大家認為一生人食幾多著幾多係咪一早已經安排哂?



  • 大家認為一生人食幾多著幾多係咪一早已經安排哂?



  • 我認為唔係,咁樣諗係消極,唔上進而替自己找借口....



    凡事係有因才有果,係自己或環境因素影響而做成



  • 係!



    因為我上進過,努力過,但結果都不如坐係度唔駛做既人!呢d唔係食幾多著幾多係整定既,係乜呀?



  • 我覺得係'整定'.

    不過係可以用自己既努力或唔努力去'整定'你既結局.



  • 唔知點解我發覺越打工越窮咁



    初初頭一年打工, 都有錢淨



    但人大左, 反而d債多左



    我係度唸緊, 如果一生人好多事都已經整定, 咁係咪即係話打工呢個因唔係咁適合我, 所以有呢個果出黎



  • 我覺得係.

    一生人食幾多著幾多係咪一早已經安排.

    包括你而家既諗法.



  • daisy replied @ 2009-02-28 11:42 pm



    唔知點解我發覺越打工越窮咁



    初初頭一年打工, 都有錢淨



    但人大左, 反而d債多左



    我係度唸緊, 如果一生人好多事都已經整定, 咁係咪即係話打工呢個因唔係咁適合我, 所以有呢個果出黎



    .....................................



    你呢個你因果關係喎.



    我會覺得係, 要認命囉.

    我唔係串你, 因為我同你一樣. 第一份儲到最多錢, 之後好難儲. 而家...係債多左.



  • 因為認定早有安排

    結果就坐著等運到



  • 努力唔一定有好結果, 所謂謀事在人, 成事在天, 好多野係自己掌握唔到



  • 等運到...你可能有運行既



    我就無喇~



  • 一命二運三風水........



  • 唔係



  • 我相信努力可以改變再加上改變思想



    人生應該可以咁講, 100%裡面有某部份佔努力.



  • 我覺得係整定,,

    由細到大我要好努力做好多野至可以得到少少,仲要得到0既係偏差果d,,包括男朋友,一份工,,,身邊朋友,家人,,只係開句聲已經有人幫佢搵埋..仲要幾好添,,我已徹底灰心,,真係好唔開心呀..



  • 灰爆, 唔係的



    你幾多歲?



  • 有時自己都唔想咁灰,但當一個人孤獨咁面對所有問題嘅時候,真係覺得好攰,好想有個人能夠同自己分擔,但談何容易,結果還是要自己解決.

    真係覺得好多嘢係整定,有好多人一出世有個正常嘅家庭,人生路平坦;但有啲人就一出世就不平凡.真係時也命也...

    但無論如何都要面對,因為呢啲就係我哋嘅人生.....



  • 我都覺得係 replied @ 2009-03-01 12:43 am

    一命二運三風水........

    =====================

    恕我與你唱反調...

    我認為係...四積陰德五讀書才對



  • I agree that life is out of our control. No matter how hard I try I still cant fight my fate.



  • 一命二運三風水,四積陰德五讀書,流傳已久,錯不了.



  • 我信命水!無運時,任你點努力,都好難達到預期既效果,最多只係無咁衰而已.



    唔好話賺錢多與少,剩係講搵對像,已經係好講命水既一回事!



    我同一d已婚既同事比,由外表,人品,學歷,性格,都係差唔多質素,但我到依家三十幾都未搵到個好對像,但人地一早就嫁左個專業人士,連仔都生埋!



    係米我揀擇,眼角高?還是有拖拍時對男友好衰,所以至攪成咁?我全部都無做過!我既朋友同我一樣,都只係想搵個同自己夾,錫自己又有經濟能力既對像.



    結果米又係人地搵到我搵唔到!人家一早結左婚好耐,我仲係係個大海度浮下浮下!你估未努力過咩?乜野方法都試過,係無就係無!條氣唔順走去睇下相,問下前程,睇親既相士,全部都話我係無運行!呢十年都唔駛指意會搵到!一定要遲婚!



    最初我都唔信,但由廿幾歲搵到三十幾歲,依家我可以唔認命咩?d人成日話只要肯努力,終有一日會成功!就算會成功又如何?到時都老啦,更年期都到,結婚黎有鬼用??呢d就係命運,唔係話後天肯做,就可以扭轉曬所有既野!每出十成,俾你收番兩成都已經偷笑!有d人係整定成世唔駛點做就可以生活得好好,但有d人,窮一生既努力,都過唔到人家個種既生活!所以我死都唔信無命運呢樣野!



