一句 我的伴侶絕對犯得起這個錯誤





  • 我將部份今期東週文章打出嚟:倪震著草期間,周原諒倪,倪堅持人咎分手。周提出各自出聲明,要求親自寫,惟經不起倪多番游說,周將聲明給倪潤飾,結果變成大量刪改,倪好友白韻琴踢爆兩份聲明文筆一致,肯定由倪執筆。



    對於周對倪死心塌地,倪曾對本刊曬命:因為我具備各項作為好男友既條件,佢冇理由唔揀我。



    其實周一直不願分手,據其密友透露:周同倪講:佢響出面玩唔緊要,最緊要大家仲係一齊,咁多年嚟周都好開心,希望喺返埋一齊。雖然倪多次偷食,最終由周向佢要求複合。縱使倪多次向友人說:我當周係家,大家已冇咗相愛既感覺但見周百般遷就,又承諾可對佢既風流事隻眼開隻眼閉,考慮到19年感情,二人火速複合。



    倪既好友向本刊透露:其實倪好早同人講,周比唔到佢愛既感覺,拍拖19年已經由激情變感情,似一家人一樣,所以識佢既人,見佢今次斷正後即出聲明分手,都唔覺得出奇。

    事實上,倪一向小心謹慎,即使過往緋聞多多,但絕少給傳媒拍到罪證。呢次倪竟於週六最多人出外蒲既時間,走到極多狗仔隊出沒既蘭桂坊,公然同Miffty濕吻五分鐘,仲要咁啱被其相熟傳媒鉅世無遺地拍得過程,的確耐人尋味。

    跟倪不時結伴夜蒲既身邊人大爆倪身痕。倪不嬲都話自己未玩夠,佢仲同我哋講,Miffty唔癡身,夠放又玩得,皮膚白滑腰又幼,有D想嚟真!不過周對佢死心塌地,所以倪想要周死心分手,真係唔出到斷正呢招都午洗諗!!



    倪才子想將呢斷忘年戀發展落去,難怪Miffty對自己信心十足,響個人blog中大曬幸福,暗示倪話佢樣子不算太標緻,但性格極好



  • 倪震分明係對周慧敏玩到厭,又嫌佢老想飛佢但又撇唔甩。就用D最卑鄙、最狗既方法務求令到個女既自動放棄退出。可惜個女既唔知係咪中咗佢既降頭竟然做D丟盡女人尊嚴既事:(((佢響出面玩唔緊要,最緊要大家仲係一齊,咁多年嚟周都好開心,希望喺返埋一齊。雖然倪多次偷食,最終由周向佢要求複合。)))個女既洗唔洗為咗呢件縮骨鹹濕伯父做到自己連狗都不如,去乞討呢段爛鬼感情?



    男既中曬中年鹹濕伯父既症狀:貪嫩口、貪身材好、夠放、夠姣。佢幾時有報應隨時馬上風,美女在前無福消受呢?



    周慧敏仲同佢結婚正一腦閉塞,所有野都係自己攞嚟衰,與人無由。抵佢得唔到個男既尊重,反正呢段感情佢都係處於搖尾乞憐既位置,個男既知道自己點玩、點爛滾、點趕、點喝都唔走咁犯賤,個男人唔單止唔會愛你、尊重你。個男人只會當你係隻擺尾狗。



    果個Miffty唔洗咁得意,你要記住他朝君體也相同。睇倪震果副鹹濕相佢而家對呢個女人唔會放手既。等佢結咗婚一切成曬定局,佢一定搵返呢個女人。因為倪伯父對佢仲未厭。



  • billy jean 個細妹



  • 倪生想...(第二句:我絕對打算犯下無數次咁嘅錯誤...hehe)



  • 一個願打, 一個願推, 幾襯呀

    更何況作為局外人, 大家憑d乜野去批判誰是誰非呢?



  • 一句「我的伴侶絕對犯得起這個錯誤」,立即喚醒一眾香港女性天生過敏的情感神經,紛紛責備、定義、裁決然後乾脆劃清道德界線,賦與忠誠乃天下所有女性愛情的金科玉律第一戒條,忠誠沒有了,就不是愛。

    說起來振振有詞,都不過是為了保護那辛苦經營的社會共識,「拿,你千祈唔好對唔住我」,不忠是死罪,救不了。更甚者,甚至以媽媽的角度指責說出這句話的周小姐愚蠢無腦,又或以神般高高在上的為男方作出落地獄式的嘴咒,祟高姿態一時無兩。為的,不過是那牢不可破的安全網,最高懲罰是死刑人所周知,男人,你敢?

