Fissler 高速煲 (Pressure Cooker) 我想買高速煲, 唔知Fissler 高速煲 好用嗎? 請比意見, 唔該先!





  • Very Good,


    Safe design & Good quality





    Sogo always has special offer, I bought one set foraround 2500










  • Hi Johnjohn,





    I have a pressure cooker 6 litre Pot of Khun Rikon that is very good quality. Khun Rikon is very popular in US and Switzerland.





    I want to buy a small one as 6 litre is too big for a small family. I knew Fissler increased the price in mid December.





    Do you use pressure cooker oftern? Or you only use it to make soup that can save your time?



  • you can take a look lagostina







  • 我都係用Khun Rikon 6 litre,勁好用,不過我岩岩相反嫌唔夠大,因為好多時放左d湯料再加埋水已經差不多滿曬(ie.2條紅蘿蔔+1條青蘿蔔+20蚊豬肉).





    版主你沒有此煩惱嗎?



  • Fissler是有柄那隻嗎?你不覺得可能易藏垢嗎?當初我買K.R.是因它簡潔易清洗.




  • Fissler是有柄那隻嗎?你不覺得可能易藏垢嗎?當初我買K.R.是因它簡潔易清洗.





    by sister - 01/03/07 00:30








    不會啊。其實省地方當然兩個短柄就好,Fissler 其實都有依種設計,i.e. magic comfort basic但超貴。





    K.R.可以減少幾多煮食時間?我發覺Fissler


    blue pt 可以大概減70%,滾得都算快。我以前個Lagxxxtxxx,都係差不多大,但等佢滾到,都要D時間,由氣笛出聲計大概只可省掉50%既煮食時間,但加埋果十令廿分鐘既積壓時間,一比之下慢好鬼多。





    仲有 Lagxxxtxxx,唔知點解佢晌外國只售舊設計個款,即煮野時會噴氣有聲好似大有枝氣笛咁),煮豆時又驚個塞左個通氣口,除非個煲超大。反而 Fissler 沒有依D缺點﹐而且真係快好鬼多添。就算熄左火,唔放氣佢都仲好似煮緊野咁。



  • PS. Fissler 包埋蓋既Pressure Cooker ,只有 8L或10 L直徑才有 26cm大(有個4,5 L 都有26 cm,但單獨買好難會比埋個蓋比你),其他model 直徑只有 22 cm ,蒸盤大就放唔落。



  • Fissler 還有其他容量,eg. 2,5L, 4,5L, 6L. (18cm or 22cm).





    香港通常一set 兩個煲 +一個蓋 +一套 skillet set 咁賣。



  • Sister,





    你家是否好多成員? 我沒有此煩惱, Khun Rikon 6 litre for 我家兩口只用來煲湯非常足夠, 個煲 d 鋼水好好, 好細火, 都滾得起. 其實我好少當 高速煲 (Pressure Cooker) 咁用, 我佩另一個玻璃蓋, 多數用來煲湯, 因我有時間睇火, 又唔鍾意等佢先動排氣. 想炆野就當佢高速煲 (Pressure Cooker) 咁用, 不過我就嫌佢太大, 所以唸緊買個 4.5 litre 用來炆野如炆豬手, 如炆少量食物, 我唸2.5 litre都 OK.





    我唸有柄未必難清洗, 不過不易收藏, 因未用過 Fissler, 正考慮緊, 佢個蓋好似幾易上鎖.


    至於 Lagxxxtxxx , 我不會考慮, 我覺得不太美觀太多廣告費.





    我唔識中文 input, 好辛苦, 我打這篇中文 post, 打左成個鐘.







  • M&M


    請問你配個玻璃蓋多少錢, 我上次在西田promotion時買了個Kuhn Rikon8公升, 她們說無玻璃蓋配, 我在日本城配了個普通蓋, 但聽說好易爆, 所以想問你個蓋係咪原裝? 我個24cm唔知有冇得配?





