一段被家人阻撓的感情, 有無將來?





  • puzzle





    no ka.............same as me



  • 只要你想一想,沒有問題,便上馬...理得佢丫


    有無將來,邊個答到你,就算無人反對,都唔代表開花啦




  • I break with him 3yrs la.........actually I still love him ........but I know he had GF la.



  • 男朋友阿媽莫名其妙好唔鐘意我, 直頭攪到又要同個仔斷絕關係咁, 但明明我只見過佢兩次, 又無做d乜, 佢就覺得我搶走佢個仔, 攪到我唔知點算, 如果問題再唔解決,根本我對依段感情都唔會有信心, 個人好down, 都唔知應該點去處理.



  • 要先了解點解屋企人要阻撓你地既感情, 唔好一味覺得佢地只係為反對而反對, 一定有佢地既原因。



  • 我就係覺得好有問題, 因為攪到我地成日嘈交就係為左依d無謂野, 仲有, 牌面已經不利, 要繼續就要花多幾陪忍耐, 我只怕最後得不償失, 但青春有限, 我真係擔心架. 但我BF其實對我好好喎, 又無咩地方好唔夾, 要分開我真係唔捨得.



  • 你男朋友第幾次拍拖呀



  • 佢阿媽係古怪D, 四個仔女, 四個另一半都唔鐘意,但程度有不同, 對我特別不滿, 佢覺得個仔同我一齊之後,成日唔痴家囉, 但事實上, 佢每次話陪屋企,我都無阻止, SO我真係好唔明, 我BF既EX 生得矮都可以係一個理由令佢唔鐘意.. 但我覺得佢對我係有好多誤解



  • 兩次囉



  • 視乎你男友點睇



  • 其實問題都唔太難解決既, 只要係行下伯母政策, 就係如果佢覺得佢個仔, 即係你男朋友唔痴家, 咁咪多 d 去佢屋企, 或者多 d 約佢媽咪出去一齊行街, 等佢知道佢唔係因為你而無o左個仔, 反而係多o左個半邊女, 試試呢個方法啦, 不過係要長期喎。咁你男朋友會覺得你真係為佢好。



  • 我都想用依個方法, 但佢阿媽既性格好要面同埋好決絕架... 佢根本就連見我都唔願, so我好耐無上佢屋企啦, 多數都係我男朋友來搵我. 我都有同男友講過,不如約伯母出來針茶認錯, 做塲戲俾佢睇等佢覺得有face, 但我男朋友又怕一陣我頂唔順又出言頂撞佢,咪一路拖囉,結果依家趆來趆衰, 我就難免會怪我bf 唔識做, 咁又影響感情,唉.. 好煩



  • 我bf 好耐之前講過,要佢同阿媽決裂就一定唔肯, 當時我好心淡, 但就覺得係好簡單既事, so 就由得佢自己諗辦法去討好佢阿媽, 但老實講佢又唔係醒目到佢阿媽想點佢就做得到, so 咪一路俾依個不和延續, 我一諗起依件事就好唔開心, 就會話我bf, 佢又會好無助咁, 所以我知這件事再拖只會更差.



  • 可唔可以講係發生乜事呀? 其實無論點, 我都唔覺得你要斟茶認錯o羅, 你又唔係打佢一身。



  • 真愛, 只會越燒越旺



  • 我只係話阿伯母咁唔鐘意我,我咪認下低威囉, 講真我就真係無做錯d乜囉, 但為左這段感情, 少少委屈我都可以接受, 最緊要係解決到問題



  • 雞肶打人牙較軟...送禮最實際.


    就黎新年,買份重禮-燕窩/鮑魚/干瑤柱..


    但求一擊即中,,,,,


    好過乜斟茶認錯o羅,你做錯嘢嚟咩??



  • 我都有同我bf講, 換着唔係我,係另一個女仔,佢都一定有得挑剔, 佢都黙認架, 講真, 若我唔同佢一齊, 根本就唔駛煩依d無謂人; 但佢依d 白痴行為, 最終受害既咪又係自己同個仔.



  • 其實我都覺得趁新年, 問下你男朋友, 駛唔駛陪佢阿媽去辦年貨, 同埋多 d 約埋一齊去飲茶o羅, 例如一個月約去一兩次。同埋多 d 約佢阿媽出去食飯 or 去佢屋企食飯。



  • 要知道, 拍拖唔只係兩個人既事, 係兩家人既事



  • 我連見佢都有難度, 因我bf 唔俾我地正面交鋒, 怕我地一碰面會更無轉彎餘地,所以我想做乜都唔得, 我覺得好無奈



  • 拍拖絕對係兩個人既事, 結婚先係兩家人既事.



  • 我又點會唔知, 但我真係好被動既, 佢阿媽口口聲聲話唔想見我, 佢個仔又唔安排機會我見佢, 唔通我自己踩上去拍門搵佢咩? 根本就無人想正視依個問題,我又可以點呢??



  • 始終好難分得咁清楚, 我唔能夠唔諗同佢有無將來都繼續,佢都無可能唔理阿媽.



  • 我覺得你可以迫你男朋友去安排, 問心丫, 如果一次兩次唔得, 咪三, 四, 甚至 n 次叫佢阿媽出去飲茶食晚飯o羅



  • 無錯, 迫緊啦... 佢都話二月一定搵機會約我地兩人見面喎, 睇下點囉,我都好懷疑佢真定假.



  • 其實可以叫你男朋友每個星期日 or 星期六下午去叫佢阿媽出去飲下午茶, 迫佢多 d



  • 我bf本身都怕怕地佢阿媽, 唔係我叫佢就會去做,所以無奈囉



  • 咁都要迫佢做


Log in to reply