點先可以煮飯煮得快d呢? 放工、 買埋送, 煮得黎都要9:00p.m. 先食得... ... 唔想咁夜食飯~





  • 咁你係幾多點返到屋企開始煮呀?同埋你煮d咩野?



  • 我都係放左工要返屋企煮飯個d人


    但我冇你咁夜





    我放5:30pm, 搭車加行路去到街市7:00pm


    買埋"食送"多數都係7:20pm


    返到屋企拿拿聲洗米煮定飯


    煮埋"食送', 八點前一定食得





    其實快唔快睇你煮咩"食送", 普普通通家常小炒一定唔會好耐


    花功夫緊係留返放假先做啦 :p



  • 我6:00pm放工, 買埋餸番到屋企大約6:45pm, 換埋衫落埋妝就郁手煮野食. 通常我會煲飯加一個蒸餸, 炒菜再加一個炒小菜, 8:30pm前一定煮好哂! 至於煲湯或者花功夫既餸我會留番星期六日先至整.



  • 你星期日買定一個禮拜既"食送“咁咪可以"han"返d時間lor



  • 煮得多就會快


    我最快30mins煮四人�


    3送一湯



  • 我個舊同事就會咁做, 你可以參考.





    1. 今晚買埋聽晚���R, 今晚食完飯後醃好, 例如排骨放入雪櫃, 慳時間又入味.





    2. 煲湯用真空煲今晚煲好, 放回煲內, 聽日起身第1件事用明火煲滾, 約20分鐘放回煲內, 放工返家再番滾. (或你可以用壓力煲, 但唔好買國產, 煲湯仲快), 但滾湯就即晚做都可以.





    3. 菜 / 菇/ 魚類, 可先買放入雪櫃, 或即日買,


    要煮都好快.





    就係咁, 我個舊同事, 同佢老公晚餐就有齊湯, 菜, 魚/肉.



  • 用高速煲啦!一個煲下層可煲湯(30min),第二層蒸�R,蒸飯(5min),蚊�R最正(5-8min)淋到不得了!半個鍾有湯有�R,一個煲攪掂!!!!我都用緊,得閒去吉之島或sogo有試範睇,好正嫁.



  • 我返九點,8點20分出門返工


    通常會係七時鬆的出去買餸,返到屋企醃肉及煲湯(真空煲)當然一次過買兩日,咁隔日有湯飲,雖然好似好麻煩,但早起身買餸一來新鮮二來放工唔駛做咁多野



  • 小琳


    咁都幾辛苦下喎!





    真係估唔倒香港原來有咁多好老婆呢 : )




  • 《我最快30mins煮四人餐


    3送一湯》???





    湯:洗、砌、水滾、放入料再出味......???





    送菜:洗、浸菜、砌菜和肉、醃味、炒或蒸....???


    仲要係四菜 ????





    飯:洗米、電飯煲煲飯20 min --- OK !!!




  • 我通常都唔駛煮, 不過間中都有需要


    我會買定d野, 炆既, 炆定聽日reheat


    飯煲可以買個有時間掣既


    咁放工淨係買d菜&魚(同埋炆俾聽日果d, 都係要做不過唔駛趕喉趕命......)




  • 《我最快30mins煮四人餐


    3送一湯》???





    湯:洗、砌、水滾、放入料再出味......???





    送菜:洗、浸菜、砌菜和肉、醃味、炒或蒸....???


    仲要係四菜 ????





    飯:洗米、電飯煲煲飯20 min --- OK !!!








    by no way





    點會唔得? 佢可能滾罐頭湯, 買d已經醃好的食物, 一返去就可以落wok炒啦.



  • 我記得果日係煮


    青咖哩什菜


    香草牛油龍利柳


    xo醬肥牛炒蜜豆


    白菜肉片湯





    所用既工具


    焗爐


    雙頭電磁爐


    電飯煲







  • no way or possible 都唔緊要


    信則有, 不信則無


    烹飪除左講心機之外, 仲要講程序


    專業同業餘既分別在於, 我地日日煮, 雖然唔知咩叫快, 不過我地做每一件事都有程序, 係30分鐘入面, 以上器材都在運作中, 而唔夠快既原因係程序上既不足, 未能善用煮食設備所致, 當然熟手會快好多, 生手就煮幾個鐘都唔得......如果要我同一個初入廚既人鬥快, 無疑係蝦佢, 不過我都只係想分享我既心得, 經驗俾佢, 而唔係自跨我有幾快, 快係無用既, 因為煮得快係無獎, 要快就出街食最好...




