上廣州被人非禮





  • 各位朋友仔







    大家上廣州一定要小心D!無論你係唔係女仔都要小心D!話說我上左05年過06年呢個大日子,我決定左上廣州倒數,因為我男朋友同最好架朋友仔都係上面。







    而就係個一晚好鬼無啦啦!我被人非禮!我男朋友當然係打左個色魔一身,而且我仲報左公安。不過係等公安個時,我男朋友好嬲,於是就不斷罵個色魔又唔承認自己係中國人。結果公安知道就罵我男朋友(仲要用粗口罵)個賤公安仲話我生得咁架樣,邊有可能被人非禮!好賤格!







    我個人認為生得點都好,男同女都可能被人非禮架!個D色魔係選擇易下手架對像而唔係生得靚唔靚或者係身材好架對像!大家認唔認同先?>.<而家想起我仲想喊!好委屈啊!!!







    中國大陸架公安真係信唔過!我愈來愈LIKE香港!本來我對中國好有感情架!..因為我曾經係外國讀書,個時候我只係同來自中國架留學生玩,因為佢地純D,而且又好就我(我架國語唔係幾好,佢地專登為左我先講慢D,當我唔明某D說話時,佢地又好仔細咁解釋比我知)出去玩個D,D男仔都好有風度架!







    所以,我一直都好驕傲自己係中國人!不過呢件事之後,我討厭自己係中國人架身份!本來我唔LIKE叫自己係香港人,因為我覺得香港人一般都無咩禮貌。







    可能係我倒霉啦!識到個D都唔係好人!不過而家,我真係開心自己係香港出世,因為我知道香港架警察一定唔會罵我男朋友先架!最多叫我男朋友收口JA!



    做人民公僕邊可以咁對待人民先!我地返廣州三日兩夜就用左成2千幾蚊係上面,點都叫刺激經濟先啦!佢地咁對我,我邊有信心再上去玩啊?







    真係憎死個D公安!同埋廣州呢一個地方!討厭死!總之,大家要小心D!唔係就好似我咁,受左委屈仲要比人侮蔑!嗚∼∼對「中國人」呢個身份,真係抬唔起頭!



  • 低b, 公安衰同你唔想做中國人有咩關係? 公安代表哂全中國呀? 你仲細呀? 唸野咁低能. 比果2千幾蚊去玩就以為自己係神呀?香港夠有色魔同衰警察, 美國又有色魔同衰police. 咁你唔好做人啦. 無腦!



  • hksar 真希望你被人非禮完之後再被人侮辱,睇下你會有咩反應~



  • 我地返廣州三日兩夜就用左成2千幾蚊係上面,點都叫刺激經濟先啦!佢地咁對我,我邊有信心再上去玩啊?



  • 我會好憎果個色魔同果個公安. 而唔係好憎中國人同唔願做中國人囉!! 豬羅!



  • 有個疑惑,好似係你男朋友出口話「自己唔係中國人」在先,比公安聽到,然後個公安先至「X」你。



    你地海外華人要知道,大陸是個落後的地方,特別係無咩法治。但大陸人的民族自尊心是很強的。

    正所謂「入鄉隨俗」。如果下次你地需要公安幫忙,記得千祈唔好再講中國壞話。相反如果你地刷佢地鞋,佢地會加倍接待你。



  • 想不到足廿個月之前的舊事都有人回覆


Log in to reply