好大壓力...要同人鬥快有bb...又一定要生男仔...好辛苦





  • 終於同老公協議好要bb喇, 但又面臨好多好多壓力...點解我會嫁入呢個家庭??真係好得人驚...唉



  • ?



  • 點解要鬥快有bb...又一定要生男仔?你要爭身家?



    我諗你首先要問下自己, 為乜生bb?同埋係咪有正確既心理去做人父母囉?



  • 版主你講到咁,我會覺得你生仔係為咗爭啲咩咁,生個 bb 出嚟做你籌碼,咁呢到無人會同情你架喎!



  • 係咪男家既人要你生, 而且一定要生仔??

    咁既家人... 疏遠佢地. 過時過節先好見.

    好似我大嫂咁. 話唔生,就唔生, 黑起塊面, 完全唔出聲.



  • 有無係forward e-mail 睇過一張圖...計生男生女的...或可提高機會生男...要圖就留e-mail 啦





  • 生仔生女,個問題唔係係個媽媽度,要視個爸爸d精子健唔健康,幅圖好似只將問題放係媽媽身上......



  • somebody told me , 係睇father DNA, but you can check "圖" with fds, 我check係100% correct



  • 冇諗過會有人咁話我, 如果我係咁諗(咩爭d乜), 一定唔會在she.com post野出黎, 你地估我唔知呢度係咩地方!



    只係我呢個星期黎parenthood呢度睇下其他朋友的分享, 有感而發至開個咁o既topic. 本來我同老公agree左想要bb, 應該係一件好開心o既事, 但係比人成日追問, 受埋老爺奶奶鄉親父老的有形壓力, 日子過得好辛苦!!! 係咪要到我真係bingo左, 都仲要擔心係仔定係女? 係咪女仔就唔"馨香"唔矜貴冇人鍾意? 真係好大壓力!! 點解要咁對我???



    我好驚會自殺呀! 就黎頂唔順喇, 每一日都唔知自己為乜而生存, 點解連鍾意的食物都唔可以食? 點解要日日提心吊膽, 又要驚bingo唔到, 又要驚唔係仔? 好辛苦好辛苦好辛苦呀!



    你地鍾意鬧就鬧, 話就話, 反正再難聽的說話都聽過了. 我只可以在網上留言, 因為冇人識我, 冇人知我係邊個. 有時覺得最可悲的是, 連自己個老公都同佢地企埋同一陣線......好難做人.



  • 回應番話我咩生個仔做籌碼, 爭身家果d朋友. 想話你地知身家就唔駛爭, 但比人爬頭生仔就會罰錢30萬. 比著係你壓力大唔大? 而我壓力大, 都唔係錢o既問題, 而係好唔明白點解d人要用錢去衡量生命? 真係好唔開心, 人o既價值在那裡? 我都唔想再面對呢個咁o既家庭.



  • 離婚啦...第日你個BB 又一定要考入邊間邊間名校...唔係又罰100萬



    工作耍入大公司...3年後要自己開公司...唔係罰200萬

    自己個老公都同佢地企埋同一陣線....點舛你仲要為佢生BB....離開佢...過一D自己喜歡的生活



  • 嘩, 好on 居既家庭呀 !



  • 版主,你自己都話唔想面對呢個古怪家庭,咁你咪選擇囉,等無用嘅。



    我覺得,好多人想生個 bb 都好困難,莫講話男定女啦,有得生都好好喇。生個 bb 出嚟係想愛鍚佢嘅,唔係要嚟避咩罰則囉。咁對生出嚟嘅 bb 都好唔公平啦。



    唔使悲喎,早走早著啦!



  • 我身邊朋友有幾個都唔中幅圖講O既性別.



  • 「生個 bb 出嚟係想愛鍚佢嘅,唔係要嚟避咩罰則囉。咁對生出嚟嘅 bb 都好唔公平啦。」......對, 生bb應該係一件好開心的事, 同埋一定要係自願, 連自己都要覺得開心至好要. 咁我而家都有d想要bb, 唔係完全為左逃避呢d大懲罰, 只係佢地比得太多有形壓力我...



