要係個度做產檢先有得book!

bigcompany,
 咁我又報下我bb o既size先, bb7週5日時就1.4cm, 上星期12週就5.99cm

金豬一號,
 你個b 大size 過我wor!
 5.1cm VS 5.99cm

bigcompany,
 都只係大少少咋嘛, ^o^
 
 不過其實每個人體質都唔同, 所以chubebe唔需要咁擔心架, 因為都係初頭兩三個月, 之後bb大得好快架啦, 其實初初你最緊要放鬆心情, 對你同bb都好有幫助架。

我想問下各位準媽咪有無已經搵左 d 講座課程聽呀? 係唔係一定要去做盟檢查o個間報架?

今日去左做oscar,bb頸皮厚,有3.4(cm/mm)但nose骨同心跳正常,我28歲,醫生話應該無事,等埋星期一驗血報告,再睇下駛唔駛驗多一次,不過我上網睇過d資料,頸皮厚就算無唐氏,都唔係一件好事,有先天性疾病機會比較高,我真係好唔開心,今日係有左bb以來最唔開心既一日,都唔知點好,哎!
 
 我想問有無姊妹都有呢個情況,最後bb健唔健康?

各位好, 我係新加入的, hihi
 我預產期係9月5日呀(不過照了幾次U/S, 次次個日子都唔同)

終於去了廣華做第一次產檢:
 1. 交預約通知
 2. 交$
 3. 驗小便
 4. 度高磅重量血壓
 5. 照ultra sound
 6. 抽血
 7. 姑娘查問個人及家族病歷
 8. see doctor
 9. 預約.
 兩小時完成!
 
 因為高齡及家人有糖尿病, 月底須再驗血糖.
 下星期驗oscar...

金豬一號,
 廣華D 講座要報上病人登記號碼, 應該只收自己人. 其他醫院吾知 le.