    個煲真係好好用, 又快. 在其他網頁見到對Lagxxxtxxx 評語有好有壞, 不過多數話佢貴在廣告, 而Fissler就要小心膠手柄, 太大火會少少溶, 而且佢好似只得單柄款式, 比較難收藏. 我買Kuhn Rikon都係貪佢有兩個小手柄, Kuhn Rikon係瑞士廚具名牌. 做壓力煲都做左好多年. 不過每個牌子都有佢好處同壞處, 自己搵多d資料先決定那個牌子�琝A, 畢竟成千幾二千蚊既野. 要睇自己喜歡. 以前未用過高速煲都唔覺咁好用.



  • gloria,





    My Kuhn Rikom 6 litre is also 24CM. I bought a Tefal 玻璃蓋 about HK$100 and it is good.





    I did research before I bought Kuhn Rikon 6 litre . I know Kuhn Rikon also has pressure cooker in small sizes. I am still thinking if I am going to buy Kuhn Rikon or try Fissler.





    你用 Kuhn Rikon 8公升 煲湯多 還是炆 野



  • 煲湯同炆牛腩我都試過, 煲咋喳我一點火煲半個鐘連紅腰豆都開哂.





    我試過Christmas party 成十幾人黎我到, 我煲牛尾羅未湯, 個個都話正. 都係半個鐘, d牛尾淋到d肉可以甩出黎. d湯好有菜味, 如果要明火煲, 起碼四、五個鐘先會咁淋. 所以我話呢個煲好好用.





    上星期聖誕假我日日都煲湯, 竹蔗水等等. 我試過煲椰子煲雞, 連雞骨都甩哂, d湯好好味. 我以前用真空煲, 而家個真空煲可以可打入冷宮. ^^



  • 我�鄏镼迠R個8公升時, 8 公升同6公升係一樣價. 個 sales 姐姐話咁抵, 梗係買8 公升, 因為大煲可以當細煲用, 但細煲就唔可以當大煲用. 我咁貪心^^. 梗係買大煲,





    原來大煲煲少水份都做到相同效果, 我每日都煲黨參紅棗茶, 每次大約4杯, 都係水滾後15 min. d黨參就發大哂. 所以如果買又家中有地方, 不防買個大少少, 因為有時湯料可以放多d. 而有多人黎又可以煲多d湯/糖水 etc



  • M&M





    其實你想用細D,根本就唔駛買。個煲真係買大好過細,妨且你係夠用有突個隻。





    其實個煲係可以一次過一煲三味一齊煮。eg. 下層煲湯/炆? + 中層蒸飯 + 上層蒸碟?,好好玩。





    你可以參考下面D blog:





    http://blog.webs-tv.net/kaebakery1/article/


    2896844





    http://www.wretch.cc/blog/


    ryouri&category_id=4250919





    http://www.wretch.cc/blog/


    muimui&category_id=2592050



  • gloria,





    我都有真空煲, 但很耐沒有了, 你用 pressure cooker 經驗多過我好多. 我現在唸緊 Kuhn Rikon 3.5 Litres, 有同一牌子可以掌握用法好 d.





    有無 用 pressure cooker 整 雞?





    同常你會等佢自動排氣還是在水喉下排氣?



  • M&M,


    我都係兩個人之嘛,以上例子咁算唔算多料呀?


    我同意gloria所講大好過細,當年我係sogo買要$9xx 一個 6L,加$2xx送3個蒸格同一支去污膏.




  • sister


    6L $9xx ? 咁你真係買得好平. 你幾年前買 ?我個 8L promotion 都要成 $1388 不過送兩個不鏽鋼蒸架.





    M&M


    我唔係用左好耐咋, 我都係買左十日到, 不過咁�琝渱hristmas 時放大假, 無地方去, 又買左個大玩具, 咪�鄎峊蠷ル峟豇s, 點知愈用愈覺得好用. 我放假時, 日日都煲湯, 煲糖水, 竹蔗水, 後來更煲埋黨參茶, 所以好似好有經驗咁. 其實來來去去都係湯水多. 未試過整雞, 有冇食譜好介紹 ?



