通常我問親女仔擇偶條件,九成要求要高大,唔敢話要靚仔但要合眼緣,著衫要型型地,最好有車,因為方便拍拖同浪漫好多,最好有自己既屋,公屋比人印像唔係咁好,另外要有穩定職業.20000左右差唔多.人品要專一,搞笑,對自己好,細心,各位男仕,你覺得咁算唔算要求高 ??其實多唔多人逹標,

[我想知]

[bonnie]

monthly salary $20K is nothing in HK, I think $100K or avove is more reasobanle

[我想知]

我絻對唔係想撩起罵戰,只係想知其實多唔多人逹到以上條件,正所謂知己知彼麻 .因為其實我只係逹到上述某一,兩項條件,但老實講我又唔覺自己係咁差.而且我見其他同齡既男仔都只係咁上下喎....

[柏林]

重有要大學以上學歷

[iris]

your requirements are too common in Hong Kong, also I agree with bonnie that HK$20,000 is really hard to survive

[zoe]

每個人心目中把尺都唔同

我只能夠講一句，好多人根本就「講就天下無敵，做就無能為力」

[我想知]

咁橋我又真係逹到20000呢個數,我亦都唔覺離譜,所以我一路都唔認同港男什麼罵戢之類.但,要將上面條件集合一齊,又真係有難度.

[yyn]

淨係高大靚仔都已「西」走左八九成港男啦

[apple]

我好多朋友月入十幾萬, 香港好平常

[我想知]

單單係有車己經 fail 咗好多人,更何況係有自己既樓 ??



高度亦都淘汰咗一大棚人,

[~~豬仔~~]

咁得番個一兩成,要有車有樓,又(西)走幾多呢?

[我想知]

十幾萬好平常??唔係下麻 ??我諗都淘汰咗一大半數既港男咯.

[我想知]

有樓有車我諗儲黎買,年紀都要有番咁上下啦,後生細仔點會有呀 ??

[車仔面]

有4樣餸已經好好

[centanet]

香港已登記的住宅單位數量已超過二百萬, 應該有差不多一百多萬個業主喎

[我想知]

人品要專一,搞笑,對自己好,細心-----.呢幾樣就比較易,其他都好難.

[車仔面]

人品要專一,搞笑,對自己好,細心-----.呢幾樣最"平"

[運輸署]

香港已登記的私家車有成四百幾萬, 咁亦應該有成三百萬車主格

[我想知]

有時我都會响度嘗試識下女仔,但當問及:[你擇偶條件之類]好快我就會打沉,費事比人笑啦,

求要高大,------->我得五呎六,離高大威猛差好遠,



靚仔------>我覺自己係嫁,但靚仔都唔及身形高大咁殺食,高大係好重要,所以我知高大呢項係西走好多人



著衫要型型地,----------->其實矮好難好型.



最好有車,------------>我只有電單車,鬼唔知有私家車好咩,好難負擔,我真係好懷疑無車既人係咪唔駛指望有女溝.(學生妹除外 )



,最好有自己既屋,公屋比人印像唔係咁好,---------------->買樓,有幾多後生仔會有自己既樓呢 ??

另外要有穩定職業.20000左右差唔多.------------>我都算可幸,我聽過有唔少人只有萬多月薪.



人品要專一,搞笑,對自己好,細心,--------->呢d 就強行都做到既.

[毒]

曲線

[我想知]

假設你响尖沙咀,大叫一聲 :[五呎九既男仕請留步,其他既死開.]

咁就走咗一棚人.

再大叫 :[樣貎 ok(都唔敢叫靚仔)既男仕請留步,其他既死開.]

就當所有男仔都唔肯認自己唔OK ,全數留低.

再大叫 :[有車既男仕請留步,其他既死開.]

我相信又再走一棚人,有 D 分分鐘連車牌都無.

再大叫 :[有私人屋既男仕請留步,供緊都計埋,其他既死開.]

又再走一棚人........

再大叫 :[有穩定職業.20000左右既男仕請留步,其他既死開.]

至少都走一兩個啩 ??

再大叫 :[人品要專一,搞笑,對女友好,細心既男仕請留步,其他既死開.]

通常個個都會認同自己心底裡係專一,搞笑,對女友好,細心既.

呢次無人肯走.



我諗現場只係得番十零人啫......

