我鐘意左一個女仔...有無人話我知佢點諗?



  • 本人27歲﹐大學畢業之後回流返左香港工作1 yr. 
    之後因家裡有事回加拿大... 再重返校園讀書
    可惜找不到一份"理想" 的工作﹐現時在一間大型百貨公司做倉務
    我之前拍過一次﹐但經過6年半之後最後都分手收場(和ex-gf 現在仍然係朋友)

    今年初經朋友介紹﹐我識左一個女仔。 佢23歲﹐係活潑開朗型o既女仔. 我每一次見佢都係同另外一pair情侶一齊的。 我們4個一齊去過trip, 一齊去玩 etc... 我試過想單獨date佢﹐但係被惋拒~ 之後我們見面都係同另一對情侶﹐但係好彩無尷尬o既感覺....食飯時仲會坐我旁邊~

    今年8月佢去美國讀Master...一去就會讀兩年...雖然我好唔捨得﹐但見佢可以去做自己想做既野我係衷心為佢高興...o係呢段時間我同佢有保持聯絡...我會關心下佢﹐問一個人住得慣唔慣﹐識唔識到新朋友之類
    而佢都會主動問我近況...我有時唔開心都會同佢講﹐佢會安慰我。

    我同o個對情侶打算明年4月去美國探個女仔。 我朋友話﹐個女仔都同佢講話叫我一齊去 (原因係我可以幫佢哋影相)

    佢係一個開朗﹐心地好好﹐好有愛心既人。 我好肯定佢係知道我鐘意佢﹐但佢鐘唔鐘意我真係好難講...我內心係非常喜歡呢個女仔﹐但我知道感情事係要雙方面的~

    佢過2個月會返黎幾日, 我應否take action親身去話佢知我o既心意? 還是等她完成學業返黎再算?



  • 時間関係, 你向佢表白無可厚非...



    but有心理準備比人請 eat lemon.



    因為如果女仔一早對你都有意思, 佢果陣時(你地一group 人出來)都應承你單獨約會了. 她不肯, 係唔想比你有錯覺.



    雖然而家有invite 你過去, 但她知道係一班人, 所以以她friendly 牲格, 叫埋你都唔好誤會....



    但你如果想尋求"答案", 又或者セ野黄河心不死, 你向佢暗示 or 表明, 對你自己都係好事....





  • 好多謝CS_She的回應



    妳所講o既都有道裡﹐如果一早對我有意思的話﹐可能都會單獨約會了。當時佢剛剛打算去美國讀書﹐或者唔想開始一個long distance relationship~



    但係如果對我一d好感都無﹐又何必多此一舉叫埋我一齊去?



  • 好同意CS_She �曚貌k



  • 真係好兩睇喎 ~



    1)如果個女仔有意思的話, 佢一早已經有行為表達 but 現在佢要專心讀書, 再無啦啦掛埋你的話, 佢兩年未必完成到學業?



    2)另一個問題係, 如果個女仔係無意思的話, 你分分鐘連朋友都難keep, 你自己又頂唔頂得住先?



    我個人覺得, 係唔太多既壓力之下, 你同佢keep做朋友, 直至佢畢業, 再作長遠發展會比較好, 對佢對你都係一種安慰, 起碼無後顧之憂, 始終兩地情好難攪又費時.....gd luck ^^



  • 應take action親身去話佢知我o既心意, and等她完成學業返黎再develop, simple enough



  • 咁你又唔洗咁心急,佢過2個月返來你咪再試下單獨約下佢囉。如果佢都唔肯出黎就知道佢冇心啦~咁又唔會覺得尷尬。如果佢肯出黎,再睇下出黎既時候再試探下佢既口風再決表唔表白啦。



  • 應take action親身去話佢知你o既心意, and等她完成學業返黎再develop, simple enough



    she is career-minded now, love is set aside



    man are usually more rapid in response, and if you can wait for her, it should be fruitful



  • 其實由始至終我都無諗住開始兩地情。我和ex 都是因為這樣分開的﹔我亦知道佢之前有過兩地情經驗work out唔到~ 況且佢而家讀得好開心﹐我唔想有野影響佢學業.



    雖然我好鐘意佢﹐但而家我當佢係一個朋友﹐亦盡量唔制造壓力俾�

    佢生日我寄左張card俾佢﹐只係好subtle咁寫左幾句祝賀o既說話...佢收到之後同我講話好鐘意張card~



    而我前幾日同佢講話返黎既時候我請佢食飯﹐佢都話好~



    雖然以上種種都唔代表d乜野﹐但我覺得就算而家唔得唔代表將來係無發展機會...



  • 我覺得佢只係覺得你做朋友都幾好,唔想因為你鍾意佢而無左個朋友

    而且有野既只係你,唔係佢,佢無必要避你



  • hmm...so do I really get no chance at all?



  • 呢個世界無攻不陷之城堡.......亦無溝不到的女.......努力......



  • 我覺得佢唔鍾意你, 只可做朋友.



  • 之前同現在都對你無意.



    不過你唔方放棄的話, 可能幾年後佢仲未有男朋友會接受你既



  • 機會好細, 但你唔死心咪暗示下lor,

    就算佢接受你, Long distance 好難keep的. 佢岩岩去到未識到人, 你又主動搵佢先會同你熟. 一個女仔去到咁far, 會有好大home sick, 有一個人同佢講cantonese, 就會好開心架啦. 慢慢識到人, 就會唔同.



  • 大家都咁覺得﹐我唯有接受現實﹐守返遊戲規則﹐同佢做朋友啦...



  • bb:



    啊...咁我都無諗住而家會開始



    講真﹐我係好鐘意佢﹐想用真誠打動佢﹐等佢讀完書返黎~ 或者你哋會笑我傻啦...

    感情從來無對或錯﹐只有喜歡同唔喜歡﹐但我覺得幸福係要爭取, 我同佢會做朋友﹐如果到時無行既話我都會"死得甘心"



  • 咁你努力啦, good luck.



  • but she is 23歲﹐係活潑開朗型o既女仔. dont u think she can find a bf easily?



  • bb:



    因為佢唔鐘意出去玩﹐身邊o既朋友好多都係教友~ 仲有佢好敏感﹐陌生人同狂風浪蝶會唔容易埋佢身~


Log in to reply