  • 唔記得講, 我係一家三口, 有時爸媽黎我到食飯就五個人, 一人兩碗湯都夠. 仲要可以煲青紅蘿蔔(即係撐起哂既湯料)都得. 反正我實驗過8L 都可以煲四碗水. 咁即係大煲都可以當細煲用, 如果你真係想買, 可以慢慢等到佢減價先, 因為正價同減價爭好遠.





    我而家都心思思想買個細少少既, 如果減價時好抵. 可以煲湯同炆�R一齊做, 唔使煲完湯又要換煲先炆到野.



  • Schnellkochtopf





    Thank you for the blog links. It is very useful. Your name looks like German.





    I only know one way use, either 煲湯 or 紋野. Still want to find a small one so I do not need to use the big one as the big one is very heavy. Do you use Fissler pressue cooker too?



  • sister





    我都係兩個人之嘛,以上例子咁算唔算多料呀>>>>>>> 你個煲應該仲未裝滿?





    當年我係sogo買要$9xx 一個 6L,加$2xx送3個蒸格同一支去污膏 >>>>>>>> 你是24cm 還是22cm? 現在 6 Litre 香港無 24cm 啦.




  • gloria





    死啦 你講到 8 litres 整4 碗水都係問題, 攪到我又心思思想用番 pressure cooker.





    你有無試過用來蒸野? 當你紋野時, 你用 pressure cooker 起鑊, 落油 ? 還是用普通鑊, 爆油和食物後才過 落pressure cooker ?





    我每日都煲黨參紅棗茶, 每次大約4杯, 都係水滾後15 min. d黨參就發大哂.>>>>>>> 可唔可以講得 詳細 d? 因最近有一大包紅棗係屋企.



  • 你有無試過用來蒸野? 當你紋野時, 你用 pressure cooker 起鑊, 落油 ? 還是用普通鑊, 爆油和食物後才過 落pressure cooker ? >>>


    我兩樣都試過, 第一次炆牛腩, 就咁用個高速煲當鑊用, 落油, 爆蒜蓉, 加牛腩, 蘿蔔, 汁料, 兩條線後細火炆20 min. OK. 不過蘿蔔太�C.


    第二次粟子炆雞, 用其他鑊炒好哂先放落個煲, 炆15 – 20 min. 一樣得. 睇你想d粟子幾�C, 想�Cd就多5 min, 想有野咬就少5 min. 兩次都好好味, d 雞好入味, 我個仔食到汁都撈埋.


    個人經驗, 如果你要炆好多野, 如牛腩, 蘿蔔, 薯仔之類. d 撐起哂既野, 最好就係用普通鑊兜好先, 因為個煲口細, 無用鑊兜得咁方便. 但如果係唔多野, 就咁用個煲都ok, 唔使換來換去. 你留意�麰豇s底係有一層厚鋼, 同我個孖人牌鑊一樣, 所以就試�鼢N咁用佢黎起鑊, 一樣得.





    我每日都煲黨參紅棗茶, 每次大約4杯, 都係水滾後15 min. d黨參就發大哂.>>>>>>> 可唔可以講得 詳細 d? 因最近有一大包紅棗係屋企. >>


    黨參紅棗茶 - 我係上網搵到呢味好野, 尤其冬天, 飲左可以面色紅潤, 補血, 手腳唔怕凍, 又補氣. 做法好簡單, 我每日都煲大約四碗水, 三條黨參(要剪粒, 等佢易出味), 十零粒紅棗, 記得要去核. 唔去核既紅棗會好燥. 先煲滾水, 睇你想煲幾多水, 落黨參, 紅棗加壓力蓋, 見兩條紅線後細火15 min. 等佢自己排氣(通常都係10多分鐘, 因為份量少)開蓋, 飲得. 你會見到d黨參軟身, 比未煲時發大約1 倍, 咁即係開哂, 你咬�懮\係無乜味, 如果仲有味即係未夠時間, 下次要煲耐d. 紅棗都一樣. 茶既味道有好香既紅棗味, 但唔太甜, 淡淡地. 如果你喜歡甜, 你可以加多d紅棗或糖.





