點樣令個巨蟹仔愛上人馬女~~?? and 令蟹仔主動追求自己~~??
-
馬女
其實我都想知佢同你講過咩將來人生大事喎?? 講黎聽下睇下有冇機啦!!
我覺得佢問得你呢D野,唔多唔少都對你有信任,唔排除佢係想試探你,
而試探你既目的未必係對你有意思,可能係想知道普遍女仔既想法,
又或者係佢想知道你對將來有咩睇法!!呢D野係好個人每個人追求既野都唔同. 佢可能因你既答案而對你加分. 至於你想點答佢, 都係用你心入面既答案黎答佢啦. 無標準答案.
-
Z, chilli, 奇，
多謝你地既意見呀！其實我都係咁諗。我個人一向講野比較直接，唔鍾意估估下。所以我覆佢個e-mail 都係講返我個人既睇法，當然我都有問番佢既意見啦！
奇，
其實佢冇同我講過D咩將來既人生大事，只係佢話對於將來既家庭.. 有D野諗唔通，叫我比D意見佢。唉！我都唔識點樣同你講囉！不過我好贊成你既講法，我同你諗法差唔多。畢竟係男仔既角度睇問題，同女仔有D唔同。呢度好彩有你咋，等我地更加知道男仔係點睇野既！Thanks. ^^
-
大家好嗎？
今日終於都收到蟹仔既 e-mail喇！
內容大致係話佢之所以 e+ 凡事謹慎係因為過去有一段很不愉快的經歷，
我諗應該係講佢有關佢感情方面既野卦！
唉！睇黎都真係好難理解佢心入面到底諗緊乜，
唔知點解，發覺同佢既距離
好似越黎越大咁！
-
馬女
唔, 我覺得蟹仔會同你講出心中點想, 你地既關係已經好左架勒
如果你想了解佢, 我估你真係要比多D時間, 錯...要比多多多時間佢地
點呀, 你地E+進展?
-
chilli
最初都吾知自己係咪鐘意個男仔架，係佢哋chur chur吓，咁又覺得相處得幾開心，咁就一齊。----->>>> 我都係咁, 哈
點呀你最近, 有無物色其他人選呀?
-
Z,
好開心呀！終於見到你再次出現喇。
唉！剛剛相反，從佢覆我既e-mail中，我感覺佢對我越黎越生補，
我覺得我地既距離好似越黎越遠咁
不過算啦，我唔再諗喇，睇黎我同佢既緣份止於此！哈哈！
係呢，你又點呀，講多d 黎聽聽啦....
Z, chilli, 奇， cc....
點解你地呢輪咁少上黎留言呀！到底發生左咩事呢？好卦住你地呀！
-
馬女
你話你同佢既距離好似越黎越大咁, 其實係因為你了解過佢, 開始知道佢諗咩, 而佢亦開始被你了解. 但係你對佢既了解並唔係你期望果樣野.可能你想得到更多.
你話好難理解佢心入面到底諗緊乜, 正常啦, 我諗無人會一開始就赤裸裸咁咩都比你知道曬,更何況係一隻蟹, 因為自我保護意識嘛, 但...佢將佢諗既野話比你知, 已經係一個唔錯既開始, 因為佢開始信任你, 開始想解釋你知佢既想法, 係一個唔錯既開始. 但係你唔好期望佢會用好短既時間將佢既全部話曬你知.
哦....既然你都諗住到此為止,咁就算啦.
