今日隨想【四十】



  • 世界太冷....

    記得細個個陣時,屋企好窮。
    返學唔太多零用錢;呀....唔係,係冇零用錢。
    每日我既錢就係二十蚊,係大排檔食個午餐,岩岩好二十。
    返放學就要背住書包行接近一個鐘先可以返到屋企,仲要係行樓梯。
    (冇誇張;我細個住秀茂坪45座,最高個一點,但讀書竟然係官塘翠 屏村。住個度既朋友就知我點解要行咁耐。)
    個時,我好少同朋友出街,因為冇錢。
    手提電話?更加唔好講。

    我有兩個妹妹,細妹妹而家大個了,17歲;
    每日就係用錢,唔搵工,唔讀書。
    每日有百幾蚊駛費,好過返工其實。
    買既衫,買既裙,多不勝數。
    最得意既係,而家佢買D裙係膝頭對上最少三四五吋,仲要唔打底!
    我問佢唔怕走光咩?佢話最多咪睇到條底褲!
    咁又係,而家做藝人最緊要咩?有乳溝!如果妳地想做明星,唔該度度自己個溝夠唔夠先下。
    (我讀書個陣,裝人地D女同學上樓梯時走光都要偷偷地;D女同學就 遮遮貢咁。原來今日就可以明正言順地睇。不過諗落,而家D女仔D 裙又真係短左好多好多。唔信,出街睇下!)


    講返起,細細個個時,屋企好窮。
    爸爸媽媽成日都叫我同兩個妹妹大個要搵多D錢養佢地。
    每年新年,佢地會俾利是我,然後同我講:恭喜發財。
    反而好少聽到學業進步,快高長大,身體健康等等。

    由細到大我被灌輸既就係:長唔大唔緊要、唔健康唔緊要、冇朋友唔 緊要、唔知書唔識禮唔緊要、出賣朋友唔緊要、講大話都唔多緊要; 最緊要有錢!

    早幾日得閒打開報紙,見到有個男人自己做馬伕,除左幫自己鄰居D 女人接客,仲叫埋自己接客;爆左出黎後,D女人話感激呢個男人, 因為幫佢地搵到錢。
    另一單,少女援交數字激增,為是係一個名牌子既袋。
    呢度有個女讀者係做私鐘女仔的 (因家境問題),我問佢意見;
    佢話:「比男人放入黎一陣,佢可以搵到一筆極可觀既駛費,係真係 好吸引。只要第日唔好比老公知咪得囉!」
    我問:「唔怕比人知,比人撞到咩?」
    佢答:「冇咁岩掛?就算真係撞到,冇計架,咪話想搵錢囉。呢個世 界係咁架啦,笑貧不笑娼嘛,最緊要錢!」
    我無再出聲,因為原來今日既某部份女仔,只值佢MSN上面Show出 黎既個個LV手袋。


    我記得中三四左右,個時手提電話完全唔普及。
    莫講話我地做學生既。
    個時,我地約人出街,就係係屋企用電話講好,係邊度等,幾點等, 然後就依時出席。
    遲到?放飛機?Never~
    好大穫架!你諗下?如果約到遠一遠,你唔去,又聯絡唔到,人地真 係等到死架。

    而家呢?哼哼.....您地話呢?

    科技既改進,大大提高左人類既生活。
    但,同時破壞左人類既未來。
    尋日,我見到幾個偉大發明:
    1.) 英國可以做到人工精子;
    2.) 不死藥既誕生 (話可以唔知延遲多幾多年既壽命喎)
    3.) 日本有戀愛機械人,彷真度極高,男仕們仲可以同佢進行性愛活 動!而女仕們亦可以同一位極靚仔而同時好溫柔體貼既機器進行心靈 溝通!

    我係度諗:「唔知幾時我可以有叮噹既百寶袋呢?到時銀紙應該係冇 用,女人話有話有。」

    附帶一提:最好笑係我睇完上面幾單發明後,做功課,要睇一D關於 青少年心理既文件;入面見到比人捉到去索K既個D人既訪問,竟然 話覺得係一種潮流,一定要試;呢個都未係最正,最正既係有個女仔 ,未成年走去自己出Adv做援交女,問返佢,佢話因為要養仔 (即係 養男朋友),仲反問社工:乜妳唔駛架咩?

    唔知幾時我有返個咁既女朋友呢?

    呢十年以黎,我試過見過有好多女仔覺得大時大節係一個Gathering入 面冇男仔帶佢出去開房會覺得好冇面,好冇吸引力;

    見過有男仔覺得搵到個養得起佢既女人好威,仲要拎養佢個女仔D錢 去買野比第二個女仔,咁更威!

    下刪數百事例....


    世界太冷,我們處身的是一個混沌的太平盛世;
    愛情、親情、友情、道德,真善美等等....應該幾十萬左右可以買得到。
    金融海嘯下可能有Discount添。

    <<以上純屬個人意見>>



  • 世界變喇真係



  • ^_^



    放一萬係妳面前,妳可能唔會出賣呀木;

    放十萬係妳面前,妳都可能唔會;

    一百萬呢?

    二百萬?



  • 想像唔到

    我o既世界同思想都好簡單



  • 好一句 "笑貧不笑娼"



  • Calma

    我有一位朋友同我講, "每個人都有一個價"



  • someone,

    如果係你寫照或講中你某D往事,先行致歉;我只係寫我所想。



    包,

    會唔會係妳覆雜吾起 XDDDDDD



  • 頂~!~!~!~!~!

    原來係你!

