我隻13歲既西施係個口入面生左個瘤，醫生話多數係cancer，大家有無名醫介紹？

狗主一名 = hehe

hehe
 
 見到 dr.ian 個陣可以問清楚D狗狗既情況，唔洗怕唔好意思架。
 
 希望狗狗早日康服。

今日打了電話到診所講俾佢地聽我隻狗狗痾了很多ng ng但有些問題, 周醫生覆返我, 佢話冇問題, 佢問我俾hehe食什麼(佢建議食hill's wd)是高纖狗糧, 令d ng ng痾得smooth d, 但星期二我見he he痾唔到好辛苦, 當時周醫生放假, dr ian覆我, 話叫我俾he he食低纖的low residue, 令d ng ng少d, 他話唔好吃wd, 咁我話周醫生suggest食wd, 其實我都認同應該吃d低纖令佢唔好咁多ng ng要痾, 因佢便秘同有缺口, 正常應該唔好成日郁到佢, 姑娘話佢地會傾, 但今日周醫生就強調食wd, 因為he he需要每日都有ng ng痾, 同埋要令餐餵瀉油, 令牠每日要痾, 因要唔好塞住ng ng, 如果塞住會塞到個缺口和可能會跌入會去, 會擴大個缺口就會惡化, 但dr ian開瀉油俾我時話需要時服, 但聽完周醫生今日咁講, 我都會每餐俾he he食瀉油, 但吃糧方面, 真係唔知點好, 兩者都有不同講法, 但兩者都有理, 我本來好buy dr ian的講法, 因我也曾做過腸手術, 醫生唔想我條腸或傷口蠕動, 就叫我吃低纖流質的東西, 但周醫生又話要he he需要每日要痾ng ng才對佢好, 所以要吃高纖, 我都唔知點做好?

hehe
 
 都幾難攪，兩個醫生相反意見，不過我會信Dr.Ian 多d，不過dr.chow係狗狗既主診醫生，你自己決定信邊個，真係俾唔到意見。

mm & hehe
 
 how are your dogs doing ah??

deedee808
 
 我隻仔幾好呀！食得訓得，只係report未出，仲有D擔心。

老實講, 我認同dr.ian 多d .....
 
 係....dr.chow 講得arm 係要毎日有正常排便, 但我個人認為唔代表要食高纖, 因為食高纖真係會排便量多, 亦令狗狗増加左排便上負擔
 
 食糧ge目的係要吸收營養。。。。既然手術後係避免腸道蠕動咁多來説, 我就認同dr.ian ge 講法lor

今早hehe痾爛ng又有血, 我即急call, 周醫生話應該是腸道出血, 咁我今早帶hehe去睇(但是看dr ian, 因周醫生早上不在), dr ian話hehe肛門肌肉左右兩邊都有個缺口, 一大一小, 佢話如果做手術風險好大, 而且未必成功又好痛, 做完後又可能會有返兩個缺口仲要分開(隔半年)做, 我聽到梗係唔想去搏, 但如果唔做慢慢落去, 個缺口可能會愈來愈大, 咁就麻煩, 所以而家要食物控制牠每次排便要smooth, 最好每日都有, 我同佢講(相信佢同周醫生都有傾)周醫生強調食wd, 咁佢話都可試下, 睇下邊隻糧令hehe痾得好d, 咁我頭先俾左小小wd佢食, 一陣就ng ng要痾, 但都是唔係好smooth, 兩分別是一隻易有ng唔洗食瀉油都會痾, 一隻冇咁快有ng, 其實做唔做手術兩邊都唔討好, 但我梗係唔想hehe佢搏, 成數又不大, 手術後又好痛, 但現在又睇住佢痾ng ng又辛苦, 成日逼到個缺口, 又驚又擔心, 好心痛, 好煩, 我又要考試, 現在連書都未溫.......

mm
 
 wishing all the best for your woo woo ah...dont worry la, the result will come back with good news....be optimistic. mean time, just spend happy quality time with your woo woo...this is the best solution for now.
 
 hehe
 
 how about adding some canned moist food into your woo woo's food?? and also soaking the dried food too. i think these may help with her bowel problems...but please check with vet to see if these are good ideas or not. wishing all the best for you & your woo woo too.