    我以前每次要煲成個鐘, 我都唔係日日煲, 但而家方便左就可以日日煲.




  • 我都試過一煲三味, 不過唔係太成功, 可能湯太多.


    我煲蕃茄薯仔牛肉湯, 蒸飯及肉餅. 結果湯好好味, 飯變左小小湯飯, 因為d湯滾哂入去. 肉餅又太多倒汗水, 可能我掌握得唔好. 下次有時間再試過. 如只係要黎蒸野我就未試過.




  • gloria,


    我買時好似係$1288/8L, 都唔係同你個價差好遠0者.我全部用佢黎整流質食物,所以無乜食譜比你啦,都要睇下其他姊妹有無好野提供.





    好想試你個黨參茶,但我又衰, 鈐邠黥ЁㄔX暗瘡仔,唔知用南棗得唔得呢?同埋黨參你點選為之靚?




  • 出左怪字既?


    "......鈐邠黥ЁㄔX暗瘡仔"



  • 痴左.


    "......飲 用 紅 棗 後 有 暗 瘡 ".



  • M&M,


    我既係24cm, 乜香港無得賣喇而家? 知唔知點解呀? 不過窄d高身用黎煲湯好似好用d 喎.





    d料係未滿, 煲湯程序係咁: 先下半煲水, 滾起加料, 一加d撐起既料就"閉",因d水滿曬, 咁點煲呢?因為一係d水浸唔曬d料, 浸得曬又已經滿瀉咁濟, 又用唔到壓力...


    所以咪成日想換個大d架囉.




  • sister


    如果你怕飲紅棗會出暗瘡, 咁你試�麉n棗, 好似話南棗無咁燥, 但一定要去核, 我個人就喜歡紅棗味多過南棗. 黨參我都唔識買, 次次都係我媽媽幫我買, 佢話睇落顏色鮮明, 多紋就為之靚, 當然係愈大條愈靚, 因為愈大條愈貴.


    我星期日又試過花旗參煲雞, d湯又係好鮮味, 只係簡簡單單, 一兩支細花旗參切粒, 一隻雞, 四粒蜜棗, 己經好清甜. 煲完d湯渣無哂味, d味去哂d湯度. 我都唔係咁識�黧�, 但好似好容易就煲到d靚湯, 又唔太花時間. 呢個先係最大滿足感.


    我直頭當作個煲係一個大玩具.




  • 我見過網上有些高速煲食譜除左煲湯外, 有好多食譜都好易��, 等我放假時有時間再試過. 因為愈來愈覺得個煲好好用, 又好易用.


    貴就係貴左少少, 但係諗深一層, 一個厚不鏽鋼煲, 真係可以用一世都唔難, 除左條膠邊要幾年換一次之外, 真係有排用, 慳時間, 又慳煤氣. 可以講貴買平用.


    過年前唔知有冇減價, 買多個細煲, 方便炆野. 唔知Fissler 會唔會過年前有減價, 又或者Kuhn Rikon會唔會咁快又減. 好多人都話Logastina 好, 但我唔係太喜歡佢由頂部開蓋, Tefal 又好似鋼水無其他牌子咁好. Kern 係德國牌子, 但大陸做, 都有少少驚. 諗�檭媰�, 選擇其實都唔係太多. ^^




  • glora,


    有次我都煲過南棗,點知陣味好似鞋底陣膠味,從此無再煲過...搵日比多次機會佢至得.





    你上面呢兩段完全講曬我想既野,我都好鍾意個煲,唔鍾意Logastina.





    Tefal我有friend用緊,佢話都算好用,佢呢個煲最好既設計係有個自動放氣掣,使好似我地咁要人手放. 係呢,急起上黎你地用乜去禁住粒掣放氣?我發現左用菜刀背最好,你地有無其他更好提議?