    之前plan左唔想咁快要住, 我地兩公婆想搞好自己o既事業先(雖然已經有family business要承繼)...但因為一d好突如其來的原因要加快步伐, 咁都算喇, 我地又冇話唔可以(健康上經濟上各方面都ok, 只係心理上未完全適應, 可能太快了). 佢地要我快d咪快d囉, 但唔好講埋曬d令人好大壓力的說話, 即係想迫死我o者.



    其實老爺奶奶同我老公都好錫我架, 但係一講到生bb呢樣野就"原形畢露", 令我好難受. 中國人的封建思想真係好恐怖.



  • 吓.咁一路生唔出味好難頂.如果生個女.個女都好慘姐.版主好似係自己心態有問題多d.咁介意人地講咩.做一個咁樣女人的兒女真真可悲.投緊胎都行番轉頭.



  • anyway, 講左出黎舒服d...雖然有人話我, 亦有人講d鼓勵說話...至少你地個個都有睇過我的留言, 已經好心滿意足喇.



    尋晚同老公講曬我想講o既野, 唉, 說話就講完喇, 佢o既反應係「冇反應」. 如果佢好似你地咁, 會勞氣, 有d"火", 咁都好丫. 淨係識得話我諗得太多, 自己攞黎...其實佢都係比緊壓力我. 佢死都唔夠膽講自己仔女都冇所謂啦, 因為佢都係一定要仔....悲.



    走...何嘗不是一種逃避的方法? 我更想做的是, 將來有幸天賜給我一個女兒, 我會好好栽培佢成材, 女仔都可以好叻. 都唔明點解要重男輕女, 男人咪又係由女人生出黎.



  • 佢死都唔夠膽講自己仔女都冇所謂啦,



    >>> 人地明明有preference.迫到佢話無所謂都唔慌真心啦.



  • 版主,



    第一, 家下乜年代, 女人都有自主權, 你首先要問下自己, 為乜生bb, 而唔係為左乜人生bb



    第二, 你個夫家係乜地方人士?人地爬頭生仔就罰你30萬, 係乜理據?



    第三, 你又話唔係錢既問題, 咁又同老公協議好話會生bb, 咁咪安心等bingo, 生仔又好生女都好, 無問題架



    第四, 有幸生女就會好好培養佢, 咁咪得囉! 你唔駛理人地點睇佢, 只要你同老公都愛錫佢咪得囉!



    第五, 生仔生女, 係睇你老公, 唔係睇你, 你唔好乜都攬上身, 我都覺得你本身諗埋一邊在先



    第六, 你老公同屋企人站同一陣線, 咁你又協議同佢生? 你唔想生無人迫到你.



    第七, 你生bb前, 最先應該做既, 係調整一下自己既心理, 因為根本就係你介意或者怕自己生女., 先會有壓力, 真係唔在乎仔女既話, 你唔會諗到想自殺囉!



    家下做女人,同以前好唔同, 你可以自己做主, 可以有自己既見解, 人地點講係人地既事, 你唔想做既野, 無人迫到你. relax d啦! 緊張對件事係無幫助既



    最後, 唔好怪樓上既網友話你想爭乜, 因為跟本係你post出來既言詞, 令人有咁既感覺, 否則點會有咁多個人, 都會咁睇你.



  • 好多謝gigi你咁肉緊我.

    家家有本難唸的經. 身家, 我唔會爭. 罰唔罰錢我亦唔care, 只係唔鍾意比人管, d人對眼淨係望住我個肚. 我討厭呢副嘴臉.

    最最最唔開心係, 佢地咁講, 到底點睇人o既價值? 知道佢地唔會諗咁多, 所以up得就up. 但係我會諗. 我都會怕將來我的子女會變成點, 做仔o既係咪一定要繼承d乜野? 我見到我老公同佢d兄弟就覺得冇曬自由, 佢d姊妹就想"恨都恨唔到"(唔好介意我咁講, 真係唔識點"修飾言詞").

    將來有幸我有仔又有女, 一定會將"家產"平分. 知道咁做實激死老爺奶奶(雖然唔知佢地將來仲睇唔睇到). 咁到底係一個唔好o既「媽媽」多d定係唔好o既「媳婦」多d?

    覺得好大壓力...有邊個想係咁? 我夠唔想有pressure. 但真係好唔鍾意佢地咁講野, 每次聽到我都好想勁鬧佢地有冇腦架, 講呢d說話出黎o既人(罰30萬)仲話讀過大學, 真係...好想XYZ佢地.