我覺得如果你睇過dr.ian就唔好再轉番dr.chow。亦都唔好理dr.chow提議過d咩，反正而家已經出左另一個問題，你信dr.ian啦!絕對係一個負責任既vet。

mm & jocat,
 
 上星期我咪話帶hehe去睇dr ian, 諗住好祈望佢會俾到d suggestion俾我, 究竟對隻he he來講, recommend做好定唔做好, 因為我都知如果做, 呢個風險好大, 因為個手術都好複雜成數唔大, 而且有機會穿返, 但唔做始終有個洞係度, 就算用食物control盡量令d ng ng易痾d, 但每次排便都要用力, 加上he he現在更是便秘, 我每次都要用甘油條, 佢先痾到, 咁樣落去, 只是愈suffer落去, 個洞一日未補一日個問題都未能解決, 但他說俾唔到建議, 要主人自己做決定, 我聽到之後都好失望, 因為我諗到佢可以俾到個方向我, 我就係好迷網唔知點做好, 我fd同我講會唔會根本個醫生都唔信心做呢類手術, 所以唔敢同he he做, 所以俾唔到建議, 將個包袱拋返俾我, 佢叫我睇過另一個醫生, 找個對呢方面手術有經驗有信心做到o既, 因我住屯門, 我知屯門有位叫dr gerry是很好的, 星期六我找他, 問他有否suggestion, 佢話he he呢個手術真是一個複雜的手術, 一定要找過有經驗的醫生先可做同成功機會先高, 佢話唔係咁多醫生都熟悉呢類手術, 但咁啱佢就是對呢種手術好有經驗, 做過30-40次, 佢有信心可以幫he he做呢個手術, 我問他對he he最好來說是否做手術而唔係diet control, 就算diet control可以令到he he 排便好d, 但每次咁排便也會令個洞愈來愈大? 佢說係, 所以最好都係做手術, 先可有機會解決呢個問題, 我最後問他he he已8 yrs old而且剛剛做完desex, 會否令到個手術風險高左, 佢話唔會, 因為以佢經驗大多數有呢個問題的狗都是8-10 yrs old, 佢也替過10以上的狗做過到成功, dr gerry的出現真是令我有返希望, 我決定找他替he he做手術, 因我唔想看住佢suffer下去, 還有我同gerry講灣仔果邊話he he有兩個洞, 一大一小, 我叫他check 下, 佢check得很清楚話只覺得一個大洞, 另外一邊冇洞喎! 這令我很突然, 因為dr ian話he he有兩個洞, 又話要分開兩次做, 每隔半做一次, 但gerry check過後confirm冇, 我都放心d, 但他講現在有一個大洞, 如持續下去, 另一邊都好有機會有洞, 所以最好同he he做手術, 這令我更要為牠着想要做, 我希望he he可以避過此劫, 大步踏過, 完成手術後盡快康復, 唔會復發, 回復以往健康活潑的牠

hehe,
 
 係呀, gerry係屯門元朗最好既醫生，我隻狗狗由細到大都只係睇佢，佢好記得我隻狗狗架，一提個名佢就知架喇！佢真係好細心好有醫德既醫生，佢唔會為左錢咩都話得，佢會為動物著想，真係有需要先會叫主人做，同埋你隻狗狗８歲真係唔係好大年紀架咋，你真係唔駛咁擔心，放心比狗狗做手術啦，因為將來狗狗仲有好多年日子架，唔做或者對佢影響仲大，希望你狗狗身體健康，開開心心！

@rockybb@,
 
 THANKS YOUR FOR SUPPORT!
 
 你都係住在屯門?

hehe,
 
 係呀, 我都係住屯門架, 仲之dr. gerry佢係邊間診所我就去邊間睇佢, 上水我都去過, 我睇過其他醫生, 無一個比得上dr. gerry, 所以你放心, gerry佢真係一個好醫生!