  • """唔""使好似我地咁要人手放.



  • Gloria,





    除煲湯外, 試過用 pressure cooker 來炆野和蒸野, 不過兩次都不理想, 要用傳統方法補救, 一次蒸兩隻雞腿 (不斬件) 用佢套不鏽鋼蒸架和蒸盤, 一次排骨炆豆. 因未有太多時間鑽研怎樣用佢, 避免做菜先手, 所以都是用傳統方法煮食. 其實最初買pressure cooker 為炆野快. 最近又心思思再想用番pressure cooker.





    你整黨參紅棗茶 >>>>> 我對葯材不太懂, 但聽聞黨參好燥, 有一個老人家每天都飲北蓍水, 佢講唔會燥. 你試過用佢煲粥嗎 ? 要煲幾耐? 唸緊早上自己整碗瑤柱白粥就好.


    你有無煲湯或炆野煮過花生或豆類? 會否好易塞住過氣孔, 有少少驚煮花生或豆類.


    你煲咋喳我一點火煲半個鐘連紅腰豆都開哂 >>>>>> 有無塞住過氣孔?


    同常你會怎麼排氣, 等佢自動排氣還是在水喉下排氣?







  • Gloria,





    若不講價錢, 你鍾 Kuhn Rikon 多D 還是 Flisser 呢?



  • sister,





    其實係外國 6 litres 都係22cm, 24cm 多數係亞洲區用, 可能香港importer想 一律入口外國人用的 size 啦.





    不過窄d高身用黎煲湯好似好用d 喎. >>>>>> 你要記住, 水連保湯材料, 不好多可 2/3 容量.





    其實用 pressure cooker 炆野都有美中不足之處, 炆野材料多, 但落水大概一杯 (250ml), 杯水只夠墊煲底多少少, 不能浸到好多才材料, 當水在煲內滾起時, 亦不可以將已調味的汁(水), 完全滲透入煲內最上面的食物, 所以炆夠時間和排後, 要開蓋, 再上火, 攪攪煲內食物, 另到所有食品都有味道.







  • M&M,


    就煲豆類我問過counter sales,佢話連水唔過一半就無問題,我都有用來煲過紅、綠豆沙. 湯就有煲過花生眉豆雞腳, 黃豆著仔蕃茄湯等(2/3連水), 可能只係落一碗仔豆到, 所以無咩問題.





    有時我煲湯會over 2/3多少少, 有時都驚驚地架,係咪會爆炸架?





    係喎,你唔提都唔醒起炆野d汁未必撈到最上層d肉,多謝提醒.




  • 昨天放工後, 到街市買菜, 決定煲湯, 還佢英雄本色, 不用玻璃蓋, 材料一斤西洋菜, 一斤豬骨, 南北杏和果皮各少許, 洗淨所有材料和將豬骨飛水, 然後落三湯碗半水於煲入, 水滾後將所有材料放入煲內, (1/2 煲容量) 關蓋上鎖, 當蓋頂見到第二條紅線後, 把火調教細小小, 但要保持要見到第二條紅線, 煲25分鐘, 息火等佢自己排氣, 20分鐘, 再將煲上火, 煲多10分鐘, 下鹽調味.





    晚飯後感想, 講真用 pressure cooker 煲湯, 湯比較清, 雖然排氣再將煲上火煲多10分鐘, 但味道不及用傳統方法煲兩小時, 可能是在火上滾2粒鐘, 將豬骨裡面所有品質都迫哂出黎, 不過亦有好處, 除慳x料和時間, 煲湯後, 肉質不 “鞋”, 營養價值可能無咁易溜走哂, 用傳統方法煲兩小時, 豬骨D 肉都已經 “鞋” 烚烚, 你唔會食.





    現在心大心細, 要買多一個 pressure cooker, 買 Fissler 4.5 Litre 好 定 買 Kuhn Rikon 3.5 Lite 呢?




