你地有無童年陰影？

細個係大陸比我婆婆湊，冬天時間屋又凍又冷清又黑，想見父母又無得見，當坐係盆熱水度阿婆同我淋身沖涼既時候，覺得好孤獨好鬱悶，世界一片灰暗咁。而家廿幾歲，來左香港好多年了，同父母團聚左屋企又熱鬧左，但每逢冬天沖熱水涼既時候，果種既感覺又返來，好似親歷其境一樣。

1.細個成日病, 每次都病好耐, 個中醫建議阿媽煮雪菜肉絲上海面比我食 (因為長期食 "足" 無營養)....如是者每次病都係食雪菜肉絲上海面.....真係食到怕. 家陣響我心入面食雪菜肉絲上海面 = 我有病..所以, 我好耐無食過上海面lu.
 
 2. 細個唔識正確嗽口方法, 次次去牙醫保健都比果度d變態護士鏟上天花板, 真係好驚. 如今每次去睇牙醫之前都落多幾分力刷乾淨d牙.

唔係陰影...
 我細個時知道細佬飲過朱古力鮮奶，我叫阿媽買比我，但阿媽始終冇...以後自己買比自己飲，一路飲一定會笑
 以前阿媽知道我鐘意食火腿，好難得才買一次我食，但食時又會好難為我..說：「d野好貴架，唔係好抵比你食，功課又唔係好好，比屎你食就差唔多」....以後自己買比自己食，一路食一定會笑

你地個D係童年陰影? 咁我的陰影算好嚴重

你地個D係童年陰影? 咁我的陰影算好嚴重
 
 
 by 唉
 
 陰影可重可輕姐下話?!

+ggg,
 點解你媽咪會咁架? :'(

我父母公一份, 婆一份, 由於工作關係, 早上 0530 便將我交比屋村的師奶媬母揍, 直到媽媽下午約兩點收工接回我。
 
 由於經常轉媬母, ,而我父母比的錢亦唔多, 又要好早將我送去人地家中(嘈住人地家人), 所以我頗乞人憎 (媬母的家人大都不鍾意我, 小孩當我爭寵, 大人覺得我麻煩, 一大清早到佢家阻住曬)
 
 自細無安全感, 並且成日無故被打罵 (試過版媬母兒子嫌我催促佢快些起床返學, 否則我會遲到而用梳大力打我的頭至流血), 又試過小孩以為佢媽媽偏心我而推我下樓梯而撞穿頭, 需要到醫院縫針治理。
 
 最大的陰影莫過於小時候媬母的丈夫經常要我幫佢 "搽藥膏" 真的用藥膏塗在陰莖上, 然後佢拿住我隻手幫佢打飛機, (小時候唔知做緊什麼, 只知道一有白色液體流出佢才罷手), 直至小五、六時同媽媽 & 姐姐講起一d話題, 我話見過"啫啫" (形容外貌出來), 媽媽好驚訝 & 同阿姨商討對策, 最後定案是既然已經過左去, 又唔肯定我有無講大話 (可能只是人地尿尿時見過), 故此斷定我作野。及時常當住我面細聲講此 topic。
 
 我知佢地唔信我 & 覺得我好污漕, 但當時我只是幼稚園咋, 我也不知發生何事, 只知媽媽託管時吩咐過我要聽媬母及叔叔的話。
 
 即使我並沒有被侵犯, 但我卻在心中留下永不磨滅的陰影 (除左叔叔的惡行, 還有不信任我的母親) 我甚至唔想承認此事的發生及唔敢講比男友知, 怕人地睇我唔起。

to 唔敢話比人知：
 妳要好好去克服..記住一切是不幸，你絕對冇錯.
 10歲前，我都試過給同住的堂哥偷睇沖涼唔止一次，話比阿媽知，阿媽又唔理，伯娘又唔管...唉...大個左知道是小孩好奇，我原諒我堂哥，現在還有來往，前事當然從未提過。
 
 to寶寶：
 我阿媽係好偏心，又好大喜功，我自少做人喜歡冷眼旁觀和細心留意一事一物，別人好的我會學習，錯的我儆醒自己不要犯錯...

thank you +ggg

to唔敢話比人知
 我堂大佬的事，從未對husband講過，我唔想他用另類眼光看我堂大佬...所以妳也無需與bf 講....

by 唔敢話比人知 - 12/11/06 23:30
 
 咁你的陰影係咪令你唔敢同男友打飛機呀?

by 唔敢話比人知 - 12/11/06 23:30
 
 你無犯錯，係媬母個丈夫賤格就真，佢呢種違反誠信既非禮行為上庭告得入的話，實俾官重判。
 
 件事既然都過左咁多年，你都應該放底，唔好再為此困擾。

唔敢話比人知
 
 glad u shared with us
 i think i t will help u to let go of it in ur memories
 
 be strong!
 
 u did very well tonite
 
 :) :) :)

飛機師
 
 u r very mean! n cruel
 pls respect yourself
 please
 
 we r all friends here ok?

