其實對d正正經經既男士黎講,係街上/巴士/成日出現既場合結識一個陌生女仔,係咪一件好難既事?





  • Yes



  • 基本上係香港係無可能



  • 可能個女仔會話你發神經



  • 但如果已經有眼神交流,甚至會打招呼呢?

    你地又會唔會行多步去問對方叫乜名?又或者拎contact?

    還是都會覺得係一件好唐突既事?



  • 因人而異



  • 睇得公車癡漢AV 多



  • 咁又係既...可能識到同幻想係好2回事.



  • Honestly depends on the personality, i have a female friend who met a guy in the streent.



  • ……係咪一件好難既事?

    其實都唔可以話係難,而係唔敢咁做





    ……但如果已經有眼神交流,甚至會打招呼呢?

    只係有眼神交流,都唔會敢同人講野

    如果有打招呼,都可能有機會會行多步,但唔一定

    如果有對話,就可能會問對方叫乜名、或者拎contact





    ……還是都會覺得係一件好唐突既事?

    就算有打招呼,都會覺得係一件好唐突既事



  • Black,



    咁你朋友最後點樣?佢有無同個男仔發展到?



  • 唐突男,



    唔該哂你既回覆!我想知你會唔會情願個女仔主動少少去打開話題呢?



  • av3 replied @ 2008-12-02 4:40 pm



    睇得公車癡漢AV 多



    >>>>> 哈哈哈哈哈



  • sure !

    如果個女仔岩feel





    有d女仔會覺得,如果女仔主動係cheap,但我唔會咁諗,反而會欣賞�

    cheap唔cheap唔係睇係咪主動,而係睇個女仔主動既手法

    我唔會介意個女仔主動打開話題(當然個女仔又唔可以俾人個感覺係經常隨便識人)

    只好怪自己唔敢識人





  • 最主要係主動同陌生人交談‚ 普通認定係負面行為‚ 例如行騙‚ 因此缺乏信任‚ 而唔會出現外國等地友善既閑談‚ 你自問一下‚ 有個男仔走埋你度‚ 你心裡諗緊負面定正面?



  • 如果咁容易, 好多港男都唔駛上she 啦~



  • 唐突男,



    你唔試下上前同人傾下偈?或者佢係你想搵既人呢?





    luke,



    如果有feel既,真係開心都黎唔切呀



  • 我自己都覺得呢個行為好唐突

    又點會去做呢?



    當然,細膽、唔敢,都係一個原因啦



  • 我都曾經想識一個日日見既巴士男



  • 我曾經上前識一個陌生女仔,我地日日都有眼神交流,佢仲試過陰陰咀笑,點知我上前去識佢,佢同我講:[吓乜搞d 咁野呀 ?,]我有d 唔死心,同佢講:[或者我可以比我電話你嫁.}佢答:[我要你電話黎把鬼麼......]



    dead air for long long time
    ~



    呢個時候,有隻烏鴉飛過.....

    "傻瓜~傻瓜"



  • 遇正呢D場合都幾灰~



  • 柒頭老師?



  • 唐突男,



    咁又係,有時d野只係爭o個一步,係行唔到就係行唔到





    七頭老師,



    你有無懷疑過個女仔一直對你陰陰笑係有d想玩你?我覺得有d女仔只係鍾意享受俾人望既fantasy架咋



  • 唔係作野,

    我同我老公係咁識.



  • rainbow,



    咁你地係邊度識呀?最初會唔會係成日偷望對方?



  • 人多可能主動的, 大家等車都係八八卦卦, 基本上一做野就好多人望住啦, 真係好講時間岩唔岩



  • 我地在公司樓下食早餐的地方識的.



  • yyn,



    無錯,就算明知大家都有意思想識,但因為環境因素,例如太多人係周圍,好似乜都做唔到





    rainbow,



    咁你當初會唔會覺得佢好唐突?由你識得佢到佢上前識你,過程有幾耐?



  • 大家都係差唔多同一時間到大排檔食早餐,

    有偷望架~~

    自己諗番都幾得意.



  • 大家留意左大家大概有1個月左右.

    果陣多得個大排檔老闆娘,

    佢都有幫手撮合我地.



  • 你正正經經識人都唔一定係困難既, (只要你唔係真係咁三角八角)

    我都有個朋友, 因為夜ma ma 由將軍澳出去中環玩, 等車時識左個男仔

    大家都係出中環...之後打左拖, 而家不知幾好。



    不過識人果時, 我覺得唔可以多人 = =".

    如果係咁樣識到人其實都幾開心。



  • m&m

    其實你個case係點呀?

    同對方已有打招呼?



  • 小肥^_*

    不如講下你想識巴士男既情況黎聽下!







