有無人學緊日文架? 入來傾下啦...





  • 而家係工聯會讀緊初級, 已經覺得好難,

    死背爛背先叫做背熟左個五十個平假名,

    但原來仲有濁迫同半濁音要背, 之後又要背埋片假名...

    聽人講工聯會已經係最easy, 真係好想學識之後搵間好d既工作, 你地覺得工聯會有用嗎? 如果要考級試要讀到咩程度? 我想可以聽, 講都無問題工聯會幫到我嗎? thank you



  • 哂錢. 我家姐起工聯會讀到高級, 後來轉左去日經, 尤如佢唔係起日經既初級讀起, 佢初時諗住報人地日經既3級( 4級最低, 1級最top) 但係考完試先勉強入到4級既唔知第幾班. 即係工聯會既高級=人地正統日本學校既初級咁妳話有無用, 我3月開始讀, 我家姐叫我除非係諗住去旅行講個2句既米報工聯會羅, 如果唔係都係貴d 讀好d 既好. 而且工聯會既好明顯只係興趣班. 妳返唔返, 交唔交功課, 考唔考試無人理妳, 試問咁樣有又咩動力想學好佢.



  • 密子

    我本身諗讀下工聯會打我根基先,

    而家上左五堂好似咩都唔識咁,

    淨係識發個五十個音, 感覺自學都會識.

    我唔知係自己問題定係教學問題,

    好難明白阿SIR講既野, 佢平時會叫我地讀下D發音溫下習, 叫D同學讀出黎,

    之後就寫D生字係黑板上寫埋發音同解釋叫我地讀同背!

    教教下易個d字又會突然彈幾個深既字, 攪到我都唔知由邊度開始記, 所以日文比我感覺全部都係死記d音同解釋, 其實係咪咁架?

    本身都好有興趣讀, 而家攪到好亂想放棄了



  • 如果你真係想入日本人公司,工聯會真的唔太得,當興趣就得,你可以去d 日文學校如日經,日本文化中心(聽講幾嚴),仲有大學進修學院也ok的

    起初背50音都幾係野,但背熟就好好多,之後grammar先勁難幾,但只要肯聽書,明白左,返去要溫書,咁就好d ga la,

    gan ba tte!!



  • coco,

    咁如果我想識睇同識講少少呢? 工聯會都無用架?

    係呀 D grammar 好難...你而家讀緊咩級呀?





  • 妳除左讀學校d 書, 自己會唔會買下街外既日語練習既書? 要睇多d, 讀多d, 講多d 先有用. 好似英文一樣.

    coco

    仲有一間叫咩日本嶺事館學校(類似咁既名, 唔多記得) 都有人讚過好. 不過大學進修學院個d好貴, 同埋讀好耐, 一年? 定二年? 如果有時間我都想讀大學個d ^^





  • 如果真係好基本,好淺,幾句個d,工聯會都得,但應該很快會忘記,因為唔深入,會好易忘記的,我讀哂全個初級,全部加埋約180hrs到,但已經冇繼續了,因為都覺得夠..



    蜜子

    你講個間我未聽過添,大學個d睇下邊間,space勁貴,cu 全個cert都好貴,仲要讀幾年,但有d可以單一報,都係千零蚊到一個course,讀三個月到



  • 密子,

    日本領事館真係好貴, 幾千蚊一個月負擔不起><

    我諗個D真係要讀好耐, 因為我個SIR講如果係工聯會讀兩至三年左右就識, 咁我諗出面要仲長時間

    如果我買街外書應該買邊隻好會D? 你家姐同你一齊讀都有個人可以練習, 我想搵個人講都無...



    coco

    你都讀過工聯會初級? 係播真係好快唔記得哂, 無溫一個星期就連五十個音都唔記得左.



  • 日本語講座係由日本文化協會搞ga.前身應該係日本領事館搞 (希望無記錯.^^)



    我依家讀緊..我覺得學費唔貴呀....$1700一個學期..一個學期就3-4個月,我覺得仲平過出面大學搞個D tim.



    不過課程就好嚴下..要勤力溫書同做功課先得.





  • no no no,我冇係工聯會讀過,我有朋友讀過咋,你要keep住溫書,得閒拎50音圖睇下啦..



  • 我覺得私人教授會好D, 因為佢可以逐粒逐粒音同你執, 同埋時間上可以flexible D, 為興趣的話OK嘅.



    我都剛剛考完3級lu...



    你有興趣可以留低email, 我問過阿sir之後可以俾佢個contact 你.



  • 唔係話打擊你,如果你連50音都背唔到,同埋覺得難,(學日文一路都要背好多生字同文法)



    學過第2樣野用黎搵番好d既工好工



  • 初初我都好有興趣去學, 去溫, 去記

    或者因為又返工又返學所以攪到無時間無心去讀, 所以我好佩服d同學咁有恆心.

    我問d同學佢地點解會有興趣學日文, 佢答我因為打機同睇日本雜誌會方便d, 所以就好比心機去讀! 加上佢地睇得多就好快明!

    有時都想問下sir野, 但佢一放學就走得快過我地...