-
馬女
你問點解咁少上黎呀? 其實我一有時間就上黎架喇,不過見到你地都相安無事,我咪偷下懶囉. 同埋唔知點解呢期成日都覺得好眼訓=.="所以成日都無咩精神.....我老喇~
-
我唔覺得巨蟹男好怕羞啊，我依家個男友係巨蟹男。不過我哋開始咗唔係好耐，之前啱啱識嘅時候佢已經當正我好似佢女朋友咁照顧，當時我覺得佢好細心又溫柔。佢都好主動咁追我，又係樓下等我成晚。晚晚都好癡纏咁傾電話。佢成日講D嘢都另到我好感動。不過可能因爲我係蠍子，而且唔怕講我個人都幾有心計，換著其他人可能早就被佢俘虜，不過計我話，以依家嘅狀態，似係我俘虜佢多過佢俘虜我。呵呵~
而且佢自己都承認，佢一日揾唔到我就會好唔舒服。佢仲話爲咗表示佢對我係認真，半年內佢都唔會同我發生關係亦都唔會錫我個咀仔。仲話無論我哋幾辛苦都要忍。不過其實我覺得你可以試下勾引佢，令佢跌落你嘅圈套。我男友成日都跌入我設嘅圈套，要事後諗黎諗去先發覺係我設嘅圈套令佢越黎越鍾意我同在乎我。可能蠍子天生嘅本性——勾引人好厲害。但又要唔好出曬面嘅勾引，要做到就算你勾引佢睇落去都好似佢主動你被動。我諗可能係我無形嘅勾引令到佢由被動變主動呱。我覺得巨蟹男好鍾意靚嘅女仔，所以要成日打扮。同埋佢哋都好渴望有個家，俾佢覺得你好識諗、好體貼、好溫柔、好可愛，佢就會好鬼死鍾意你。就算你唔係咁嘅人，咪扮下嘢咯。同埋一定唔可以成日見面，要忽冷忽熱，因爲太容易就可以見面，佢唔會咁緊你啦。就係因爲唔容易見面，所以佢會成日都好想見你。唔見面嘅日子，同佢講電話時最好要“嗲”D。佢會好受落。這是我個人的基本勾引大法。呵呵俾你參考下。
-
auumi,
hahaha...多謝你分享你既故事。據我所以蠍子同蟹其實幾夾架喎。btw, 你可唔可以具體d講下你係點樣勾引佢架？點樣令到佢又被動變主動呀！可唔可以舉d例子黎聽聽呢？
-
奇，
我呢排都好忙呀！所以咁耐冇上黎。
多謝你同我分析呀！你講得好�琚A蟹仔的確唔容易講佢諗既野我知。不過唔知點解(唔知係咪錯覺)，我睇完佢比我個e-mail後，覺得佢講d野客套左好多，冇以前佢寫比我 d e-mail 咁似朋友關係囉！我到e+都仲未覆佢e-mail. 一來唔知點覆佢，二來唔知覆唔覆佢好。唉！
-
巨蟹座既男仔, 想分手會點架?
-
馬女
去到呢度我都唔知點講喇. 我唔知你地EMAIL 入面講D咩.
同埋我想知道你上次講過佢回你個E-MAIL, 咁....你話你仲未回佢, 係咪即係仲未回佢上次比你個MAIL 呀??
咁講啦,其實佢講某D野比你知,可能佢係想要你回佢某D野, 例如佢話你知佢會對感情事謹慎左, 咁佢可能想要一個回覆, 大約係你會明白佢既謹慎之後又點點點點點....咁! 但係呢個我係估. 因為唔知大概你地講D咩, 至於你話佢同你講野客套左, 咁可能佢想縮, 至於係因為D 咩就唔太清楚.
不過咁樣, 既然你都唔諗住繼續, 我睇你都係唔好再諗咁多,因為再咁落去你仲辛苦.
-
auumi
蟹係會主動架,當佢覺得自己唔會食檸檬時,佢係可以做到好主動.
例如,佢覺得你係對佢特別D,你成日都會搵佢/叫佢....OR 言語上超出正常開係等..
無錯天蠍座既女仔係幾吸引, 但係...我唔知點解佢地都會有D野係令我好抗拒, 好似佢地D脾氣....等等.....同埋我識果D 天蠍女都係....幾毒
-
KELLY
個個人唔同架喎,有D可能會好惡分明,當佢唔鐘意你就擺起塊面度.
同你一齊時會有好多野諗,諗緊野果時會唔出聲,
不過一段時間之後都會同你講分手.
但係分手既過程中可能會拖拖拉拉.
點解咁問呀?? 有咩拎出黎研究下啦.
-
我bf唔知點解愈來愈少聯絡... 已經去到我唔搵佢, 佢就一定唔會搵我既地步. 就算我打俾佢, 佢都好快收線.
已經兩星期了... 佢係咪想分手? 巨蟹唔係好專一架咩... 拖拖拉拉通常有幾耐?
巨蟹座咩原因想分手呀?
-
我應該點做?
-
KELLY
你係咪需要同佢傾下?
佢係咪想分手?...未必去到咁壞既,唔好亂諗住啦.
可能佢有野煩緊,有野諗緊,可能係其他事,又可能係你地之間既事.
你覺得佢唔搵你,唔緊你,你覺得係咩原因??
你地有冇咩事發生過??
萬一佢真係想分手,你都做好心理準備啦.但最好問清楚先啦.