[HANDSOME]

有,不過唔到妳,妳又有咩條件呢,請問? ON 9

[jack]

我得靚仔ja,住公屋唔高大

[Tang]

我本身做老闆, 開公司, 月入係between 15-30 萬不等, 近來少返d, 咁又點? 你個d 要求唔係冇可能, 點都有人fit 到1,2 個, 你要全部fit 哂就應該冇乜可能, 不過講真, 我唔會專一, 你諗下, 有錢點解唔玩多幾條女? 我現在都有5 個女友, 話就話對佢地專一架啦, 約完一個之後咪去找第二個, 有時真係好忙, 不過玩得幾過癮, 至緊要開心架姐

[我想知]

大家無謂咁重怨氣,有時都應該尊重下人家擇偶權利既.

[Tang]

細佬, 有時要求既野唔洗咁死既, 不過你咁多條件中,有份穏定工係至重要, 其實講白d 係你要有錢, 你有錢, 人地唔會理你係咪穏定架, 如果你找得少, 得雞碎咁多, 穏定有用咩? 人地係睇你有幾多身家, 你有錢時, 就算你唔高大唔靚仔, 你都會有女埋身, 找多d 錢先啦

[yyn]

同意tang 講法, 搵錢最緊要。

[女仔想知]

其實我想知，如果個男仔係普通寫字樓打工仔搵萬幾蚊，30幾歲人仲同家人住係公屋，無物業，樣子一般高度一般學歷中五畢業......如果依家俾你遇到一個樣子幾sweet行出黎唔似無男朋友，行為思想又幾charming，有幾好事業發展既女仔，你地會唔會因為覺得自己條件唔夠好，會卻步唔敢去追？

[現實]

有齊呢d條件都唔係好難，但到時人地都有大把選擇，點解要揀妳。

[現實]

其實我想知，如果個男仔係普通寫字樓打工仔搵萬幾蚊，30幾歲人仲同家人住係公屋，無物業，樣子一般高度一般學歷中五畢業......如果依家俾你遇到一個樣子幾sweet行出黎唔似無男朋友，行為思想又幾charming，有幾好事業發展既女仔，你地會唔會因為覺得自己條件唔夠好，會卻步唔敢去追？ 〈＝ 都係同其他選擇比較

[女仔想知]

現實，



你意思即係你會將個女仔同其他選擇比較？如果係既話即係你都唔會覺得自己條件唔夠啦，至少你覺得自己仲有選擇嘛...

[JoeLee]

Is seem a dream talk.

[yyn]

我仲相信大家岩傾岩FEEL的話, 呢D反而係其次

[失望]

我覺得兩個人一齊係鍾意對方而唔係鍾意自己既條件既,好多人嚮出發點有問題囉.

回答板主,

我自己就有個客28,29歲大我小小.佢就結左婚.屋企極有錢,一部波子cayneene,一部賓士,一部賓跑,三部車都係中港牌.但呢個客就好鍾意溝女.有次同佢玩問起點解佢會同佢依家老婆結婚但又出黎玩既,大家估下點解.

佢話:我老婆講真都唔錯,同埋佢屋企嚮大陸有d影響力對做野有幫助,再加埋一齊讀書咪一齊囉.講真出黎玩,香港大陸d女唔同自己level既咪玩下囉.你唔會信有灰姑娘呀?呢d野老豆由細教到大啦.

我聽完都點點頭,當然我只係陪跑份子冇權講d咩

[.]

有以上既條件, 都唔會搵一般既港女啦, 貪錢重物質, 搵鬼要咩

[coffee]

條件高低係相對上,比較出黎既啫.

認同yyn講,都講岩唔岩feel,夾唔夾咁.

[coffee]

都要睇個女仕本身條件如何,有幾多選擇,

當然會從中揀個最好的.



正所謂百貨撞百客, 願者上釣.

[Bingo !]

我仲相信大家岩傾岩FEEL的話, 呢D反而係其次

by yyn - 02/07/09 00:55



全中!

[= =]

高大 ABOVE AVERAGE LA

合眼緣 呢樣難

型型地 唔會呷

有車 二手歐洲

屋 有

職業 20000up

人品要專一 搞笑 細心 ok的

逹標..人人個標唔同,計黎無謂

[傾下]

我識我老公時佢未完全達標, 但之後達倒曬.

[= =]

增高?

[傾下]

= = replied @ 2009-02-07 12:03 pm



增高?



<<<<<<<<哈哈哈, 呢樣我第一樣知佢合格.