剝智慧齒事前事後有乜要注意???
-
【補充】
又係關於唔剝上面隻智慧齒嘅事, 我問過我身邊兩位朋友, 佢地兩個喺五六年前剝左下面左右兩隻智慧齒, 同樣都冇剝上面果兩隻, 到左今時今日佢地都冇問題, 反而話下面排牙剝完智慧齒之後d位有少少郁左喎...
-
其實好多個牙醫都係咁講的，話會上面隻牙會越來越長生左落黎的，
-
我剝左下面隻智慧齒都有2-3年, 到依家一d問題都冇喎, 我個牙醫都冇叫我剝上面o個隻
-
我今日去拆線, 剝咗都成個星期, 但係醫生上星期幫我剝上面那隻時有塊薄骨黏住咗隻牙...
佢話呢個星期唔好大力呻鼻涕, 小心有鼻竇炎... 唉....呢幾日覺得個鼻好似游水時吸入水咁的感覺, 有少少唔舒服呢...醫生話唔關事...
鼻竇炎有乜徵狀? 醫生話觀骨位痛, 唔係鼻樑邊, 係咪?
-
我剝了左邊上面既一隻智慧齒, 個牙醫打完麻醉針之後就開始剝, 佢扎哂馬出盡力剝, 可能我隻牙無註又無爛所以好實, 唔係因為頂住左成日咬到兩邊面珠肉我都唔剝, 所以剝左好耐都剝唔到....真係好辛苦!
感覺到醫生好格硬要拔出黎比佢整到成棚牙都好軟好痛...
你地剝既過程係咪咁架? 我仲有三隻要剝但而家有d陰影, 不過唔剝又唔得成日咬到d肉好痛!
你地覺唔覺得剝左智慧齒塊面瘦左呀?
-
PP
咁誇張剝牙都搞到有鼻竇炎
我只知道係會o臭到好臭的味道
妹
我剝隻牙的時侯都係牙醫好用力的,好粗暴吓的,但係我又唔係太痛的,我仲有兩隻要剝,
剝完真係塊面腫左一大截,好彩頭髮長可以遮到
消腫之後又唔覺會瘦左呀
-
PP,
鼻竇炎應該會有好多鼻水, 不過我覺得你最好另外搵番個家庭醫生睇睇個情況...
妹,
我剝果時都係咁, 好粗暴下, 雖然打左麻醉針唔覺痛, 但你會知佢做乜, 真係feel bad囉...依家我左面下腭又瘀又腫>_<
-
妹,
咁你上面隻牙駛唔駛開刀剝?
-
我上面個隻唔洗開刀, 不過而家下面有隻要開刀, 因為打橫生左入肉!
打左麻醉針係唔太痛, 不過個醫生D動作攪到我覺得好恐怖, 我怕佢咁大力攪到我成棚牙都比佢拔出黎! 佢拔個時我感到上腭好痺, 總之就受罪啦!
以前都唔驚睇牙醫而家攪到有陰影, 我老豆話生得好地地既牙格硬拔就梗係痛啦, 唸唸下又係既!
拔完之後腫得好勁, 流血流左一星期仲要有膿出喎, feel到隻牙好鬼臭....
-
有冇人知剝完牙個窿幾時先會埋口呀???
依家食野成日都會趺野入去, 勁煩囉~~~
-
To muchacha:
牙醫話要2-3個月架...
同埋我睇咗家庭醫生, 佢話我鼻黏膜脹咗, 應該係鼻敏感, 但係我一路都冇架喎, 都唔知係咪剝牙時上面o個隻連埋薄骨出黎, 耳鼻喉又係通o既, 所以攪到有鼻敏感?
定係我一路都有少少鼻敏感, 但係唔覺, 跟進剝牙只係刺激到佢serious咗?
有冇人知邊個原因?
-
香港依家空氣咁差, 有鼻敏感都唔奇, 我以前都冇, 依家咪一樣有...
-
我個牙醫都講過話剝上面兩隻時係有機會整傷/損個鼻竇, 令到佢發炎 (即鼻竇炎)
我剝曬4隻la, 分兩次剝. 幾年前第一次去私家剝下面1隻, 又係打橫生要開刀. 成2千幾蚊, 好肉赤~之後塊面腫到好似有個網球塞左係裡面咁, 勁痛勁辛苦.又有少少發燒, 休息左4日, 腫左一個week
今年年頭因為有2隻痛走去睇私家, 我知道係要剝智慧牙gala,亦都預左係要開刀, 慘. 點知照左xray個醫生話隻牙太入,但佢唔肯同我剝喎. 結果寫左轉介信比我叫我去菲臘牙科整.
排左3個月就有得睇, 睇時又要照過xray(成棚牙咁照). 菲臘牙科個醫生話我隻牙太入太近神經線叫我排期入瑪麗做,又建議我話入得院就不如一次過剝曬3隻喎(因為全身麻醉).
