你地覺得拍緊拖一星期只見一日或兩日,係咪好唔足夠??





  • 夠啦~~~~


    除非你係同居0既0者....







  • 因為工作關係,bf一星期只得一日假~


    如果佢o個日要陪朋友,就陪唔到我


    即係一星期都無一日可以見面.好灰心



  • 每個人都唔同, 我妹妹都係一星期見1-2次, 因為大家住得遠同忙.



  • 我覺得最難決擇o既係.....


    夾係佢d朋友同我之間....


    我明白佢要時間陪佢d朋友...咁我都要架//


    唔通朋友真係重要過另一半咩?



  • LUXURY,


    我地兩個都係因為住得遠~所以見得會比人地少dd


    不過都無辦法



  • Stamp, 我同我bf都只係一個星期見兩日到, 因為佢有時會出trip, 可能有時一個星期都見唔到1次, 不過我都覺得ok, 佢又要做嘢, 咁有時佢都要陪屋企人, 同埋我覺得唔係成日見會大家更掛住大家, 更珍惜見面既時間, 反而有時會係佢縑我地見得少~~~







  • ^^,


    原來你都係咁


    我都知道...工作緊要,我朋友都係咁講


    話佢唔係唔陪我,要番工都無計


    但....


    因為我係一個幾依賴既人.....


    如果咁樣....落去,是否應該分手??


    其實.我都不知道....><


    我覺得見面係好重要,咁如果佢唔可以做到呢樣野....咁我地係咪唔應該一齊??



  • stamp





    人人拍拖唔同,你好明顯係要多見既類型.





    如果你哋住得遠,但工作時間你同佢長唔長??


    夾唔夾到時間你放工後去揾佢食飯??如果你願意咁做,可以試吓提出增加見面機.





    至於放假 .. 佢陪完朋友再陪你又得唔得呢??或陪咗你先??





    最重要如果你行出呢一步,你男友會唔會配合你.



  • 我覺得最難決擇o既係.....


    夾係佢d朋友同我之間....


    我明白佢要時間陪佢d朋友...咁我都要架//


    唔通朋友真係重要過另一半咩?





    by stamp - 12/28/06 18:13








    有0的情況, 的確會係.



  • 我同bf平均一個星期見0-2次



  • ee,


    佢o既工作時間真係幾長架


    呢個應該係我地少見既最大原因....


    唔通叫佢轉工? 沒有可能吧





    加上佢平日收好晏架...通常都over10pm


    所以根本無可能一齊食到飯except有時佢放早


    住得遠,佢工作時間長...佢重朋友...


    所以我地見得好少


    但你覺得我應該點做好?





    你話放假個問題....我無試過叫佢陪完朋友陪我


    因為好多時佢同d朋友一係就唔約,約就多數通頂既....咁我覺得都好難一日內陪兩邊了..唉..



  • 你大可以問佢'你d朋友緊要定我緊要呀?' 係你緊要既話即係佢一放假就應該要陪你,佢唔陪你就係佢錯,可以發佢皮氣等佢屈服



  • gal,





    如果係咁,會唔會有d不講理??


    因為我知佢真係好重視佢d朋友



  • 我男友反而鍾意成日見到我.我亦刻意找他公司附近的工作,他更提議我入他公司做.他工作好忙,星期日都可能要帶工作回家.我們通常下午一齊lunch或者食晚飯既時候見下.當然要進修的話就唔可以.雖然唔係好算係去街拍拖,但食餐飯見見面都好.





    我覺得一星期見一次都ok...但一星期唔見一次,關系好難維持.畢竟溝通是建立感情的橋樑.





    其實如果男朋友星期日都要工作,可以整個蛋糕拎去和他一起食,見過面就走.甘我都覺得ok.唔一定係去街拍拖個種



  • 小康女,


    多謝你


    整野食比佢我無咩試過.....


    不過平日佢要開工我都好少去搵佢,因為時間同地點o既關係





    不過,雖然我地見面少d,但每日都會有傾電話


    咁你又覺得唔成日見面,用tel keep又得唔得?