    嘩哈哈~!~!~!~!~!~!~

    咁你小心,總有日有人比五百萬佢隊林你



  • Calma replied @ 2009-07-09 12:32 pm



    ^_^



    放一萬係妳面前,妳可能唔會出賣呀木;

    放十萬係妳面前,妳都可能唔會;

    一百萬呢?

    二百萬?

    ========

    一舊木

    幾蚊都多啦haha



  • Calma replied @ 2009-07-09 12:32 pm



    ^_^



    放一萬係妳面前,妳可能唔會出賣呀木;

    放十萬係妳面前,妳都可能唔會;

    一百萬呢?

    二百萬?

    ========

    一舊木

    幾蚊都多啦haha



  • Calma replied @ 2009-07-09 12:39 pm



    包,

    會唔會係妳覆雜吾起 XDDDDDD



    =======================



    生活態度係一種選擇

    無話複唔複雜得起

    我相信

    簡單的人 原是最開心的人

    咁就最好



  • Calma真係有可能係我細細個既鄰居



  • 係?

    係都唔奇喎~~

    我識好多人@@



  • 相認啦~



  • 知你把炮

    wakaka



  • 包,



    我讚同妳既生活態度 ^_^



  • 我細個冇屋企嘛 ^_^

    成日蒲公園~~

    冇計



  • 細細個已經4圍蒲



  • 冇屋企返,唔係可以點 @_@



  • 細細個唔準自己落街

    唔係9條命都唔夠俾屋企人打死



  • 下@@

    咁好悶喎~~

    有兄弟姐妹下?



  • 人是舊的好,人生是早10年的更正,講起過去,總是會聽到父母笑,雖然好窮,但現在做父母的小生們,卻道唔明什麼是“窮開心”!



  • 窮開心...........

    真係好~~~

    諗起從來~~

    不過,好多人,都只可以共患難,唔可以共富貴~~

    錢令人盲目



  • 同呀哥玩打交囉

    係行long踢ping pong波

    細個係冇咩好玩架啦



  • 我阿爸不讓出門,一次他下班我在院子裡玩,被他用樹枝抽一死餐~



  • 我地鐘意十幾廿人係公園玩埋舟~~

    掉罐~~

    仲有,玩幫捉~~

    不過係玩7,8,9樓~~

    個時好正,上面追緊人,樓下個層聽到砰砰聲,即閃~~



  • 妳是女兒家,父母當然比較著緊一些~



  • 呵,被打怕啦,以家最憎地人打架呀,動手呀,暴力呀,還有我將來一定不會打小朋友,因為記得自己的當時的心~



  • 十幾廿人係公園玩埋舟對我黎講係冇咩可能既事



  • van女

    以前既年代布邊個未俾父母打過呀

    大左先知佢地用心良苦



  • VAN,

    現在的小孩很難教呢~~

    妳敢於背上這份重擔和責任嘛~?



    木,

    我以前比呀媽用膠水喉打試過~~

    差D要入院



  • WW,
    係~但我還是只給60分。因為覺得真是不識做父母,大家都是人做我又做,並唔知自己到底應該點做父母。一路摸索到個仔女大左就算。



  • 我試過40幾人玩,橫誇兩個公園,真係好好玩~~

    你冇玩過真係損失~~



  • Calma replied @ 2009-07-09 1:19 pm



    木,

    我以前比呀媽用膠水喉打試過~~

    差D要入院

    ========

    膠水喉? 咁如果我話你知我細個老豆會用不秀鋼通打我呢

    Umbrella啦, 木棍呀

    總之見到乜就用乜



  • @@

    呢D,會死人架喎~~

    PVC水喉對我黎講己經係極限~~



  • 有時諗返起,點解唔識還拖 :P

    不過個時還完拖應該死得仲金



  • 細細個諗住裝人裙底,咁裝唔裝到呀?

    WAKAKAKAKAKAKA



  • 嘩...你兩個吖...我都唔弱,

    細個時老豆老母鬧架,老豆會攞把菜刀行我,

    仲會扯我頭髮.......



  • Calma replied @ 2009-07-09 1:23 pm



    @@

    呢D,會死人架喎~~

    PVC水喉對我黎講己經係極限~~

    ========

    咁就真係要多謝個天

    咁都打我唔死 (可能因為咁而打到我而家傻傻地 wakaka)

    不過佢就勁都係拳頭



  • dalas replied @ 2009-07-09 1:30 pm



    嘩...你兩個吖...我都唔弱,

    細個時老豆老母鬧架,老豆會攞把菜刀行我,

    仲會扯我頭髮.......

    ========

    打還打

    可必動刀熗呢



  • 膠水喉? 咁如果我話你知我細個老豆會用不秀鋼通打我呢
    Umbrella啦, 木棍呀
    總之見到乜就用乜

    --------
    YEA~,我都有中木棍,哈哈哈~
    我阿爸當我是個男仔來管加,阿媽話~



  • 但我令他失望著,如今都好鵪鶉~ /-\



  • van女 replied @ 2009-07-09 1:33 pm



    但我令他失望著,如今都好鵪鶉~ /-

    ========

    我又唔會覺得關事既

    鵪鶉唔鵪鶉係睇你性格同成長經歷姐



  • 做野先



  • Calma

    no need to apologize, I'm on your same too. I cannot stand the value system nowadays



  • 訓醒~!~!~!~!~

    女仔鵪鶉多人鍚~~





  • typo, it should be "I'm on your side too"



  • 你回魂呀



  • someone,

    咁比面呀~~^_^~~



    dalas,

    係呀~~

    食飽睡一睡~~





  • 肥死你hehe


Log in to reply