至於你話巨蟹仔專一.....無錯既,但係蟹仔都係一個男人,佢鐘意你時可能會好專一,但係如果佢唔鐘意你,咁專一就唔會再成立, 你問拖拖拉拉幾耐? 個個人唔同, 但係可能係佢同你講完之後先拖拉, 依家咁既情況又未到住. 都係果句,你首先都係要知道出左咩事. 至於你問咩原因會分手.......,真係答你唔到,你直接問佢會好D.
講到尾都係果句, 你同佢溝通下, 帶佢正視個問題啦. 外人好難幫到你.
-
z，馬女，奇，
hello，你哋好呀，我剛剛去完旅行返黎，玩得好開心呀!! 仲買咗好多"生日禮物"比自己添！所以依兩個星期都無上黎。
Z: 點呀你最近, 有無物色其他人選呀?
-> 暫時未有呀，都係順其自然囉，依家明白咗有d野吾急得，馬仔果度，我都主動過，又暗示過，佢都未有d咩表示，咁就唯有隨緣囉。原來我生日正日(佢旅行中)，馬仔有留我facebook既message話祝我生日快樂，我今日有多謝番佢！
仲有，馬仔話我知佢去旅行買咗份手信比我，仲話佢好番之後約我出黎送比我(佢病咗呀)! 其實我之前講隨口過一次，無expect佢會買，我亦吾係貪人一份禮物，只係想試吓佢記吾記得啫！點知原來佢記得。
我去旅行都無特別買手信比佢，只係起機場買咗d野食，心諗，如果佢有手信比我，我咪送番依盒野比佢囉，萬一無，就算架啦! 我係咪好衰呀! (因為我今次真係無期望d咩呀!!)
馬女，
不如你試吓好似我咁，當蟹仔係一個朋友先啦，你知我哋份人吾會諗得咁覆雜架ma，信可以照回，吾好掩飾自己既!!
auumi，
我月座都係天蠍架，我對潛意識對感情都有少少天蠍既影子，手段係我同咗個男仔一齊時就會開始駛出黎，無錯，我都會對個男仔忽冷忽熱架，亦都吾會成日見，同埋好鐘意打扮自己，令自己外表好有女人味架。
但始終我都係白羊座，所以如果個男仔未同我一齊時，我依d手段係吾識得駛架。但我鐘意同男仔一齊既相處關係，點樣收，點樣放，我鐘意玩依種感覺。
-
auumi,
可能蠍子天生嘅本性——勾引人好厲害。但又要唔好出曬面嘅勾引，要做到就算你勾引佢睇落去都好似佢主動你被動。我諗可能係我無形嘅勾引令到佢由被動變主動呱。
-> 不如你同大家分享吓你究竟用咩招數俘虜到蟹仔啦，我都好想知呀...點樣做到你勾引佢睇落去都好似佢主動你被動......
-
CHILLI
HIHI~ 你終於都返黎拿~
買左好多生日禮物比自己呢......真係好~^^~ 開唔開心先?
最近都係返工放工,無咩特別,只係暫時得閒左D. 但係得閒又有時間諗野@@"
琴晚阿哥帶左佢女朋友上黎食飯,睇黎應該好事近...
再次O係MSN見返EX,大家都無提到上次既事...
曾經有幾次想同返EX一齊既念頭... 過返D平淡既生活,
繼續工作,結婚生仔,要生兩個....總好過依家咁...
-
奇，
當然開心啦，依家想plan下年又去過日本呀!! 哈哈....
其實你工作係咩黎架，講吾講得架？
琴晚阿哥帶左佢女朋友上黎食飯,睇黎應該好事近...
-> 佢無帶過女朋友上黎既咩?? 即係要認定咗先可以帶女朋友上屋企??
曾經有幾次想同返EX一齊既念頭... 過返D平淡既生活,
繼續工作,結婚生仔,要生兩個....總好過依家咁...
-> 咁點解吾試吓起番埋一起呢??
-> 係呀，蟹仔好鐘意家庭架!
-> 咁你依家有無target呀? 吾好淨係得我哋講，你又講吓啦!!
-
CHILLI
你係跟團定自由行呀?
本來復活節想同朋友去泰國自由行,不過搵唔到人所以無去@@"
講得,我做工程架.
佢有帶過上黎,不過係今次先講開...因為舅父結婚,咁傾開就問第時佢地結婚擺唔擺酒O者.
依家都係無TARGET=.="所以無咩好講.....
