特首擬撥款百億助蜀重建 議員轟:慷港人之慨討好北京 對基層困苦卻充耳不聞



  • http://appledaily.atnext.com/template/apple/art_main.cfm?iss_id=20080703&sec_id=4104&subsec_id=12731&art_id=11304657

    特 首 擬 撥 款 百 億 助 蜀 重 建
    議 員 轟 : 慷 港 人 之 慨 討 好 北 京   對 基 層 困 苦 卻 充 耳 不 聞

    【 本 報 訊 】 立 法 會 四 川 地 震 考 察 團 尚 未 出 發 , 政 府 已 開 始 向 議 員 「 放 風 」 , 將 會 向 立 法 會 申 請 約 100 億 元 撥 款 , 協 助 重 建 災 區 , 並 希 望 本 月 立 法 會 會 期 結 束 前 通 過 。 各 主 要 政 黨 均 認 為 , 由 於 金 額 龐 大 , 政 府 必 定 要 清 楚 交 代 款 項 用 途 , 特 首 曾 蔭 權 不 能 慷 香 港 人 之 慨 , 以 巨 款 討 好 中 央 , 對 基 層 市 民 要 求 調 高 生 果 金 、 綜 援 的 聲 音 卻 充 耳 不 聞 。 記 者 : 莫 劍 弦 、 呂 焯 均 、 林 俊 謙

    政 府 消 息 稱 , 中 央 估 計 四 川 重 建 共 需 逾 一 萬 億 元 人 民 幣 。 雖 然 中 央 已 率 先 撥 出 700 億 元 , 並 指 示 全 國 各 省 市 均 支 付 一 年 1% 財 政 收 入 協 助 重 建 工 作 , 但 估 計 總 承 擔 額 距 離 所 需 仍 相 當 遠 。 故 此 , 港 府 向 中 央 提 出 參 與 重 建 工 作 , 並 由 港 府 負 責 在 港 起 帶 頭 角 色 。
    據 了 解 , 政 府 內 部 正 在 計 算 協 助 四 川 重 建 撥 款 具 體 金 額 , 估 計 介 乎 數 十 億 至 逾 100 億 港 元 。 政 府 將 向 立 法 會 提 交 文 件 , 交 代 如 何 使 用 撥 款 。 據 悉 , 港 府 會 在 五 年 內 參 與 災 區 社 福 、 醫 療 、 教 育 、 基 建 、 復 康 五 大 範 疇 工 作 。

    或 承 擔 臥 龍 重 建
    不 過 , 港 府 不 會 直 接 負 責 有 關 工 程 , 只 會 透 過 成 立 信 託 基 金 , 管 理 該 筆 款 項 , 再 由 信 託 基 金 向 志 願 機 構 及 服 務 團 體 撥 款 , 承 包 災 區 不 同 重 建 工 程 或 服 務 項 目 。 政 府 將 成 立 並 由 政 務 司 司 長 唐 英 年 任 主 席 的 督 導 委 員 會 , 負 責 審 批 和 監 管 撥 款 使 用 情 況 。
    由 於 中 央 先 後 送 了 四 隻 國 寶 熊 貓 給 香 港 , 臥 龍 熊 貓 保 育 區 又 在 地 震 中 嚴 重 損 毀 , 港 府 可 能 也 要 承 擔 保 育 區 重 建 工 作 。 消 息 人 士 稱 , 政 府 目 標 是 爭 取 在 本 月 中 立 法 會 休 會 前 通 過 撥 款 申 請 , 因 為 計 劃 災 區 重 建 刻 不 容 緩 , 不 可 能 拖 到 10 月 立 法 會 復 會 才 提 出 申 請 。
    不 過 , 立 法 會 各 黨 派 均 反 對 匆 匆 通 過 撥 款 申 請 。 將 到 四 川 考 察 的 民 主 黨 李 永 達 說 , 議 員 有 責 任 確 保 公 帑 運 用 恰 當 , 保 證 撥 款 不 會 濫 用 、 不 會 出 現 質 量 欠 佳 的 工 程 , 所 以 未 有 足 夠 資 料 前 , 反 對 政 府 在 會 期 結 束 前 , 強 行 通 過 撥 款 。
    自 由 黨 主 席 田 北 俊 認 為 , 100 億 撥 款 額 是 「 太 高 」 , 認 為 災 區 現 時 需 要 人 才 與 技 術 多 於 金 錢 資 助 , 而 且 一 次 過 通 過 100 億 撥 款 的 做 法 「 不 恰 當 」 , 建 議 政 府 分 幾 次 交 上 財 務 委 員 會 審 批 , 「 立 法 會 成 日 都 有 會 , 隔 幾 個 月 後 再 嚟 都 得 架 。 」 民 建 聯 譚 耀 宗 亦 稱 , 該 黨 要 視 乎 政 府 提 交 文 件 的 內 容 , 才 能 決 定 是 否 支 持 巨 額 撥 款 , 「 我 哋 有 錢 還 有 錢 , 都 要 睇 清 楚 有 乜 嘢 項 目 。 」 

