餐飯真係......
-
-
星期六, 約左個對我有好感, 有0的鐘意我0既四十歲男人食飯, (我請佢食飯0既原因係, 想多謝佢之前幫過我0既一個大忙, 我唔想欠佢人情).
席間... 同佢食飯, 0的對話都真係幾令我發笑.
-
咩對話?
願聞其詳
-
我又嚟八吓得唔得呀
-
我又想八下呀!
-
首先, 我要交待少少背景先:
我今年26, 有男朋友.
而0個個40歲男人, 係我以前公司隔離公司0既老細黎0既.
其中有一段對話係咁0既:
佢: 係你眼中, 你覺得我係你地呢個年紀黎講, 仲有無巿場呢? 我雖然唔係咩野大富大貴, 但係我起碼都叫做係個老細呀, 比上不足, 比下有餘, 我0既收入都算係好可觀, 可以唔洗供就買得起一層樓, 我認為男人應該以事業為重.
(我首先心諗: 你可以做得我呀爸架喇喎. 但我無講出口)我: 其實, 你唔一定要搵個廿幾歲呀, 對我地呢0的年紀0既人黎講, 你的確係年紀大左少少. 其實, 你可以搵0的三十幾但又未結婚0既女性, 香港地都有好多, 而且條件都唔差架喎~
佢: 但係, 三十幾又未嫁得出0既都唔方係好野啦下話?!
我一聽到佢咁講說話, 唔知點解即刻火都黎埋, 跟住我一句得埋去: 車~ 你夠四十啦, 你夠未娶老婆啦, 咁唔通你又好好咩?! 你都即係話緊你自己架炸.
佢: .....
佢已經比我講到佢無聲出.
-
想知下
-
bowie728728
wakakaka
甘後來點收科?
-
bowie,
good point...
-
點收科? 佢咪拿拿聲轉移話題0羅... 呢條友仔真係..
佢之後仲攪笑, 問我同我男朋友拍左幾耐, 對我好唔好, 又問我係第幾次拍拖, 咁我咪答佢0羅: 我同佢拍左三年幾架喇, 對我都算係好, 佢係我初戀.
之後佢話: 佢係你初戀? 通常初戀好難可以結到婚架喎.
我幾想爆粗少佢呀0個下~~~~~~ 如果我第日真係同呢個男朋友結婚的話, 我第一個就要通知佢~
-
please go on with the story:)
-
is he bald ?
-
bowie,
your little story color my day.. please continoue
-
其實去到呢到, 我都唔係咁想再同佢傾落去, 但係佢又唔識醒水, 因為我0既感覺唔太好, 所以0個餐飯我係勁搵位入佢.
佢仲好笑, 問我追女仔心得, 佢有以下見解:
佢認為, 如果見到一個幾鐘意0既女仔, 佢會花一年0既時間同人地做朋友先, 了解了解, 過左一年先至去追人, 佢仲問我點睇.
我答佢: 米顛啦~ 邊個會同你磨一年咁耐呀?
佢話: 唔會架咩? 但係0的電視劇係咁架喎...
我答佢: 米發傻啦~ 你都識得講係電視刻啦, 拍戲炸~ 攪清楚0的啦. 如果你真係見到一個好0既女仔, 你用幾個月時間去同佢做朋友, 了解下佢咁已經好足夠啦... 一年喎!!!! 一年後人地仲等你咩~~~~
佢: 但如果約出黎, 例如一個月約出黎, 都係見到一兩次到炸喎.
我: 喂~ 大佬呀, 你追女仔, 除左要約佢出黎之外, 當然要花時間打電話比佢架啦, 係咪咁講呀? 我話你聽呀, 就算比你係朋友0既層面了解到佢咁又點? 拍拖同做朋友係兩回事黎架, 你明唔明呀?
我見佢唔係好明, 於是打左個譬如佢聽: 即係咁, 我同你做朋友, 但你係殺人犯, 鐘意作奸犯科0既, 我話之你啦, 朋友之麻. 但係如果你係做男朋友0既, 唔該你死開0的啦.
-
老實人或扮老實?
-
Ken_of_She replied @ 2008-07-14 2:51 pm
is he bald ?
I've assumed he is bald already !
-
咁佢係咪扮我就唔知啦.
我都係到諗: 你做生意架喎, 但點解講野咁似一個白痴0既?