-
奇，
今次我去日本係自由行，感覺幾好，因為我鐘意自由，吾想比旅行團迫我咁早起身，況且，我又吾係太想去d樂園，所以我同個friend咪自由行囉。日本咩都靚，我好鐘意睇D新奇同埋靚既野架。另外都有去浸溫泉...
咁你鐘意咩類型既女仔呀??
-
chilli
上面提我個朋友上次就係去日本,佢地租左架車添,睇佢影返黎D相真係好靚,引死我......,我都好想去下旅行...講個秘密你知啦,我由懂事起到依家都未去過旅行架@@" 好慘慘~~~
鐘意咩類型既女仔? 唔~ 一定唔鐘意D妹妹仔,一定唔得,我諗成熟D 會岩我. 其他野就睇下情況,無咩特別.
-
奇，
未去過咁就要去吓啦，一來可以relax吓自己，二來可以見識吓!
咁你無同女朋友去過旅行囉....! 情侶去旅行可以增加了解架....
你鐘意d成熟d呀...咁你幾大?
-
CHILLI
我都想去下旅行散下心,我諗差唔多時候PLAN下.
我以前同女朋友最遠都係去過大澳,不過果日先知佢搭得車耐會唔舒服...
仲咩先? 係咪想介紹女仔我識呀??
我今年26囉, 最好唔好細過23歲喎!等你好消息.
-
奇，
嘩，原來我大過你! 叫聲姐姐先啦! 我所識既朋友都大過你....你咁細，事業為先啦，我就吾同啦....
第一次去旅行，可以試吓去泰國或者台灣先囉....吾太貴但好玩!
-
CHILLI
哈~ 佢地都知我幾多歲架啦,乜你唔知咩? 哈哈!
-
1
-
馬女,CHILLI,各位：
要講點勾引佢啊？我果日打扮得好靚，佢就贊我好靚。之後我講嘢好溫柔，好識爲佢諗。其實大家都知道天蠍座嘅女仔脾氣又臭、而且都唔係好容易服侍同埋又自私。我好多嘢都係扮出黎，雖然扮出黎，不過並唔覺得辛苦，因爲我會得到蟹仔好多關心同愛。而且對住佢對我咁好（又溫柔又體貼，佢哋唔係真係咁溫柔體貼，我只蟹仔曾經同人打過交），我根本發唔出脾氣。就係我小小嘅付出就可以收到比我付出的更多，這就是天蠍座。我同佢講嘢時都會好“嗲”，比如想叫佢幫我做咩嘢，我就會同佢講：“XXX，可唔可以幫我XXX”（嘟起個嘴仔扮可愛，記得叫佢做嘢一定要加句“可唔可以。。。。”，仲要勾引式嘅笑同埋“嗲”，佢會變得好“軟”），不過要有D撒嬌嘅態度，同時要散出一種魅力出黎（講好難講得清楚，自己揣摩程度），佢會好受落，好願意爲你做嘢。其實蟹仔都幾八卦，儘量唔好俾佢知你太多嘢，唔好乜都講佢知，保持神秘感。其實唔單只蟹仔，其他男人都一樣，知曬你咁多嘢佢就對你冇興趣，所以女人唔好奮不顧身咁撞落男人到，如果唔係就會俾佢吃住你，你應該要吃返佢轉頭先啱。表面好似佢吃住你（佢自己覺得），其實根本就係你吃住佢。
果日我哋去咗唱K，後黎我叫佢唱譚詠倫嘅“一生中最愛”俾我聽，一般都會投入去，佢會覺得好似唱緊俾你聽咁，當然要佢對你有好感先有效，所以之前嘅工作一D唔可以少。如果你問之前做咗咩工作？因爲要寫就會好長，所以如果你想知，下次先同你講。唱完之後，最後要佢唱張國榮嘅“今生今世”俾你聽，蟹仔果時叫我借只手俾佢拖住唱，話會投入D。事後蟹仔話係唱“一生中最愛”時鍾意咗我（之前冇鍾意我），話覺得我設咗個圈等佢跳入去。呵呵~~ 果晚佢送我返屋企，係樓下等咗我一晚，話要第二朝同我一齊吃早餐。呵呵，難爲佢係下面俾蚊咬咗成晚，又人有三急，仲俾樓下“吃蕉”查，笑死我啦~哈哈~~
之後佢就同我示愛，好鍾意我，佢好鍾意拖住我只手、攬住我，不過我哋唔係成日見面，我唔會成日同佢見面架，俾佢知道你其實都好忙，好多嘢做緊。唔係每日都可以同佢見面，佢會成日都好想見你好掛住你。蟹仔好緊我啦，每日都打電話俾我，一傾就好幾個鍾，傾電話時傾D咩？用咩語氣？搞D咩都係有D策略喔~~ 有時我會特突唔接佢電話，等佢緊張下，當然次數唔可以多啦，小小哋就得啦。
