我的家庭





  • 從小時候,我的家庭已經吵吵鬧鬧,daddy好賭,經常番屋企問媽咪拎錢,有時仲要我同我哥哥的利是錢,童年一直都好唔開心。哥哥中五畢業,好快就結婚,因為佢根本唔想留o係呢個屋企。而我,讀書不過不失,入到大學。不過,屋企冇錢比我讀,諗住借grant loan,但因為入息太高(?),每年只批一千多元。天啊,政府只看家庭收入,卻不視我的實際情況,我只好借non mean,借足四年,現在欠政府十六萬(因我讀的課程要讀四年)。家中的情況還是一樣,父母日日為錢吵架,媽媽日日都o係屋企發脾氣,我都知佢好辛苦,但係日嘈夜嘈,令我從工作回來累上加累。好想搬走,又唔夠錢....廿多年來,爸爸媽媽,我真的好累呀!



  • sorry for you, i hope 2007 will be a better year for you.



  • 有無野可以幫到你?



  • 有無搵過社工幫手 ?



  • 請問你而家畢業未呀?搵到野做就可以搬啦,或者同你媽媽搬走,離開你個爛賭爸爸。non means利息好金,仲要由借果日開始計息,我而家都還緊,還來還去仲係還緊利息咋



  • 搵到野做啦,算做好彩。而家每三個月還7千幾,都幾辛苦,不過叫好過以前讀書。讀大學o個四年,真係好辛苦,成日都要做part-time,我成日都講笑,我份part-time咪就係讀書!

    其實我真係好想搬走,但係搵都唔多,又要還錢。搬左出黎,又屋租,又水電媒.....唔想搵幾多就洗哂去,況且而家又plan緊同男友結婚,更加唔想亂洗錢。呢排見重售居屋,好想同男友一齊抽,不過入息過左limit。



  • 其實我有時都覺得讀大學真係唔容易!



    我而家自己都欠政府幾萬蚊,不過而家未grad,仲可以拖住先!第日諗起要還就好慘!!



    其實,用平常心面對啦!人人際遇唔同,起碼你已經比好多人幸福!我爸爸病左成年反唔到工,屋企得一個人搵$$,我仲讀緊書,我咪仲幸福



    但點都要捱落去架啦,生活就係苦既我覺得!起碼你有份工,有收入唔使靠屋企,又有男友錫,已經比好多人好!



  • typo: 我咪仲辛苦

    唔係幸福 =.='



  • 18歲前冇得揀, 要依賴家庭, 家庭唔和睦, 會令人好upset, 我好明白



    但人大了可自己開創另一片天地, 唔好咁愁, 你仲有彎轉既, 努力吧!



  • 你而家大個左,出左來做野你既世界先剛剛開始,鬼叫我地唔係天生好命既人咩,唯有靠自己改變,我以前細時屋企人又係成日嘈,又無錢,而家唸起都覺得自己既童年同少年時期好憂愁,果陣成日呢係張被入面喊,而家出左來做野,搵到錢比家用,屋企人就無再為錢嘈,而且父母年紀大左都收左火,反而互相照顧,感情好左,總算過番d正常既家庭生活。



  • 當然,唔捱都捱到今時今日,都要繼續啦!

    冇人可以幫到自己,咪唯有自己幫自己。



    re: small fish

    係呀,讀大學真係好辛苦,esp對我地呢d人士,屋企又供唔起,政府都乜都話唔合資格。所以,更加要努力。我相信,知識改變命運



  • upset,

    其實大學學費呢d野真係好麻煩

    因為唔係個個父母都會幫仔女出

    就算佢地係有$$人,都未必

    因為佢地覺得讀大學係個人意願,又無人用枝槍指著你去讀,所以學費要自己出一d都唔出奇

    真係幾辛苦

    因為d人眼中,大學生就好似要係萬能咁,仲要一定要有part time job,無就會比人睇唔起咁,覺得你無用

    呢d通通都係外間比我地既壓力,有時我都覺得好辛苦!



  • upset



    我都知你唔開心, 但如果他日你搬左出去住, 屋企得番你媽咪, 你試諗下你媽咪, 佢會唔會開心呢? 佢咁辛苦揍大你, 雖然無話咩野供書教學, 但, 佢無功都有勞, 希望你新的一年開開心心啦, 我都知家家有本難唸的經, 不過我會祝福你, 比心機做工啦!



    我自己, 依家結左婚生埋bb, 真係覺得媽咪好偉大o


Log in to reply