結婚四年,老公收入一直不太穩定,有時無添。故我的收入一直用來養家,因為收入定。失業了2個月,仍在養家。因壓力大,為錢與老公大吵,很傷感情,好後悔。我係好無安全感的女人,好想為自己儲個錢。老公現在做生意,我常常擔心我現在努力地為家,若他朝他發達不要我,我豈不是人又無、錢又無?! 我老公話我想得太多。真係我想得太多? 如果您係我,係味都會咁諗? 幸好是信主,祂教我「愛是恆久忍耐」、「愛是不計較」、「愛是包容」........,我會繼續為這個男人這個家努力,主會為我安排的。





  • 錢, 真係對兩人來說係一個大考驗, 特別係大家都冇錢既時間, 所以唔好搞太多啦, 只要現在覺得是對的, 便做吧, 好多野, 都要未知, 冇需要為未知既事而唔開心吧! 努力



  • 我男朋友欠卡數幾十萬...係幾十萬...佢話同我結婚...其實我真係好擔心我的未來



  • 感恩,



    我最初看見妳這個 topic 時, 我好 surprise, 因為妳個 case 同我實在太似喇, 包括大家都係 christian.



    我和妳不同的是, 我目前還有工佢, 只是工作壓力很重。



    老實說, 我亦是一個十分欠缺安全感的人, 所以我很明白妳的心情, 每當看見戶口的結存越來越低時, 那種不安的心情實在難以形容。



    我不知怎樣安慰妳, 但願妳會相信, 生命中每一個難關也是一個試練, "衪給予的擔子, 沒有是我們不能承擔的"。









  • hello,

    你是否完全清楚你bf欠咁多卡數嘅原因? 賭? 購物? 是否心理問題? 其實宜家好多團體都有 program 幫助 lee d case 嘅人, 幫佢治"本", 千其唔好幫佢還, 但要喺佢身邊支持佢!

    至於結婚, 我諗等佢治咗"本"先啦!



  • HI COCO,



    我估佢有"購物狂病"....識左我之後改了不少...但仲係.....唉...



    你說的PROGRAM ....有無資料嗎?



    我已不細了...又愛他...我都希望佢"醫"好佢....但他不應有"病".....唉....



  • hello,

    唔好意思, 原來HK真係無咩機構做購物狂, 賭方面比較多d! 以下係我在網上找到的:



    購物狂是強迫症一種



    強迫症的特徵是患者經常不由自主地被不斷重覆的想法、衝動或影像等纏繞。他們雖然明知這些想法是無意思或不快的,但是又很難擺脫它們。為此患者感到極度痛苦和焦慮。隨之而來的是患者會有強烈的意欲去做一些事情以求減輕這種痛苦。久而久之,患者會養成一種習慣,重覆地做某些特定的行為﹝例如洗手﹞或想法﹝例如重覆幸運數字﹞。很可惜,這些幫助只是短暫的,那些不安的感覺很快又會再出現。患者因此需要做越來越多的「行為」以求短暫的舒泰,可是長遠來說,這樣只會「強化」(Strengthen)強迫性的思想和行為,令病情惡化。



    認知行為治療法的一種稱為「暴露療法」﹝Exposure Therapy﹞亦被証實能有效治療強迫症的

    主要目的透過新的體驗去糾正患者的一些錯誤的想法,例如:『除非重覆做那些「儀式」或逃避那些恐懼的環境或東西,否則焦慮便會持久不退』。患者亦可透過這些新的體驗來驗証就算他們不重覆做那些「儀式」,他們所害怕的事情也不會發生。

    參考資料:

    yahoo 知識



    你bf係咪lee種呀? 如果係就要找心理醫生幫助! 另佢有無諗住點還卡數呀? 債務重整or破產? 唔好只還卡利息呀, 還唔完ka! 佢有無feel 到自己有問題? 如果佢都自知同唔係咁嚴重的話, 你可以提議佢找個信得過的人, 例如你, keep 起佢d卡, 所有收入由你全部安排, 幫佢俾家用, 交費等, 每日or每星期俾零用佢, 等佢無多餘錢喺身, 無得買嘢! lee個方法唔易做ka, 佢可能中途會有偏差, 問人借錢買, 你要支持佢, 提點佢, 話佢知你嘅感受, 希望佢配合你啦!

    你要有心理準備你都會有好大壓力, 我支持你呀!



