有冇人講下自己好倒楣o既事呀?....





  • 前一排, 唔知點解塊面勁爆暗瘡, 樣衰到不得了, 咩心機都冇曬啦, 放假都呢埋左係屋企唔見人, 點知有日突然想出街買下野啦, 見自己個樣咁, 就求鬼其拎件衫著左就出街啦....冇曬mood打扮啦,見到自己個樣就抆喇,點知好衰唔衰.....好日都唔撞到, 咁樣衰o既時候就撞到我ex-bf, 大家近距離望一望對方, 我就即刻急急腳走啦, 連招呼都唔想打, 都算喇, 同一日仲要見到我心儀o既男仔, 真係大受打擊



  • 俾最鍾意既人見到自己最樣衰既一面



  • 唔記得買6千萬果期mark six...



  • 上緊網果陣俾老細發現



  • 好耐之前, 有一次我搭車返公, 當日我著咗條杏色吊帶連身裙... 嗰日落雨, 我上咗巴士之後就瞓著咗, 起身嗰陣發現到咗站, 就急急腳想落車, 點知我 "R" 柴, 成日屁股坐咗落巴士地下 (個地係濕嘅), 跟住即刻起身, 諗住落車啦 (當時個 pat pat already 污糟曬), 點知又 "R" 多次柴.... 呢次仲飛埋其中一隻鞋出嚟, 我當事又痛又無助, 我個樣好可憐, 但都無人嚟扶我, 而我又趕住落車, 好狼狽, 跟住過咗一陣卒之有人伸出手扶我, 跟住我就急急腳落車... 嘩.. 好瘀.. 又痛.. 超慘! (香港人好似見到呢啲情況唔會伸手出嚟扶人咁嘅? 好冷漠啊~ 因為我會架! 見人哋咁會腳得好慘囉!)



  • 多多



    ...真係好鬼瘀架喎!!



  • 多多 ,



    你當日係咪著左對比較跣既鞋呀? 連跣兩次都無人扶你, d人真係無同情心�Q! 咁佢地有無笑你呀? ><



  • 大部份男人真係唔會扶, 驚一陣比人話非禮



  • 多多小姐,



    唔係話妳,不過有好多香港女仔,同一情況:



    當應為有需要被幫助,但得不到幫助時,就會話男人冇風度



    但係



    當不覺有需要被幫助,但又得到幫助時,就會話男人意圖不軌



    其實我係睇唔倒佢地個心入面諗乜啊~

    為何要瓜田李下呢?



  • 多多都無指明到男人�Q, 佢只係話"香港人"咋喎!





  • 我試過有一次撘巴士企位, 個司機無情情剎制, 我扶唔實成個人撞左落個男人度, 仲要連撞2次, 個男人有出手扶我手臂, 但我唔覺得佢心懷不軌囉, 人地都係出自好心�F.



    如果個個人都咁諗, 呢個香港唔會有人再有同情心啦, 見人趺到咁都唔扶, 唔係人黎添啦.



  • 買左阿仙奴對曼聯1:1波膽,92分鐘比亨利頂入一球隊爆左



  • 有次懶係快咁由屋企急步咁行去地鐵站(唔係趕時間架喎)...其間要勁落樓梯同落斜,以為自己好輕型咁啦, 點知去到地鐵站先發覺冇帶銀包.....結果要行返好多奪命樓梯同上斜路返屋企拎!! >.<



  • 我都想講下,d事件又唔算最倒楣既,不過總覺得自己成日好黑仔......



    1)讀書時,成績唔錯,但平日總係lazy,唔多溫書。但每次上堂抽人起身答問題實選中我,重要次次都係冇溫就會抽中我,在老師間建立了一個懶蟲的形像



    2)同一班同事食lunch,無論叫咩都好,次次一定會發生以下事件在我身上:落漏單、落錯單,就算唔係十次有九次我都係最尾先食到個lunch,加上自己食野又唔好,又在同事間建立了一個食野慢吞吞的形像



    3)公司抽獎,連續幾年都係差唔多人人有份咁滯,但我都可以唔中



    4)平時做野都OK,但好不幸幾次做錯事都係俾大老細親自發現╱發覺



    5)有一次好白痴,話說巴士幾多人,我費時迫入去,企响司機隔離,點知突然煞掣,我成個訓左落個八達通機度,點知突然嘟一聲,原來扣左我個八達通錢!!!平時係咁嘟都接觸唔到,好嬲



  • @@,



    你都幾黑仔噃.



  • 今日俾老細發現左我有開MSN,之後仲要俾佢叫我開�邁�,問�鶩茷Y咩,跟住俾佢拉入房省左一餐,其他同事有玩又唔省,淨係省我一個,好火~~~~



  • 1)係無乜打扮既情況下撞到心儀既男仔同埋ex bf

    2)好乖做野果陣無人知, 一做錯野就咁岩老細黎check

    3)畢業後個個都搵到好工, 長工,人工唔錯, 大家一樣qualification, 我做左幾年都仲係好低人工, 仲成日轉



  • TO : @@

    嘩... 你都真係幾黑仔架喎~



    to : 老人家

    嗯.. 我唔係淨係指男仔呀... 係直頭無人扶我呀.. 見我跌到咁都無人扶, 我又 "R" 柴, 都無人理.... 覺得自己好慘, 啲人好無同情心...



