預產期係07年9月o既姊妹入黎入享下啦~~一齊生個可愛又健康o既bb

有左8星期多 d 啦我.. 你地呢?

金豬一號,
 我上星期六照左u/s,有左8weeks,預產期係9月7日呀,你呢?

我預產期係9月2日

終於有準媽咪回應啦... 呵呵.. bigcompany, 我預產期係9月1號

我係9月7日呀!
 你依家做狙d乜野呀?
 so far, 我去左ｃ＋照左一次 u/s, 去左東區做左第一次產檢（只係抽血），同book埋２月中做oscar.

bigcompany,
 我1月23日去左私家照左超聲波同計算預產期咋, 2月23號就佢比左封信叫我去做oscar同度頸皮

我預產期係9月27日
 而家6星期jar
 高齡產婦...
 想睇私家, 不過都會去廣華睇下

金豬一號,
 我同你差唔多,2月22日去東區做oscar,你0係c+做?會唔會好貴?我book東區做,$450,不過要3日先有result!
 so far 我都冇嘔冇成，只係夜晚臨訓前唔舒服,有d想嘔咁.
 
 hbb,
 高齡產婦可以0係政府醫院免費做oscar架!最好就卡啦卡啦兩邊睇,可以慳番d $$ 嘛!

hbb,
 我預產期係9月27日, 係瑪麗生

bigcompany,
 我其實係想兩邊睇架, 咁我尋日去政府醫院預約, 點知都係叫我2月23號去, 同我私家23號驗oscar係同一日, 政府就早上9點幾, 私家就中午12:30, 不過我因為23號係11週, 就一定要做驗oscar, 咁我就問政府度可唔可以23號o個日做, 點知佢地話因為只會當新症睇, 咁我話但係我11週到時一定要做呢樣野架喎, 個姑娘又唔答我可以點, 其實我覺得到時政府初診睇到時都可以同佢講呢樣野o個個週數一定要做架啦, 如果唔係過左驗唔到係唔係佢負責先... 都唔明政府點做野...我去私家的話驗oscar同度頸皮就要收$1,500

金豬一號 ,
 
 政府最麻煩係冇得隨便改期,你試下問下私家可唔可以改遲d,例如下午,又或者遲一日lor!
 
 我上次第一次去東區,book 10:30, 成班人入左間房睇vedio,睇完之後,就分一批批人去逐個逐個見姑娘,佢問一D好general的問題,e.g: lm 幾時,有冇遺傳病,etc, 然後係去抽血,then 就走得 (大約11:15),不過因為我想聽埋唐氏測試o既講座,所以我等到12:00,聽完book埋,1:00先走..
 其實第一次去只會問問題&抽血,都應該好快...

哎呀，我咩都未做．．．未去政府預約，未搵私家．．．
 是否攞醫生信，就敢走去政府做預約就可以？

bigcompany,
 咁我咪要一日抽兩之血囉.... 係唔係抽一小筒架咋, 我成世人真係好怕打針抽血, 所以我都唔知到生o既時候我會唔會痴左線痛到
 
 hbb,
 咁就要睇下你其實係想去政府定私家生先, 你自己先要諗清楚, 其實因為懷胎十月你每個月都要去做檢查, 咁有 d 檢查必須做o既, 例如驗oscar, 咁政府咪平 d 同埋有 d 野唔使錢囉, 私家就下下都要比錢, 咁所以點解咁多人都兩邊走就係咁解囉

hehe. ThankQ.
 
 今日去左廣華預約la, 下月六號初診, 十三號應該驗oscar.
 不過我都係搵私家生,自己好怕痛, 都係想開刀.

我預產期都係9月2日, 第十週, 頭八週有真係好難挨, 而家好好多, 你地呢?