    愛情,不可能簡單如此。世上人多的是,每個人都有自己的一套生活哲學、一套道德標準。一套只屬於他們之間的相處藝術,任憑你如何扭曲愛的真諦,也只有他們也能介定誰對誰錯、誰應該原諒、誰應該負上怎樣的責任、誰應不應該繼續愛誰。相愛的準則不同,跟愛的深淺程度無關,只是我跟你的不一樣吧了。只是眾人智慧有限,極其量只懂以自己一套價值觀去評價批判一段只屬於他們的愛。有些,更深信愛只可以有一個標準,擅自盜用女性的身份代表半個地球的人口去替天行道。可悲的,是誰?

    忠誠是重要的,但不至於能喧賓奪主、取代愛情的本身。相愛很難,經歷二十年的相愛我連想像也想像不來。一次沒有下文的醉酒擁吻,周小姐沒有忽然忘記這二十年的情誼,也沒有只看到一己的受傷而去罵他始亂終棄、世紀賤男,反之,她看到了他事後所做出的承擔,然後馬上就原諒了他。這種近乎聖經所說的、無條件的寬恕的愛,我們一眾不相關的,為何不能欣賞學習一下?你做不來,就嗤之以鼻、排斥、扭曲,然後重新那牢不可破的死線要天下間人人遵守、否則就是人人得而誅之?可悲的,是誰?

    經歷二十年的相愛,再多一張婚紙就是再多一張紙而己。不過,我的的確確看到周小姐的承擔,她正在「一個人的問題,兩個人去修正」,作為第三個人的不相關的我們,請放下道德的盾牌,為這段共渡過不能盡算的高低起落的一對獻上祝福,並只是獻上祝福而已。



  • cubeorcubes



    有見地!欠缺獨立思考能力既人少不免就會用到"道德"去做自己既武器

    呢個世界,只要有人,就不存在一個統一而無可挑剔既標準



    世界既規則,簡單 d 就係"老屈",少數服從多數

    唔知點解,多數人覺得你唔岩,你就變左唔岩......



  • 男同學,



    世界既規則,簡單 d 就係"老屈",少數服從多數

    唔知點解,多數人覺得你唔岩,你就變左唔岩...... <--



    我知你一向反對道德,但道德既原意就係想社會上多數人可以安安穩穩咁渡過一生. ;)



  • 好少



    問題係,如果用我心中既"道德"去批評你心中既"道德",你會唔會覺得唔舒服?

    邊個既"道德"先係最終標準?



    道德既原意,係控制人心,方便管治而已,當然,另一個角度就係令人安安穩穩咁生活,唔好追求太多,即使你有能力得到更多



    anyway,我最想 point out 既係,每個人把尺都唔同,我把尺對於我黎誚係正確,就正如你把尺係你心中都係正確一樣!



  • 男同學,





    如果用我心中既"道德"去批評你心中既"道德",你會唔會覺得唔舒服? <--



    唔會唔舒服,都慣喇. ;P





    講返周倪件事,周小姐佢想點選擇係佢既自由,但好老實講我唔睇好佢地既婚姻. ;)



  • 好少



    咁就要睇佢地既婚姻建基於咩野喇!

    亦都係果句,佢地好,或者佢地唔好,關我鬼事咩!



  • 男同學,



    佢地好,或者佢地唔好,關我鬼事咩 <--



    又唔係既,如果佢地好就唔關事,萬一唔好咁就關事喇,又多一件吹水話題. ;)



  • 好少



    哈哈!果然係資深網民呀!



  • 男同學,



    呵呵,大家咁話. ;)



  • 不過佢兩位既事我真係冇乜興趣再吹,反而睇得出四周既人性,比佢兩個更精彩



  • D 人大驚小怪唧

    可以容忍男人犯呢種錯誤既女人多的是

    尤其係張小姐呢類女人

    如果周小姐係愚蠢又無腦既

    世上又有幾多女人對愛情可以聰明又醒目先 ?



  • 龍哥



    感情,一向都唔應該用理智去分析架啦!



    就好似你要問一條文學既問題,會唔會去搵數學老師丫?



  • 我無道德的, haha


Log in to reply