  • 我唔鍾意湯既色水唔夠濃,如果你想佢色水濃d,開蓋後煲番佢1/2個鍾就好老火湯feel架喇,我朋友初時都唔信我用壓力煲可以煲到咁靚既湯,你試下啦





    不計其他外在因素,如果我係你會試下Fissler.




  • sister,





    不計其他外在因素,如果我係你會試下Fissler>>>>>>> 咩其他外在因素 ? 點解你會試Fissler?





    開蓋後煲番佢1/2個鐘就好老火湯feel架喇,>>>>>> 開頭煲成 半個鐘 + 半個鐘排氣 +開蓋後煲番佢1/2個鍾, 一供1.5 個鐘, 煲老火湯其實 2個鐘攪點啦.



  • 點解你地會咁煲法? 用高速煲就係要慳時間, 慳煤氣, 正如M&M講, 先細火煲半個鐘, 再自動排氣約廿分鐘, 如果再用明火煲多半個鐘, 我都覺得唔多使用高速煲, 用真空煲或普通煲都可以做到老火湯feel. 咁買個高速煲黎做乜?





    我個煲法係, 滾水後細火半個鐘, 之後自動排氣, 約廿分鐘, 睇你煲幾多水, 當然水多d會耐d. 我就大半煲, 未到最高水位. 之後唔使煲好耐, 只係要落鹽時再返滾就可以. 其實如果你等到佢自動排氣完就即係開蓋, 再返滾, 差唔多即時佢會滾返, 唔使兩分鐘. 前後加埋唔使一個鐘, 咁己經好有老火湯feel. 呢個亦係高速煲既selling point.





    可能煲湯時少少竅門, 細火時要全程都保持兩條紅線上昇, 即表示煲內有足夠壓力. 如果一開細火紅線就下降, 咁即係要開返大少少火直至見到兩條紅線為止. 唔使驚大火會太多壓力, 因為壓力太多, 個煲會自動吱吱聲排氣, 我有一次又係咁, 呢個時候你要熄返細個火, 咁佢就會無聲. 仲有一點就係個煲要蓋得好好, 唔好漏氣, 全程應該唔會有氣噴出或滴水否則可能存唔到氣, 我唔知你地係咪好易掌握到呢幾點, 我就搞�鬫n耐先得, 因為如果存唔到氣, 咁你煲�鬙b個鐘都只係滾湯而唔係煲湯. 如果再唔明, 可以去counter問多幾次, 叫個d sales 姐姐示範俾你睇, 我都去左三次(好彩近我屋企), 問�鬫n多野, 又叫佢地做一次俾我睇, 而家就覺得超好用. 如果你地要超過一個鐘先有老火湯feel, 咁可能你地未’come’好個蓋漏氣.





    我用以上既方法, 唔使一個鐘, 煲牛骨湯都好濃好入味, d牛骨肉都甩哂. 又試過煲西洋菜, d菜�C到溶溶地. 無理由你地煲其他湯會唔得.




  • 煲豆類或煲粥時, 要比最高水位線再低少少, 以免滾起時會塞左個排氣口, 我都試過煲咋喳, 粥就未試過(因屋企人唔係好喜歡食粥). 唔係細煲, 都一大煲, 因為係上次聖誕開 party時人多. 都唔會塞, 如果你驚, 每次用完個煲後, 你可以用清水沖一沖個排氣口, 甚至拎開個蓋頂個小圓蓋洗�懮. 確保佢真係塞左你知.





    其實任何牌子高速煲個原理都係差唔多, 主要睇鋼水, 產地同價錢, So far 我覺得Kuhn Rikon價錢都幾合理, 當然係做特價時, 如果正價, 個個牌子我都覺得貴. Fissler 除左單柄煲外, 其他款價錢都幾貴. Lagostina 又太多廣告, 搞到好貴(差唔多咁多牌子中最貴)而且頂部開蓋, 我唔係咁鐘意. Tefal價錢應該合理, 不過一定要揀法國制造, 佢都有某條line係國產貨. 要小心揀. Kern 係最平, 但全線係大陸做, 我都驚驚, 唔係話大陸野唔得, 不過太多負面新聞. 怕怕. 個細煲我會考慮KR或Tefal. 不過視乎買時既心情, 我買第一個KR時考慮�鱄灠髐迨斂�.




