投訴旺角通亞涷肉食品





  • 本人在2009年1月18日約下午5時半於旺角煙廠街8號地下通亞凍肉食品購買火煱食品, 該店的銷售方法十分不當, 我懷疑有欺騙成份, 現作出投訴.



    本人同該店的女職員(年約40)講想買以下物品(蘿蔔 1條, 粉絲2包, 豆腐2個, 山根 2包, 沙茶醬 1樽, 東菇 1包, 金菇 2 包, 烏東 2 包), 當我問每樣物品價錢時, 她說樣樣都好平, 無答我實質價錢, 她秤蘿蔔時, 我問她幾錢, 她答唔記得, 只話蘿蔔重斤半, 在她執貨品俾我時, 她行來行去執貨, 之後她自己去刨了個蘿蔔, 期間也有其他人買嘢. 等她執完, 我再問她每樣物品價錢, 她無答我, 只是自己計錢, 之後話 $104, 因是我朋友負責出錢, 我朋友便拿出一佰元在手中, 她便立即從我朋友手中搶去一佰元, 放進她自己衫袋, 話計我地平些, 收一佰元便可, 因我覺得價錢有問題(應該$60左右), 便要她計多次及講出每件貨, 她也不說出價錢, 只拿計數機再計, 計完都是話 $104, 我堅持要她說出每件貨價錢(直到現在, 每件貨都是在她枱上, 全部都是她自己執的), 她便說出 粉絲 2 包 $5, 山根 2 包 $16, 沙茶醬 一樽 廿幾蚊, 金菇 2包 $20, 烏東 2包 $10, 其他的她說不出價錢, 同時她是有按計算機的, 我見她按完都只是 $91, 便問她為何收我 $104 及再問她未說出價錢貨品的價錢, 她答唔出, 諗咗好耐, 便話個蘿蔔是 $13, 我話蘿蔔正常 $3 斤, 斤半點解 $13, 她話是印尼蘿蔔所以賣 $7斤, 我再問就算 $7斤, 斤半都無理由 $13, 她又諗咗一陣, 又話物價貴, 總之賣 $13.



    因我覺得她有心呃我們錢, 便要求她給回我們的 $100, 我們不買, 她話唔得, 如果因蘿蔔貴, 可以唔買個蘿蔔, 但其他嘢一定要買, 我便話妳其他物品都好貴, 差不多比正常貴一倍, 而貨品在妳枱上, 我又拿走, 物品也原好, 妳又可以再賣, 我只想攞番自己的錢, 但她話妳去餐廳叫嘢食, 你唔食都要俾錢, 你之前話要, 依家一定要俾錢, 又話每間舖頭的價錢都不同, 點可以同人地比, 我話, 但妳之前由頭到尾都不肯說出價錢, 最後都是只說出總數, 貨物在妳處, 我又無攞走, 我知價錢後, 覺得貴唔買, 好正常.

    我話, 妳個蘿蔔刨了皮, 我最多買咗妳個蘿蔔, 對面舖都是賣 $3斤, 斤半, 我俾 $4.5買了它, 但她堅持唔得, 一定要我買曬全部嘢.



    因她不肯俾番錢我, 於是便報警, 警察到場後, 同她傾咗好耐, 最後她答應我只需用 $10 買個蘿蔔, 其他物品可以不買, 因警察同我講, 就算價錢不合理, 她刨了, 我也一定要買, 最多事後向銷委會投訴, 我的情況就好似呃人的參茸舖, 切了後, 就算話 10萬元一両, 我也要俾錢先, 只可事後再投訴, 警察乜嘢都做唔到, 因此, 我只好買個蘿蔔, 她找番 $90俾我. 我離開後, 去對面買菜時, 該老闆話我去了黑店, 該店經常呃人, 成日有顧客同佢理論, 我話, 因我是第一次來這個街市買嘢, 所以不知它是黑店.



    事後在附近舖頭找到的價錢: 蘿蔔 $3 斤, 粉絲 6 包 $5, 山根 1條 $5, 沙茶醬 $14, 金菇 3 包 $10, 烏東 4包 $10.9



  • 我本身有份blacklist會記底呢d投訴公司或商鋪的, 做得好



  • 下次小心d啦!~



  • 奸商真衰



  • push



  • 事後在附近舖頭找到的價錢: 蘿蔔 $3 斤, 粉絲 6 包 $5, 山根 1條 $5, 沙茶醬 $14, 金菇 3 包 $10, 烏東 4包 $10.9


Log in to reply