@rockybb@, 你住屯門邊度, 我住富健, 有空的話約出來放狗狗, 我都想識來d狗友
 
 很開心又有多個人support dr gerry是個好有醫德的醫生, 我識d狗友個個都話佢係

其實5月6日本來我都想帶he he看gerry的, 但由於he he之前睇開灣仔的, 有曬record, 之前的大單野 - 中暑都是看他們, 所以當日早上決定遠d都帶he he出灣仔睇, 冇等晚上才有booking的gerry, 而且gerry從未看過he he, 所以當時覺得都是放心俾灣仔睇, 現在諗起都有些後悔, 因為gerry話以佢角度來看, desex是可以同小腸氣一齊做, 而且灣仔發現he he 有前列線腫時都竟然冇同時發現佢有小腸氣問題, 同樣探肛的, 如果肯細心d check下其他地方, 是會check到的, 因為he he個洞不是細, 不是一個星期之內突然間咁大的, 但是當我話he he對睪丸腫大同仍便秘, 佢先再check he he後才發現牠有小腸氣, 那已昃2個星期後的事了, 現在回想起也有點生氣

sorry typo: 係"我都想識'多'd狗友 "先啱

hehe,
 
 我住係兆康個邊D村屋架！雖然出面真係有好多好醫生，但係DR. GERRY真係好好，佢都好有經驗，你可以自己睇下就知！我試過係佢放假時我有緊要事都搵佢返黎，佢都好樂意架！所以佢真係一個好難得既好醫生！同埋始終遠水不能夠近火呢，有事時真係好難次次出到去咁遠架，其實你可以慢慢試下將hehe交比gerry睇，始終屯門元朗方便好多，不過GERRY好多人約架，所以一定要預約先得呢！

@rockybb@,
 
 thanks for your reply, 我會叫維多利要求灣仔果邊fax he he d record過來俾dr gerry看的, 然後以後會俾gerry forward he he的, 真是好的, 因為始終係屯門元朗, 地點方便很多, 唔使每次也要搭多途車出去, he he又要困在袋��, 我同佢都辛苦呢!

hehe,
 
 不過話定比你知, 維多利個d姑娘有好多態度麻麻架，話定你知，比個心理準備你，不過如果個醫生好既話，話之佢d姑娘啦，你話係唔係？

hehe,
 
 仲有，唔好意思，想問你你要唔要返工架？

要呢

姑娘態度麻麻?>>>>>我覺得屯門果d幾nice, 但今日電話接觸元朗d姑娘就真係麻麻喇, 我已提早5/31俾gerry替he he做手術, 因我覺得既然confirm要做, 不如早d做, 盡量令親個洞唔好有時間俾佢擴大來做對he he好些嘛, dr gerry話冇問題, 元朗d姑娘話要我當日早上10放低he he, 但我覺得d姑娘咁樣, 都有d唔放心就咁早放低, 我諗住那天早上陪住he he呢, 你有冇此經驗呢?

hehe,
 
 係呀, 你講得好岩, 屯門有個姑娘係好好呀, 不過唔知係咪你講個個呢? 你已經約左31/5做手術喇? 其實元朗D姑娘係態度麻麻, 不過應該唔會對D狗狗有問題既! 同埋佢地叫你10:00放底狗狗, 係架, 佢地係會叫一早放底架, 其實佢地一般係12:30後先開始幫動物做手術架, 除非好特別啦, 做完手術之後要等狗狗醒左佢地就會CALL你返去, 之後等醫生同你講番個手術既情況, 時間大約都要5:00之後, 最主要睇下係D咩手術, 不過係做手術過程中你都要留意住個電話, 因為佢地有咩問題會即刻CALL你! 不過佢地唔會比你做手術前上樓上陪住狗狗架! 或者你試下同醫生講話你隻狗狗如果咁早放底會好驚, 可唔可以遲D先放底呢!! 仲有想問你, 你要唔要一早再見一見GERRY先架, 係咪已經同GERRY講得好清楚要做咩手術, 記得到時長氣D都要講係要GERRY做呢個手術呀, 免得出錯!

