我心愛的貓離開已有年多,當時半點眼淚也流不下,但過後眼淚像洪水般流下,怎樣也控制不了.......至今依然很想念牠....... 大家有同樣的經歷嗎?請進來分享一下吧!!





  • 我隻狗狗年中個時有嚴重腎衰竭,幾個vet都話佢個腎已壞死,積曬毒素,又幾日唔食唔飲,比水佢飲都嘔番出黎,全身無力無意識,幾個vet都勸進行安樂死,話佢其實個腎係已經最差程度同好痛,唔安樂死都隨時死,但係個時會係好痛苦咁死去,安樂死係令佢無痛苦下死去,我全家一路都唔想安樂死,但幾個vet都話無得救,唔想佢好痛苦地離世,唯有行呢一步,屋企人都圍住佢身邊陪佢行埋最後一步.......



    我到而家都係諗起佢都喊,佢都陪左我15年了,雖然為佢揀左呢條路係唔想佢走得痛苦,每個有養寵物的朋友都安慰我話佢地都會咁做,唔想d仔仔女女係好痛苦咁走,但係始終有時想起都會自責>.<



  • 我隻狗都走左差唔多1年,每次一想起"她"的事,呢眼淚就係咁留.......



    有時都唔知自己有問題還是正常,有怕同人講,怕比人覺得自己有問題。



    我有將佢帶番屋企放係床頭,每晚依照有比野佢食同日日換水比佢。



  • 思念,



    我都有你類似既情況, 不過你真係要唔好太傷心同自責呀, 佢地知道會唔開心架, 其實你諗真d, 如果佢係好辛苦好辛苦既情況下走既話, 你都唔想啦, 其實你咁做先係一個愛錫佢既做法, 所以你唔需要自責架!



    mini,



    其實我都同你一樣咁掛住佢, 亦都帶左佢返屋企, 同你都一樣有放水同食物比佢, 每日都同佢傾計, 不過人地話唔好太傷心呀, 如果唔係佢走得唔安樂架! 你要知道佢宜家係過得好開心, 向好個方面去諗啦!



    take care...



  • 我都知我係愛錫佢先咁做,但係都仲係放唔低,岩岩過完的聖誕節係十幾年黎第一個無佢在身邊的聖誕節,諗起又唔開心>.<



  • 思念,



    慢慢黎啦! 佢地永遠都在我地既心中架!



  • 唔好咁唔開心啦.



  • jj, thank you!! 我都知,但係又真係好難做到。



    好似思念咁,一到節日的時候就更加傷心,而且我係一個人住的,有時更加傷感,初初佢走的時候,自己都很怕,番屋企又怕傷心,唔番屋企又怕佢以為她一走就沒人再理她,有時都驚自己在"鑽"牛角尖。



    不過,學你話齊,佢地真係永遠都係我地心中。



  • 我隻狗狗也離開了兩年多, 每次想起都心痛..



  • hi 思念



    我是版主purple,因這幾天沒有上網,現在才看到你的回應...衷心謝謝你的分享!!



    你也不要太自責了,在那一刻真的很難去決擇的,你我都不知最好的方法是什麼,最重要是在她走時,不會感到孤獨,而我們也盡了我們的努力去照顧她,愛護她.....



    我隻貓都陪了我都有16年多,在我最不開心時,只有她在我身邊,實在有太多值得回憶的事╱情境.

    她也和你的狗狗同樣是腎衰竭而離開了,當時醫生也說餘下的生命只有數天,簡直是晴天霹靂,望著她,內心真的充滿了許多掙扎,讓她安樂去還是自然離開,當時真的不知如何是好,但最後我也選擇了讓她自然地離去,因為我不想讓她在診所(陌生的地方)而走,

    好想我們可以陪伴她完最後的路.......記得我還她說,你快些安心走啦,不想的那麼辛苦,我不會再養另一隻的.......第二天醒來,她便走了,



    起初也可以在夢中見到她,現在已有幾個月沒有再夢到她了,真的好想可以又夢到她,好想知道她現在怎麼,過得好不好.....





    對你說我可以好理智,但其實我自己也同樣和你一樣,一諗起便哭,有時也覺得自己對她不夠好,應該可以愛她更多的.



    相信你我永遠也忘記不了她的,但希望時間可以讓我們平伏下來啦!!



  • hi mini,



    我是版主purple,因這幾天沒有上網,現在才看到你的回應...衷心謝謝你的分享!!

    我想你都是正常的,因我也是同樣的,每當想起她眼淚便不停,控制不了,其實懂得哭也好過哭不出來,哭不出的話更辛苦,



    說真的,無時無刻我也非常想念她,往時我習慣和她講心事,她也好像知道我不開心,會在我身邊陪著我的,但有時她不聽適,也把我激透了,回想起一切一切,現在沒有了她真的令我很心痛,



    就讓時間去沖淡我們心中的悲痛吧!!



  • hi jiji,



    我也盡量不讓自己太過偒心,也想她走得安心.....她生病其間我好努力不在她面前哭,特別是最後的一兩天,好想讓她安心地離開,沒有任何牽掛.....

    原來當她真的走了那一刻,是哭不出來的,真的很辛苦及痛心哦!!



    相信只有時間才能沖淡我的悲痛,但不知是何時呢??



  • 大家都要慢慢才可以適應, 不過要知道佢地"永遠在心中", 到現在我都時時同佢傾計架, 當無事發生過咁, 不過我都明白係會好難過, 但慢慢啦... take care



  • jiji,



    你會否打算再養另一隻嗎?

    有人說再養一隻時,會寄情於牠身上時,會沒有那麼傷心.....



  • 多謝大家關心,可能係每逢佳節陪思親吧,所以特別傷心......我知佢會長留在我心中>.<



  • purple



    我有2隻龍貓,有一隻年幾前死左,好彩仲有1隻陪我,令我更加錫佢愛佢,冇咁傷心,但有時會諗死左果隻會唔會唔開心呢?



  • 應該不會吧!除非牠生前你沒有好好對待牠.......但我諗你應該都是很愛牠的,對嗎?

    你養了多久呀?



    有時覺得動物比人還更懂得我們的喜怒哀樂,起碼沒有好像人的背叛.....



  • 以上是回覆apple 的



  • 我的小貓也走了2個月,我也很傷心,亦非常想他,想起時也會哭,但我想他只是去了一個更快樂的地方。


Log in to reply