  • gloria,


    因為我煲老火湯習慣煲3小時,如以以上我提及既時間(1.5 hrs)我都慳左一半時間,但原來你地既煲法同我唔同,真係不說不知.





    M&M


    點解選Fissler呢?我無gloria咁細心去研究咁多野,只不過係我心目中佢係廚具中既名牌,而且佢鋼水出名好.



  • 聽你地講到Fissler咁好用,我琴日都用左半日時間睇曬呢個高速煲既相關資料,希望你地可以比小小意見我!


    1. 其實我自己平日係用開不锈鋼煲黎煲湯,咁都起碼要煲2.5小時,因為屋企得兩個人,所以每次煲湯都會分開兩日飲,第二日就用微波爐叮番熱飲,如果改用高速煲,你地話d湯料既精華都會去曬湯度,煲湯肉都會出曬味而無味,咁你地會唔會一日飲曬d湯,唔留得第二日飲?同埋d湯渣會唔會唔留得番第二日?


    2. 我琴日打電話去sogo同埋上永安個網search,而家1 set 8L(26cm)既高速煲另包一個4L既細煲要成$2,690呀,真係好貴!不過,如果係1 set 6L(22cm)另包一個2.5L既細煲都要$2,390,只係差300蚊,咁就梗係買大好過買細啦!想問下你地果兩個煲唔用時儲存可唔可以疊高架?


    3. 同埋你地買係買單一個高速煲定係1 set咁買?




  • 係呀! 我真係硏究�鬫n耐先買, 隨�髐W網搵用家意見, 又上每個牌子網頁到睇�翵C個牌子有咩唔同, 綜合咁多料而香港流行(因為買parts都容易d). 得出以下幾個牌子. 因為一般高速煲都成千幾二千蚊, 所以真係小心選擇, 如果唔係買左又唔鐘意, 真係dump又唔係, 唔dump又肉痛.





    Lagostina - 價錢最貴, 意大利牌子, 但好似最多人用, 我覺得佢貴在太多廣告. 而且我唔喜歡佢個蓋向上揭起, 好阻地方, 所以唔考慮.


    Fissler - 德國牌子, 價錢比L平少少. 但個款式多數係單柄, 又係好阻地方, 有普通兩邊耳仔款式, 但好貴.


    WMF - 美國牌子, 無乜硏究, 因價錢都唔係特別平, 不如買歐洲牌子.


    Kuhn Rikon- 瑞士牌子, 出名做廚具, 在外國幾出名, 不過香港代理唔多賣廣告, 所以較少人識. 佢個排氣專利賣俾Fissler 同WMF. 所以覺得佢做高速煲係專家.


    Tafel - 法國牌子, 但鋼水好似無德國或意大利咁好. 純粹個人感覺. 價錢比較平, 可能一分錢一分貨卦, 但佢有d line係大陸做, 所以買時要小心.


    Kern - 德國牌子, 但全線 高速煲在大陸做, 價錢最平, 幾百蚊都有個高速煲, 不過我就唔考慮.





    以上呢幾個係香港比較多人識既牌子, 如果講用法, 個個煲都大同小異, 主要睇價錢, 款式, 個個牌子都有優點及缺點, 如果比較鋼水, 我則會用歐洲牌子, 起碼質量及安全標準有保証. 呢d係我買煲時做既research . 希望幫到想買又未買既人, 畢竟咁貴既煲, 一定要諗清諗楚那一個�琝A先決定.




  • cooker


    我屋企都係得一家三口, 不過好多時父母黎我度食飯, 如果你家經常都會有好多人黎, 就買個大小小既, 因為有時煲多d湯料都得.


