好傷心﹗每晚放工已經9秒9飛返屋企﹐陪BB玩﹐餵佢食奶。但係點解佢都仲係唔多so我﹐祗係鐘意工人﹖﹖﹖
-
-
無辦法架wor .. 除非你唔返工自己揍返 ...
bb一般都係跟揍佢o個個 ....
奶奶揍跟奶奶 .... 阿婆揍跟阿婆 ...
-
你bb幾大呀?
-
bb好勁架...佢地最終都會知道邊個係mama...俾d耐性啦!
-
唔好咁啦! 阿b咁細, 點識分咁多野, 大d會好d架啦!
同埋, 佢鍾意個工人多d, 都無可厚非, 工人一日陪足佢廿四小時, 熟都熟d, 係咁架啦!佢大d會明白架啦!
凡事都有兩面, 你唔好單從唔好個面睇, 阿b鍾意工人, 即係個工人對佢幾好, 你應該放心
-
我阿B十個月大啦﹐越大越識認人﹐我同工人企係佢面前﹐佢一定要工人唔要我。佢甘細唔識野我唔怪佢﹐我祗係覺得係自己問題﹐我一定做得唔好或者用錯方法﹐如果唔係無理由我對佢時間比我老公多﹐但點解佢會好鐘意我老公﹐但對我冷冷淡淡....
-
你個ｂｂ幾大ａｒ？ 如果仲係幾細ｇｅ話佢會比較親 餵佢食野ｏ個個ｇａ
遲ｄ佢就識”痴”返你個ｌａ
-
我朋友個b都係咁架, 你同工人都係女人, 咁你老公係男人, 對阿b來講係新鮮d, 唔好成日鑽牛角尖, 你個工人最多都係2至4年就要換, 阿b到時好快唔記得佢架啦!
我個同事個b都好似你咁, 好親個工人, 個工人走既時候, 佢個b仲死拖死拉, 點知唔夠兩個星期, 佢已經唔記得工人個名啦!
-
我同事就啱啱相反，有兩次個b(三個月大既人仔)表現出有d驚工人，我同事就即刻炒咗個工人lu，怕唔知係咪個工人對阿b做過d乜，所以阿b跟個工人都唔係一定係壞事。
-
係law, 姐係證明你個工人對bb好好law
-
我bb由三個月起就由我媽咪湊...日日夜夜都係..依家兩歲啦...開頭佢都係好痴我亞媽唔痴我架..後來大大下佢就好痴我..可能係同佢玩得多左同埋陪佢多左囉..所以遲d你bb都會痴你架啦到時你想佢唔知你都難..放心啦!
.