    當日開呢個post, 淨係諗到乜就打乜, 冇諗過要點樣修飾, 亦冇諗過會令人咁睇我. 不過都冇乜所謂, 任何一個issue响社會上都有唔同的聲音和反應.



  • 都係唔明點解要罰三十萬 ...........?



    我覺得首先係你本身唔好比其他人影響, 如果唔係, 受害既始終係你, 若果你真係有左,仲會影阿b, 所以你先要搞點自己既情緒, 再決定及計劃生bb囉!



  • 版主:



    你未結婚時都應該大致知道老公屋企係點樣, 怎至你老公對生BB既睇法. 除非你真係咩都唔知(呢個機會低D卦), 其實你應該一早有曬心理準備會面對D咁難頂既野....



    唔好講埋曬D什麼會自殺既說話咁不負責任, 既然你死都唔怕, 何不鼓起勇氣面對問題? gigi講得岩既, 依家係咩年代? 你應該為自己打算下.



  • thx幸福女子.

    我唔會自殺, 果一刻煩到頭都爆至衝口而出, 而呢d說話都只係响網上留言打左出黎......唔响呢度宣洩仲可以同邊個"呻"?

    結婚前當然知道老爺奶奶恨抱孫, 世間上有幾多個老爺奶奶真係唔恨呢? 呢一點一早知道, 預左有朝一日都會要細路仔.

    但冇接觸過d「鄉親父老叔伯兄弟」,真係估唔到世界上會有人講得出呢d說話. 點可能「預左會面對d咁難頂o既野」????係, 我的心情, 情緒真係會比佢地影響左, 我諗換轉係你地都會有一刻個心唔知點咁......想話佢地又唔話得(係長輩), 唔通笑住口同佢地一齊癲呀? 做唔出.

    anyway謝謝你地每一位的留言, "呻"左出黎個心舒服左. thanks.



  • 我諗版主, 都知道男家恨抱孫, 或者都預左佢地成日催, 只係無想過係呢個年代竟然仲有D咁既規定先得架.

    最慘係連自己老公都覺得要生仔先(其實佢都可能係俾環境迫成) 呢下先係最唔開心.



    版主, 我都明白你既心情, 我有朋友, 需然未有你男家D人咁癲, 佢都知到6299恨抱孫恨到發燒, 只係有時有BB呢D野真係講緣份, 我朋友係呢1-2年, 成日聽住佢99 同D親戚問佢幾時有, 個個WEEK都要佢食補品, 整到佢肥仔哂又話佢實係有左喇. 佢打俾我呻, 我都明白佢個個星期受呢D壓力好辛苦, 何況係你呢.



  • wai,



    謝謝你明白我, 你朋友都幾慘下. 其實我開頭都好似你朋友咁, 次次見親面都玩明示或暗示. 點知佢地等呀等, 等左幾年我地都冇. 近呢一年老爺奶奶都少左提, 只係過時過節(尤其係農曆新年呢d日子)至乘機講下叫我快d生. 佢地提黎都多餘, 我地根本唔會比反應. 所以上面o既朋友話我做女人做到好唔自主, 我真係唔知點答, 其實我都"自主"左好幾年, 响呢段時間裡面亦達成左好多心願.



    老爺奶奶近排又勁提返, 係因為屋企有人結婚, 又極度寄望佢地生(相信都會好快必隻金豬出黎), 咁咪乘機叫埋我地果份. 其實最衰都係佢地d親友, 食古不化越講越過份. 講真比著你聽得多都厭, 更何況係明顯比壓力你.



    你朋友成日食補品, 除左會肥仔外, 仲會適得其反, 搞到d M亂曬呀! 我响第二個topic度見到有人share返出黎, 其實如果冇乜特別需要真係唔好補咁多, 食返正常野天然食物就得. 係有左bb至要補返d calcium同補血o者.



  • 板主,

    我朋友都係喇, 佢HB已經同6299講左話, 如果想抱孫就唔好成日問住, 有壓力就好難架, 初初個排會好D囉, 過得個拎月又講過.

    加同又有D同你一樣把口唔收既親戚囉..我朋友都俾佢地煩到嘔.

    佢依家無食補品架喇, 佢地好積極咁見醫生, 好快就會做IUI~我都好想佢地快D成功


Log in to reply