台灣自由行,吾該幫下手:)





  • 12月中去台灣玩幾日,不過吾識plan行程呀。我有以下問題想請教各位。





    1. 淨係台北,想住埋溫泉酒店,3曰2夜,定係4日夜好?





    2. 如果坐早機去晚機返,行程方面可以點安排?





    3. 是否有些local tour?是在香港book定係到達台北機場都有得book?





    4. 溫泉方面邊區最正?我知道有烏來、陽明山、北投等地。邊間溫泉旅館可推介?





    5. 有mud野係好好味、必食?





    謝謝各位!!!







  • 你同我個plan差不多


    我就諗住3日


    頭先上網搵左東x遊


    佢有個3日2夜團 $18xx


    不過未必成團


    我留左名






  • yoyo 我同老公10月中都係台北自由行,第一次去台北,我地去之前冇plan過行程,只係記低想去既地方。不過個人認為台北咁多野食同玩,唔plan 行程,問題不大 =)





    如果你想住埋溫泉酒店,梗係4日3夜好啦! 我地又係淨去台北,都去咗5日4夜...仲要未玩夠!!!! (諗返都開心!!!)





    唔sure 有冇 local tour,不過台北地方好易去,求其買本書,係捷運站度買張"Easy Card" (台灣百達通,用唔哂可以退錢),都搞得掂啦! 我同老公都係第一次去台灣,我老公唔識中文,乜都靠哂我,但我d國語都唔係好得...所以未去前都會担心搞唔掂,不過去到之後就會發現真係好容易。





    溫泉區我地去咗烏來,不過冇住酒店(因事前冇plan),但有露天免費溫泉,成條南勢河都係天然溫泉,好多人係果度浸。





    至於食野方面,必食既係街邊燒烤、麵線、蚵仔煎、鼎泰豐小籠包...去烏來可食山地泰雅菜...另類 d 可去華西街夜市食炒蛇肉、蛇湯、炸蜂蛹.....





    希望你玩得開心d =)













  • VV,


    多謝你的意見呀。





    我都準備左本旅遊書,o念住搭捷運/巴士周圍玩,應該應付倒掛。不過,是否就去吾倒較偏僻的地方呢?例如九份、野柳等...





    我都plan去烏來果邊的溫泉酒店,好期待一個relax又多野食o既旅程~~





    :)




  • yoyo





    我兩年前自遊行去過台北,你有興趣留個電郵,比個行程你參考。





  • yoyo 可以去到九份同野柳架 - 先搭捷運然後轉巴士,去烏來都係咁。





    大部分旅遊書都會教你點搭車,我用果本書叫,迪美出版,係Sogo11樓皇冠書屋買,你可以睇吓啱唔啱用



  • yoyo


    我都買左本書仔~~ 11月中先去完~~


    40蚊倒好方便又有地圖建議妳去書局望望不過要記得睇出版日 要買 2006 年果 d~~





    行程我都 join 左個一日團~~ 250蚊~~


    已經可以去九份 & 野柳 & 中正紀念堂 & 浸溫泉~~ 我覺得唔錯~~


    因為去九份同野柳比較麻煩少少~~ 果 d $$都叫比得抵~~


    係響酒店 lobby 問已經可以 join 倒架嘞~~





    必食既就梗係鼎泰豐小籠包~~ 去佢總店好味 d 架~~ 再去埋後面永康街食冰冰~~ 好好味~~^^





    仲有去士林夜市可以食豪大大炸雞扒~~ (次次都要排好長人龍架) 超好味~~ 一定要飲蜂蜜苦瓜汁~~ 聽講可以清熱氣~~ 仲可以食大餅包小餅同藥燉排骨~~^^





    烏來我都有去睇風景喔~~ 都幾特別~~ 但係果 d 泰雅菜就貴左少少@@





    如果有得去深坑就應該係台式既臭豆腐了~~





    麻辣火鍋我就唔多熟~~ 幫唔倒你~~ @
    @




  • 吾該VV同嘉嘉!





    我而家o念緊去北投,定係烏來住一晚好,我吾想太貴的溫泉酒店,最緊要就係舒服同乾淨就ok了。我搵倒有間o係烏來的"湯布苑",吾知有冇人住過,或者有其他推介呢??





    我本身都有本書仔,其實我覺得台北可以輕輕鬆鬆咁玩,應該好容易的...





    :))



  • yoyo


    我下星期去台北喎


    你幾時去呀睇?





    我之前去過烏來, 本人就覺得麻麻


    因為無乜野睇, 無乜野食


    又有少少遠, 睇山睇水都ok既


    我住過烏來既溫泉酒店, 真係麻麻


    好鄉村feel


    聽我fd講就好似北投會好d



  • 我16號去呀~4月3夜。





    而家我o念念下都係能改去北投浸溫泉了。


    我上網睇過亞太溫泉會館好似幾靚,不過冇得住,台灣真係有好多湯屋都好靚好有特色呀~~





    行程我仲未寫,好多地方都想去,例如北投、九份、淡水、基隆,又想shopping,又想食麻lark火鍋,想要買書.....





    你地又點plan呀? :)







  • ?__?我只係買左去台北既單人來回機票, 22~25, 4日3夜..





    昨晚才打算去台灣, 就去買機票lu..





    都未想到行程 和住宿, 不過, 就有幾個台灣朋友.. ~_~" 唉啊, 我都想去泡湯...





    有冇行程可以send 俾我作參考, 唔該.



  • 想問邊間溫泉旅館可以剩係同朋友一齊浸?湯屋都好似幾貴....幾千台幣一粒鐘......有冇d 溫泉旅館入面有私家溫泉??如果在烏來or 北投更好



  • 可以叫你d台灣朋友帶你出去玩架





    佢地應該好樂意帶你


Log in to reply