你地會唔會同一個大家一齊唔開心，要屈就自己去迎合對方，但係大家都愛大家既人一齊?

同佢一齊冇 sweet 同埋開心既感覺，覺得好多地方同佢都唔夾，成日都要放低自己去迎合佢，當想像到將來都要同依個人一世既時候，就會覺得好可怕 .但係由於係自己做主動先，一齊唔夠半年，就分手，可能會比佢覺得玩佢唔認真 . 但係繼續落去又覺得好辛苦應該點做好 ?

就咁睇，身邊既異性，都唔會有一個條件(外表/背景/才學) 比佢更加優勝，雖然都知道愛情唔係簡依d 野，但係分開左自己又無辦法肯定會搵到個好似佢咁好 (其實佢既好只不過係個人認為)，係佢方面黎睇，佢又的確好愛我，之前試過短暫既分開，佢成個人都好depress，盡力既挽留

但係我地每個星期都會鬧幾次交，有時候大家都有錯，但係佢次次都會好嬲發曬脾氣咁鬧我，鬧到我喊，之後又會溫柔對我好好既哄番我，我心軟，之後大家當無事發生，下一次又係咁鬧，周而復始咁落去，令我好驚佢，唔知佢幾時會對我好，幾時會鬧我 ....

我明你感受, 我當時情況都好似你咁, 我同左佢一齊3年, 3年既時間大家都唔開心, 但又知道互相係愛對方, 所以一直都無分到手...
 終有一日, 會有一方真係頂唔順講分手, 考驗下自己忍耐力可以忍到幾時~
 宜家回頭睇番自己, 都唔明點解要咁辛苦自己又辛苦人, 放手有時等於放生自己, 不過講就易, 又有幾多人可以做到~

我同你o既情況一樣,分左2次都分唔到
 因為我份人太心軟
 有時自己都會好迷茫
 唔知應該點做

唔洗睇內容, 淨係睇你個標題, 已經唔覺得你好愛佢囉, 真正愛一個人, 係會包容到佢的一切, 要用到 "屈就" 黎形容你同佢相處的情況, 咁你愛佢仲有幾多呢? 我諗你要先分清楚係愛佢丫? 定同情佢? 又或是, 當愛變成習慣呢?

唔洗睇內容, 淨係睇你個標題, 已經唔覺得你好愛佢囉, 真正愛一個人, 係會包容到佢的一切, 要用到 "屈就" 黎形容你同佢相處的情況, 咁你愛佢仲有幾多呢? 我諗你要先分清楚係愛佢丫? 定同情佢? 又或是, 當愛變成習慣呢?
 
 by 清醒d 啦, 唔該 - 10/21/06 13:00
 
 exactly, if you really love somebody, you'll never use the word "屈就"

我覺得他哄番你之後,你應該平心靜氣講出你既感受,告訴他你會驚他罵你,看看有無辦法互相遷就...如果你真的愛他,而不是唔捨得他的條件的話,唔好甘容易放棄阿..老套d講..溝通先係解決問題既方法.

好多謝小康女既REPLY
 我每次都有平心平氣，如果係誤會既話，佢會發曬脾氣咁話"唔解釋" 之後就走左去
 如果係真係佢錯既話，佢會好似好內疚好唔開心咁又say sorry 又話對我唔住又話自己唔成熟等等，但係過多一日佢就又會好似之前咁對我好差
 
 我真係唔知道應該點樣做先好，佢道完歉都係咁，係唔係應該狠心d 同佢分手?

你個case與1813809不同
 
 你們雙方都愛大家，如果妳有誠意和決定繼續有發展的，大家就要好好傾下，他要改善一下脾氣(不過都幾難)，先要他從公眾場所學起，有什麼唔開心，關埋門再嘈過，漸漸改...
 
 妳要解開心結，唔好係屈就，而係咁心情願的遷就....不過嘗試過，改善到和心情開朗就最好，但仍然唔開心或者鬧交多過食飯，咁妳真係要好好考慮應唔應該繼續了......!!!!!!!
 
