士多啤梨痣

我個女條頸有士多啤梨痣, 睇過皮膚科醫生話呢種痣冇藥膏可以搽, 冇野可以做.

d 痣會慢慢大, 仲會突起, 到阿女大個 (大概 7, 8 歲左右)就會冇.

請問有冇人聽過或者識人有呢種痣?? 係咪大個左真係會冇架?

請問有冇人有呢方面既認識??

我女女出世兩個禮拜後都有﹐一毫子大。醫生又係好似你噤講﹐但他話亦有D大大下會淡﹐跟住無左﹐有D要十幾年﹐有D 3-5年就無。

女女兩歲喇﹐而家淡左好多。

唔好咁擔心啦

我出世時大脾上面有一個大人拳頭咁大o既士多啤梨痣, 我阿媽話個痣o係我兩、三歲時已經散曬~

而家幾十歲人喇，o個個位置只係多左少少微絲血管咁o者, touchwood咁耐以黎都冇事發生.... 所以唔好咁驚喇

我個細女都有丫, 仲要生正係腦"旬"位, 不過睇到醫生佢都係話冇野可以做, 係胎痣一種, 由佢慢慢散

我朋友個囡都有, 生係眼皮度, 如果向內生有機會影響視力, 不過好好彩丫, 小朋友而家兩歲, 粒痣消失得7788啦

所以你囡囡生係頸度對身體冇影響ga, 唔駛擔心wow, 如果到大左都仲有而你又覺得唔靚ga, 可以用laser打散佢

多謝哂你地咁多位

我而家都放心 d

初初聽到真係好驚架, 又覺得自己對阿囡唔住, 怪自己係咪駝佢既時候做錯野或食錯野, 搞到阿囡咁, 老公都叫我唔好咁擔心, 唔好諗埋一面.

希望真係好似你地所講, 大大下就會冇啦.

我最唔開心反而係我個99, 佢猛咁問 bb 點解會咁, 又話我地點解唔俾藥膏個囡搽, 我地解釋俾佢聽醫生都話搽藥膏冇用, 佢好似聽唔到咁, 我地話醫生講過阿囡唔會痛唔會痕, 基本上除左外觀方面, 對阿囡係冇影響架, 但係佢又話, bb 咁細個, 痛都唔識講俾你地聽啦, 真係俾佢吹脹, 我心諗bb 痛就自然會喊啦.

仲成日話係咪遺傳呀, 又話佢果邊 d 人都冇試過咁, 頂你, 咁即係話係我遺傳��, 老鬼土, 唔係俾面我老公, 我真係同佢開拖 xyz@#佢.

pmhappy,

你奶奶好搞嘢，俾我我會直接問佢：「你而家唔係話我吓嘛？」，等佢尷尬吓！再唔係呃鬼佢，話醫生話，呢啲係遺傳，但一般都係男家隔代遺傳囉。

講返正題，今期孕媽媽有講士多啤利瘤，係啲皮下血管瘤嚟架，大大吓會無。你都買本睇吓啦！

唔該哂你

等我買黎睇下