  • 我今年31歲囉,,所諗0既同以上各位相信命運係整定0既網友差唔多....

    唏噓老姑婆,,

    我無你文采咁好,,你所寫0既完全係我心聲,由細到大我係好乖,唔攪事,唔貪慕虛榮,所有野係為人設想的人,但人越來越大,,無論工作,家庭,男友...都係付出十分,收得一,二分番來,次次係咁都咪話唔心灰呀..我前世都唔知做錯咩壞事,今世有條咁0既命...



    "係米我揀擇,眼角高?還是有拖拍時對男友好衰,所以至攪成咁?我全部都無做過!我既朋友同我一樣,都只係想搵個同自己夾,錫自己又有經濟能力既對像. "

    身邊d 野蠻女性朋友,性格衰,唔洗番工都嫁得好,,我呢,凡事尊重男友,體貼,唔野蠻,仲會一齊儲錢,,但最後咪又係一年拖一年,,

    你睇相都話呢10 年唔洗搵到,,但我睇過相,,相士話我婚姻運係差架,,成世人都唔會有男人對你好,,咁我咪仲灰??



  • 希望在明天.命裡有時終須有,命裡無時莫強求--->我經常用來安慰自己,哈



  • 從另一角度睇,你都叫有男友!



    我咁大個人,從來無男友陪我過任何節日,特別係生日!所以我從來都唔知同男友過節既滋味!以前拍拖,未夠三個月就玩完!



    係我眼中,我覺得男人都係犯賤!一d野蠻,大洗既女人,d男人就當寶,就算佢幾衰都可以容忍!至於好似我呢d唔會成日要男人送野,唔會亂發脾氣既女仔,就叫做悶,無情趣!結果又係落得俾人飛既下場!!!



    我絕對覺得係天無眼!我唔係話自己乜都好,但我覺得自己份人,絕對唔係遲婚呢一種!假若生得樣衰d,脾氣差,無品,落得如此下場,我無得怨,但我一直都唔係!每次一d剛相識既朋友,話我有男友,甚至結左婚,又或讚我好條件個陣,我個心就會好失落!假若我真係咁好,點解到左今時今日仲係一個人??有時都會怨,身邊d男人係米盲架????



    有時見到一d外表,學歷都係我之下,但人品同我差唔多既朋友都找到個好男人,就會更加唏噓,點解人地可以,但我就唔可以???



    我唔係坐係屋企等人追,無論參加乜野活動,去邊度進修,竟然九成都係女人??就算有男人,唔係阿伯,就係結曬婚,做曬老豆既男人!有時我會想,唔係真係咁渴市呀??大家都知道,就算俾你係一d場合識到男士,都唔代表會有機會發展,何況我見親既都係女人!!有一個時期,我真係諗:"難道我要攪基先有運行呀?"



    d人成日話命運,只要你努力,就一定會改變到!但我就係人版!努力左十年,依家跟十年前根本無分別,又係單身一人!早知會係咁,就乜都唔做算數!反正努力左,依家仲係咁,我個人仲down!!!!因為根本無藉口去唔承認自己有幾咁廢柴!!!!



    以前從來無想過自己會咁遲都未嫁得出,就算唔結婚,起碼都叫有個感情穩定既男友,誰知結果竟然係如此令人失望....



    35都快黎緊,我對婚姻已不存任何期望,就算遲下有人真係欣賞我,我都唔想玩結婚呢樣野!年過三十五,仲學人著婚紗玩註冊結婚,我想起都起雞皮!我唔想做個老新娘!仲有,35過後先玩結婚生仔,已經無曬mood,一想起要當高齡產婦,乜野興致都無....



    反正我都無運行,條命水係咁,我覺得幾努力,都無用!香港地有好多人,係乜都唔駛追求,好多野都可以垂手可得,但我肯定呢個一定唔係我...



  • 很多年過40,只要保養得好,看來像20多,我Auntie就是.就算35才結婚也沒問題,只要自己開心就得.至於生BB,很多40幾才生,BB都好正常.隨緣.