  • 傾電話當然有幫助,但唔可以完全代替.我本人覺得最少都要一星期見一次.如果耐唔耐他真係有事,當然括免.





    我反對用"你d朋友緊要定我緊要呀?'"呢類問題.其實朋友和女朋友係無得比較.如果係我..我會話,"我好掛住你阿嘛"...兩句說話想帶出既意思一樣,都係想見到他,但他聽落就開心好多,同埋無機會話你野蠻.





    其實唔一定要自己整夜事,買都可以,看你自己時間而定.但我覺得一般男仔都喜歡女朋友整野食架.



  • 更正:夜事=野食



  • 使唔使一個星期兩次咁密呀?



  • when you love someone, you will want to see him/her more often. of course there is need to see more often as you miss him/her so much, but the reality is rather you have the time or not only.



  • 我同我bf都係平均一星期見一次, 幾好丫




  • Depends on 拍拖時間長久啦





    初出頭两個月


    3 ~ 4 / week <


    過了熱戀,穩定下來再過耐d 都係 1~ 2 次


    我見d 都一個week 2 次啦 .


    bf , gf 連两都見唔到 我唔 會拍呢種拖.


    2次, 都係幾笠鍾, 咁都唔肯將對方融入自己世界. 我個人來講. 佢只係佢覺得需要我先揾我. 我揾佢陪就係唔體諒 .


    我覺得两個人要有共同興趣. at leave 一起可以好d 咁玩得癲. not only 行街,看movice


    系可以去齊齊學野,玩d活動.


    两個人, 溝通係好重要. 要溝通.徐了語言外.


    面對面交談, 身體touch 都系可以strength the love relationship


    如果你發覺两個人對拍拖見面次數有argue . 要坦白講出你咁受. 唔好亂發脾氣.


    如果你能夠接受佢的拍拖模式,就要自己好好調整下,見唔到佢的話,你時間點(打發)


    如果你真係無法忍受佢只照著佢自己拍拖模式的話. 你要好好認真衡量你地關係是否應keep go on.


    good lucky




  • 嘩, 死,錯字百出.,


    借個地方改正先





    我見d friend 都一個week 2 次啦 .


    bf , gf 連两次都見唔到 我唔 會拍呢種拖.





    at least 一起可以好d 咁玩得癲.







  • I just start with my current bf for few weeks. But he's always busy for work, busniess trip or meeting with client. We met nearly once per 2 weeks... other then that, he seldom call me when we cannot met...





    I really don't like it...



  • gf


    poor


    hate it


    男人係自私. 又無時間去water the relatioship,又要去plant ,


    自己Free 有mood 就來陪你揾你,


    自己無mood, 就躲起來. / 唔識分配好 d 時間. 你揾佢陪仲話你唔considerate,


    好似淨系得佢有 emotion desire, 你唔可以有. shxit









  • 我都覺我男朋友係咁..


    近期大家分合左幾次,都係佢提出,boxing day又一齊之後,佢工作忙到1日都幾係講左幾分鐘電話,見面食飯佢又累..我都無出聲


    但感覺唔似拍拖...唉



  • 你地拍左幾耐丫?


    真係要搞清楚好.


    可能如果佢只係工作上好累.好down , 咁你都無法.忍受落去.支持下佢.


    但係,


    如果佢系已經對呢段關係意興欄跚的話.


    你最好速戰速決啦.





    因為後者原因, 往往拖落去都唔會有結果.


    1系佢 完全失蹤,


    1系佢唔會同你講明要分手,拖住先,直到有第二個出現先 飛.


    sorry ,我講得好netgative,但系. 男人對感情reaction 真係好直接.


    會緊張=會在乎=會補救 = 仲有愛


    唔緊張= 放埤曬= 唔去想辦法補救 = 等你自己頂唔順走.





    揾個relax 時機. 两個人坦白講清楚啦.


    女人青春好寶貴.