-
bowie
你而家應該明點解佢四十幾勾都仲未結婚啦....hahahaha
-
可能佢做生意叻o者
對戀愛係一個白痴呢
-
he is not bald.
但有個大肚腩.
-
聽啊版主甘講, 條友真系好蠢。 甘既人都做到老細? 老細原來甘容易做 , 真系無天理。
版主平時好少比人試探咩下?
-
"佢仲好笑, 問我追女仔心得, 佢有以下見解:
佢認為, 如果見到一個幾鐘意0既女仔, 佢會花一年0既時間同人地做朋友先, 了解了解, 過左一年先至去追人, 佢仲問我點睇. "
he is very 婆婆媽媽
-
bowie728728
會唔會佢太過埋首事業,重來都冇拍過拖所以真係唔識...
-
"I've assumed he is bald already !"
I assume he has also never been married?
-
真係... 佢0個句:但係, 三十幾又未嫁得出0既都唔方係好野啦下話?! ...
我雖然未過三十, 但真係火都黎埋...
我心諗: 大佬, 你雖然有0的錢, 但你唔係三哥呀唔該 (佢外型唔太討好, 一般啦)~
-
佢唔係以為自己係3哥....佢可能以為自己係4哥....哈哈哈~~
-
佢同我講, 佢有拍過拖, 但就係七年前0既事, 呢七年, 為左佢0既公司, 佢已經無拍喇, 佢都有同我講話依家想搵返失去左0既野.
-
雖然七年無拍拖0者, 呢個唔係佢0既錯, 但都唔洗咁講野下話?
-
bowie728728
好明顯佢係個d以為自己好有條件,
只要佢鐘意個女仔,
個女仔一定會鐘意佢既人,
就等佢自己對住自己一世啦。
-
有兩句我系發覺HK女仔成日都講既, 而且覺得講出來超自然,一D問題都無。
1. 你明吾明我講咩呀? <====好似自己講緊宇宙形成既大道理
2. 我心諗: <===== 呢句系public transport 成日都聽到。 個感覺, 都幾勁,有氣勢。
-
問問題
你想嘈交唔該搵第二個.
-
bee
佢係, 佢的確比我係呢種感覺.
佢之前仲問我男朋友做0的咩.
咁我同佢講, 我男朋友係做冷氣技工.
佢就有點不屑咁話: 下... 夠唔夠養家架?
-
我吾系想嘈交, 我想HK女仔了解多自己多D而已。
-
Bowie
佢係米想溝你呢?
-
mart61773
佢係呀.
-
mart61773 replied @ 2008-07-14 3:21 pm
Bowie
佢係米想溝你呢?
我都懷疑係
-
但冇胃口
-
其實, 餐飯都七七八八, 之後佢講0既野, 我都唔係好入耳喇已經.
到走0既時候, 佢送左本書比我, 係一本講人生哲理0既書.
我見到本書之後, 出於自然, 第一個反應就係: 下???!?!?!?!?!?! 你諗住送本書比我呀?
佢笑答: 係呀, 你返去睇下呀, 好有意思.
我木口木面: 哦~ 多謝.
-
如果佢打黎問我本書睇成點, 我一定會好直接咁答佢: 其實, 我無睇過, 我對於呢種書無咩興趣.
-
bowie
香港地好多男人有幾個錢就不可一世,以為全香港既女仔都見錢開,
我覺得你打激下佢都啱,等佢吾好以自己好有市場
-
bowie
你既遭遇另我林起我以前既一個泛泛之交...
佢都算有d事業,起我面前話d女仔成日追佢...
我望住佢,覺得簡直難以致信。
我當時得19嵗,唔識得掩飾,好驚訝甘問佢“真架?真係架?”
佢個樣好hurt。
-
佢雖然係唔係幾好..
但其實佢得罪過你d乜姐
-
其實追女仔同做marketing一樣,最緊要了解對方既喜好,講一d對方吾啱聽既說話,然後仲要懶高深咁送一本人地吾啱睇既書,失敗
-
得些好意需回手
-
咁佢唔識, 用心未必咁壞吧?
-
rlcm_she
佢把口唔好
-
NC
喂, 我無對佢做過0的咩喎.
-
佢有無好串咁?
(雖然我都覺得佢唔係咁識待人接物+有d錯誤觀念)
-
rlcm_she
佢有無好串?
不屑算唔算串呀?
如果算的話咁請你去睇返我之前寫0既野.
-
話曬食飯...客客氣氣咪算lor~~