我老公隻腳臭得好緊要﹐佢又唔係香港腳﹐無痕﹐有咩方法辟辟味﹖﹖

我看過discovery channel, 用酒精浸腳就okay 嗱~~~ 佢o地用white wine, 但我估中國白酒都okay 架嗱~~, 你叫佢試仲啦!

阿太

從生活小節改善為先, 唔得就去睇醫生, 妳老公唔係香港腳, 咁多數都係腳汗極多, 所以選擇鞋既時候就唔可以選擇一d平價鞋, 要簡真皮既鞋, 貴少少係有原因, 波鞋就更多選擇, 而家排氣網面既波鞋多不勝數, 另外, 襪就唔可以著線襪, 應該選擇全綿襪, 厚少少都要, 鬼叫妳老公腳汗咁大, 勤d更換, 唔好懶!

改善左呢d基本野都無改善就去睇下醫生喇! 腳臭係幾擾人架...

thanks!

不過佢又唔算大汗﹐但硬係腳臭﹐沖完涼都辟唔到陣味。

阿太,

有時, 個人唔大汗唔代表對腳都唔會大汗, 正如有d人好容易成頭汗, 但係個身出既汗唔成比例一樣 ; 如果沖完涼都係咁, 咁叫妳老公留意下究竟係咪未出汗都有臭味, 係汗既味, 定係身體(雙腳)上所發出既體味? 妳老公既飲食習慣係點? 有無經常食一d刺激性既食物呢? 每一個人新陳代謝都唔同, 好難下定論係咩原因, 睇西醫可能傾向cut汗腺, 或食一d帶有抑制性既西藥... 或者可以考慮比中醫睇一睇先, 用中藥去調理一下五臟六腑, 再唔係就去做 body check, 係針對性既, 唔係普通 body check, 一步一步收細個原發性可能原因, 就咁喺呢度問, 只可以比下意見妳而已...

阿太,

多問一下, 有無用過止汗劑 , 爽身粉之類既野?

妳肯定妳老公對腳無傷口例如指甲位, 無皮膚病例如生癬之類既問題?

妳老公幾多歲, 做咩工作, 作息係咪定時, 雙腳外觀(表面)完全無異?

有無食其他藥, 或之前長期服食過某d野等等....?

要查真係要好多野問架, 妳想清楚曬然後去答醫生啦...

男人成日著密籠鞋．有腳臭唔出奇．in addition to健健d advise．要多備幾對鞋替換．等d鞋有機會乾透．鞋籠可以放茶葉渣or炭吸味．

健健﹕

我老公飲食正常﹐身體都算健康。係隻腳有小小甩皮。佢咩都無用過﹐係買D棉襪吸下汗。多謝你的建議^_^

another阿太,

茶葉渣是否飲完個D﹖濕放﹖