  • 不用灰



    謝謝你既安慰,只係我過唔到自己己!呢個係我既心結,我無想過自己咁既人,都要做高齡新娘,大齡媽媽!呢個唔係我自願!



    我一直只想係三十歲前結婚,搵個同自己夾既男人共組家庭,生bb,大家一齊為個屋企而努力,但原來唔係個個人都可以實踐呢個願望~



    我條命就係咁,要任何野,都要好努力咁付出,付出十成,最多只收番兩成,以前細個讀書又係咁,大左做野又係咁,連搵個男人都係咁.好多人出黎社會做十年野,事業,愛情,財富,唔好話樣樣都有,起碼都叫有一飯叫過度自己!



    我今年已經三十幾,多年黎我有主動搵機會拍拖,點知又係失敗;工作上,我一直都好努力進修,由無學位進修到依家讀埋碩士,咁又點?升職又係無我份,搵左好多年先搵到依家呢份叫穩定既工作,屋企得個三百零尺,住五個人,想買樓,儲足十年有多,都未夠錢買一個小單位.回想起來,我做人真係超級失敗!!!!



    大家仲信命運咩?仲信乜野後天既努力就會得到成果?慳d啦,我絕對唔信!我知慘過我既人大把,但咁多年以黎,我絕對係一個勤力,願意付出既人,但結果係點?十年有多,跟十年前既我,生活上無乜好既進展,對將來仍然係一籌莫展!假如三十幾歲既我,要睇番自己前半生既成績表,我真係滿科紅!!愛情,事業,財富,無一樣野係令人覺得滿意!同時,亦唔覺得同自己既付出成正比!



    有時見到一d人偷懶,望天打卦時,我依家真係唔敢勸人要上進,要努力,因為我就係一個失敗既例子!!!因為假如係掂既,駛乜等成十幾年先有成果?呢個世界係唔會有公平,唔係話你付出左,就會有收鑊,幸福既人,係因為我地呢d人既不幸既人而造就左.



    依家我對事業既雄心都無曬,讀埋呢個學位,我就算喇,愛情同婚姻,已經無曬感覺,就算有機會,都唔想要!因為已經遲左!女人擇偶既黃金時期都搵唔到,之後就算有,一切起步都遲曬,咩有心唔怕遲,全部都係廢話!女人遲婚遲生仔,條路同男人根本就唔同!我地唔係有錢人,我唔想到六十歲退休個陣,仲要想有乜野方法賺多d錢去養仔女.



    我依家對人生都無乜期望,過得一日就一日就算喇,所有既鬥心,期望,咩都無曬...



  • 唏噓老姑婆,坦白說,我覺得你好捧,是碩士生,又有穩定工作.我剛剛過了試用期,又有負債(早年唔生性欠落,好彩今年係最後1年還.我也是年過30,身邊個個好朋友都結了婚,有的還有小朋友.只有我仍未嫁得出.回想新年聚會時都幾唔開心,眼見朋友個個事業穩定,家庭幸福,真係好羨慕.媽媽都好怕我嫁唔出,時時叫我參加多些活動.其實如你所說有時都唔到自己爭取,人家不用爭取,樣樣水到渠成,生來是享福的.我都看過相,相士都話我是無運行的.所以我也只能自我安慰,等自己好過一點.



  • 講到阿媽,我阿媽都一樣咁感嘆,佢成日都話你又唔係生得差,都唔明點解都搵唔到對像!查實佢都知我真係無~有時佢都會感嘆,點解d親戚既仔女咁容易就搵到另一半,我既就唔得?



    個陣我都唔知點答佢好!雖然我未嫁佢唔會趕我走,但問題係我自己都有唔少壓力,我都唔知自己點解會咁黑仔!雖然有睇相佬話我黑埋出年就會有好運行,但我只係答佢,到時有運行都無用啦!錢依家搵得少唔緊要,遲d搵到都係一樣;事業又係,依家升唔到職,只要繼續努力,靜待時機,假以時日,都或者仲有機會!反正際遇都好重要!但愛情同婚姻呢?遲左就係遲左!難道四十歲先結婚生仔,我仲要感激上天賜我一段美好姻緣咩?咁遲先黎不如唔好黎!分別有幾大呀?唔係個個人都咁享受遲來既婚姻!我只想係正常既時段結婚生仔,過左送俾我都唔想要!我唔想人到中年後,仲要勞心勞力去湊仔,想下夠唔夠錢為家庭開支而付出!人家廿幾歲結婚生仔,四十幾五十歲個陣d仔女都出曬身,但我個陣仲要為個仔升中而憂心?到六十歲退休個陣,唔通仲要想點樣搵錢供個仔讀大學呀?我只覺得,後生時捱下無所謂,但中年之後,實在唔似年青時咁捱得,到時先玩結婚,湊仔,真係有志唔在攞苦黎辛咩!