    如果真係無心走落去, 你都要理智為自己著想, 而加可以由得佢. 自己喊下,忍下算, 忍到幾時??/ 30,'s 40's 50's




  • 我以前男朋友,都係無時間陪我,佢工作時間係1PM-11PM,再常常OT.放平日,每星期得一日假.





    我為了見佢,會在weekend 星期六日佢食野時侯(4點幾)去陪佢食野. 佢放假的日子多數訓覺,佢又好重朋友,朋友出到聲就去.





    我也是依賴的人,所以我就得,忍得好辛苦.





    最後,佢同我分手,因為佢公司有女仔追佢,咁佢就吾要我.





    如果拍拖你須要見面多d,吾係過份的事. 拍拖係要開心,你要衡量下呢段開係是否 得到自己想要的關懷, 不要忍.





    青春有限.女人的時間不如男人那麼多, 你想清楚.



  • 藤, 路人L





    佢係工作上比較down,工作量多...


    我係想男朋友關心我,大家開始時佢係好好,但係我地之間溝通有問題,佢一次,兩次,三次咁講分開,但轉幾日佢又會搵返我.





    今次又係咁..xmas前一星期佢話分手,之後又搵返我,直到xmas0個晚我叫佢唔好再搵我住,想一個人靜下,但佢到boxing day又打俾我話一齊食飯,我煮...


    如是者又一齊返,但係兩個人中間既communication真係好少...我最初有諗係咪佢有第二個人,但係之後知佢無,但連夜晚傾幾句都少....





    我都好想問,佢叫返我同佢一齊,但一齊後又係咁,咁..即係點...唉.



  • 現今通訊發達,要溝通未必一定要見,我男友都係返13:00收22:00,都係放一日兼係平日,好彩叫做佢公司近我屋企,好多時咪星期六約食飯咁。





    同佢一齊三年,都無乜特別,最主要大家信對方。





    佢要變,日日對住佢都會變,反而如果少見大家更珍惜見面時間,都幾好呀!



  • 即咁





    我住新界,佢住港島,雖然收工地點大家係附近,但收工時間唔同,所以無乜機會見.





    係通訊發達,但佢都無心機,我又點同佢溝通呢.



  • 我男朋友喺大陸做嘢,一星期都係見到日半咋!


    兩年都係咁, 已經習慣咗, 佢會帶埋我同佢啲朋友大齊玩, 幾好丫!




  • 睇完你地d post,好有共嗚呀~





    小康女,我好認同你所講,咁樣同bf講,又唔會唔自然,佢聽落又受落~我都會試下~





    其實我bf同你地一樣,工作時間又係超長~接近11-12小時一日,又係放平日....所以,如果佢放假要做其他野/陪朋友,咁我地既見面時間會更少





    有時都真係好唔開心,試過發脾氣,但又唔係佢錯,只係工作原因,無得反抗,但我又真係好想見多d,咁可以點??





    我唔想因為咁而分手,我個人較依賴,雖然我好想有個人可以成日陪到我,但如果係咁而同我bf分開,係咪對佢好唔fair?我真係唔知應該點.....



  • keno,





    你bf一次又一次係咁,係我會好累...


    我覺得要睇你有幾愛佢同幾重視你地既關係





    如果你真係好愛呢個人,就可能要忍受一下,因為你愛佢,應該可以承受


    但如果你覺得一齊得黎又唔開心,佢又搵自己zip時間咁,我都唔suggest你再同佢一齊了





    hope this help~ =D



  • stamp





    係,我係好重視同佢一齊,重視到明明有第2個男人對我超級好我都接受唔到..但無奈今日既男朋友唔會咁重視我lu.





    我知佢近期工作係好忙... 佢對住我時都累,見佢唔想講電話我都係sms佢..





    今晚我返屋企企時差d係巴士嘔,頭先抖左陣send左個sms俾佢,話佢知我唔舒服...佢都無覆...





    近期同佢真係唔開心多過開心,.....



  • 對於一段無法感受愛關係, 真係好心痛..好心淡...


    償夠了, 所以選擇痛決來解脫.


