我好冷血.....
-
對唔住...<br />但我真係接受唔到...<br />每次你問我想唔想嫁比你...<br />我真係想答你唔想....<br />係...<br />因為你既病...<br />我好怕你會係某一日離開我...<br />失去情人已經好痛苦....何況失去立誓要相伴下半生ge人...!?<br />我都好恨你...點解你要咁殘忍話要娶我呀....?<br />我好嬲我自己, 我竟然要諗, 會猶豫....最後係唔想嫁比你...<br />點解你明明知道自己隨時會死, 都話要娶我呀.....<br />難道我答應嫁你你就會好返咩<br />係...我可以哄你...笑住話你知我願意....<br />點解我要咁做呀??? 點解我要厄你呀???<br />點解我咁冷血呀....<br /><br />22歲, 離死亡還好遙遠...<br />點解要我咁早面對呀?!<br />點解要係你呀....<br /><br />我鍾意我個bf待我好似細路女咁...<br />我鍾意佢哄我...陪我行街....鍾意聽住佢把聲訓....<br />我好怕凍....但冬天我都係會著得唔太多, 我想你隻手暖過我....<br />依家我會死都要帶衫出街...我唔可以比我自己凍...我怕凍親你...<br />我唔可以病...病左又要成個禮拜...可能成半個月都唔可以去見你....<br />d藥ge副作用搞到你周身骨痛...我幫你按.......<br />你頭暈...但要去沖涼...陪埋你去啦.....<br />你知唔知我覺得好羞家呀..........<br />周圍d姑娘...病人...你d屋企人....睇住我幫你按摩都好了....睇住我陪你入廁所去沖涼.....<br />不過無計...咁係要嘛.....唔通由得你1個自己沖咩.....<br />搞掂d野啦...哄埋你食飯...傾多陣計....走果時都成9點幾....<br />飯都未食....你仲叫我留多陣.....<br />知唔知我餓架?<br />依家我仲好愛你....心入面無時無刻都好擔心你....<br />d燒退左未....訓得好唔好....<br />我又失眠喇.....<br />好吧...都知道你本身唔係貼心ge人來....<br />你受委屈都夠多吧....化療很痛苦.....打呢樣打果樣.....日日又食幾廿粒藥.....又訓唔到個人又乜都做唔到....<br />但你可唔可以都諗一諗我感受丫....<br /><br />我知道當我決定留係你身邊時....<br />我已經唔係我自己來喇.....<br />根本就唔係女朋友....係你第2個呀媽.....<br />答應同你結婚又點丫...<br />除左滿足你餘生所求之外, 仲有其他嗎?<br />我可以做你呀媽...10年好未? 但20年, 30年, 50年呢, 我覺得我真係做唔到咁耐....<br />要我50年都要怕你隨時死.....<br />無可否認, 我係嫌你有呢個病....好對唔住.....<br />好憎我自己....愛你愛得唔夠盲目...唔夠徹底......<br />憎我自己咁港女...咁無用.....
-
good evening
-
開心D!
<br>向好方面想
-
<strong>化療, 成與敗也只是數個月甚至數週之事. 說不上等他一身一世吧.<br /><br />嫁不嫁, 只是名份而已. 難度你不嫁過他別人就相信你是處女嗎?<br /><br />將來結婚時, 你會覺得自己在發假誓嗎? 因為你自知不能氶受伴侶所帶來的風雨.<br /><br />人大了, 就必需成熟. 世事不由你作主的. 你只可以學習面對.</strong>
-
其實都唔關港唔港女事..
<br>又邊個希望自己既另一半 咁早離開自己?
-
wait & see
-
板主,
<br>依你說,你對他已是有情有義了.
<br>不要對自己太harsh.
<br>
<br>支持你.