  • 我同老公由拍拖結婚,到家下已經15年, 一直以來, 我搵錢同儲錢既能力, 都高佢好多, 結婚擺酒既錢全部都係我儲, 家下就快生bb,9成以上既錢都係我既, 佢真係個個月清袋 .........



    之不過, 我並無覺得唔開心, 因為我同老公一齊, 係因為佢真係好愛我, 對我好好, 兩個人一齊, 係建基於開心,坦承同信任之上



    錢, 當然係個關口, 但在我來講,唔係最緊要既野



    同埋, 無人知日後會係點, 你與期為不知道的未來擔心, 何不努力於當前, 好多事都係有因果, 信任信心不足, 唔單止會影響大家感情, 成日怕日後會點點點, 咁本就無補於事, 但一齊要你自己去諗通先得, 否則無人幫到你



    我個人覺得, 兩個人點close都好, 我地都只係可以控制到自己, 其他控制唔到既事情, 就由得佢,最緊要係做好自己, 最後係點, 我地都唔會regret



  • coco,



    你的建議...好多謝你呀...一年半前...佢同我講...你知唔知我依家已經每月還你一個月人工俾credit card, 你仲想我點? 我問咁要還幾耐?佢話一年左右...那是我搵一萬多...我以為佢欠10零萬啦....



    每之提錢...我都只係喊...無野可以做到



    一年半過了...我問你還成點? 佢話佢要keep住現在生活水平...要把D錢慢慢還...Help , d 息點還呀?



    我開始主動去銀行問...幫佢取申請貸款單...上網問"過來人"(欠債人的女朋友)...



    但一拖又半年了...每次問都係"得la, 我會攪"



    佢要慢慢還...唔想買唔到自己想要的"心頭好"....唔想無餐"好食"



    唔俾我話俾佢家人知...我已忍左3年...我真係好慘...佢唔想佢老豆老母俾佢激死...咁有無諗下我...我忍了兩年半後....終於忍呂住話左俾媽咪知...媽咪話:點解呀?你地結左婚...苛無變咁點算?



    我好後悔話左俾我媽咪聽...一路打又一路喊







    你可以提議佢找個信得過的人, 例如你, keep 起佢d卡, 所有收入由你全部安排, 幫佢俾家用, 交費等, 每日or每星期俾零用佢, 等佢無多餘錢喺身, 無得買嘢! lee個方法唔易做ka, 佢可能中途會有偏差, 問人借錢買, 你要支持佢, 提點佢, 話佢知你嘅感受, 希望佢配合你啦!



  • 我根本唔知佢欠幾多錢...佢有一次口講30幾萬...另一次我問佢你想問銀行借幾多...佢講40萬...我呆了...他說有剩要來結婚



    我明知危機重重...都想同佢結婚...係咪低能?



    咁賭法? 賭得好大....





  • 其實近半年...好少見佢簽卡...但他是大男人....



    我成人話"D人話問銀行借筆錢清左佢...點都好過卡數30幾%息..要剪哂D卡



    每一次佢都話...我無簽卡啦



  • 我同我老婚時佢無錢,我當時很細怕屋企煩同佢同居生了個仔,後來我知佢無錢係因為賭錢,我後來 keep 起佢d卡, 所有收入由我全部安排, 幫佢俾家用, 每日or每星期俾零用佢, 等佢無多餘錢�魒�, 無得去賭我以為可以,但係佢會去財務借,還完一間又一間,這種生活過了16年,我同佢離婚,以為佢會改,佢無改現時個仔就做了我以前的角色。

    後來我再結婚,個老公人工幾好但係無錢儲到,佢話係屋企人用曬佢D錢,我信佢拍拖時,但係結了婚後我問佢屋企人,佢屋企人話無,只係每月比家用屋企,這時我才知道知佢D錢用曬係大陸女人身上,我當時問佢點解我問你鍾唔鍾意返大陸玩你話唔鍾意,但原來同個女人住了2年。比個女人用曬佢D錢,現時又要供樓,又無積儲真係好辛苦,我又無工作做,又要照顧BB,我好唔開心,我唔係怕無錢用,而係佢仲留戀以前係大陸個仲心態,另我好唔開心。但係佢屋企人以為佢好有錢,話係我用曬佢D錢。



  • 路人,

    你再婚時幾歲? 佢包2奶話俾你聽去工幹? 唉...做女人好慘



    你BB幾大呀?





  • 個時佢都未識我,佢話唔係包2奶係女朋友,只不過我地拍拖時佢無同我提過,我35,BB18個月。



  • 你意思係咪你同佢結左婚..佢仲同大陸女子一齊?



