我要克服心魔~ ^^



  • 92年起成功戒  

    (我之前係賭精一名,除左十五糊、客家紙牌果類偏門唔識外,其他乜都賭一餐。直至一次响澳門三+五分鐘內輸左一年薪酬,我當時心唸都唔知為乜.....,於是我就決定要戒賭!)


    94年起成功戒  

    (戒賭之後就努力專心我既工作,希望可以更上一層摟。亦因為工作上好多煩複既事而令我添上壓力,所以放工後經常去飲酒減壓。當年真係好爛飲,平均一星期去四晚,每晚我一個人飲$500-,情況都持續一年多。

    直至一夜
    ........ 我去左九龍區豪飲左一晚,凌晨四點幾先坐的士返新界既屋企。到步落車之後要沿住街燈路行返屋企,當時我飲到頭都漲,只係感到好累、好眼訓.....,突然胃部有D好唔舒服既感覺湧出,我再無力忍耐,於是响街燈路上嘔吐大作。

    嘔吐完畢,人都舒服左D,張眼向地一望,當場嚇得魂飛魄散,腳軟到要坐落地下。點解我會嘔咁多血既?唔通飲到連個胃穿左都唔知道?係咪要立即去醫院先呢?就响我六神無主之際,我再望真D,
    Oh~~my god!!原來唔係嘔血....,只係之前飲酒時所食既西瓜啫......#$!^&......@@   自此,我就決定要戒酒!)


    2009年重頭戲----------------------------- 戒煙!!!

    二十多年來,香煙呢個衰野一直都成為我既老朋友,我同佢有著深厚既感情,無論悲與喜、樂與怒,佢一直都陪响我身邊。我對佢都好好架,淨係用黎襯托佢高貴身份既工人
    (即係打火機),我都唔吝嗇價錢架!因為只有佢先真正日日夜夜陪住我嘛,我又點可以唔重視佢喎!

    但一個月前既某一日,一個中年男士決定要大幅提高我呢位老朋友既身價,當時我第一個反應係
    ... "~~~ 就算你再加貴一倍都無法子拆散我地黎啦!咪傻啦!!".... 但同日既夜晚,响夜闌人靜既時後我再用心去思考下我地之間既感情,到底我地仲可以好好相處幾耐呢?依家全世界既人都總係希望分開我地或者縮短我地既相處時間 (响公司又唔俾見面、出街食飯又唔俾我地一齊...),再係咁落去,我地始終都俾人歧視架!長痛不如短痛.....
    ,我地都係絕交啦!!!

    眨下眼,我地已經分開再超過一個月喇!!但今日我突然好掛住你呀!!但我同自己講,我地再唔可以重逢架!!我一定要澈底遠離你,所以我依家先用咁多時間去寫呢個
    thread,因為我要用文字表達出我內心既一個信念!希望所有睇完呢篇無裡頭之後會為我打氣,我更希望會有煙友因為睇完我呢篇無裡頭之後,會嘗試同你既老朋友提出絕交。^^



  • 守護 係你真實個案...?



  • haha.... 百份佰真實!^^



  • 今朝個心魔黎煩住我,所以我就決定寫出黎分享下!令自己更堅定!^^



  • 祝你成功....版主

    努力,有心一定得,我support你.....yeap!!!



  • Just4U~~



    Thank you ~~ ^^



  • add oil~~~



  • chichisin~~ thx~~~ 我盡力啦!^^



  • 守護

    真係好開心見返你



  • 有時真係好得意,一d你以為日對夜對習慣哂以為會冇左佢吾得既野,有朝突然瞓醒,就覺得吾再需要佢. 冇得解,就係咁簡單



    支持你!!!



  • youngsexylovely replied @ 2009-04-12 1:39 pm



    守護

    真係好開心見返你

    ===================



    haha... 我都好開心見妳出現架!^^



  • ..........



  • .



  • getting over replied @ 2009-04-12 1:40 pm



    有時真係好得意,一d你以為日對夜對習慣哂以為會冇左佢吾得既野,有朝突然瞓醒,就覺得吾再需要佢. 冇得解,就係咁簡單



    支持你!!!

    ====================



    hahaha.... 人生就係咁微妙先有趣嘛!但你講到好似係兩夫婦分離咁淒愴喎!^^



  • 守護 replied @ 2009-04-12 1:45 pm



    getting over replied @ 2009-04-12 1:40 pm



    有時真係好得意,一d你以為日對夜對習慣哂以為會冇左佢吾得既野,有朝突然瞓醒,就覺得吾再需要佢. 冇得解,就係咁簡單



    支持你!!!

    ====================



    hahaha.... 人生就係咁微妙先有趣嘛!但你講到好似係兩夫婦分離咁淒愴喎!^^





    有時d人對人對事都係一樣. 好似你咁,夠當個火機係朋友一樣... 其實講既都係一種心理姐...



  • getting over ~~



    haha..... 咁又係喎!所以做人都幾有趣架!^^



  • 幾時戒爛滾 ?



  • 魅力 replied @ 2009-04-12 2:07 pm



    幾時戒爛滾 ?

    ==============



    我的確唔係一個對太太專一既男人黎,但我從來都唔嫖架!因為我唔鍾意去碰D任何人都可以碰既女士!



    Sorry~~ 離題添!



  • 出去食下午茶餐先!一陣再返黎行下~~ ^^



  • 返到喇!呢邊似乎無乜人添!唯有閃返去 R 版啦!^^



  • 守護,

    long time no see,hahaha



  • 胖虎~~ hi~~~ 真係好耐無見喇!^^


Log in to reply