我發覺自己有抑鬱症





  • 生活好冇意義



  • 你肯定?


    你可以搵家庭醫學醫生


    佢地可以幫倒你


    或者聯絡佢地





    http://www.hmdc.med.cuhk.edu.hk/main.html













  • 成日匿埋唔知為咩喊, 我係咪要睇醫生



  • p... me2



  • p


    要好靠你自己既意志,其他人好離幫到D乜,如果你想生存落去既,就要自己堅強D





    sufferer


    呢個係富貴病黎,就算真係有醫生幫到,但真係太貴,又唔係三兩日就可以好返



  • 好多人成日話做人樂觀d, 開懷d, 睇野唔好咁灰....


    但事實係好難...


    唔係想沉迷落去, 而係真係唔知點樣可以幫到自己



  • p


    你講既野,我都經歷過,但除左睇心理醫生,就只有靠自己意志


    之前我都有諗過睇醫生,唔想再係咁痛苦落去,但實在太貴,好似上面條link咁,D乜乜機構都係高消費,所以我都放棄左


    之後唯有靠自己,改下自己既思想,知道自己咁既情況,都知道咁諗只會令情況更差,其實都唔係話會好開朗好開心,但起碼自己無咁辛苦



  • p


    你講既野,我都經歷過,但除左睇心理醫生,就只有靠自己意志


    之前我都有諗過睇醫生,唔想再係咁痛苦落去,但實在太貴,好似上面條link咁,D乜乜機構都係高消費,所以我都放棄左


    之後唯有靠自己,改下自己既思想,知道自己咁既情況,都知道咁諗只會令情況更差,其實都唔係話會好開朗好開心,但起碼自己無咁辛苦





    by 同路人 - 01/04/07 11:09








    呢d病唔係三言兩語叫佢睇開d就得


    如果真係可以就唔會咁多人自殺


    你唔識唔好亂講





    普遍既家庭醫學醫生都識醫


    我而家睇緊


    一個月藥只係四百幾蚊





    貴既原因係因為有d人要做埋認知治療


    你去邊度見心理學家價錢都係一樣


    唔係咩高消費機構


    除非掛政府





    佢日日都唔知做乜係屋企喊


    情況一定唔係輕


    唔該你唔好再亂講野


    有抑鬱症係可以好危險




  • 情緒病





    可以只係食藥


    可以食藥 + 認知治療


    視乎病人情況





    有抑鬱症其中既原因係血清素不足


    當然病人本身要學習樂觀好重要


    但係就係因為佢地有病


    佢地想開心都開心唔倒


    就係因為出左問題





    我覺得版主真係見下醫生先


    起碼做左初步評估先


    唔好自己係度諗



  • sufferer


    我自己都有呢個問題,我都係同版主一樣,我有點樣亂講野?我講既都係我自己既經歷。版主講過既野我全部試過,亦都超過十年,你搵到你既方法係你既福氣,但我亦有我既方法去叫自己繼續生存。


    唔該你講野客氣D




  • 我都試過, 老實講呢個病無人幫到


    有睇醫生不過佢只係同你傾計


    我根本就唔想同陌生人講野, 所以敷衍說說自己病情就算, 好多野都唔想提!


    佢開藥比我食, 但一唔食又返發亂唸野, 喊, 覺得好煩, 什至有想過死


    接受治療兩年半了...都仲係咁


    而家開始有脫髮問題, 令我仲更加煩



  • 睇醫生唔係唔好,但實際上好多人睇左長時間都唔好,個感覺仲難受



  • 我已經食乜痾乜, 雖然唔知關唔關事...


    唉...我都怕一開始食藥會依賴咗, 好難戒


    同埋真係唔願意同陌生人講咁多野, 可唔可以就咁開藥俾我就算



  • 我已經食乜痾乜, 雖然唔知關唔關事...


    唉...我都怕一開始食藥會依賴咗, 好難戒


    同埋真係唔願意同陌生人講咁多野, 可唔可以就咁開藥俾我就算





    by p - 01/04/07 11:46





    有好多病都要病人一世食藥


    唔食就會返發, 咁冇計就係要成世食藥


    如果食左好d點解唔食?


    成世就咁俾個病折磨?


    我唔想自己好似張國榮咁囉





    點都好啦


    你地保重


    條命始終係你既


    我只係路過




  • p





    既然你覺得有問題存在, 而你又在這裡提到, 我想你必然是想去解決這個問題, 做番一個開開心心的人。可是你或者曾經嘗試去解決, 但又卻做不到, 而令你更加不開心。但不要緊, 其實你已踏出了第一步 - 在這裡分享了你的感覺。有時自己解決不了的事, 可以找別人幫忙。





    我同意sufferer的講法, 你可嘗試看看醫生, 看看是否真的是情緒病。又或者去見一見社工, 如果覺得你有情緒病, 他會轉介你去臨床心理學家。





    或者你有好多顧慮, 但我覺得不宜想得太多。在你前面要作的決定只得一個 - 是否去尋求專業的幫助。如是, 便去做吧!



  • 我都曾經有抑鬱症, 不過已經好得七七八八,


    呢個病唔係只係食藥就可以好返, 都要靠病人自己努力先得.





    我因為呢個病失去咗好多朋友, 工作亦都無埋, 亦因為呢個病令我身體出現其他毛病, 就連自己都覺得自己好可怕, 甚至接受唔到自己.





    有呢個病嘅時候, 成日都會好唔開心, 心情極度低落, 成日無事都會喊, 情況真係好似劉華首歌-多愁善感 裡嘅歌詞一樣, 又因為咁樣, 所以成日自己更加收埋自己, 朋友唔想去見,工又唔願返......仲要最大嘅問題係...自己唔自覺自己出現咗問題...





    到後來有朋友叫我去睇醫生, 我先知道原來自己出現咗咁大問題, 為咗自救, 除出食藥, 我開始要自己慢慢去適應, 去接受一啲原先係好正常嘅社交活動, 當然初初都係好唔想去接近任何人, 不過每日要求自己多一啲, 慢慢就可以開放返自己, 開始同其他人溝通, 自己亦少咗好多亂諗嘢, 病情就梗係大大好轉啦.





    所以想病好, 自己都要付出多一啲嘅努力先得, 唔好只倚賴藥物, 藥物係可以幫到你, 不過只係輔助, 亦唔好太心急要病好, 一步步, 慢慢嚟, 我相信我可以病好, 其他人都一定可以!



  • p





    我之前嚴重到粒蝦餃唔好食我都喊。


    但係我而家好番





    首先,你要做一D自己鍾意,又會令你覺得快樂�翵ヾAe.g. 睇書,打機





    另外,做運動,因為會令腦部分泌,令你開心



  • p,


    advise: 盡快去搵醫生,會幫到你.


Log in to reply