有時你可以表現得好乖，但有時又有D壞，身體嘅接觸係唔少得架，不過唔好俾佢咁易得到你喔~ 我講嘅身體接觸唔係撫摸，係可能你會要求佢唔著衫（只可以係屋企進行），話覺得佢唔著衫時好性感，跟住俾佢攬住你，呵呵，係咪好欲火焚身呢？不過只可以諗，唔可以做~~ 我只蟹仔會係SUPERMARKET到用佢嘅身體貼住我，覺得好似時間停止咗咁，之後我就用PET PET撞開佢，然後笑。可能言語上會有D挑逗嘅說話，不過又唔會實行。呢D都好以算係又有D乖又有D壞。
我只蟹仔依家好鍾意我，仲同我講佢已經愛上咗我，不過女人唔好聽得太認真喔，男人講嘢信少少就好。只要自己保持清醒，咁就唔會亂咗陣腳，受控於佢，咁你都會知道下步棋點行。
當然，我都好鍾意蟹仔喔，雖然我攻於心計，不過唔係害人果只，做呢D只係想增進感情。所以我覺得自己都係“用心良苦”啊。
以上內容僅供參考~~
-
auumi,
我可能月座係天蠍座，所以原來潛意識起感情方面都有天蠍既行為，我好認同你所講，因為我對住男朋友都係咁架.
我好多嘢都係扮出黎，雖然扮出黎，不過並唔覺得辛苦
-> 我會例如扮溫柔、扮明白佢，扮好識得為佢設想，我吾係吾鐘意佢，但我想用一種方式去令到佢一步一步咁迷戀我。當個男仔以為我已經投入咗佢段感情時，其實反而佢自己仲更加投入去鐘意我。而當佢真係鐘意我時，我就會抽身...(但並吾係代表我吾鐘意佢，而係吾再咁緊張佢)
比如想叫佢幫我做咩嘢，我就會同佢講：“XXX，可唔可以幫我XXX””（嘟起個嘴仔扮可愛，記得叫佢做嘢一定要加句“可唔可以。。。。”)
-> 無錯! 因為我都係咁！原因係用可吾可以的話，佢一定吾會答你"吾可以"，而且仲會挑起男人保護女人既心! 如果用"吾該你幫我"的話，就變咗order式，可能男人內心根心吾想幫! 依招我用起所有男人既身上都work! 仲有，有時要扮弱者，即係明明平時自己做到既事，起男人面前就做吾到。等佢哋幫!
儘量唔好俾佢知你太多嘢，唔好乜都講佢知，保持神秘感
-> 我都係咁架!! 明明好似我咁，今晚約咗屋企人食飯，都同人馬仔講話約咗人...
有時你可以表現得好乖，但有時又有D壞，身體嘅接觸係唔少得架
-> 我以前對男朋友都係咁架，起佢d朋友面前可以變得好聽話，得我哋兩個人時就會變壞架啦! 哈哈!
不過，依d招數我係對男朋友全部都會駛出黎，所以我以前識既男朋友無一個係因為佢有第三者而分開，全部都係真心鐘意我架! 我鐘意兩個人相處時既一收一放，我會比佢自由，放佢出去，但又會有時收番緊，等佢知我鐘意佢，令佢越黎越投入我同佢既關係! 反而，如果未拍拖時，估估吓既，我就吾識玩收放去勾引個男仔囉....
-
大家好呀
你地最近點呀?????
有無d咩野進展咁呢?
-
z
你好
-
琴日見返EX,同佢食飯睇戲,不過我諗,我唔會再同佢返一齊.
-
dear z,
你好，我都無咩特別既進展，依輪工作都較忙，所以少咗上黎囉
dear 奇，
點解吾可以同番ex 一齊？因為無咗個感覺?
-
chilli
你問我點解....!我都唔知點用文字去講,只係...唔會再有可能.
根本連感覺都唔係.
-
chilli/ 奇
HIHIHI
我同左蟹仔一齊左...但有時都唔係好明佢諗乜既....
-
琴晚個朋友生日,去左飲野,飲到.....哈哈! 不過玩得好開心,仲識左個女仔添~^^~ 不過今日返工勁辛苦囉~~" 琴晚玩到2點,3點先返到屋企 =.="
-
奇，
嘩，你落酒吧識女仔????