我好好彩, 再等多2個月左右, 佢地打比我話有期比我攝. 手術一日前入院住一晚(因要見過牙醫同麻醉師.之後可以話係多餘), 到8粒鐘前開始吊鹽水同唔比食野同飲野 (因要空肚). 要除曬身上所有野只著手術衫入手術室做. 先打麻煩藥, 好快就訓. 做完就會叫一叫你話你知, 再車你返床. 個口要含住兩大舊棉花幾個鐘(有d似叉燒腸咁). 塊面開始慢慢腫, 夜d變左大細面. (因為剝下面係會一家腫d.可能同要鋸少少骨有關, 我兩次剝下面都係腫得咁緊要)
成晚唔可以落床, 連痾尿都要係床道痾, 慘~
由於吊左成鹽水, 成塊面其他部位都會一齊腫.尤其對眼, 腫到好似喊完一大餐咁, 好嚇人. 第二朝訓醒如果食到野姑娘就會拆鹽水. 之後醫生會帶埋幾個人黎睇下個傷口.(果幾個人似係牙科學生). 冇咩事下午就可以出院. 都係有d消炎, 抗生素藥食. 又叫我地多d用鹽水浪口. 之後盡量都只食流質食物. 不過由於好難刷牙, 有d地方會刷唔到/唔夠乾淨, 搞到個口勁臭難頂
1星期後返菲臘牙科拆線. 拆完線仲要覆多1-2次診.
全個過程唔洗$1000蚊, 但要等(我好好彩只等5個月). 錢真係慳好多. 但個醫生d手細真係麻麻地, 佢連針時d牙肉連得唔好, 宜家食野好易攝到食物. 都係想分享下, 長氣過龍
-
都係想分享下, 長氣過龍! sorry~~
順便又講多少少
我4隻都係要開刀剝~真係勁痛勁辛苦囉~~
好彩菲臘牙科肯收我咋, 若然要我一次過比成5千幾蚊去剝2隻牙, 你話點頂?? 唔止牙痛, 個荷包仲痛呀~
-
To: muchacha
但係無理由咁啱14/11剝完牙, 黏咗薄骨出黎, 之後一個星期內有鼻敏感掛...
或者應該叫鼻炎...究竟鼻敏感同鼻炎是否同一樣野?
To: 剝牙記
咁你有冇事? 有冇薄骨跟隻牙出黎? 有冇鼻炎, 鼻敏感或鼻竇炎?
-
PP,
照名剝牙記咁講你嘅情況都似係因剝牙攪到咁...
剝牙記,
真係唔係你講都唔知剝智慧齒都可以咁嚴重...我完全可以想像到你會腫成點, 因為我剝一隻都腫到好似含住隻雞蛋咁, 雖然食左消腫葯, 但都腫成個禮拜囉...
-
thank you for your information
-
To muchacha,
但係我的朋友話我應該一直有鼻敏感, 但係自己唔覺, 跟住剝牙刺激trigger到, 而唔係因為剝牙而咁...唉, 牙醫同家庭醫生都話同剝牙的關係低到近乎零, 我可以點?
唔通告dentist?
-
PP
個鼻完全冇事, 但d牙有少少. 因為我覺得個牙醫連針時手細唔太好,牙肉有d位變型走位(容易攝住d食物,好難了搞到更容易蛀牙 )
我自己剝上面時唔需要鋸骨, 但剝下面2隻都要鋸少少骨(因為我個口腔內好細), 如冇記錯應該係因為鋸左骨所以塊面先會腫得咁大.
我第一次剝牙個私家牙醫都冇講關於鼻竇炎既問題. 我都係因為去菲臘牙科時個牙醫要我簽份病人須知, 裡面有提過依點, 到入瑪麗手術前一日, 瑪麗d姑娘都重複講多一次(上面d智慧牙係鼻竇附近...) 個牙醫都有話其實可能性唔大, 叫我放心.
講真, 我同你朋友又唔係專業人事, 你個鼻既問題最好緊係問番你個家庭醫生/牙醫la. 唔好亂估la. 快搵醫生醫好佢先係ma.
-
muchacha
剝下面真係會好腫ga,(我估係因為要鋸骨). 我記得第一次剝下面１隻係鴛鴦面(單面腫, 另一邊面冇事). 第二次剝3隻就變嚴重鴛鴦面, 1邊只剝上面有少少腫, 另一邊上下剝就係大網球咁腫. 剝完第一晚塊面好慶, 好紅好脹, 第3日開始就見到塊面有d瘀左咁
我當初同公司請假時, d同事仲以為我吹水. 直到我返工時見到塊面先肯相信, 個個都嚇一跳.
不過都祝你地快d好番la. 剝牙都唔係講玩, 做唔好真係幾手尾長, 所以我真係唔敢返大陸整~
-
-
唔錯嘅分享喎~
等我幫手推推先~