金豬一號，
 頂硬上啦，打針抽血其實我都有ｄ驚，咁我每次打針咪唔望個護士ｌｏｒ．佢拮左落去有時都唔係好覺架ｊａｒ．
 咁你宜家打算點呀？
 
 hbb,
 嘩！ｂｏｏｋ廣華要成個月呀∼　
 13號做oscar係２月or3月？
 
 v v,
 你早我５日呀 :) ! So far, 我冇唔妥，我有ｄ懷疑我你咪真係有左．．．

請問如果發覺自己有左, 係要去那裡確實和取預產期信呢??
 普通醫生 / 婦科醫生 / 政府醫院???

bigcompany,
 如果同一日都唔驚o既, 因為政府都係上午9點幾, 私家就12:30, 應該都好夠時間o既, 我之前去家計會做懷孕前檢查都要抽血, 都知道一定要抽架啦... 咪係咁叫個護士鍚住我囉...呵呵... 其實好快姐抽血, 不過就唔知點解會好鬼驚
 
 sleepbb,
 你首先去私家診所驗左真係有左的話就叫佢比番封信你證明你有左同埋封信已經有埋證明你o既預產期架啦, 然後你咪拎住封信去政府登記囉, 不過政府要收正本o既
 
 v v,
 我就黎10週, 只係覺得胃口差左同埋成日都覺得想嘔囉, 不過又未試過真係嘔, 我 d 同事話我已經算幾好, 因為佢地話有 d 人嘔到七彩

金豬一號
 唔該哂你, 我會去睇私家醫生架啦!
 其實我自己都未check, 上次m係29/12, 所以有d担心
 
 希望大家生個活潑, 健康既BB

sleepbb,
 你快d睇c+攞封信,去排政府啦!我上次m 係 11/21, and then 我 1/5 去,醫生幫我驗孕,不過就冇照 u/s, 因為佢話太早,叫我3個星期之後先去.
 咁我諗你睇普通醫生比 $100,平過你去婦科醫生,因為婦科醫生貴普通好多架!
 
 金豬一號,
 good luck for your oscar test, 我要2月22日先有得做,等到我頸都長埋!

金豬一號,
 多謝你提點, 我終於鼓足勇氣買左testing 驗, 真係有左, 好担心
 我會去私家睇, 然後攞信
 想問下, 有無人係廣華登記, 要帶d咩, 我打極電話都唔通.....激氣!

我打電話問左廣華, 佢地依家分左區, 只收九龍西既孕婦.....
 
 但我想問, 咁點解大陸d孕婦, 佢地又批預約紙....

bigcompany,
 其實我同你 d 時間都差不多咋喎, 我23號驗oscar

bigcompany
 Yes yes! One whole month.
 係三月十三日驗 oscar, 剛剛好十一至十三週之間.
 不過, 我有D驚自己記錯左last m 幾日...
 
 sleepbb
 見人住黃大仙, 廣華似乎都收wor

金豬一號,
 係呀,差1日 :)
 
 hbb,
 no wory! 我諗 lm 唔係咁準,除非你d m 一向好準啦!我覺得反而去c+照u/s,用size 去推斷預產期會準d....
 
 sleepbb,
 你睇下問唔問到人借地址..

係呀, 唔收呀,
 因為阿媽成日話廣華好, 所以想係果度登記,
 算啦, 我諗我去威爾斯, 因我住沙田

其實係唔係一定要11週先驗oscar, 12或13週係唔係唔得架?

金豬一號
 
 應該在11-14週內都可以, 威院綱頁係咁講, 可以就一就

sleepbb,
 唔該曬你呀, 咁如果係我咪有可能可以叫政府做, 唔使去私家都驗.. 希望可以啦到時
 
 我想問下你地係唔係都係頭一胎呀?

金豬一號,
 Age 35 or above, 廣華會驗oscar 嫁.

sleepbb,
 其實威爾斯都唔錯喎,佢地做oscar最出名,我諗佢唔會差過廣華。其實好多人都想去廣華生，係咪真係好好我唔知，不過肯定有好多都係因為”情意結”，好多我地呢代都０向廣華出世，所以咪想去個度生ｌｏｒ！我同我老公都係０係廣華出世架，不過我決定左去ｃ＋ｏｒ　近我住的東區生，貪佢遠，大６人可能唔識去。
 
 金豬一號，
 我係第一胎呀∼你呢？
 我係ｗｅｅｋ１２照oscar

my due date is sept 13
 i have made reservation with baptist and also have an appointment with 廣華 on feb 22. oscar appointment with 威爾斯 on mar 6.
 it is nice to meet u all ^0^

bigcompany,
 
 我都係第一胎呀 ^^

我成日以為係計 last m 果日, 原來我報錯左, 正確預產期係9月22日... 應該對驗 oscar 無影響掛, 都係十四週內...
 