-
一就一,二就二!!<br />你呢d拖泥帶水吾係叫有情有義囉!!!!<br /><font color="#0000ff" size="2"><strong>你d 虛情假義, 對病人黎講更加係折磨!!!!!</strong></font><br />自己諗清楚，向佢表態吧!!!!<br />無謂有一日你頂吾順, 係最吾適當既時間走左去......<br /><br />你開口埋口話好愛人, 你知吾知咩係愛呀?<br />你輸打贏要, 呢d吾係愛囉!!!<br />你吾只係港女, 仲係一條廢人.......<br />你諗下有病果個係你, 你男友會吾會照顧返你......<br />
-
<font color="#008080">版主, 睇你有幾愛佢啦<br />愛佢既, 你會願意為佢不計回報咁付出<br />你停落來, 先問清楚你自己先啦<br />愛一個人, 唔係只愛佢同你共歡樂個一刻架<br />有困難時, 互相扶持, 互相幫忙亦包括在內<br />你想像下, 有病既唔係你男友<br />而係你的家人<br />你會唔會仲計較咁多?<br />如果, 你會計較的, 咁你就只係愛你自己多過愛佢<br />點做 ... 你應該好清楚<br /></font>
-
版主你吾係冷血既<br />人當然係為自己打算啦<br />自已顧吾好點顧人<br /><br />不過我覺得你好蠢囉<br />決定左做就要盡力做好<br />做緊果陣又去後悔<br />講真呢d人做鬼都吾靈<br />其實有病果個應該係你<br />咁對你可能會體會多d
-
其實唔知你同你男朋友在患病前的經歷是怎樣...
<br>
<br>如果只是普普通通的相識...感情還沒有深厚...
<br>還未說到一生一世時...
<br>我會覺得你還不算冷血吧...
<br>
<br>
-
我覺得...你可以把身份對調來想...
<br>如果患病的是你...你會最希望留在身邊的人是他嗎?
<br>
<br>如果你是這樣想的話...你應該能明白他的心意...
<br>
<br>如果你根本不想他留在身邊...那你們的感情還沒有到達親人的關係吧...
<br>
<br>對他來說...你很難希望他可以理解你的感受...
<br>死對他來說是這麼近的事...但又不知何時發生...
<br>痛苦就每日都在他身上發生...
<br>如果他真的時日無多...你還是對他有點愛的話...
<br>就當是親人的照顧...對自己的將來也會開心一點...
<br>
<br>但我建議你私下和他家人說清楚你的心境...
<br>說清楚你對他只是出於朋友的關心...
<br>
<br>
-
人之常情....
<br>如果用返結婚呢樣野~激返起佢既求生意志~
<br>唔好理將來會點....你都功德無量啦
-
版主你唔好咁話自己, 你並不是港女~
<br>你已經好有情有義, 比着好多人就算係自己最親既人都可能會逃避...
<br>正所謂:久病床前無孝子.....
<br>唔想比任何意見你...只係想祝福你~~
<br>
-
俾我係條仔知自己就死就唔會搞咁多野啦...
<br>橫掂都要死, 搵老婆來把鬼咩....辛苦別人又辛苦自己...
-
我都覺得板主已經有情有義....上面話板主既人...有冇諗過長期照顧一個病人果種壓力係點？我真係想像唔到....
<br>如果咁都叫冷血 / 港女....世上仲剩下幾多個好人/ 好女仔？
-
<font color="#008080">照顧長期病患當然有壓力, 而且仲好累, 不論身心<br />唔減肥都自然瘦添, 點會唔知 ar<br />但 ... 你願唔願去照顧佢<br />好睇你自己有幾愛佢<br />咁所以版主咪要自己諗下依個問題 lor<br />(以上既野同冷血, 港女無關, 係 ... 版主有幾愛佢)</font>
-
版主
<br>
<br>不要太算責.
<br>你要記住無人係唔自私0既, 為自己打算並唔係咩野錯事, 都唔係0的咩大問題.
<br>
<br>你一樣有權去追求你想要的東西.
-
補充: 人愈大, 同令一半相處, 已經唔再係單純愛唔愛0既問題, 仲有一0的現實因素去配合.
<br>
<br>"我愛你, 愛到為你放棄曬一切"呢0的只會係童話故事先至出現.
-
多謝各位睇曬篇苦水呀....
<br>支持我同鬧我ge都好多謝你地呀...
<br>
<br>我無打算掉低佢, 唔去照顧佢
<br>只係唔想答應同佢結婚...至少起碼係呢一刻
<br>我唔會直接話唔制......因為我在乎佢心情.....
<br>而唔想厄佢...
<br>只係係咁講...你好返先再算啦~
<br>
<br>佢過多幾個月就要換骨髓....
<br>對血癌療程有認知ge人都會知道係幾咁辛苦.....
<br>將心比己...
<br>有邊個會想自己一個孤軍作戰丫....