    我住公屋,見到鄰居成六七十歲,d仔女仲讀緊小學初中,捱到膊頭都歪曬,你話再老d點算呀?我唔想第時自己既仔女都係咁!所以,係我三十歲仲係單身既時候,我同自己講再俾多兩年自己搵對像,可惜之後都無,所以我依家都決定唔搵,依家唯一既願望,就係可以搬屋,俾多d生活空間自己就算!睇相佬都話我將來實嫁得出,不過要遲婚,但我覺得依家咁既時勢,d男人大把選擇,就算學歷,人品,外表我唔輸蝕,但年齡我已經輸曬啦!好條件既男人,要揀都揀個後生啦,駛乜吼我地呢d35過外既女人?剩係見呢度d人上網識女仔,最受歡迎既仍然係30以下既女人,幾時見到會專揀三十之後呀?婚介所既米又係咁樣?



    有時唔係對自己無信心,而係個市場太大,大家都係消費者,你估大家唔曉揀咩?所以個陣我都同個睇相佬講,35之後先有,咁同無根本無分別!因為揀個年紀大過我既,通常都結過婚,或者有仔女,自己既選擇已經唔多....咁與其係咁,不如一個人算啦~



    有時我都無辦法,年青時唔係我任性而失去結婚既機會,亦唔係我太封閉自己而無拖拍,但廿幾歲個十年,正好係我人生最兜踎既時期(最初我都唔信,但後來睇親既睇相佬個個都咁講,我只好認命~)咁我都無辦法~到個陣黑氣過曬後,已經人到中年,有d野就算個天送埋俾你,個陣我已經唔想要....



    人生,就係咁無奈....



  • 我唔係坐係屋企等人追,無論參加乜野活動,去邊度進修,竟然九成都係女人??就算有男人,唔係阿伯,就係結曬婚,做曬老豆既男人!有時我會想,唔係真係咁渴市呀??大家都知道,就算俾你係一d場合識到男士,都唔代表會有機會發展,何況我見親既都係女人!!<-----------100% 同意!!!!!



    但我要加多點, 僕.佢. 個.臭.街, 次次搭車, 我坐兩個位果d, 咁我坐先, 吉左一個位出黎, 如果係男果d坐落黎, 成. 能日都係果d阿叔阿伯級, 仲係要好臭好污漕果d .



  • 睇相佬都話你實嫁得出,只要過埋今年,咁好易捱,唔好再自困啦,也許有個有錢的愛你,養埋你,到時做少奶奶享福呢.唔好唔開心啦.



  • 不用灰,



    謝謝你今晚聽我訴苦,對於將來,我都無乜期望,反正就算唔嫁,我自己對家人都有一定既負擔,若然要嫁,個男人若然窮過我既就仲死,我到時要顧兩頭家,都唔知點算?至於有錢人,我唔覺得個男人會揀我呢d女人~



    人生無完美,總之,將來唔好衰到瞓街就算,我亦唔期望自己可以長命,我怕太長命會令自己更加痛苦,所以,黑完呢十年,真希望將來可以過番d自己真係滿意既生活~



    你都加油啦,我老餅d姐,但你仲有希望,希望樓上我講既唏噓野,唔會影響到你,加油呀!



  • 唏噓老姑婆,我也謝謝你,其實我也是老餅, ”將來唔好衰到瞓街就算”-好同意你所說.你對我只有好影響,你咁有上進心,對家庭有責任感,我要好好向你學習.

    一起加油!希望在明天.晚安.



  • 唏噓老姑婆, 我支持你



  • 都係既, 好似享享咁, 成個家族d資產用基金形式管理, 佢一出世就注定唔使憂, 做下個掛名董事個個月就有幾十萬使, 但我相信靠自己努力都會改變到既, 唔使好似享享咁, 但都最起碼有啖飯食下, 如果日日坐係度等運到唔去努力既, 到有錢時都唔識得執



  • 唏噓老姑婆,

    真係好抱歉,睇你既msg,我覺得唔難明白點解你遇唔到好男人/結唔到婚...