  • 你指又要返工又讀書



    係本身有讀其他野 or 只係讀日文?



    轉過第2間學校吧啦



  • 唔,

    我本身有一份正職, 一份part-time, 逢星期五讀日文, 星期日可以溫下書, 不過唔明唔知可以問邊個.

    我諗都係讀埋個初班先算



  • 去日本公司做野唔洗識日文,就算識,你既人工都唔會高得去邊.

    因為你唔係日本人.佢地唔會卑高人工你.

    我有個日本朋友佢係香港做野,人工比做左7-8年既人高而佢又唔係大學畢業.



  • 你冇對日文相關既興趣,係好易會令你想放棄。得閒搵日劇/日文歌睇下聽下,培養番個你好想知道佢地講咩唱咩mood,咁你就會星期日都會自動自範溫書。



    你唔識的話不如去2樓書店買本標準日本語/ 大家的日本語 (有中文文法解釋個本)

    個2本其實夠自學用



    同埋轉去小班教學既日語學校

    講真,一大班人去讀個d,老師冇咁多時間照顧到你。你發音差,個老師都未必會抖正你。



  • 我曾經有個朋友係日文人公司做野,佢唔曉日文,人工低d,如果識會俾番高d人工佢,結果我個朋友去讀,但佢讀讀下冇興趣讀,工都唔鬼做lu..



  • 唔,

    我真係對日文無咩興趣, 就連去旅行都無諗過要去日本, 所以讀得都真係幾無癮.

    有無人真係自學學識左架? 我都有聽過你講個兩本書



    coco,

    我諗我會同你朋友一樣..><



  • 我都學緊日文...但係係向大學讀緊

    其實雖然我本身好有興趣,但係要我自己向書到學,自問真係無咁既�琱�

    好既sensei真係好緊要

    同埋我剛背完個d 音之後我有狂睇magazine試下讀,雖然唔知meaning,但係都好有滿足感

    可以試下



  • 其實你係咪應該諗下點解你想學呢

    一路提住自己為左xxxx,咁應該會有d推動力





  • 你冇興趣,咁你學黎做乜?如果係咁你好難有恆心讀過喎,但讀曉左,會有成功咁架,無論點你都讀埋佢先啦,$都俾左囉,唔好咁易放棄呀



    其實自學語言我覺得都幾難,因為grammar冇人教會難明d,不過最緊要有心讀



  • 咁多位我會比心機讀返初班先, 多謝你地既意見...

    好彩而家播緊一公升眼淚所以都可以叫做有得試聽下日文, 佢地講得好快!



    學生,

    我都有讀D雜誌, 之但係D重音唔知係邊個,所以讀到全部得一個音, 好難聽. 哈哈







  • 大家的日本語,基本上大部份學日文的人都係用個本書。

    標準日本語最近出左新版,我拎黎睇過比舊版更易明。



    你有心學,呢2套書係必備。



    我印像中(好多年前有朋友係工聯會學),本書好似唔係咁好。



    我識既朋友自學成功都係全部對日文/日本有興趣



    唔叻既睇劇/睇卡通片唔溫書都可以考到4級

    勤力小小有睇書(不過都係懶既) 考到2級



    唔成功個班就算番左學(一放學就冇接觸),讀左2年幾,去考試都聽唔明試題講咩



    所以學語文係要後天努力力補不足。



  • 咁當然唔係一朝一夕既事,但係睇日劇明幾句已經好開心lu

    繼續練多d聽多d睇多d~

    加油!!



  • 勤力小小有睇書(不過都係懶既) 考到2級 <---- 你朋友好勁,2級好難下架啦喎



  • 咁我應該買大家的日本語定標準日本語好D呢? 工聯會個本好簡單好薄, 阿SIR又只會跟書讀!

    考試個D係咪分4級? 1級勁定4級勁D架?

    通常要讀到咩程度先考到最底要求個試?



  • coco, 個個朋友真係幾叻,佢考到2級為止全部都係自修番黎,日劇就係佢老師。煲劇煲到平時msn都係用劇入面對白黎講野。

    不過佢最近轉左嗜好~



    4級最淺,以大家的日本語為例,讀完頭2本書就可以去考。



  • 我覺得你可以買標準的日本語先

    因為平D



    你可以睇下自己適唔適合先



    同埋一公升講野唔算快

    日劇內的講野速度其實比較慢

    佢地平日講野仲快



    你覺得佢地講得快,只係聽唔慣同可能唔識d字,聽慣左就連考試都冇問題



  • 唔,

    嘩!!你個朋友好勁呀!! 佢睇左幾多年日劇先有咁既功力?

    標準的日本語大約幾錢? 有無分咩版? 我怕買錯...