 妳說：
 【身邊既異性，都唔會有一個條件(外表/背景/才學) 比佢更加優勝，雖然都知道愛情唔係簡依d 野，但係分開左自己又無辦法肯定會搵到個好似佢咁好】
 
 換句話來說，咁妳如果遇到一個比他樣樣都勝一籌的，你是否毫不考慮去丟左佢??? 咁既觀念唔正確
 
 我覺得品德性格是得重要，好影響家庭和子女，妳應該睇唔少家暴的個案吧....
 
 我身邊有一個係親人，一個係朋友，她們的丈夫都係脾氣剛烈的，有才華的，雖然他們的婚姻都維持到越25年，但的確好辛苦.....
 
 妳肯決心長忍，就跟他吧....要考慮埋有下一代會如何???
 
 可能我太詳篇....

佢成日都為d小事鬧妳??例如咩事?
 有冇試過郁手打妳

如果係你錯，你有冇向佢道歉？
 定係認爲自己認同佢嘅見解就係 [ 屈就]？

我情況都係差唔多,又係同bf 成日嘈,而家我覺得自己唔係就佢,而係怕佢鬧我,唔想嘈而我去妥協...我都好驚好怕,,佢成日小小事就會有野講,例如我的衣著,行為,習慣等等,我心理壓力很大...唔知點算,,同佢一齊唔開心,辛苦,但我怕自己一個人又係唔開心...

我唔係覺得屈就,可能係我高攀佢添,,呢幾年佢越來越有錢又步步高升,,變到很高要求,,,我都有話如果係咁我地不如唔好一齊,佢又唔肯..

版主, 我覺得你似乎睇對方有d 條件的優勢而唔想分手. 我睇你愛極佢都有限

未結婚已經唔開心點對成世

sorry to be rude. if u say he not happy with u, r u sure he really loves u & want to be together with u.

其實佢咁樣係唔係唔愛我既表現 ? 佢鬧交哄番我都只係想有個人係佢身邊 ?當局者迷，我都唔知道
 
 TO ??
 咁佢又冇郁手打我口既，為左咩事鬧我，都好多下 . . .. 例如我地之前講好左係某一個地方等，但係當佢到緊目的地果時，我打比佢，轉地方等(只係過一條短既馬路，佢就鬧，成日唔同你講野 / 問佢幾時放假去邊度食LUNCH 果D 好簡單既問題又要鬧我煩/唔想決定係邊度等OR 食LUNCH，要佢決定,佢又鬧 /D 事情真係可以細到你想像唔到
 
 佢平時會因為依D 小事而扔低我一個人係條街到. 我唔敢激得佢太緊要，因為我驚佢會因為咁樣而以後唔理我或者真係會打我

我而家既情況同你差不多,
 我同佢尋日講清楚...呢一刻大家叫分開左。
 嗯, 同佢2年幾, 一直以來都覺得同佢唔夾...
 我係果d好要人乙水既人, 而佢, 就永遠唔識乙水人...每一次都係要踏一腳先會郁一下既人... 又或者, 每次要發曬脾氣先肯去改, 但一陣就故態復萌囉...
 
 佢人品係好的... 但... 唉...

TO aa
 其實我指既屈就係例如明明應成左聖誕/除旦會陪我過，最後又唔知去左邊(熄電話)
 我每一次叫佢出黎(食LUNCH,行街)，佢都會話"支力/凍/打機/做野"/去街到夜晚1 點，果晚好凍，都唔會送我番屋企/佢次次都會拒絕我既任何要求，之後又會鬧我因為比佢 REJECT 而唔開心(我只係唔開心，有話過佢)，之後我就要係佢面前扮開心 . . .
 
 其實係唔係我做錯野，只要佢發脾氣，我都會哄佢 and 同佢say sorry

TO same
 我同佢一齊都有好大既心理壓力，佢會因為小事發脾氣，之後就唔出聲，扔低我係度，我係咁拖住佢佢又fing開我... 其實我好多時候根本唔知佢嬲咩，之後佢講番原來係因為d 好小既事，搞到我成日都好怕，步步為營咁
 
 same,你同 bf 一齊左幾耐?你地大約幾多歲到 ?佢平時對你好唔好ga ? 可以一齊分享下,^^

你地會唔會同一個大家 一齊唔開心，要屈就自己去迎合對方，但係大家都愛大家既人一齊?

你地會唔會同一個大家一齊唔開心，要屈就自己去迎合對方，但係大家都愛大家既人一齊?