我想問dr. gerry有冇鬍鬚架?

winni,
 
 你問得好，以前gerry係無鬍鬚架，不過最近我見佢留到成面都係鬍鬚呢！

hehe,
 
 你要返工，咁平時邊個照顧hehe呀？

你要唔要一早再見一見GERRY先架>>>>我當然想做之前可見一見GERRY, 我冇特登問可不可以呢, 原來要REQUEST嗎? 星期六我已同佢講得好清楚要做小腸氣手術, 果日佢都同HE HE CHECK得好清楚個問題, 佢個佢有信心同HE HE做呢個手術, 應該唔好其他醫生做嫁嘛?! 唔好嚇我!

你要返工，咁平時邊個照顧hehe呀？>>>>呢樣都係好頭痛的問題, 平時都是多數得佢在家�圌

成面鬍鬚, 我星期六5/27見佢又冇乜喎!

頭先打去元朗問, 個姑娘話手術前多數唔會見到GERRY, 10時多數GERRY不在, 佢問我因乜要見佢, 我話想傾手術D事, 佢話星期六你咪同GERRY傾左囉, 我又REQUEST可否手術前才放低HE HE, 因HE HE見唔到我會驚, 佢話不可, 因為要隻狗適應冷靜一段時間後才可落麻醉藥, 所以不可手術前放下
 
 @rockybb@ , 你之前的狗狗都在元朗做過手術? 果度環境好嗎? 手術前可以見到GERRY先?

hehe,
 
 無理由喎, 我25/5見佢, 佢都仲係有鬍鬚架！
 
 唔駛咁擔心, 我只不過提一提你呢, 不過你星期六個日係咪係屯門睇架? 到時做手術個日睇下d 記錄有無send過去元朗喎! 你星期三個日朝早去到, 你咪同姑娘講我想同gerry再傾一傾做手術既詳細情況咪得law, 見一見醫生穩陣d, 反正佢地都會收你deposit架啦!

我上星期六隻狗仔唔舒服, 帶左佢去dr. gerry度睇,當時見倒有兩個醫生on duty,一個係dr. gerry, 一個係dr. michael, 所以想知道邊個打邊個。不過我見佢兩個都好好人。但係我隻狗仔就唔好多彩喇, 因為dr 懷疑佢有"克卿氏病" (我都係聽個nurse翻譯), 做左個blood test都顯示佢有好大可能係, 我隻狗仔都已經好老喇, 所以我d屋企人都唔多想用好多錢去醫佢, 又怕長期醫治會令佢好辛苦(好彩佢暫時都冇乜事,行得食得, 只係成日訓覺,冇以前咁active, 同埋有個大肚dum & d皮膚唔係咁好, 有粒粒)。我想問你地有冇聽過呢個病呀? 或者有冇人既狗仔/女唔好彩患過呀?

hehe,
 
 我隻狗狗多數都係元朗個邊做手術, 因為個邊d儀器好d, 但我未上過去做手術既地方, 唔知個環境, 不過唔駛擔心既! 如果姑娘話你知gerry無咁早返, 咁即係,話gerry返下午, 佢一返就應該係做手術, 之後就睇証, 因為元朗個診証時間去到成21:30架, 所以通常分2個醫生睇, 而屯門個訝証時間去到19:30左右, 所以通常全日都係同一個醫生! 如果係咁你最緊要問屯門個record有無send過去元朗, 因為gerry上次同你隻狗狗檢查時, 要做咩手術, 佢會寫得好清楚係個record度!

winni,
 
 你係咪瑟樂園個個jojo呀? Dr. Michael我唔識, 不過佢應該係好新下, gerry係最好既!
 我無聽過呢個病，咁醫生點講，有無藥食同埋將來佢會有咩問題？你要問清楚，我覺得最緊要過到自己個關，屋企人既意見我唔會聽，同埋最緊要狗狗開開心心，舒舒服服就最安慰！

winni,
 
 最緊要唔好到將來先後悔自己做既事呀，我隻狗狗年紀都大，但我會令佢最開心，最快樂，最舒服，有咩方法我都會試，最重要係唔好令佢辛苦！

winni,
 
 我好同意rockybb嘅遘法，你同狗狗嘅感情係唔可以用金錢去衡量，我隻狗狗而家都有病，但我寧願自己慳D,都一定要定期同覆診醫治，如果藥物/手術係可以令狗狗舒服同延長壽命嘅話，我地又點可以唔比機會狗狗呢??
 我好希望你諗清楚先作出決定!!!

carcar,
 
 我同你都係同一類人, 什麼都以狗狗行先, 我地當佢地係仔女一樣, 有時諗有d人對自己既小朋友都未必有我地對動物個份既緊張同關心! 最希望佢地開心快樂, 自己受下苦又有咩所謂呢!