  • 青咖哩什菜


    香草牛油龍利柳


    xo醬肥牛炒蜜豆


    白菜肉片湯





    開火熱pan, 滾一煲水, preheat 焗爐, 洗米煮飯---2nd mins


    浸洗菜, 切豬肉, low肥牛, 改and 加味上粉sole 魚, pan熱煎魚至有色入焗爐-7th mins


    蜜豆拖水, 新pan爆薑油, 改什菜 13th mins


    新pan爆青咖哩, 放湯料落滾水 (白菜/肉片/已爆薑油等-16th mins


    放什菜落咖哩汁, 湯由得佢滾, 飯煲緊至22th or 23th mins


    薑油pan爆pan炒肥牛, 加蜜豆炒, -28thmins


    呢個時侯, 飯差不多, 湯差不多, 咖哩也差不多, 牛肉已經整好左, 都只係28th mins, 魚在焗爐己熟, 可以用香草牛油汁回一回就可以了,餘下2分鐘, 可以調味, 上碟, 收拾地方,





    要煮得快, 最先係動作快, 跟住係程序既安排, 唔好俾爐具休息, 唔好浪費熱力/熱水等等, 例如湯我就用左烚豆/什菜既水, 我亦用爆薑油隻pan炒牛肉, 係唔洗pan既, 所以炒牛肉會有少少薑味, 當係調味...





    3送一湯絕對唔難, 只要你肯問, 肯做, 多煮, 多思考, 無野難到你







  • 好勁 !!!! 30mins煮四人餐 ,慢功出細貨這句要改寫了....





    不過在廚房打了一場仗,善後又花了幾多個30mins ???





    我頗喜歡煮野,但喜歡慢慢來,每晚7:30開飯,但我2:00pm就開始煲湯...樣樣都慢慢來,每個工序都抖一抖,快好驚砌到手和打爛野....





    常常都見小賣店和delilife兩位,原來是專業高手,下次有難題會請教兩位!



  • 要煮得快, 最先係動作快, 跟住係程序既安排, 唔好俾爐具休息, 唔好浪費熱力/熱水等等, 例如湯我就用左烚豆/什菜既水, 我亦用爆薑油隻pan炒牛肉, 係唔洗pan既, 所以炒牛肉會有少少薑味, 當係調味...








    >> 坦白講, 呢d係common sense, 煮多幾餐就會掌握到. 有少少sense的都唔會在時間緊迫之下乜都唔做, 企響度等水滾。





    "如湯我就用左/什菜既水" --> 呢個唔係咁好..因為烚豆的水會有農藥, 應該倒掉. 所以我反而將烚完菜的水來蒸送。



  • 如果真係要我30min之內要煮好一餐飯, 都唔難, 不過好趕, 真係趕到氣咳果種, 我覺得煮野食都係一種享受, 煮得好食, 食既人開心, 即使我做幾耐都無問題.





    如果餐餐要我煮得咁趕, 我真係乜興趣都無哂. 亦唔會enjoy. 只係覺得係一種壓力. 煮出黎既野一定唔好食.



  • 我不是大師傅,但都講求色香味,由刀工開始,我都好比心機,如果做出水準來,會好開心,有時無意配搭出的送菜有多幾種顏色的話,我會稱之為道具送(可以像拍劇的)。



  • 放工後買餸,洗餸, 煮飯 = 打仗





    洗菜記得要洗得乾淨啲.



  • 之前在另一topic我講過浸菜問題...好似很多人不認同...


    放工後買餸....洗菜...相信浸菜時間較短


    現在因農藥問題,真的要浸耐少少,什麼維他命流失都不及過多的農藥....



  • 這個問題上, 沒有對與錯的, 只有選擇


    小食店=delilife


    很高興有人回應, 不過如果針對我每一字眼的, 那我到此為止了, 我來是分享我的經驗, 不是辯論的........





    至於慢工出細貨, 這是肯定的, 不過功多藝熟麻, 多做一點就會快, 有d手尾就唔使執得咁辛苦,...記得我初入行時, 手尾唔好, 成日要執野執好耐, 後黎手尾好了, 在工作位旁加個桶放垃圾, 加塊布抹工作台, 到後來, 做完工夫後只要一抹和收拾刀和鉆板就可以了, 快很多的





    浸菜的問題, 各有各理據, 也沒有真的對與錯, 不用執著了,



  • +ggg


    practise make perfect, education cant make you be a good chef, but thousands of practise make you a good chef,


    以廚師為職業, 是不能享受的, 老板俾錢請我返去幫佢賺錢, 不是享受的, 所以你的用心我未能理解, 我在家裹煮飯也很快的, 如果速度和美味兼備就最perfect啦, 兩者其實可以並全的, 看看日本那個"鐵人廚師"的節目你就會明白了.....有機會的話, 多點分享你的心得呵, 我也很有興趣呢...