-
咩呀....都話有朋友生日,去飲野,識果D係個朋友既朋友黎呀=.="
-
hi, 大家好!
想問下大家既意見....
我係巨蟹仔既前女友, 至從同佢分左手之後我一直單身...
佢近來有一個新女朋友, 拍左拖半年, 我知道佢掛住我, 佢覺得佢仲係好鍾意我, 佢話如果我肯同佢一起, 佢先會同佢女朋友分手
我還鍾意佢, 我應該接受返佢嗎? 但係我唔忍心傷害個女仔.... 有時我會諗, 我都唔識個女仔既, 我點解要咁好心幫人諗埋, 就算我拒絕, 果女仔都唔知我既好意....
我應該點做?
-
我想知你同佢分開左幾耐?
佢有個拍左半年拖既女朋友,咁你覺得巨蟹仔鐘意你多D定係佢多D呢?
你話你知道佢掛住你,咁係幾時既事? 佢再拍拖之前定之後既事?
你地點解分開呢?? 分開左又鐘意大家??
SORRY 我有好多問題,但係我既疑問係,既然你地係鐘意大家,當初點解分開? 分開左你地仲係鐘意大家?
首先你唔好諗到咁複雜,問基本既一樣野,你係咪真係鐘意巨蟹仔?第二,巨蟹仔係咪一定鐘意你? 第三,你唔洗諗咁多偉大既想法,幸福係要自己爭取,如果你答到第一,你就唔需要花心機去諗呢樣野. 同埋我覺得,如果巨蟹仔係真係鐘意你,我覺得佢根本就唔需要你擔心咁多,有D野佢應該去面對返.
-
我有個問題：點解巨蟹仔要等你答應佢同佢係返埋一齊佢先會同個女仔分手？覺得佢都幾自私。你哋當初爲咗咩而分開？呢個都係一個問題。
-
嘩~今日LUNCH食飯食到小強呀=.="仲要食左差唔多3份1先見到,即係停左口.....之後去投訴佢,轉個第二個飯,初頭都唔想食,不過.....最後都爪左幾野!....咦~唔記得買六合彩添@@"咁都中...
-
我同佢分手原因係... 我之前去左半年外地工幹.... 少見面, 佢又覺得好冇安全感, 所以分手
我想問下, 巨蟹仔係咪都係不甘寂寞, 要睇都實一實??
奇
"如果巨蟹仔係真係鐘意你,我覺得佢根本就唔需要你擔心咁多,有D野佢應該去面對返" <-- 佢會知我擔心d乜野咩?? 佢會幫我諗埋?
-
SWEETYBABY
我唔知佢唔會唔會知道你擔心D乜,但係呢D野我覺得係由佢去處理,而唔係你.
如果佢真係想同你一齊,佢自己應該去搞清楚佢同佢女朋友既關係,而唔係你去幫佢女朋友諗. 你要明白每個角色有佢應該做同唔應該做既野. 你明唔明我想講咩?
同埋,不甘寂寞呢家野,有九成都係得個諗字,至於佢係咪另外果一成....我就唔知喇.
-
大家好ar~
我都係暗戀緊一個巨蟹座ga...
本身大家都好像有d好感,
佢主動識我既...
不過因為一d事,我嚇走左佢lu..
佢重因為e件事有d嬲我..連朋友關係都發展唔到..
不過,佢真係比較小氣,e件事其實都係一件好少既事gi ma..
各位重可以同蟹仔keep做到朋友既你地...加油ar~~
我係雙子女來ga...nice to meet u ..
-
咁巨蟹座既人係唔係比較小氣
我都暗戀緊個巨蟹座既男仔
-
好想你知道....
hi,nice to meet u....我都係up下....
我想知道係咩事, 可唔可以比我八下呢??
如果比著係我,我對一個女仔有好感既話,
我會主動咁試探佢,過程中再觀察....加以計算,睇下自己有冇機會,夾唔夾到.
如果係夾唔到既,又或者係有d原因,就會將呢個女仔定位......做朋友!!
or朋友都唔做.....其實真係好睇佢覺得你點,大家可能做得成朋友,但係就唔會再進一步.
小唔小器呀??真係唔知喎,不過有可能係佢表面會好小器,而且會o係你面前再提起呢件事,不過大多數都唔會入心既....睇下你做左d咩囉.
lily
答埋你架喇,不過你既故事又係點呢?講出黎舒服d架....