好想生豬女,現在等result,上次M嚟係26/8平時M嚟之前10日個胸會脹痛,但呢個月無喎,但個肚就抽吓抽吓咁痛。希望今次成功啦!好心急呀



  • fit_gogo,



    其實薑兩片, 紅糖一湯匙, 紅棗三粒, 水的話, 用真空"胡"就一樽就可以架啦, 焗半個鐘



  • ssh,



    send咗啦



  • 紅棗 三粒就夠架啦 ? 我今晚用左成 10 粒, 哂左添 ..



  • wc2046,



    你記得去咗個心, 唔係好燥架



  • 我今年38歲,好想生個BB仔呀!我同我老公都好想!!D.M又唔凖,唔知有冇機會呢?



  • 我上個月問E生攞左D排egg藥食,連食5日,唔知有冇用呢?



  • cywong



    你通常 day 幾開始用 d 仔 ? 睇黎我今個月真係要用下, 因為之前都係量體溫, 但都量唔準邊日係最低..我上個月已經學你講做埋倒立 (當然唔係用頭, 只是把下身靠住牆)....都唔成功....距雜上次無左已半年啦....真係有又怕 (上次的陰影), 無又煩..



  • wc2046,



    唔好驚,



  • wc2046,



    驚就兩份啦, 我上次都無咗架, 你係咪睇緊我個中醫, 我距離上次未夠半年, 但係調埋下, 真係唔同d, 同埋, 我通常day 9開始用, 你幾多日一個cycle架, 我成三十幾, 所以唔洗咁早用, 如果你係28日左右, 咁你就最好一來完m即刻用, 一見到有下線就驗密d, 唔好miss咗呀



  • cywong



    我唔係睇緊你個中醫呀, 因為我人已在澳洲啦, 我係呢到搵中醫調理, 不過未必係專門睇生 bb 的, 但佢都會幫我補身體. 不過下次回去都想找你個睇睇, 我好似記得你睇岑寶雲, 對嗎 ?

    我平均 cycle 32 - 33 日. 我其實身體唔算太差, 只係人比較緊張同易憂慮, 唔知係咪因為咁難中 d.. 你覺得最有效係邊個方法呀 ? 我就黎試哂偏方啦..



  • wc2046,



    係呀, 我係睇岑寶雲架, 偏方我真係無喎, 我只可以叫你唔好太緊張啦, 太緊張會影響bingo架



  • 各位,



    我今日終於可以正式公報我有咗啦, 今日bb個絨毛報告出咗啦, 一切正常



    我想回應返之前姊妹的問題, 希望大家唔好怪我阻咗大家睇post, 同埋有幾段的豬媽媽日記



  • 本來診所姑娘星期四晚打來, 問我來緊會去邊度生, 咁我話比佢聽荃灣港安, 咁姑娘話而家有新政策, 要自己星期一親自去book位, 我己經即時問姑娘, 要唔要比deposit, 姑娘話唔洗



    我星期六去攞信, 咁我去到, 姑娘又話, 唔知要唔要比deposit, 咁我咪自己打電話去醫院問囉, 有個男的接電話, 我問佢係咪星期一可以book床生bb, 我咪問佢要唔要比deposit, 初初佢話要比$30000, 咁我咪話, 香港人都要比咁多, 佢話, 香港人就唔洗, 上來book就得架啦, 咁我咪問埋早產or遲咗, 會唔會收架, 佢話都會收, 因為始終係自己人



    點知我今日上到去, 個姑娘話今日無得book, 佢話星期五下午五點半開完會話, 因為而家好多醫生, 出幾封信比d產婦, 等d產婦可以book幾間, 而家可能會收deposit, 但係收幾多就未知, 叫我明日再來, 咁我咪話, 我點明日再來呀, 我要返工架, 佢話我可以星期日再來, 但係之前診所姑娘講明先到先得, 到星期日分分鐘無位, 咁我點呀??? 我咪話, 你哋又話先到先得, 等到星期日無位的話, 咁我點呀??? 跟住有個女人好似話得事咁, 走出來問咩事, 咩星期日, 咁個姑娘咪同佢講囉, 點知佢又係問我, 唔可以明日再來咩, 我都未出聲, 個姑娘己經話, 人哋要返工架, 同埋人哋星期六打來, 又叫人哋上來book, 咁而家人哋上咗來啦, 咁點呀??? 跟住個個好似話得事的女人, 咪話而家幫我book咗先, 如果最後話要比deposit, 再call我返上來比, 咁我咪問佢囉, 如果到我上來之前, 好多人比咗deposit, 我又未比, 會唔會飛起我呀, 佢哋又話唔會, 留咗就一定有, 我咪話, 我住呢頭架, 我只係會來呢間醫院, 我唔去第間架, 有個姑娘係度笑, 我心諗, 你笑咩呀, 你做我, 你會點呀??? 跟住佢哋收咗我封信, 話會留位, 仲問我順產定開刀