@rockybb@ ,
 
 我同你的諗法完全一樣, 現在我只想he he可以盡快康復, 解決現在的問題, 唔想佢受苦, 唔想佢的病再suffer落去, 所以就算幾多錢我都會付出, even現在因為呢個病我已洗左over 1 萬蚊也覺得冇所謂, (唔計之前的醫療費)至要佢有事, 救得返左為佢好就得, 以往的我一向好慳, 成日蓄錢, 洗多少少都唔肯, 現在我為左佢已視錢財為身外物, 銀紙=白紙, 錢冇左可以再搵再蓄, 最好咪自己再慳d同遲d先完成儲蓄目標, 但he he係我的心肝寶貝, 我視牠如我的親生仔, 我同佢的感情, 佢對我的忠心, 係用錢都買唔到, 佢係我的"無價寶"

至要佢有事>>>sorry, 打錯, 當然係"只要佢'冇'事"先啱啦!

hehe,
 
 我同你既諗法完全一樣, 不過好多人覺得我地係傻既, 為左隻動物付出咁多, 所以有時我都好少同d朋友講我隻狗狗既野, 費事同佢地講, 因為佢地講極都唔會明我地既感受!!

i want to bring my girl dog to dr ian's office to have dessex surgery...is he a good doctor for this surgery? i ve been to dr tiger at tai wai but i didnt really like her nor her staff. will anyone please give advises? thanks a million. =)

to: mm & others
 我隻狗口裡面都係生左粒腫瘤, 而且好大粒, 仲已經擴散左去肺到埋心, 但dr. ian原先話如果個肺同心臟有好轉, 可以睇下可唔可以做手術cut左粒瘤, 其實上次覆診dr. ian 話進展得幾好, 下次可以再照x-ray confirm 係唔係有好轉, 可以cut 粒瘤, 但係我見隻狗狗粒瘤大得好快, 喉嚨位仲腫左, 我諗應該好嚴重, 下個星期會覆診了, 真係好worry, 因為我知dr. ian唔會贊成做手術, 因為佢唔想狗狗辛苦, 點算好? mm, 你隻狗狗粒瘤有幾大啊? 未做手術之前, 有無影響佢食野? 呼吸有無唔係好順?

5/31 dr gerry 已成功地幫he he完成手術, 現在he he好開心好精神, 仲好smooth痾到ng ng, 解決了小腸氣問題, dr gerry話he he 2 wks後可以正常的吃回一般的乾糧, 好開心見到he he康復, 感謝上天俾預見dr gerry救回he he
 
 另外, 經過今次事件後, 我以後唔會再到香港獸醫中心看那個dr chau & dr ian, 簡直唔掂又掠水, 唔識醫, 唔識做個手術, 但又要攬住來醫, 又話要什麼diet control, 一個就bull shut! 我夠知呢個手術高難度有風險, 但唔做又解決唔到問題, 我就係見人人都話你有醫德好doctor才問你suggestion, 但他竟然重複我的說話兼叫我自己決定, 根本唔料到, 唔信心做怕孭鑊, 白白曬多幾百蚊聽埋d廢話! 又令我he he無啦啦一次手術變做兩術手術, 唔識醫又拖症兼掠水, 計計埋埋我o係呢間診所花多左千幾二千蚊, 我今次真係領教過呢兩個醫生!
 
 deedee808, desex算係一個小手術, 正路問題不, 很多醫生都熟做呢種手術, 但我經過今次事件後, 如你問我, 我當然話唔好啦, 雖然是一個小手術, 但既然做和日後有什麼問題, 你都想找同一個醫生follow 嘛? 我當然suggest你找一個好醫生做啦!
 
 christy,
 我suggest你都係找多個醫生俾下advice好多, 唔好單信一個, 尤其我今次領教過佢地之後, 你可以先打電話問下d 診所多唔多做呢種手術, 成功rate高唔高, 終至找個好醫生聽下advice, 我今次都係咁!
 