<br>我都預左, 有曬心理準備果段日子更加難"崖"
<br>
<br>同佢由相識到依家都一年幾, 一齊左大半年....
<br>就係岩岩決定同佢一齊.....
<br>一切都岩岩開始時就發現呢個病...
<br>識左1年幾ge人, 感情可以有幾深...?
<br>
<br>病左半年, 我就覺得呢半年真係好辛苦, 簡直係惡夢....
<br>日日睇住佢一直瘦...一直瘦....得返90幾磅ja佢.....
<br>頭髮...眉毛....眼捷毛.....甩曬.....
<br>我好記得...佢d頭髮好軟, 好整齊企理....
<br>對眼好大....d捷毛好長....好靚ga....羨慕死我丫~
<br>個人好有自信...成日都串串嘴嘴咁....
<br>依家背脊打得針多....成日痛, 腰都伸唔直.....
<br>論痛苦, 辛苦真係點都無得同佢比....
<br>但...唔代表我唔痛丫....
<br>睇到佢咁辛苦, 我都唔好過ga....
<br>
<br>愛? 呢半年來....
<br>自問都盡力做好自己
<br>可以探佢時一定會去探佢
<br>佢有時扭計....d要求唔太過份都盡量滿足下佢....
<br>大庭廣眾......幫下佢按摩....陪埋佢入廁所....
<br>真係硬住頭皮咁....
<br>係佢d屋企人面前....跟佢地個仔一齊入去廁所陪佢沖涼........
<br>我真係覺得, 我似佢呀媽多過似女朋友.....
<br>女朋友....真係唔鍾意時, 可以講出來....
<br>可以要求對方就自己一下
<br>可以從男朋友身上得到愛....
<br>我無丫....
<br>佢每日都咁辛苦努力咁活下去, 已經好辛苦啦....
<br>我乜都無講.....
<br>只係笑住咁答佢 : 等你好返先啦~
<br>
<br>身邊d親戚...朋友....都一直對我講要諗下將來....
<br>好直接....
<br>"佢好彩死唔去ge, 但一直都要係醫院度徘徊, 邊有工作可以比到一個咁ge人做?"
<br>"過時過節唔好去醫院啦, 去少日唔會怪你ge"
<br>"你又未係佢老婆, 佢都照顧唔到你啦, 又要拖住你d青春"
<br>好多好多話我bf衰....話佢自私....
<br>自己就快死梗係會自私d架啦.....梗係想做多d自己想做ge野啦.......
<br>估我唔知咩....我明白wo....
<br>係我唔想同佢計....仲要同個病人計....有無cheap d....
<br>聽到呢d說話....真係好難受....
<br>
<br>覺得自己已經唔係自己...
<br>心入面好唔平衡...
<br>
<br>我留低, 因為我愛佢嗎?
<br>依家係....即使我係男仔, 我都會陪係佢身邊....而且咁仲好添...
<br>又無曬d閒言閒語....又可能更加了解佢....
<br>對佢假嗎?
<br>幾多對人因為另一半有絕症而散, 或者出去偷食丫, 起碼我身邊就有一對
<br>我可以, 我有機會, 但我無咁做!!
<br>比空頭承諾佢, 第時實現唔到米仲殘忍...
<br>
<br>我怕...10年...20年30年50年....我怕第時愛情沖淡左, 對耐左
<br>而且唔係一般人咁互相遷就....係要不斷咁百般遷就
<br>對左30幾年ge老夫妻都可以因為咁而離婚....
<br>叫我點有信心去保證照顧你一生一世呀...!?
<br>
<br>我唔愛佢嗎?
<br>唔係, 到依一刻為止我個心入面係裝住佢....
<br>況且對佢無愛當初就唔會一齊啦....
<br>直到依家都無後悔過, 只係有d苦水想呻下...
<br>好多好多唔識表達....
<br>無愛情就唔可以做到咁咩?
<br>初初因為愛情而一齊
<br>依家變左質....唔只係愛情喇~~
<br>已經唔止"愛情"呢一回事喇......
<br>
<br>佢無病我會答應嫁比佢嗎?
<br>未必....相識到依家先得1年幾.....
<br>識左個人年幾就嫁....會唔會隨便左d.....
<br>最擔心ge係, 佢本住一個 "我要娶老婆" ge心態想我嫁比佢
<br>買玩具咩家陣.....