    TO : kuromibee

    無笑呀, 有笑我嘅話... 我分分鐘忍唔住喊出嚟添呀!~ "R" 柴好痛, 又無人扶, 又瘀... 如果仲俾人笑埋.. 實喊到收唔到聲添呀!



  • 頭先食lunch lor到爆呀!



    捧住個餐一個人搵位, 點知kick到張櫈成個人扒前, d野食訓曬係張枱到冇曬, 最慘係全世界人望住我呀!!!.............. yu 到死呀!即刻去洗手間....... 就去左另一間野食.......





  • yu



    咁食個lunch咪勁貴囉!!..仲要有陰影添

    下次行路小心d喇..



  • 雖然我知道唔係咁好, 不過我見到@@既事件5我真係笑到收唔到聲…….



  • 發生o係讀書時期



    個時冬天, 好鬼凍

    有朝早返學未夠鐘

    咪o係學校周圍行下

    好大風, 行行下..."乞痴"...即刻用隻手掩住

    D口水鼻涕飛哂落我隻手道

    周圍搵紙巾之際...突然個好朋友跑埋黎...

    佢一路跑一路大叫 : 好凍呀, 我隻手好凍呀...

    跟住一野渣左落我隻手度

    佢大叫一聲....咦咩黎架, 好核突呀





    我個時真係想搵窿損呀



  • 中學果陣考試, 溫錯左科目, 果日早左返學校溫書, 發覺其他同學都唔係溫緊我溫果科先知咩事.....仲要比同學恥笑.....結果fail左!! 嗚~~~



  • 今日下午係公司打電話去大6間廠係為左了解d野, 就揾個報關員問問啦. 果個臭婆娘問非所答不凸止, 重無情情鬧我. 佢攞番幾年前另一個同事嘈過果單野向我發洩, 我真係覺得好無釐頭, 件事又唔關我事,我又無份鬧佢, 做咩了番件事黎鬧我啫.



    我平心靜氣叫佢冷靜d, 唔該佢答左我問佢果d野先, 佢同人地d恩仇我無興趣知, 亦唔想問. 跟住佢就發曬巔咁鬧: 你地d 香港人無個好架, 仲有呀, 你地公司d人個個都唔係做野架, 無用架!!! 正一xx黎!!!!(佢都痴孖根, 而家我地係客黎, 佢係廠黎咋, 主持不分, 佢間廠呀d人就真係廢喇, 貨期一拖再拖, 做唔切貨, 唔知邊义個無用呢)



    我咪話: 係呀, 你地最好, 做得最好係你地, 我地全公司都唔係做野既.



    佢話: 唔係我地, 係我一個啫!!! (僕佢個街丫, 潑婦罵街)



    我就為左佢鬧我"xx" 我無同佢嘈, 我要投訴佢.



    我同佢講: 我唔想再同你講喇, 係咁啦 bye bye.



    收左線之後, 我馬上同我亞頭講, 而我亞頭都聽到我的說話, 証明我並沒有鬧過個臭婆娘.

    我亞頭就打比佢老細, 叫佢分清楚件事先, 唔好將以前既事發洩係我身上, 要對事唔係對人, 而且仲要鬧人"xx"真係好無品.



    我覺得好無辜囉, 人地既仇恨關我咩事喎.



  • 我公司個老細鐘意幾時返工就幾時返工, 冇人捉到佢路數, 但好奇怪, 次次我準時返工甚至早咗返工, 佢o個朝都會遲返, 但我遲到o個朝, 佢又會破天荒早返, 呢個現像唔係我話架, 連d同事都發覺得到... 你地話, 黑唔黑!



  • 有次落好大雨, 我岩岩由一大廈準備急步離開, 點知冇為意地下係雲石面積左好多水好"sin"腳, 我就好似玩緊sir滑梯咁雙腳向前成個坐左係地!! 最樣衰係大廈門口係對住條大馬路仲要係放工時間架!! 即係勁多人見到囉!! 超瘀!!





  • 以前讀中學果時,因為果日落雨成個地濕哂, 連樓梯都係, 咁我果時已經好小心慢慢落果條樓梯, 點知好衰唔衰真係比我p左落地, 成條裙dirty哂, 果時仲係白色既...呢樣都唔緊要,最慘係比個低form既男仔(佢都幾靚仔下)見到我全程p街, 真係lor到爆, 我即刻爬番起身標入toliet...><(其實我都試過無數次係街/學校r柴, 都唔知點解會咁...唉!!)



    有一次搭巴士, 我坐左係第一層最last果排接近中間果個位, 咁果時佢有個扶手我咪以為安全囉, 點知架車一野剎向前我成個人就中前左, 僕左去前面一個女仔到, 而果個女仔個fd仲要係識得不過唔熟(係同form唔同班無講過野但認得果隻), 果刻覺得好瘀, 好彩唔係男仔咋~~



    中學果時參加個交流生計劃, 係要去5日既, 頭果2日都玩得好開心, 但第三日當我聽緊一個talk果時發覺自己auntie到, 嘩!!我果刻真係好想喊, 果時果到d toliet仲要係無水無廁紙既, 好彩我早有準備...果晚我仲要同d交流生踩單車, 唉!!簡直係痛苦!!之後仲要係果到捱多2日, 其實我事前都驚會有事, 因為我不嬲都唔準, 我以為過左2日應該會無事架, 早唔黎遲唔黎係揀正我旅行先黎, 果個week我簡直覺得自己特別黑仔./..\


Log in to reply