 由上個星期到而家都無曬胃口, 見到大大件 meat 就想 XC===

hbb,
 係呀... 見到 d 野唔想食... 好想嘔o既感覺丫嘛.... 我上次同事食煲仔飯我叫佢拎開 d , 因為一聞到就想嘔

大家好呀,我預產期係9月十四,但係因為諗住開刀,所以揀左9月6號入院生,我想問係大家諗住自然分免定開刀呢?因為今年床位好緊張,診所已經要我揀定邊日生la,真係太早決定la,我依定先2個月,下星期先去驗血,oscar都要3星期後先驗,都唔知bb健唔健康就已經要揀定日子,真係慘.
 
 同埋你地醫生開刀收幾錢?我醫生收$22000,床位5日4夜養和3至7人房都要around$ 13000,生bb真係幾貴.

訓到半夜起身，真係嘔左出來．．．
 
 gnit，
 我想開刀呀．而家就定開刀日子，甘早．．．
 下星期去曬私家，問下先！

哈哈, 完來有準媽咪同我同一日預產期, 仲咁啱喺廣華生 tim. ..

test

金豬一號，
 你都係第一胎呀,怪唔得你叫金豬一號啦!
 
 simsim,
 你好呀!我都打算book浸會生,oscar就2/22做 :)
 
 hbb,
 其實冇胃口都ok la,好過嘔嘛!我就係怕我自己胃口太好,肥哂係自己度!其定實宜家阿b咁細,都應該唔會"食"好多野!我都唔明,bb只係得2,3cm,但係個肚竟脹左咁多..係咪正常呢?定係我真係肥左好多??
 
 gnit,
 我打算順產,因為我打算將來生3個,同埋我覺得女人應該要經歷下生仔o既痛(純粹個人觀感),不過我都好怕痛>_< !我個c+話順產收2萬幾(全包),開刀收3萬,其實順產同開刀的價錢唔係差好遠.

大家好~~
 我都係有左7星期左右啦~ 豬BB估計都係9月尾出世,。
 我上星期先睇過一次普通GP, 但係個醫生乜都冇教我,又冇寫信俾我, 睇怕今日又要去睇過另一個醫生~

另外想問下 bigcompany, 因為我都想去浸會生, 你會唔會JOIN 果個有埋檢查既 PACKAGE呀?

豬媽媽,
 你應該問普通GP寫封信比你,証明你懷孕,你可以攞封去比公司,又可以去排政府!不過你可以自己再去睇婦產科醫生,你有8weeks,佢會幫你照 ultrasound,應該會見到bb心跳架!到時你問佢寫封信比你証明你懷孕.
 
 我係睇婦產科c+醫生,因為佢係浸會掛牌,我只你略略問佢d價錢係點,所以我冇問detail ar, 不過佢比我的price 係已經包左醫生費同住院費.

我預產係10月頭呀, 係第1胎, 已經book左oscar 3月尾做, 仲未決定c+定政府生
 
 金豬一號
 其實驗一度就得, 你問下改唔改到c+, 然後做完政府, 覺得ok咪 cancel c+ lor
 
 bigcompany
 你講得啱, 係我阿媽情意結, 我細佬係廣華生, 佢覺得好好, 我自己唔知, 因我係qe出世

bigcompany
 因為我睇到浸會 homepage 個價錢只需要 30k左右, 好似好合理, 不過我想睇果個醫生係仁安, 所以都唔知點好~
 
 sleepbb
 我都係廣華出世, 不過朋友話今年開始冇陪產, 所以公立我都唔知搵邊間好~

呢幾日好忙所以無上黎, 新年又要返鄉下
 
 bigcompany,
 係呀.. 因為係第一胎所以叫金豬一號囉, 嘻嘻..
 
 sleepbb,
 我都係咁諗呀.. 因為oscar可以係11至14週做架嘛... 我估都應該oko既
 
 不過我其實好想自然分娩, 不過真係好怕痛

豬媽媽,
 我睇其他mami的comment,仁安幾好架喎!反而浸會d人話多大6人,好嘈~
 
 金豬一號,
 你新年番鄉下丫?你要事事小心，take care 丫!

bigcompany,
 我會小心架啦... 不過係怕坐長途車��, 都係2個鐘左右啦.. 應該唔驚架呵?

同埋我一到夜晚想嘔o既感覺會強列 d o既, 搞到我成日都食唔到野無胃口