    你講野太負面喇,就算真係曾經捱得好辛苦都好,個人太憤世嫉俗,真係幾惹人討厭.

    (sorry我唔係想鬧交,只係講事實,希望你可以客觀&冷靜d諗諗)



  • 我相信佢唔係負面的, 我反而明白�



    佢係比人更勤力的人, 但得到俾人更少, 久而久之, 任何一個人都會負面



    而且佢唔係一開始咁諗, 係到左呢個年齡先咁諗, 已經係好努力



  • 我唔會理相士點講



    信則有, 不信則無



    相士只係人, 所知的都有限.



    我唔會用認知範圍以內的資訊去判斷我一生



    我信我可以好好



    但我亦信有命運呢回事, 但我都會努力



  • 我咁大個人,從來無男友陪我過任何節日,特別係生日!所以我從來都唔知同男友過節既滋味!以前拍拖,未夠三個月就玩完!





    妳又真係黑仔d既...

    分開係佢地飛妳吖...



  • 但我亦信有命運呢回事, 但我都會努力



    by daisy - 03/02/09 00:31



    Agree. 盡人事, 聽天命.



  • 我想信"信命"0既人唔係一開始就負面0既,,只不過自己多年不繼努力,付出多多,,收獲零或得果少少,,眼見身邊親朋戚友咩都唔洗做生活都可以過得好好,,,呢個情況持續一年二年當然可以積極樂觀,但過左5年以上仲可以點有希望呀?久而久之變到負面係一d 都唔出奇,,,之後不斷越來越負面,越負面條命,,個人氣色越來越差,,越來越怨氣沖天....



  • 可能整定掛!不過又無人比我睇"我的故事一書",點知得吾得?不断要抱住"即管試下"不到黄河心不熄"心態.



  • 唏噓老姑婆 ,



    相士話你幾時可以結婚呀



  • >睇相佬話我黑埋出年就會有好運行



    黎明快來啦. 到時請我吃飯與祝ar



  • 灰爆 replied @ 2009-03-02 11:53 am



    我想信"信命"0既人唔係一開始就負面0既,,只不過自己多年不繼努力,付出多多,,收獲零或得果少少,,眼見身邊親朋戚友咩都唔洗做生活都可以過得好好,,,呢個情況持續一年二年當然可以積極樂觀,但過左5年以上仲可以點有希望呀?久而久之變到負面係一d 都唔出奇,,,之後不斷越來越負面,越負面條命,,個人氣色越來越差,,越來越怨氣沖天....

    ..................................



    岩呀~

    我諗無人一出世就信命.

    細個時爸爸媽媽同老師都係教我地好正面咁去面對人生.



    但當日子一日一日地過去, 你睇下自己, 再睇下人地. 你會奇怪, 點解人地咁容易就達到, 而家自己就一而再地受挫...

    如果你話因為人地有付出過, 有努力過. 難道自己沒有嗎?!



    有時有d野, 唔到你唔信. 又或者你可以話唔信, 但你必需要接受, 接受你改變唔到事實. 因為你無得選擇.









  • 我只信兩様野係整定:語言能力,同智慧.好難用後天去増加



  • 好多時有D 好命的人就会話 成功是全因他們的努力





  • xxxx replied @ 2009-03-02 1:57 pm



    好多時有D 好命的人就会話 成功是全因他們的努力

    ----

    明白

    失敗既人又会講,懐才不遇,不好命



  • 其實我都估,,,

    我20歲都未到.岩岩今年19,,

    但係我都好信呢d命運既野,,,好多野都係天注定,,



  • Laughing replied @ 2009-03-02 1:56 pm



    我只信兩様野係整定:語言能力,同智慧.好難用後天去増加?

    .......................................



    語言能力??? 你話有口吃果d?



  • 好似学一個語言,有人学得好似,好快就可以運用,或者用起上来好傳神.大家用廣東話日常生活,好似要講同一個大話有人可以講到説服人,但有人一講就爆.我覚得係一生出来就有或無,係整定既.



  • 咁我覺得整定既唔只呢2樣囉...


Log in to reply