    我以前用真空煲就一次煲兩日湯, 雖然話真空煲都好方便, 但要d湯好味都要翻煲幾次, 計落同明火煲都唔慳好多時間. 但有次睇過有一篇報導話翻滾同微波爐叮番熱湯既湯無益. 所以每日都係煲一次過飲算, 果時無高速煲都唔係成日煲湯, 只有假期先煲, 如果你怕一次飲哂好難煲, 可以煲少d, 因為真係好方便. 我煲五個人湯都係一個鐘可以飲得. 你兩個人七, 八個字應該得. 少d水都快滾d.


    買套莊定單獨買, 真係好睇你需要, 計落一定套莊抵, 但大那那千幾二千蚊. 我真係好肉痛, 所以上次見RK特價一個8 LT $1388. 即刻買. 新野一定要試過好唔好用先再考慮. 試完我咪心思思想買多個細煲囉.


    我建議你如果唔趕, 等佢特價時先買, 例如新年, 大節前等等, 睇清楚, 揀清楚先. 因為特價時真係平好好好多.




  • gloria,


    多謝你咁快既回覆;你既資料好詳盡呀,我自己都係同你一樣睇過曬幾隻大牌子既網站同好多討論區既資料,我諗我都會去永安親身考察下再決定;話曬一個高速煲都係唔平呀!其實wmf都係德國名牌黎架(希望你唔好介意),同fissler既煲一樣咁出名,我都係以前成日睇黃双如既食譜至知有呢個牌子,重買左個湯煲添,都要成千幾蚊,不過就係因為明火煲湯,平時放工無咁多時間,所以而家至考慮高速煲!


    咁我想問下你如果話而家用高速煲煲湯會餐飲餐清唔會留第二日,咁佢又可以煲出湯既精華,咁你會唔會連湯料都會比之前用明火煲時買少d?



  • WMF係德國牌子 ? 可能我見佢�鄏n多美國網站都有得賣就以為係美國貨, 俾錯料添 ! ^^





    係呀 ! d湯煲完出黎好好味, 但d湯渣就咩味都無哂, 我以前都好鐘意食湯渣, 而家唔食囉, 一d味都無. 我又唔會買少�鰹�, 因為每次都係買一斤豬骨或豬展. 己經好好味, 再加d蜜棗, 如果蔬菜湯更加連菜味都出埋. 你可以試�龠R�斖s之後試煲幾次. 睇�屪鉽荌t搭�琱f味.





    如果你都有上網搵料, 你就知香港有時賣所謂名牌, 即係好多廣告既產品, 真係比出面同類產品貴好多.




  • 昨天係永安見到 Fissler 套裝4.5 + 2.5 Ltr 又做番特價, 不過我無買, 我打算 買 番 Kuhn Rikon 3.5 Ltr.



  • Fissler 套裝4.5 + 2.5 Ltr 又做番特價, 而家幾錢 ? 我都想買個 3.5 - 4.5 Ltr.





    如果見到Kuhn Rikon 做特價時, 麻煩上黎報料, 我住新界, 無乜幾何去香港 SOGO. 所以有時減價都唔知. 我覺得Kuhn Rikon幾好用, 價錢合理. 如果唔怕, 上外國ebay 或 amazon 買套裝仲抵.



  • 其實我唔係在香港我認識 Kuhn Rikon, 我認識 Kuhn Rikon 時, 香港都沒得賣,在美國和歐洲 Kuhn Rikon 非常出名, 我有一張外國 Kuhn Rikon 的 VCD 介紹 佢地的產品. 美國有專講 Pressure Cooker 的 website, 都 愛講用Kuhn Rikon. 我係5, 6年前係 sogo 見到, 我就買左個 6 Litres, 個時剛剛開始有香港做代理.


    係外國 website 佢地比喻 Kuhn Rikon 如 車中品牌 Benz



Log in to reply