    我的青春,愛情,關懷,對於我來講,係自己的寶貝.


    邊個男人冷待我, 我都唔會留戀呢個男人.


    因為一個唔珍惜的男人,無資格同人講愛情,



  • 用心良苦講一句





    女人,


    你可以為男人付出一切


    但切忌,絕對無可以放棄,愛自己的權利~!!



  • stamp





    咁不如陪完你先陪朋友啦,


    反正佢o地通頂,你咪下午可以同bf見吓面囉.





    咁又得唔得呢 ..



  • ee,





    long time no see


    其實呢個方法我真係未試過架


    因為佢通常都好早就出左去join d朋友 (如果佢地約好左o個日出黎玩)


    所以我無要求過佢o個日陪左我先





    不過聽完你咁講,我諗我應該一試


    然後就可以睇得出佢重唔重視我了





    多謝你呀~ =D



  • keno,





    你無事嘛??take care呀!!


    佢知你唔舒服都唔回你,真係有d不負責任同衰呀! (唔好介意我咁講)


    因為身為男友,好應該care女友架嘛!


    如果佢有要事覆唔到都情有可原....但如果係無"心"既就真係太差了





    你覺得咁樣開心嗎?


    我覺得如果真係太難受,太委屈,就唔好免強了,因為一直落去,你只會傷到自己,佢反而咩事都無


    你真係要想清楚呀


    anyway,Suport you!!!Be strong!!



  • 唉.......見唔見都唔係主要問題, 最緊要個心仲係未一齊, 若果大家個心都已經分開咗, 再委屈自己繼續一齊, 未攪到大家唔開心, 舊既唔去新既點會出現呀.......



  • 我之前果個行咗8年, 到分手先知大家一直勉強緊自己去移就對方, 反而分開咗先傾到真心話, 凡事都睇開d啦.......最緊要清楚自己到底想要d咩先, 同埋一定要對對方坦白到好重要........



  • 藤,





    其實我都好認同你所講


    不過我身邊d朋友話始終而家後生,工作緊要


    工作時間長都係無辦法


    所以要忍





    其實我都覺得好矛盾..........


    唔通工作真係重要過愛情?



  • 過路人,





    thanks for sharing


    我都知大家個心係好重要


    不過拍緊拖既,點都想見對方多d嘛


    呢個好正常....不過如果大家都真係配合唔到,就無得傾





    8年散....好可惜呀...............>.<



  • 即咁





    我住新界,佢住港島,雖然收工地點大家係附近,但收工時間唔同,所以無乜機會見.





    係通訊發達,但佢都無心機,我又點同佢溝通呢.





    by kero - 01/02/07 10:36





    如果佢係無心機,你地日日見佢都無心機同你溝通啦。



  • stamp





    我個心好傷,琴晚唔舒服到今日無事返工,佢一個msg同電話都無比過我..





    我由唔開心..到而家..開始嬲...


    就算我主動搵佢,我都唔知同你講d乜好lu.




  • 其實男女拍拖.. 見面.. 是重質不重量的..


    見面時係見得開心的, 總好過日日見而常常鬧交~!


    少見咪可以令大家特別珍惜見面的時間lor..



  • kero,





    唉.....你個case同我個朋友好似呀


    我個朋友佢bf好似搵佢zip時間咁,但當我fd搵佢bf時,就永世都搵佢唔到咁!! 可以打幾廿次電話都無一個回覆





    我fd比左好多次機會佢,最後佢都選擇放棄~因為佢都覺得自己唔應該曬時間o係d唔值得o既人身上





    我唔係勸你分手,不過你真係要好好衡量一下你同佢之間係咪仲可以continue....


    女人青春真係有限


    話唔定你放手,你仲有大把選擇同機會!!





    睇番我同bf既事,好似係小事咁


    其實你地個個都講得好岩,見面應該係重質不重量.....


    我而家會盡量同bf坦白講出我想見面o既感受.睇下佢願唔願意配合.....


    希望可以吧...........


Log in to reply