未婚夫幫曬佢親戚果邊,我既委屈無人理解,我感到好孤立.....



  • 我對佢所有親戚都恭恭敬敬,盡心盡力對佢地好,佢婆婆都好鐘意我,除左某個較尖酸的女士
    果個女士對我有唔公平、亦唔合乎事實既批評
    佢無保護到我
    我知道後,還口,俾佢話返我轉頭
    仲話我唔岩

    人不犯我,我不犯人
    先撩者賤,我有咩錯

    我只感到自己俾佢親戚蝦完之後,需要人安慰
    但佢無,佢仲因此而同我鬧左好多次交
    我好委屈,點解連最親既人都唔幫我,佢無保護到我不特止,我自己保護返自既既權利都無,係咪想我俾人噤住黎打,唔還手,咁先做叫係岩?

    佢話我唔鐘意佢家人
    我唔係,我只係唔鐘意攻擊我既人o者
    人之常情,人地攻擊你,我諗你都唔會鐘意佢掛.....



  • 果位尖酸女士對住我面已經對我態度好差

    但我都盡量對佢好,又有禮貌、又尊敬佢,都係睇在我bf份上咋,點知佢點都唔肯放過我,係我背後不停咁唱我,我感到好難受



    我當初只想知係邊個講,我bf 又唔肯講,又鬧交鬧到好勁

    我只想知邊個係到攻擊我o者,我係受害者,佢仲係到鬧我



    我只不過在留言板上話返佢,講道理講事實o者,我只不過叫佢話人之前,唔該自己照下塊鏡先

    我 bf 就掉返轉頭話我尖酸刻薄



  • 2人世界 使乜理佢呀



  • 有時男方做咗磨心未必會同你講.如果 那位女士是男方一位好重要嘅長輩時, 用詞上唔好去得太盡, 會無彎轉架. 嗰個始終係長輩.



    冷靜過後再討論啦! 大家都火遮眼時,就唔好講喇, 浪費時間.



  • If you offend his mom, you are "bu gai"



  • 多謝以上的回覆

    放心,當然唔係佢母親啦

    而係一個三姑六婆,我可以一世都唔洗再見到佢既人



  • old people has some experience in identifying good partners for children. Though they may not be completely correct, their opinion is still very important. You may have very serious shortcoming that you and your bad friends and relative ignore



  • 多謝提醒

    如果佢所講既係事實,我會接受 / 改過

    但佢講既根本唔係事實,仲有中傷成份,仲要周圍唱,呢樣太過份囉



  • marriage is not just between two persons, it's a matter of two families



  • what did she say?



  • exactly!

    因此,好可悲地,我同我夫婚夫而家鬧到好不愉快,就係因此事而起

    我已經選擇放低件事,佢仲可以繼續掘返件事出黎講





    poor fact replied @ 2009-04-06 12:01 pm



    marriage is not just between two persons, it's a matter of two families



  • 可唔可以咁講:如果因此事而結唔成婚,個男人都唔係好愛我?



  • 那女士何解無中生有, 是否當中有D誤會呢?



  • EQ 高D OK?

    人個腦係用黎解決問題既~

    吾係用黎製造問題既~

    其他人製造左問題,

    你又惡化左個問題,

    咁你話你抵吾抵鬧??

    人地點你控制吾到,

    但係你可以先做好自己麻~~~~



  • 個女人又唔係佢阿媽,又唔係阿婆阿麻既話,真係可以唔洗理佢。



    你當佢唱歌得啦。



    你男友處理件事的確處王得唔係咁好,佢做磨心都唔好受。



    你介意話比我知果位女士係邊位嗎?姑姐舅母果d定再疏d?佢點講你?



    其實除左大婚,之後都好少機會見到佢。



    你既然咁唔妥佢,你亦唔需要態度上奉承佢,以後一於冷淡d算,佢問你答,唔好同佢交談咁多。



    如果為左呢個唔關事既女人就諗唔結,你諗清楚你男友係唔係你想要既對像先啦?



    你最起碼都有佢婆婆鐘意呀。



  • 可唔可以咁講:如果因此事而結唔成婚,個男人都唔係好愛我?

    //////////////////////////

    唔解決問題就結婚仲危險..妳同佢邊個做磨心都唔好



  • 唔好為左個8婆搞到你同bf唔開心啦



    值得咩﹖



  • 妳未婚夫都幾pk

    如果真係果個女人唱妳,而又唔係事實

    係我既老虎都幫理不幫親

    捉住佢話左先算

    有時既野,老豆都係咁講啦,錯左就要認,

    無中生有呢d野,最睇唔過眼



  • 你男友係唔係好林果d人黎 ga?



  • EQ 高D OK?

    人個腦係用黎解決問題既~

    吾係用黎製造問題既~

    其他人製造左問題,

    你又惡化左個問題,

    咁你話你抵吾抵鬧??

    人地點你控制吾到,

    但係你可以先做好自己麻~~~~



    話又唔係咁講啦,人有自尊,唔出聲就會係咁踩埋黎啦

    何況佢同佢男友講,又唔係同果條友當面講,

    我又唔覺咩eq低wo

    忍得多,谷住度氣,第時點頂丫?