 @rockybb@ ,
 
 我終於看清楚dr gerry是有留鬆的, 仲下巴位成把鬍鬚o忝! 佢仲好nice 呢!

仲有一樣野要同你地講, 就係香港獸醫中心果度話8yrs old or above做手術要用老人麻醉藥, 需另加$580, 咁我 he he在佢地果度做完絶育+洗牙, 我拿張單俾dr gerry & nurse看, 佢地話呢隻只是一般聞氣的麻醉藥, 呢隻藥係最安全的, 但他們診所無論什麼年紀的動物都用呢隻藥, 同埋現大部份診所都是用呢隻藥, 呢隻根本不是什麼for老狗用的麻醉藥, 亦都冇一隻麻醉藥專for老狗, 但在dr gerry的診所做絶育都是$720, 但那次在dr ian & dr chau果度就要花 $550(絶育) + $580 (所謂老人麻醉藥的另收費用) = $1130, 相差$410, 真係掠水, 同埋佢地for8 yrs old or above先用此最安全的麻醉藥, 我真係唔知under 8 yrs old, 佢地會同d 動物用什麼麻醉藥呢? 真係一額汗!

其實佢地用的只是最安全的"聞氣麻醉藥", 只是佢地for 老狗先用, 才自按個名叫"老人麻醉藥", 唔怪得知我問其他診所d姑娘個個都冇聽過什麼"老人麻醉藥"啦!

仲有唔記得左講, 應該係$550(絶育費) + $580 (老人麻醉藥附加費) + $150 (用老人麻醉藥之前的測試), 總數應是: $1280, 單一個普通的絶育費用, 但其實只是$720已可做妥, 真係不知所謂!

hehe,
 你去到dr. gerry 到先問番香港獸醫中心攞番d資料定係之前攞定先ga? dr. gerry係唔係真係信得過? 有無佢ga contact資料?

christy,
 
 我係去到dr gerry待他診斷he he, confirm由他幫he he做手術後才叫香港獸醫中心fax d record到dr gerry度
 
 雖然我今次都是第一次看dr gerry, 但佢俾我印像好好, 不但nice, 而且醫術了得, 呢個咁高難度的手術佢都做得好好, 點解我咁講? 因為唔單只我呢單case, 我6/3帶he he去gerry度拆喉, 我見有位女士, 佢一見到he he個傷口就知是做小腸氣手術, 原來佢隻狗都係小腸氣在呢間診所做, 佢隻狗仲13yrs old有腎病兼有2個洞, 一大一小, 個大的仲跌左個膀胱落去, 佢話醫生都好成功地幫佢隻狗做手術+絶育, 現在都好精靈, 而且我所識的屯門狗友, 個個都話gerry好, 醫術了得, 唔掠水, 唔會誇大個病, 藥物/手術, 有需要才開/做, 佢今次咁有信心幫he he做手術, 醫好he he, 我當然覺得佢信得過啦!
 
 佢係在維多利寵物診所, tel: 2459 7217 屯門, 24778929 元朗, 26686556 上水
 
 但係shift duty在呢三間分店, 你可以俾你隻狗狗佢診斷, 聽下佢有什麼advice, 診金唔算貴(基本$220) , 但我果次因為問左好耐, 講曬he he d 經歷同俾診斷病情, 傾左成半個鐘都有, 佢就收我double$440 囉!

chirsty,
 
 記得帶埋d 驗血report, x ray, 什麼什麼你手上有的report和藥物俾佢看啊! 因為我都係咁, 佢見到he he個blood test 就已confirm牠身體冇問題, 可以做手術, 咁我就可以一次過俾佢睇曬d 野, 跟住叫香港獸醫中心fax d record俾佢睇&約期做手術