  • 無一齊了識了我之後.



  • P 嫂:



    唉! 總算有個知音人。



    2006年年尾才被辭去,年尾個個等雙量花紅,搵唔到工。2007年才正式搵工,主恩豐厚,平均一個星期有3份工見(包括 second in)。可是,正如您所說,看著自己的戶口不斷下跌,真的好難受,加上一月份交稅交租,二月份封利是及買賀年禮品,信心亦動搖了。會不斷想知道祂的安排,理性上知道祂會安排最好予我,心裡卻只想知何時,更想知這試教至何時才完。這陣子靈修也沒有心機,聽詩歌會哭,因為知道祂愛我,卻又被這局面弄得我軟弱不堪,無力還擊。



  • 感恩, 請不要失去信心, 有時試探與試鍊只是一念之差, 要明白甚麼是信、望、愛。



    我現今經歷的, 和妳的情況有點相似, 由此丈夫失業多時, 而我們又不想奶奶擔心, 於是每月依舊給予她原來的家用 (我們並不與她同住)。



    加上我丈夫現正和朋友夾份做生意, 說老實的, 我並不期望他賺大錢, 只希望他可以拿到基本工資, 但開業是需要資金的, 這回卻把我的積蓄差不多都用光了。



    就在 2006 年 12月27 日, 我們家中於晚上被賊潛入偷竊, 損失了一萬多圓, 正是打算新年封利是, 及其他開銷用途的, 當時我心情真的差極了。



    如今看見妳的情況, 其實並不太壞, 還有謀生的能力, 還可以自立, 尚可幫助丈夫, 其實退一步想, 神的恩典還是不少的, 對嗎?



    願共勉之 ! 希望妳早日找在合過適的工作。



  • 神...你講到好萬能...其實我想了解多D....點解神明明可以好易做左"亞當"出來...點解她要把"耶穌"放在聖女的肚中?



  • P 嫂:

    可以交換 e-mail 大家支持嗎?

    [email protected]



    我不是基督徒:

    您這個問題,我要好好整理自己的認知才回應您,免引導錯誤。以我所知,聖母是受聖靈感動而受孕,她完全沒有經歷過 sex 便有了身孕,以顯主的大能。P 嫂,有沒有不足或補充?



  • 感恩,

    我有小小補充比"我不是基督徒"



    我不是基督徒:

    你問得好好, 神咁勁, 其實佢可以好易咁做個耶穌出來, 好似亞當咁, 但係因為神實在太愛世界每一個人, 將耶穌降生在馬槽(好污曹), 佢同我地所有人一樣體會人的卑微, 困難, 明白人的難處, 仲死在十字架上, 三日後復活添. 但如果佢好易咁做個耶穌出來, 完全唔明白人類的痛苦, 佢只係高高在上的神, 佢稱唔上係神.

    如果你有興趣知多d, 可以睇下有線電視15台..創世電視, 有好多關於基督教的事, 可以回答你的問題!



    好高興能同你分享, 願你早日認識主耶穌!



  • 我有個朋友, 佢老公又係因為做生意佢要一個人蓑家, 後來一個機會佢老公成功咗, 揾到錢, 我朋友就換大屋, 唔做野, 做全職媽咪啦...佢係守得雲開見月明..希望你地都係



  • hello,

    唔好意思, lee幾日無on line!

    咁還法真係唔掂ka, d 息咁貴, 你勸佢一係債務重整, 一係申請破產啦, 雖然破產好似有d不負責任咁, 但真係一個好嘅解決方法, 幾年後就一條好漢! 雖然每月都仍要還錢, 但真係少好多, 又迫佢取消曬d卡, 又唔可以問財務借錢, 唔通佢問"大耳"哥借錢買嘢咩! 不過...... 破產嘅心理關口都幾大ka, 仲有好多限制, 你同佢商量下啦!

    你有無同佢講要佢攪掂d錢先同佢結婚呀? 迫佢正視&解決問題都好吖!



  • wpf / P 嫂:



    我搵到工作啦!



    由被辭去至今,這2.5月真教我難忘及大大的經歷神的恩典。我決意將這經歷寫下與人分享,並將榮耀歸予祂。



    我們要繼續為老公為家庭加油努力。祂必為我們持守。









  • Sorry 呀感恩, 我好多日冇上 she, 冇睇到妳既留言, email 地址我會 email 俾妳。



    恭喜妳搵到工呀, 開緊工未呀?


Log in to reply