投訴黃埔花園 Petline 寵物用品連鎖店

本人想要投訴的是位於紅磡黃埔的一間寵物用品中心, 舖頭名字叫 Petline , 其經營手法及管理均非常有問題, 甚至可能影響到大眾的人身安全, 故本人撰寫投訴信, 希望貴報能跟進及報導此投訴, 以引起各界關注.

本人於2008年9月22曰大約下午二時，與友人行經黃埔petline寵物用品中心，入內選購貨品。甫入門口，看見一身穿白色背心男子(疑似店東), 帶著幾頭大小不同犬隻在舖內遊走，當中有身形龐大的像大丹犬，另有一隻金毛尋回犬及一頭小狗。我和友人在看狗隻，並查問是哪品種，那男子警告説不要觸摸他的狗，因為他的狗會咬人。我就好心提醒他說：若狗會咬人，應該帶口罩才對呀。豈料那男子竟惡言相向, 以囂張態度回應：這是私人地方，而且我有狗牌，根本沒必要為狗帶口罩。他更聲稱若一隻狗咬人，其他狗也會一齊咬, 言語間帶有攻擊性。聽其言詞, 可見他明知其狗有攻擊性, 都不為它們戴口罩, 還以惡劣態度對待顧客, 實在非常過份.

本人想要投訴的是：
1. 該男子罔顧他人安全，任其帶有攻擊性的狗在店內遊走，實屬非常自私的行為。絕對不能容忍!
2. 該男子態度囂張，罔稱店內是私人地方。商場店舖打開大門做生意, 絕不是私人地方，因普羅大眾都可以去到, 亦有機會接觸到他的大形狗隻 .就算該男子是店東，領有狗牌, 也不能不為狗隻戴上口罩, 做出一些危害大眾安全的行為. 如果店內有小孩子, 他們的安全則更受威脅.
3. 對待顧客, 態度極惡劣. 顧客好言相向,竟被惡劣對待, 言語間更帶有攻擊成份, 實在令人忍無可忍 ! 可見這家舖的經營手法及人事管理有著重大問題.

P.S. 於事件發生翌日 (2008年9月23日) , 我和友人再度到訪該店打算購物.並視察環境. 該男子態度依舊惡劣, 更變本加厲. 在我們離開時尾隨我們到附近一家精品店. 在途中, 他更以手提 'call馬'意圖教訓我們. 在他的言詞間, 可估計他對我們不懷好意, 於是我們盡快離開, 避過一刧.

我在此呼籲大家不要光顧這家商店. 免招無謂損失. 更槽的是人身安全可能受到威脅. 所以大家一於要抵制惡人, 拒絕幫親 !!

最後,為著大眾利益著想, 希望貴報能探討這家舖的問題. 並作出報導.

Thank You ~

我未去過呢間分店,只去過大埔,沙田,將軍澳,但未見過有呢幾間有類似店東既人出現過,只見過有客帶小狗狗去買野咋!!

黃埔petline寵物用品中心係邊家?我只去過紅x白,多野買ddd

知道有咁情況，第二日仲去？佢賣d o野真係特別到你非再去一次不可？

係啦, 你第一次去已經遇到不快, 翌日仲要去係咪有d犯賤呢? 吾通全紅磡得佢一間寵物店咩?

我成日去tko 既petline,　都無見過疑似店東既人物出現過，佢地所有staff 都係著黑衫，版主受到不禮貌對待之後仲要去幫襯，真係有Ｄ怪bor.....如果o個個真係店主，都無理由係自己地方攪事，黃埔Ｄ租唔平架......都要做生意架ma.

對!! 我都未見過有店東喎. 係petline, 聯達嗎?? 我去過元朗同鑽石山的分店. ok喎~ 有時都好有心機答我問題.

有狗牌係咪意思呢? 我隻狗打左晶片.

我今日去過.

都見倒你講果d狗.

冇野wor. 我仲有摸佢地tim.

疑似店東的男人都冇野.

仲叫我地隨便睇.

果兩隻狗同個主人成日都見架啦~~都無咩野.

佢係咪得罪過你,你又要整番佢呀?