我只可以講哩個係事實, 並唔係作的, 如果飛機師係覺得o甘樣好 funny 的話, 請小心 take care 你週邊的女性, 唔好有哩d o甘 funny 的遭遇。
 
 的確講左出來係宣洩左o甘多年心中的抑鬱 (尤其是已經受左傷害 but 無人信一個幼稚園小朋友)
 
 企出來的表達係想同自己和受差不多遭遇的女性講：「我地無做錯, 唔好覺得羞恥」同埋打飛機亦唔係罪, 不過要在你情我願的環境下發生, 而唔係加諸細路身上lor。
 
 哩件事對我最大的陰影係：
 1) 唔信人, (因為媽媽的暫託人會o甘對我), 2) 同媽媽關係唔好, 有條剌 (因為佢唔信我), 3) 怕年長男人太 close (怕佢地有企圖),
 4) 少許討厭性 (因為好醜惡),
 5) 唔敢要小朋友 (除非自己唔駛做自己揍, 因為信唔過其他人, 唔想佢好似我o甘不幸)

其實我唸有好多人都係因為生命中有d 野發生左而唔信人...
 
 其實咁唔係令個世界仲冷酷咩??
 都幾無奈...
 
 毎個人都有個故事...唔一定成日要唸自己好不幸 , 我都知唔易....
 
 希望大家係度" 申" 自己有咩陰影既同時, 記得要remind 自己要positive D 呀!!!
 
 我地唔會俾 E D 陰影成世 trap 住ga !
 add oil !

所謂飛機師
 唔知你覺得自己風趣還是幽默？
 我唔會咒你家中女性的
 你好好檢討下啦

我係細個俾工人虐打, 同媽咪講佢唔信我, 個工人仲屈我話係我自己百厭整親, 又話我曳所以話我幾句, 暗示我冤枉佢!
 
 於是第二日媽咪返工之後我又俾佢打。總之佢心情唔靚就打我。情況維持咗 1 段時間, 應該都有 1 年左右。我果陣得 4 歲, 根本唔知俾人打未必一定係自己做錯事。更加唔識得反抗, 連最可以信任既父母都保護唔到我, 所以我暑假就堅持要去祖母屋企住, 因為我好怕返自己屋企, 唔知幾時又俾人打。
 
 所以我冇安全感, 唔容易信人, 遇到人地唔信我(或表現得唔信 only, 無論係幾咁小既一件事) 我細個會發脾氣, 父母仲要鬧返我脾氣差, 所以我好憎佢地。
 
 大個左我去外國讀書, 10 年冇同佢地一齊住, 關係反而好左, 我亦好感激佢地供我去外國讀書。而家我脾氣好好, 但遇到人地唔信我, 我會好難過, 覺得好好好唔開心。
 
 於是我知道呢個陰影仲存在, 去睇心理醫生, 發現... 其實我冇恨個工人, 恨既係父母, 但偏偏我又覺得恨自己父母係錯, 因為呢個矛盾, 所以個結越纏越緊。結果我變成憎恨自己。
 
 醫生建議我唔好怪自己憎恨自己父母, 唔好迫自己, 就自然會 let go。
 
 我只能講, 童年陰影真係好影響一個人既性格同將來發展, 所以希望大家都好好保護小朋友, 唔好在心靈同肉體上傷害佢地!

我中三時媽媽就跟左第2個男人走佬
 親眼睇住佢走, 佢頭都冇回一下
 走得好冷靜, 好冷酷, 完全冇理我過地幾兄弟姊妹, 我細佬個時只得幾歲咋
 
 到而家呢刻我都唔可以再接受返我媽媽
 我憎佢, 真係好憎�
 
 結婚對我黎講
 只不過係一張紙咁簡單

//其實我唸有好多人都係因為生命中有d 野發生左而唔信人...
 