    我坐埋一邊等睇醫生個時, 真係忍唔住哭咗出來, 我同老公話, bb點呀, 我book唔到位呀, 老公叫我冷靜d, 咁我咪話, 我好唔好打比盧醫生, 問下佢咁點呀, 老公咪話好啦, 你打啦



    點知我行番出去坐, 等睇醫生, 比我見到有個男人又係來幫老婆做登記, d人又係唔比佢登記, 佢又係嘈先可以登記到, 咁個個話得事的女人又係收咗個男人封信, 又無問人順產定開刀, 個男人咪問, 你而家收咗我封信, 咁你有咩証明比番我, 証明係book咗, 個女人話, 我哋會即刻入電腦, 無問題架啦, 我諗諗下, 真係好似無咩保障咁



    再來, 有兩個女人走來同個大陸女人做登記, 仲比埋$30000訂金, 醫院即刻出曬証明比佢, 嘩! 咁即郂有錢就咩都得啦, 而家又話未知收幾多deposit, 咁d大陸人來曬登記, 到時我哋去邊度生呀??? 好可憐呀!



  • 最後我打咗比盧醫生, 我同番佢講今日的事, 我話, 老實講, 比著你係我, 見到大陸人放低$30000就可以留位, 仲比曬証明佢哋, 咁我哋咩都無係手, 得個講字, 收咗我哋封信, 有無位比我哋都未知, 咁我可以點呀, 而家己經唔係錢唔錢的問題啦, 要收deposit的話, 我諗點都唔會收我$30000, 就當我入院做手術咁, 收$8000 deposit, 咁醫院會唔會收大陸人的$30000, 而唔收我呢$8000呀, 盧醫生話, 我諗都唔會, 仲叫我比一兩日時間醫院, 佢哋今朝開完會, 應該會有公佈, 我只係覺得由係醫院到而家, 都係咁無助



  • 後來診所姑娘打比我, 話盧醫生鬧咗港安個邊, 到底有無措施保障孕婦有位生, 最後佢哋答應收咗封信就一定要有位我哋生, 仲話港安來緊會有人比番個booking no.我, 但又無提到要收deposit, 咁我諗應該唔洗收掛, 但係有個問題, 如果收得deposit, 咁好似人哋去旅行咁, 醫院應該唔可以加價, 唔係咁比咗deposit, 又一定要去, 咁加好多, 咪比佢哋"禁"住搶囉



  • 昨日醫院終於打來, 比咗個booking no我, 但係到時係咪真係可以一切順利, 都未知



  • 呢幾日好多內地孕婦的報道, 表面上好似好咗, 但係單單睇我個case, 我覺得己經好差啦, 我真係想像唔到, 到真係開始生豬bb個時會有幾亂



    我呢幾日條腰右邊好痛呀, 我打去問個中醫, 中醫話可能bb個頭向個邊, 所以我先咁痛, 我d同事同um都係咁講, 佢哋話等遲d bb轉咗個另一邊, 就無咁痛架啦, 但係到時咪要痛另外個邊囉



  • 我想問下你哋有無人經



    http://www.beauty- holic.com/catalog/index.php? cPath=2_260_261



    買過嘢, 我想買肚紋gel, 因為比起卓悅平, 本來卓悅賣$184, 佢哋賣$135, 仲有其他大肚用的都比卓悅平, 大家應為信唔信得過呢???



  • 各位,



    新年快樂, 心想事成, 未有的姊妹, 來緊會好快有, 豬年好運!


Log in to reply