    「 曾 蔭 權 想 認 叻 」
    不 少 議 員 也 批 評 , 相 對 於 協 助 四 川 重 建 工 作 , 港 府 對 扶 助 本 港 低 下 階 層 反 應 太 慢 。 前 綫 劉 慧 卿 表 示 , 不 應 純 綷 因 為 其 他 省 市 捐 錢 , 港 府 即 盲 目 追 隨 , 「 依 家 唔 少 市 民 已 經 好 不 滿 , 覺 得 特 區 政 府 對 窮 人 太 孤 寒 , 香 港 自 己 都 未 搞 得 掂 」 , 否 則 只 會 令 公 眾 覺 得 政 府 想 向 中 央 「 賣 人 情 」 , 「 係 你 吃 飯 , 我 付 鈔 , 係 曾 蔭 權 自 己 想 認 叻 。 」 公 民 黨 湯 家 驊 亦 批 評 , 各 黨 派 要 求 政 府 加 生 果 金 及 綜 援 金 , 政 府 一 再 拖 延 , 可 是 四 川 重 建 要 申 請 百 億 , 卻 要 求 議 員 盡 快 通 過 。

    特 稿 : 100 億 元 夠 推 傷 殘 半 價 乘 車 100 年
    港 府 每 年 開 支 逾 2,000 億 元 , 100 億 已 是 當 中 的 4% 至 5% , 足 以 推 展 許 多 龐 大 基 建 工 程 。 舉 例 稱 , 這 筆 巨 款 可 支 付 興 建 港 鐵 南 港 島 線 所 有 費 用 , 亦 是 一 整 條 落 馬 洲 支 線 的 造 價 。 100 億 元 亦 可 支 付 西 九 管 理 局 216 億 開 支 的 一 半 。
    若 要 將 現 時 長 者 生 果 金 每 月 增 加 至 1,000 元 , 每 年 需 款 約 16 億 , 按 此 比 例 計 算 , 100 億 元 就 能 將 該 建 議 落 實 約 五 至 六 年 。 社 福 界 立 法 會 議 員 張 超 雄 指 出 , 市 民 明 白 四 川 賑 災 的 重 要 性 , 但 亦 希 望 政 府 關 注 長 者 福 利 , 尤 其 是 增 加 長 者 生 果 金 , 「 呢 個 建 議 立 法 會 已 經 通 過 咗 ( 動 議 ) , 但 政 府 紿 終 都 唔 肯 做 , 只 肯 用 成 100 億 為 內 地 賑 災 。 」

    可 助 長 者 抗 通 脹
    張 超 雄 又 稱 , 其 實 落 實 殘 疾 人 士 半 價 乘 車 優 惠 , 每 年 需 約 一 億 元 , 只 是 今 次 巨 額 撥 款 申 請 的 一 個 百 分 點 , 可 惜 政 府 至 今 未 有 體 諒 傷 殘 人 士 需 要 , 為 他 們 提 供 有 關 優 惠 。
    根 據 公 民 黨 的 數 據 , 政 府 只 需 撥 出 今 次 賑 災 撥 款 中 約 一 成 即 12.6% 的 金 額 , 就 能 將 現 時 單 親 家 庭 綜 援 標 準 金 額 , 及 長 者 綜 援 金 額 , 恢 復 至 綜 援 削 減 前 水 平 , 減 輕 有 關 人 士 在 通 脹 加 劇 下 面 對 的 生 活 壓 力 。 本 報 記 者

    100 億 元 可 以 做 甚 麼 ?
    項 目 :
    • 支 付 西 九 管 理 局 一 半 開 支
    • 支 付 所 有 興 建 落 馬 洲 支 線 的 費 用
    • 支 付 所 有 興 建 港 鐵 南 港 島 線 的 費 用
    • 支 付 六 年 增 加 長 者 生 果 金 至 1,000 元 的 開 支
    • 足 以 推 行 殘 疾 人 士 半 價 乘 車 優 惠 100 年 開 支
    資 料 來 源 : 《 蘋 果 》 資 料 室



  • 100 億 元 可 以 做 甚 麼 ?



    為曾蔭權買個人大政協副主席 law.



  • 咁又無須一面倒睇得件事咁差,阿爺有事,香港唔出點心力,到香港有事,阿爺又點會睇你呢。



    回歸十年,香港一個仙都唔使上繳阿爺。但前幾年香港環境惡劣,都係多得阿爺放水,放水,又放水,香港經濟先至拿拿聲上返來,每年帶動經濟增長遠遠超過一百幾十億啦,其實內地早有怨言,話香港唔使上繳,阿爺郤處處遷就,放水,阿爺都好難做。



    今次阿爺有難,點都要做齣好戲,我地識做,阿爺識做,咁先至係計數嘛。



  • 上繳?你真係當基本法傻o架?兼且香港幾時受過大陸一個仙?完全係香港自己自給自足。



    香港環境惡劣?放o左d大陸自由行唔慌唔惡劣!再者,仲要放埋佢d死人大肚婆落o黎拿綜援,計番…一來自由行一定無100憶,二來佢放d人落o黎都打番和啦!