 唔同架, 大個俾人出賣, 會失望會氣憤, 但當你仲係一個小朋友, 唔識得分辨對錯, 價值觀仲未形成既時候, 果種傷害就 powerful 好多, 心理學都有講。

仲有係, 我一路都以為自己脾氣差係天生, 直到讀大學讀到心理學, 再 evaluate, 先將個 story plot 返出黎。知道咗個問題所在, 先可以針對個問題去治療。

以前老豆做生意..成日有班生意佬上我屋企玩!!
 佢地最興就係叫哂我地入房玩!
 自己係廳睇4仔!!
 有時老豆上左大陸做生意..
 佢d豬朋狗友都照上黎打牙較..
 好記得其中兩個曾經非禮過我..個時媽咪又要返工..得我一個女仔!!
 雖然記憶好濛糊..但係而家一有人追我..我就會諗佢地對我有企圖..愈諗就會愈憎佢地!!
 所以目前為止只係拍過兩次拖...

原諒施虐者, 因為醜惡�鴾葅F只會令佢地永不超生
 
 為自己自豪, 因為不辛的遭遇不但無損你純淨�鴾葅F, 反而令你成為一個堅強, 能體會並克服痛苦的人, 好似天使般美麗

我bf亦都係一個有好多童年陰影既人
 
 eg
 - 好驚夜晚自己一個人響屋企 (因為佢媽自己一個一手一腳湊大佢, 佢好驚寂寞)
 - 唔鍾意打茄輪(因為細個果陣,佢媽個男教友藉同佢補習英文而同佢打茄輪...)
 - 好驚溜冰 (話說佢細個果陣d阿e呃佢話d冰會溶, 會跌左落去, 之後佢試過溜一次, 但諗起佢阿e既說話, 對腳震到溜唔到...)
 
 仲有好多... 諗到再講!
 其實我覺得好多小朋友既童年陰影大人做成的...

唔敢話俾人知, same,
 
 feel sorry to hear yours story.
 let bygone be bygone....
 努力克服呢個心魔. 唔係你做錯, 唔值得俾呢個心魔折磨一世.

我中一果年嘅暑假,我同一個fd响一間遊戲機中心識咗一班人,果晚佢哋帶咗我哋上遊艇玩,其中一個男仔帶咗我入一間房同我性交,我當時冇反抗,之後我哋都有見面,佢次次都會攞我銀包d錢,唔知當我係咩,有一次我個fd話比我知比佢強姦咗,正常人係會報警,但我哋冇,之後又有一次夜晚去bbq,無啦啦多咗個女仔,原來係佢gf,後來知道個女仔做私鐘搵錢比佢駛,我哋去咗海灘bbq,其中有兩個男仔話同我去游水,我都冇得say no,已經比佢哋捉咗我落水,我當時好驚,好彩最後都可以返上岸比我走,我知道係個女仔叫佢哋咁玩我,目的係教訓我!呢件事令到我好憎自己,亦另我日後做咗好多不能再錯的事!

可恨的男人 .\ /.

細個(10+歲)同舅父女友嘅仔玩,大家差唔多大,咁佢玩緊車仔,突然喺我心口上面碌過,嗰時細個唔識咩事
 又唔止一次,去toilet時佢哋冇敲門就喺出面開咗度門,真係蝕底曬
 嗰時仲細唔識得話畀阿媽知
 宜家事隔十幾年,舅父同佢哋已經成為一家人
 咁我亦逼於無奈要同佢哋見面,不過我好憎佢哋,亦同佢哋楚河漢界,連佢哋阿媽都憎,因為佢唔識亦唔會教仔

續上
 因為去toilet時佢哋冇敲門就喺出面開咗度門
 係公屋嗰隻廁所門
 自始之後,搞到我去親公屋廁所都搵嘢塞住度門鎖個窿,確保出面d人係開唔到先敢去

唔敢話俾人知, same,
 
 feel sorry to hear yours story.
 let bygone be bygone....
 努力克服呢個心魔. 唔係你做錯, 唔值得俾呢個心魔折磨一世.
 
 by 我 - 12/12/06 13:56
 
 Thanks! :)
 
 相比下其實我呢 d 係好小事, 不過我係想話俾大家知, 小朋友係好脆弱, 需要大人保護同信任, 因為童年係影響一個人既性格, 而性格又會影響命運, 所以唔好以為小朋友就可以置之不理。同埋, 自己個仔都係自己揍返, 辛苦 d 都要, 小朋友需要一個媽媽, 唔係一個工人, 更何況你唔知你個工人平時係點樣對你個仔。

u r all so brave to voice out
 i think it can cure ur shadow
 
 keep it up
 add oil ar;)

比我呀媽丟棄係條街到.
 比我呀媽搵刀恐嚇我.
 比我呀媽經常吊起黎狂秋.
 比我呀媽趕我出門口......
 
 項目太多, 不能盡錄...