    P.S. 你既身型同你後面塊招牌都唔襯



  • 我曾經約左個女朋友仔,唱k係大門口等,等既時候已經見到,一個5呎11外形ok既男仔...



    當然大門口仲有其他人等人,但係我當時only覺得佢好sharp...



    等左好耐...朋友依然未到(佢遲到),d人愈來愈少...最後得我同佢...



    果時我無聊係度諗...如果佢同我搭訕,我一定會理佢(成日有人同我搭訕,我唔理d人架),諗諗下自己又好開心,又冇咁悶....突然....



    佢行埋我身邊問我 : 小姐,請問妳係咪係度等人



    我一路點頭一路笑...心諗佢咁老套架...



    跟住佢再問 : 妳等緊個人係咪女仔?



    原來佢係我朋友既同學,我朋友冇通知我有其他男仔.....



    係我朋友到之前...我地已經連電話都交換左啦 :p





    我地有拍拖雖然最後分左手,不過,之前約食飯感覺仲係好好: )



  • 睇到條thread 諗起... 想同大家分享一下



    識一個陌生人唔難,只要你個人整齊清潔,有友善既笑容 :)



  • 唐突男,



    我個case係好多時都係返工搭車時遇見一位男士,兩年來我地一直都有打招呼,亦都閒談過,不過似乎大家都唔識打開話題,結果又打回原形,去到某個位就停左落黎。或者係我多心吧,有時我會無信心覺得佢好像有些原因所以唔敢結識我 (可能已經有女朋友,又或者佢以為我只係禮貌先同佢打招呼),所以我會抽離,但當我抽離時,佢又會消失一排,甚至再見面時大家都會有點尷尬,我都相信佢對我感覺唔差既,不過好似乜都做唔到,我只覺得,我有耐性去等佢開口,佢都未必有耐性去俾機會自己。



  • 曾經,



    你跟個男仔確實很有緣份,相信呢段關係會令你好難忘



  • 3年前,我都同一個男人大家極度浪漫偶遇過,而且持續一段時間,後來大家分散左,



    一年後,係早上繁忙ge MTR 內再遇見佢,



    我已經好勇敢行去佢後面, 可惜,等到我落車一刻回望佢, 佢都只係同我對望...



    我知我果刻眼神真係1千萬個好想叫佢...,



    但就咁錯過左...



    而加後悔到想喊...>_<



    我算係小學已經暗戀佢架LA



    轉展成10年後,係一個固定地方再見到

    但佢可能唔知我係邊個.

    我我知佢係邊個



  • 睇到條thread 諗起... 想同大家分享一下



    識一個陌生人唔難,只要你個人整齊清潔,有友善既笑容 :)



    ---------------------------

    以上簡單D就係靚仔囉~咁靚仔靚女主動, 當然容易受落啦



  • yyn,



    其實好多時互相吸引都係因為對方既外表行先,但有時心想對方外表唔差,又點會無女朋友/男朋友呢?當然好多人都會認為做個朋友洗乜理佢有無另一半呢?但有時就係因為驚自己表錯情所以會卻步. 好簡單,有時見到對方刻意dress up左,就會心諗佢唔知係咪約左另一半去街呢?



  • 係呀, 所以都係維持你眼望我眼囉~kaka



  • Sidebyme,



    即是你遇到o個個"佢"係小學時既已經暗戀佢?其實佢成日望你會唔會係佢都覺得你好面善好似係小學同學呢???



  • yyn,



    你是男定女?有無想過主動少少同對方點下頭打個招呼???



  • 我係男, 我無咩膽望咁耐, 試過笑下囉, 不過比較生硬 ~~kaka



  • 咁你有本身有無女朋友?如果你有女朋友,仲會唔會咁樣成日望住一個陌生女仔仲對人有好感呢????



    (我都知呢個問題有d多餘,有女朋友唔代表唔可以望女仔 :PPPP)



  • 我無的, 不過我估有女朋友都會望少D掛 ~



  • 呢個係前日發生的真人真事。



    前日,我朋友坐巴士又遇到她,一位似29的女仔,大家日日都坐同一架巴士半年了。今日我鼓起勇氣上前:「小姐,可否交換MSN」,她只有冷笑一聲就走了。



  • yyn,



    如果所有男人都會好似你咁正氣,有女朋友會少d再望女仔就好喇!!!!





    朋友,



    咁半年內你地有無打過招呼又或者微笑?無得話又確實有點唐突既



  • m&m,



    咁我覺得有比較之下, 都唔會望比自己女友差的女仔的~~

    無女友的情況下, 係扒都望望啦~~





    朋友,

    我最驚都係遇到你呢個情況


Log in to reply