    同埋曾生唔係第一次啦,好似政治助理,果次林海峰講得好﹕13萬?俾!我係曾生都俾啦!(細聲)d錢都唔係我o既。



    曾生對住我地香港人叫窮,對大陸俾100億?我情願增加生果金,起碼老人家建設過香港!



    如果我地要佢d熊貓就要幫佢重建…咁我情願唔要!



  • 政府D 錢已經入左佢袋, 已經唔係小市民o既錢, 所謂財到光棍手一去無回頭.



    只求政府"用得其所", 用去重建災區點都好過比D 官拿去飲飲食食同去浪費 (仲有錢淨比D 官拿去飲飲食食又係後話, 總之用左o係D地方other than 高官身上就得)





  • 希望班議員不要胡亂批出此佰億,我們也有很多人生活在困苦中,需要幫助,例如生活在貧窮線下家庭,特別是兒童,老人家等等,對香港未來影响深遠. 未知可否想過捐30-50億與四川重建,餘下用作扶貧?各議員及官員可有想過???????? 就算我們只捐30-50億,国家領導及四川人民仍會多謝你的曾特首!!!!!!!!!請不要忘記我們せ有一羣曾為香港付出過的人需要幫忙的



  • 大澳 點算



  • 話就唔係咁講

    香港回歸以來

    一個仙都冇上繳國庫

    沙士期間香港的經濟好唔掂

    如果唔係阿爺放自由行落黎

    睇怕到今日唔少香港人都失業

    作為香港人也是中國人一份子

    唔好淨係顧住攞著數

    區區一百億對香港算得d 咩呀

    政府唔出錢

    大把香港有錢佬爭住出錢

    佢地大部分買個人情比中央

    第日一官半職好說話

    之後特首個位落番係d 商人手中就商量

    到時你唔好話d 商人利益輸送

    搵香港市民笨~



  • 點解沙士搞到咁大件事?

    點解香港經濟會差?

    香港以前無試過有呢類傳染病?

    一個病真係打殘香港?



    八萬五呢?合約制員工呢?……



    一個傳染病可以打殘香港?如果係咁,之前天花、瘟疫、四天供水一次,香港殘o左九年啦喎。



    咁點解經濟差?咪就係多得阿爺「欽點」董生囉!



    基本上香港變差,阿爺間接或直接都有份。



    讀過econ都知,經濟唔可能一直向上,總會高高低低。



    仲有一件事…沙士點o黎?咪大陸傳落o黎囉!



    我真係睇唔到到底大陸俾過咩「著數」我地,熊貓?中華鱘?班自由行落o黎生仔果d?



    正所謂神又係佢,鬼又係佢,你地睇到d「著數」,相反咪俾人拿更多?



    我唔係話唔捐,但係駛唔駛一百億呀?起完佢地仲靚過我地囉!



    p.s.乜董建華唔係商人咩?中央再想搞衰香港咪搵多個商家佬囉!



  • 100 億 元 可 以 做 甚 麼 ?

    為曾蔭權買個人大政協副主席 law.

    by $$$ - 07/04/08 03:12



    全中!



  • 不同意放自由行呢個point, 呢個政策下, 大陸人又可以生仔拿香港福利, 又可以平價掃LV, 又可以經香港出國......



    從一個正面少少o既角度睇, 又可以比機會D 大陸人學下乜野叫"文明", 乜野叫排隊, 乜野叫秩序, 從而提升文化 (雖然香港好多人都唔文明, 不過一定好過大陸)



    真係唔知邊個幫邊個



  • "我唔係話唔捐,但係駛唔駛一百億呀?起完佢地仲靚過我地囉!"



    好同意呢句, 香港本身有既問題都唔少, 有好多人都生活係貧窮線上, 而加又咁多新移民走落嚟要照顧, 其實香港付出都唔少



  • 上繳? 香港係經濟獨立,甘樣開壞個頭唔掂。

    捐錢唔係問題,但應該係講心同能力,跟隨内地各省捐百分之幾甘捐就唔合理,好似係規定甘!



    香港政府咩福利都 cut cut cut,醫療又話無錢,D錢就捐曬比人,根本係"好"面子。其實内地政府大把錢(儲備係世界頭三名),唔需要人幫。他們内地高官D車,屋仲比香港高官有錢同靚。D錢咪俾他們貪曬,大陸層層貪污層層食,有幾多真正落到災民手?捐比政府捐幾多都唔夠貪。



    就好似美國有錢,你邊聽見他們要捐錢救風災?呢D野政府有錢攪掂。




Log in to reply