唔敢話比人知
 
 放心...細細個唔識野d賤阿叔叫我摸佢jerjer
 果家人好憎我果d，我都遇過
 但到而家我都冇比家人知...
 仲係大個想起先知咩事
 
 我都有咁既遭遇，
 你唔駛唔開心
 過去既事就算啦!

細細個屋企生活就大起大落
 試過好有錢, 亦都試過跌到落谷底
 有段長時期,老豆又搵唔到野做
 真係窮到連飯都冇錢開
 阿媽都頂唔順同老豆離左婚
 
 所以而家大個左
 都唔比自己窮到冇飯開
 
 好怕, 好怕窮.....

嘩, 睇完你哋原來我都幾大/多件事………….
 (一) 小学1年班 : 要自已放學 (屋企超近 , 响對面馬路), 要响門口等家姐(約1-2個鐘吧!) , 一鄰居男把我校裙內之內褲脫下, 並用舌頭……….
 ~~後遺症 : 怕黑 (已克復), 怕見或吃牛舌 (哈哈, 都幾好笑)
 (二) 小學4-5 年班 : 因家住頂樓, 即8 樓, 常被揄睇冲涼, (那些人會上天台, 伏地申頭揄看….唔怕跌落樓???)
 ~~後遺症 : 偶然夢見有關情境 , 不安感只限於夢內。在任何地方如厠也怕比人揄睇 (巳克復)
 (三) 小學 4 年班 : 落街買完嘢 , 行樓梯到 5 樓, 有一男人說自己是警察 , 然後帶咗我去5樓厠所 , 叫我爬埋牆 , 隔住條裙响我後面狂 YUK , 直至他射精為止
 ~~ 後遺症 : 超級怕精液既味
 (四) 約20歲 (已工作) : 因返夜 , 中午在家沖完涼 , 突然發現門口隔離嗰個氣窗有個肥頭 , 我即刻 “呢”埋着衫 , 然後揄睇, 發現冇人先敢走出嚟 , 戰戰競競開門睇 , 發現有一張摺椅 , 門上寫滿淫褻字句 , 門上及椅上充滿精液…….嘔心….! 這次有報警 , 但沒有實祭幫助
 ~~後遺症 : 冇 ( 可能已經金鋼之身 , 百毒不侵 , 哈哈哈哈 )

~下集~
 曾經有惗過報警拉 case (一) 既疑人 (即鄰居男), 直至有次搭車, 那人正正坐响我隔離 , 佢正眼都唔敢望我, 仲好似好驚我咁...........嗰一刻 , 我覺得佢仲慘過我。

有冇feedback 呀....................
 Hellooooooooo.........

原來咁多人細個受過性侵犯...
 我好好彩, 屋企保護得我好好, 但係阿媽有產後"益屈", 成日打我, 用水淋我
 記得有一次佢打我又唔比我喊, 一喊出聲就再打, 我咬住d手指忍住唔出聲, 咬到出曬血, 到而家廿幾歲都仲咬緊, d指甲都變曬形,留唔到長....
 而一有人撞親我我都好驚,以為人地想打我,我阿媽會大力推我落地....

我記得細細個個時爸媽鬧離婚個時
 仲問我跟邊個
 個時好驚~好細個~~得個幾歲~~剩係識得係度喊~~
 之後聽到佢地係房嘈都好驚~好驚佢地真係離婚我自己都會偷偷地喊
 到左大個知道佢地唔會~~~佢地嘈我都唔理得咁好喇~~
 難委我細個驚左咁多次~

細個有次昏迷入廣華醫院, 後尾救番但住左幾個月.....大個左之後好驚行入醫院同針筒, 一入醫院我覺得自已會返唔到出黎, 有死亡的感覺, 一見到針筒就即刻會打冷震, 試過用去左針的淨針筒掂手臂想去克服, 但真係唔得, 會大叫.... 呢兩樣野令到我有病都唔想睇醫生, 燒到一零幾度醫生叫入院死都唔入, 所有預防針好似肝炎等都唔去打......

約5歲, 朝早起身, 全屋天花吊滿曬蜘蛛, 好恐怖

Same case as 咩 !

ahna,
 
 仲要大個講返~~我亞爸亞媽好似咩都唔記得
 吹脹！

細個果陣舅父帶我去海灘教我游水, 佢將我個頭"禁"入水中, 因為我唔識點透氣, 結果個鼻比d水"濁"親好辛苦, 仲飲左幾啖海水同沙, 自始之後我就好驚水, 有諗過再學游水, 但一諗起透唔到氣果種感覺就好驚好驚, 亦因為咁唔敢考空姐....唉.......

PUSH