    一公升講野已經叫唔算快? 我聽唔到佢講咩...太快了



  • 版主

    工聯會我都有讀過,因為想試吓自己係咪真係有興趣,

    認真學就唔揀佢啦,今年啱啱考左4級,唔難架,加油呀

    睇日劇都幾有幫助,學到日常口語,聽到一兩句好有滿足感架,哈哈,你初級就想聽到人地講咩呀??唔好咁急進住啦



  • 標準的日本語 - 你係2樓書店(買簡體字)應該68就有1set (冇記錯的)



    我初初學日文後(都學左差唔多成年) 拎d日劇都唔係聽得明好多。



    覺得佢地講得快,同埋好多字都唔識

    不過一山還有一山高 (綜藝節目個d講得仲快!)



    個陣成集可能真正聽到大概10句8句到,已經好開心。

    當然而家拎番出黎睇,可能唔使睇字幕都明佢講乜(內容煲到熟曬)



    我朋友大約2000個陣開始煲碟,03定04就去考左2級。



    有個真係有讀書,又煲碟既1年內就考到2級。(個位朋友係睇標準的日本語舊版)







  • 你個friend好勁呀,讀1年就2級



  • 勉強中,

    工聯會你讀到咩班無讀呀? 咁你之後去左邊間讀?4級考D咩?



    唔,

    2樓書店係邊架? 如果我有你朋友咁勁就好了



  • 2樓書店即係旺角bodyshop 個頭 的樓上書店eg 國風堂



    1年考到個個好勤力,放工後都溫幾個鐘日文



  • 我有d野唔明, 咩係促音? 即係中間加左個u 又加埋其他生字個d, 應該點讀? 係咪個u音唔洗讀出聲?



  • 版主, hihi, 我以前都係工聯會讀曬d日文課程, 如果係興趣都ok既, 不過果時唔係日本公司做, 無機會聽同講, 其實好快會唔記, 之後轉左一間日本公司做, 再報埋工豎會既工級試補習班, 再加埋自己溫習, 考左3級試~好似上面既朋友咁講, 一定本身有興趣讀先得架, 我自己一直都好鍾意日本文化, 睇日劇, 睇日本雜誌, 咁都會幫你keep住學架~依家我轉左去hku space 讀, 都ok架, 4900 讀9個月, 老師都ok, 係日本人教既~但我都發覺, 越讀得耐, 好多基本野唔記得, 要溫下書, 我睇緊果本都ok架, 好淺既, 我都借比同事copy, 佢岩岩開始學, 本書係向日葵出版社---日語語法淺說, 入面係中文解說, 都好易明既, 工聯會既書太簡單, 如果想學好d, 真係要睇出面既書, 以前我學果時, 有個叫鄭sir 都教得幾好, 又多自己既notes 比我地, 唔知你係邊位老師呢?



  • 促音係指個生字讀快一拍, 有 u 既係長音, 市係字與字之間係唔發音, 通常係長音, 拉長一拍~加油~



  • miho,

    你真係考起我了, 因為我真係唔知個阿sir姓乜, 印像中佢無自我介紹....同學通常稱呼佢阿sir咋!

    你學左幾耐先可以睇得明雜誌上d字? 其實我唸住讀埋初班出去搵過第二間讀, 咁我應該再由初班讀起定讀中班?



    促音係咪得u先可以叫做促音架?

    好似<do u mo>咁?

    尋日個堂教左拗音, d發音都幾難發!



  • hihi, 通常長音都係u黎既, 促音就係細 tsu~其實雜誌上面都有好多單字, 要慢慢學, 又或者查字典, 我都唔記得幾時開始明雜誌月=講咩, 不過依家都係明明地, 因為好多文法同字, 未必學到~



  • hihi, 始終工聯會既班比較簡單, 你都係岩岩學, 比d時間啦, 最好就係睇多d書, 咁就會學得快d~



  • 係呀, 就好似 do u mo 咁, 要拉長一拍講~



  • miho,

    咁點分幾時發促音幾時發清音架? thanks



  • 哈哈, 咩係清音呢, 我又唔記過喇~其實學耐左, 真係好多基本野都唔用既~



  • 其實促音都係細tsu, 係讀快一拍, 唔使發音架~



  • 版主



    你學左幾耐呀??你好似基本嘅野都唔係好清楚喎...上堂留心啲啦



    我嗰時喺工聯會學到中班就冇讀,因為佢本書唔係好正規,好多都冇解釋到,唔係好明就冇興趣讀,之後發覺自己真係想讀,就報左'第一',唔係好出名,不過又好彩個miss教得好



  • 我而家都係係工聯會學緊日文...

    而家讀到中班...

    讀日文都係為左興趣...

    而家教緊個亞sir都幾好...

    但工聯會o個d亞sir係唔會逼你做任何野...

    所以老實講我都而家都唔識寫或讀o個d字...

    haha...但d生字就可以教死記囉...

    我都想學到多d日文...

    而家都諗緊去唔去第二間度讀...

    起碼會逼你做功課同test...

    而家真係一個星期返一日...

    其他d時間係唔會接觸到...

    好大決心丫要...



  • calbee, 係呀, 一定要定時做功課, test, 先會令自己溫習, 學多d~加油~



  • miho,

    唔該哂你呀! 清音即係個五十個平假名發音.



    勉強中,

    我學左六堂, 有三堂半都係教五十音圖.

    睇黎我都要再比心機啦!


Log in to reply