  • 多謝你地既回應

    睇得出你地都係真心想幫我既

    好多謝你地



    我廿幾歲人,無皺紋,亦無白髮

    而我男友,每邊有幾條魚尾紋,亦有幾執白頭髮



    客觀條件上,以外貌、事業、學歷、經濟條件、家庭背景等,我無一樣野係比唔上我男友,可以坦白d 講,我每樣野都好佢少少

    而我bf 都唔差架,只係我好佢少少o者

    但愛情唔係以呢d 黎衡量既,大家鐘意咪得囉,我亦唔諗住比較,只求大家相處得舒服



    好多人都話我同bf幾有夫妻相既,我地第一次見,有成班人都一口咬實,話我係佢個妹﹐我地話唔係,佢地都唔信

    之後,連一d初相識既朋友,彼此既同事,都以為我地係兄妹關係



    佢single果陣,果位女士都介紹過好多內地女士俾佢,但因為佢認為自己唔洗去內地搵太太,於是婉拒左果位女士了



    我bf既父母都認為,我既條件好好

    但果個女士一見我就充滿敵意,其實親戚都好好,尤其佢婆婆非常鐘意我

    我雖然feel到佢既敵意,但仍然對佢好尊敬、好客氣有禮,為左顧全大局

    然後,俾我知道佢竟然當住我面,但我果陣未聽到,話我個樣大過我男友好幾年

    然後等我地走左,竟然再周圍唱我



    好難受囉,唱到我阿媽都知,我阿媽話:唔洗理佢,不過妳同佢無怨無仇,做乜咬住妳唔放呢?

    我 bf 就唱佢唔抵得,envy 我喎



    果位女士鐘意對d 後生仔毛手毛腳,我bf有個表哥其貌不揚,但娶到個條件非常好既老婆,果個女士都同佢老婆有過節架



    食一餐飯,都聽到果位女士係到不斷講人事非...



  • 我都已經決定左唔理佢講咩,人地把口生係人地到,吞左啖氣佢算數



    只不過我真係估唔到,一個好人家既女仔山長水遠去到探未婚夫既婆婆,因為天寒地凍病到今日仲未到返....

    我唔奢求會得到人地既欣賞,但真係估唔到我盡心盡力對所有人好,竟然都會被人中傷、唱衰...!



    人地點講人地既事,我覺得最委屈係我最親密既人,我為左佢犠牲咁多,佢從來無企係我立場為我想想,無保護到我不特止,仲要掉返轉頭話我唔岩



    話對佢d 親戚唔好意思,點解佢又唔諗下對我唔好意思呢?

    我為佢有咁既親戚而覺得羞家



    而家要攪掂同bf之間既關係,呢樣係重要d既事



  • many young gals also like to despise their bf and 講人事非 on she.com



  • 你拍拖經驗多,你未婚夫無你老練,佢長輩先會提點







  • 我諗唔係掛...佢點會知我拍拖經驗多少呢?



    其實並唔係多,同我bf一樣



  • 經驗多少任你 up je



  • 請問版主你今年幾大呀?



    睇落...你未婚夫都唔係唔邦你 but 邦左你, 你都可能未必知?



    你未婚夫覺得你唔岩, 係因為唔想你持住有個人邦就會亂黎, 如果個個女人係會不停咁挑釁你的話, 咁即係代表會永無靈日咁嘈落去! 其一因為你未婚夫係晚輩, 佢唔可能下下都頂撞佢家人 及 你都未過門, 佢就撐到你出面, 咁佢都幾難做架喎 0.0?



    佢家人對左佢自己咁耐都可能無出過問題, 為獨你既出現, 問題就發生, 咁你都好難叫佢相信個問題, 是否真的出現係佢長輩身上?



    以上都係我個人估既姐, 都未必岩, 睇完當info就算啦!





    我覺得你應該用多點時間去了解一下各人, 就算個問題真係出現係個個女人身上, 佢地始終都係一家人, 你一日未過門, 道理上你都未算係一家人, 咁你都要忍架啦! 好好去了解各人, 避重就輕...可能會邦到你容易點溶入去 ^^



  • poor fact replied @ 2009-04-06 12:01 pm



    marriage is not just between two persons, it's a matter of two families

    ========

    Not really. If you guys do not care other family memebers, marraige is just for the couple. Otherwise, it is the 2 familes' issue.



  • 會唔會係個親戚無得收佣所以要抵毀你呀 (因為佢介紹過 d 大陸女仔比你 bf 識, 但你 bf 唔受), 哈哈~~



  • 完全明白你心情, 因為我husband 的家姊亦時常攪風攪雨!! 佢唔會正面講我, 永遠背後講我不是. 但最終會比我知道!! 同你一樣, 我聽到會好嬲, 會同husband講, "我得罪你家姐d乜?....bla bla bla..... 講得兩講, 我husband 會唔高興, 因為始終個果係佢家姐. (當然我亦覺得非法委屈la)

    最後, 我會依然照專重佢家姐, 但佢講什麼話題, 我都只會笑, 唔會比意見. 就算我husband有時在家裡講佢個家姐發生乜事都好, 我會唔比反應or唔回應. 因為我要比佢知, 我好唔鍾意l你家姐, 你最好唔好提起佢!!


Log in to reply