  • delilife


    上次教的梅子排骨好唔掂!我就不再信他/她!





    如下:





    你個比例真係好甜, 4更糖對2更生抽, 又無鹽, 又無味


    20蚊排骨應該大約有1斤, 不過你既調味品竟然有7更野, 又真係好多....





    將你味既份量減半,


    冰糖 / 酒的份量減至小許,


    酸梅加到6粒,


    加點急汁, 麻油 ,


    豆粉/油份量不變,


    加點鹽,


    相信味道會改善很多的


    椒用普通紅椒可以了...





    by delilife - 09/18/06 23:52







  • 再接再厲~~~





    梅子 x 4粒 (我都知多左dd...但我有苦衷的...hehe)


    一字排 x $20


    紫天椒 (我問阿姐, 蒸排骨用咩椒, 佢話用呢隻, 但點知好x)





    調味 :





    生抽 >>>>> 2更


    糖 >>>>>>> 1 更


    酒 >>>>>>>>1 1/2更


    豆粉 >>>>>>1 更


    生油 >>>>>>>>1 更


    碎冰糖 >>>>>>>> 2-3 更


    茄汁>>>>>>>>>> 1 1/2 更





    男友食評 :





    味道濃左d, 甜左d, 都幾好味, 但佢食開果d 係淡味d同酸d, 冇咁甜 woo....個比例係 7酸, 3甜 ~~~(同埋下次唔使加"紫天椒") haha





    by ms hk - 09/18/06 16:58





    我因應對方口味而調較比例, 好明顯對方係想要酸味既...你照佢條方去做, 除非你要酸, 否則唔岩你, 至於你話我唔掂, 唔信我, 我亦無計.....人地要煮得快, 我講快既方法都可以比人批評, 我又有咩好講呢 ???


    我諗我做得一個專業既廚師係接受到別人既批評, 不過請批評得合理點, 清楚點, "唔掂"兩個字只有對我唔公平, 亦難說服其他人








    http://community.she.com/messageboard/ index.cfm?bdid=10&topic_id=1747473





    俾埋條link你 for reference, 我到此為止了...



  • 嘩~ 我諗你o地都好熟手! 我雖然一星期都煮1、 2日, 但始終煮得慢! :( 奶奶話我將d菜洗太耐洗到爛曬~





    我放工返到屋企差唔多8點、 洗菜、 洗送、 醃肉... ... 多數整兩個送, 都搞成個鐘~ >_<



  • 其實我諗唔好話唔同人呀、 唔同家庭長大飲食口味都有唔同啦! 如果人o地提供意見唔o岩自己胃口唔緊要、 人o地都係鍾意先同人分享o者~





    我好佩服大家、 如果要煮多過4人份量、 煮好曬、 往往第一味送已經凍o左! >_<



  • 真不明白為何在同一個topic要用2個名?





    delilife / 小賣店





    無聊



  • (((如果要煮多過4人份量、 煮好曬、 往往第一味送已經凍o左! )))





    分享心得...每晚,我在weekday 會煮三菜一湯





    一蒸一灼一炒或一蒸兩炒





    如果是前者三樣都熱絕對無問題





    但兩炒我是會半樣...半樣的煮


    例....蝦仁炒蛋 + 肉碎豆腐


    打蛋留用


    煮熟豆腐留用


    炒蝦仁留用


    炒肉碎放入熟豆腐即成


    炒旦加熟蝦仁即成





    一定樣樣熱











    我試過七菜一湯招呼朋友(自在表現自己,如果唔係出街食好過)一樣是樣樣熱,因為我安排四炆、兩蒸、一炒、一煲





    花旗參煲烏雞湯


    紅燒鎮江排骨


    南乳炆粗齋


    蒸鹹雞(此送故意放涼才斬雞、雞凍都好食)


    鹵水鴨舌


    髮菜炆冬菇


    蒜茸白菜仔


    清蒸魚(海底雞....是US才有的游水魚)





    一時興起,請勿見怪
















  • 我一家三口(小朋友得2歲),又係要放工湊仔煮飯果隻,一般都可以30分鐘開飯(2/3餸+小朋友飯).以下小小心得可以大家切磋下:





    1) 盡量避免兩款餸同一作法(焗/炒/炆/蒸...);萬一要炒兩次的話就先炒菜,後炒肉,貪洗少一次鑊


    2) 第一件事洗米煮飯,我試過幾次煮好曬先知冇煮飯


    3) 最忙果晚就食意粉+沙律 or 湯粉+灼菜


    4) 切開羗茸,蒜茸時切多d留返第日用


    5) 善用醬料 (有時真係方便好多)




  • 我一家三口(小朋友得2歲),又係要放工湊仔煮飯果隻,一般都可以30分鐘開飯(2/3餸+小朋友飯).以下小小心得可以大家切磋下:





    1) 盡量避免兩款餸同一作法(焗/炒/炆/蒸...);萬一要炒兩次的話就先炒菜,後炒肉,貪洗少一次鑊


    2) 第一件事洗米煮飯,我試過幾次煮好曬先知冇煮飯


    3) 最忙果晚就食意粉+沙律 or 湯粉+灼菜


    4) 切開羗茸,蒜茸時切多d留返第日用


    5) 善用醬料 (有時真係方便好多)




  • +ggg、 Ling:





    你o地o既意見好正~ 我會返去試o下





    尋晚應承老公食完飯陪佢睇碟, 所以揀o左煮肉醬意粉~ 雖然都煮o左35分鐘、 不過已經快好多! :p



  • thanks~



  • 好開心!尋晚20分鐘開飯.分享一下流程(時間只係大概,如有出入請各行家放我一馬):





    蒜蓉豆豉蒸三文魚


    (材料:三文魚腩,蒜茸豆豉醬+糖+辣椒粒)


    麻婆豆腐


    (材料:豬肉碎,豆腐,李x記麻婆豆腐醬)


    油菜





    0-5分鐘:


    1)洗米煮飯;


    2)煲一煲水;


    3)放水浸菜





    5-10分鐘:


    1)豬肉碎調味;


    2)豆腐切粒;


    3)蒜茸豆豉醬+糖+一只辣椒剪粒撈勻,鋪在三文魚上





    10-15分鐘:


    1)水滾灼菜;


    2)灼菜其間起鑊炒豬肉碎,肉熟先熄火不用起鑊;


    3)此時菜熟撈起上碟





    15-20分鐘:


    1)將之前準備好的三文魚放入微波爐叮3-4分鐘(記得要封保鮮紙);


    2)用灼菜水將豆腐粒出水;


    3)將豆腐回鑊(豬肉碎仍在鑊中)+麻婆豆腐醬,兜勻上碟;


    4)此時三文魚剛好叮熟





    20分鐘達標!!!強烈推薦蒜茸豆豉醬蒸三文魚,真的很快,味道也不錯,最最最重要係唔駛洗鑊!!!





    大家可以提供一些快靚正菜單分享一下嗎?



  • 四字形容 --- 歎為觀止





    靠想像--- 快、靚、正





    還要加上 --- 敏捷的身手





    佩服...佩服



  • 小田,





    我屋企都係兩個人,





    趕�鶖玊皕



  • 不過宜家�灟鼓咻角擐章A葯, 防腐劑之類,


    要花額外時間浸, 洗, 出水.


    好似菜咁, 要用鹽水浸起碼15分鐘,


    �曭K竹又要浸,


    灼完菜的水我吾敢煮其他野,


    又要再煲過.


    都花吾少時間.



  • hi everybody





    豆腐粉絲榨菜肉碎湯





    豆豉O魚炒油麥菜





    北菇鷄





    *浸粉絲, 北菇備用, 豆腐切大粒.榨菜先洗切小粒





    洗菜, 洗鷄件





    煲水下榨菜出味.下豆腐, 滾下加肉碎, 粉絲,再滾入 thermos





    *wash米 放蒸格, 放好鷄, 菇, 下豉油, white pepper mix then . cook rice





    油麥菜+ 加豆豉o魚炒





    30/mins ok !







  • 大家可以提供一些快靚正菜單分享一下嗎?


    by Ling





    30/mins ok !


    by reis





    令我想起 food channel - Rachel ray -30 minute meals





    唔怕變肥騰騰...Ling 可以參考



  • 昨晚煮左兩樣好簡單�鼣�:





    >灼豆苗,番茄,翠玉瓜拌橄欖油和魚露





    >梅菜雲耳蒸豬肉蒸飯(放入電飯煲連飯一齊煲熟)





    簡單, 好味.
















  • 昨晚煮





    娃娃菜鮮冬菇素鴨煮燒肉





    即係將幾樣野炒埋一大碟,


    有菜有肉有素,


    最緊要炒得香, 個汁好味,


    老公食到舔舔�c!


Log in to reply