你屋企係咪咁



  • 結婚 結婚 ..... 結左之後就要樣樣慳得就慳,日日返工做到死死下都無得行開一下散心、要煩住 / 食,日日做到死 D 錢放曬響持家,未結婚之前仲可以個個月儲個錢仔。又唔係唔使再俾家用,屋企人又長期病廿幾年個個星期要去醫院幾次,衰弟做左幾年野響堅企又食又住又拎又用,一個仙家用都唔肯俾 & 無俾過,當屋企係酒店住都要俾錢啦,得閒買下名牌碌下卡,爆粗口連屋企人都鬧埋,笑臉虎對外人笑口騎騎,返到屋企對屋企人呼呼喊喊粗口爛舌周圍掉野發脾氣。兩老無工做成日嗌交動手怨對方無用賺唔到錢無出色又,又怨學人地有埋長期病成日由朝到晚\響屋企坐,同親戚一早嗌交斷曬關係,怨天怨地話人地針對我地窮要拎政府錢。



  • 點解有 D 人屋企會圍埋一齊食飯有講有笑有傾有講,我地好多年都無。

    點解屋企人知道我有朋友上來屋企坐一陣就天塌下來緊張得要死叫我即刻阻止叫人地唔好來?相反我去對方屋企時人家屋企好大方叫我多 D 上去又煮很多野給我食?

    我朋友送件野俾我,屋企人會響背後話人地係咪睇唔起我地窮。

    出門口知道有鄰居同時出門口時會刻意避開等人地搭電梯走了才開門出去?



  • 真係好小家。。。



  • 你都幾辛苦, 對住咁既屋企人



  • 大把人慘過你,今時今日世界上仲有太約八億人係每日都捱緊餓,你知道嗎?



  • 其實唔係捱唔捱餓既問題,版主係無家庭溫暖,如果佢屋企家庭融合,我唸版主會開心好多囉! 我都好唔鐘意屋企家嘈屋閉!



  • 人窮志短係不爭ge事實,樓主不如諗下點努力改善屋企人ge生活好過啦



  • 屋企多幾個咁既敗家仔,版主點努力都無用!



  • 個敗家仔應該負返d責任啦.

    話時話你大可話失業唔比錢返屋企一段時間睇下佢地點.

    唔係話唔顧屋企,而係有時佢地可能倚賴慣左.

    一頭家大家都有份點解責任o係哂你身上?何況你都嫁左有自己的家庭開支.

    我在另一個thread都有講過時代已經唔同左,養家的責任已經落左o係女人身上.

    未結婚就養一頭家,結左婚就養多頭,分分鐘要養埋老公同仔女.



  • 我識得有個人,都係一個仙家用都唔肯俾 & 無俾過,佢老豆老母問佢拎,佢就發曬爛咋講:「返工賺到錢梗係自己使架啦,我係唔會俾架!」之後佢個個弓出糧自己買野,換手機、買化妝品、買衫買褲買鞋買手袋 ...... 難為佢阿哥個個月獨撐家用工又做得唔開心!其實,而家 D 後生仔係咪奉旨唔使再養屋企人?



  • 睇到你咁, 真係好同情你,

    但我諗只有你先可以幫到自已, 因為只有你自已先係最清楚自己係咩位置,

    無論係心態上同現實上都係一種經歷......

    祝福你!



  • 而家 D 後生仔係咪奉旨唔使再養屋企人?



  • 「話時話你大可話失業唔比錢返屋企一段時間睇下佢地點」



    之前有一段時間真係咁,兩老因而轉向衰弟拎家用,當然又受粗口對待。結果仍然繼續獨力俾家用屋企,家用來自自己的積蓄也要。你地情況跟我一樣嗎?



  • 咁講粗口就大哂嗎?難道佢識講你唔識講?就即係比個衰仔食住.

    你父母有冇領綜緩果d?佢地係住公屋定供緊樓?

    咁如果你死左佢地唔洗生活嗎?



  • 「返工賺到錢梗係自己使架啦,我係唔會俾架!」佢都有試過咁講。



    我地係住公屋,之前試過領綜緩,不過我出了來做事之後就無再領。

    個衰弟日頭經常唔響屋企,到夜晚就會返來訓、沖涼、用電腦。

    有一次我用緊電腦 (用屋企錢買的),佢走過來話我阻佢用電腦,講了句說話心都淡:「你地 (屋企所有人) 咪再搞部電腦呀,邊 X 個搞到部電腦慢曬,我已經訂左部新架啦,你地咪再掂呀 ..... XYZ...」



  • 正一敗家仔,白供佢讀書,白食白住白拎,唔識負責任,笑臉虎善外仇內,心地好差!



  • 個 PK 衰人岩岩返屋企,又 X 我老母 .... 我即刻鬧佢佢仲嘈!!!!

    痴鬼線!我開始懷疑佢係咪有躁狂症,諗起之前佢去醫院急症室睇病,醫生 check 到唔知咩要轉介佢去睇精神科,佢老豆話個醫生傻的無端端要佢去睇精神科最後無理到個醫生 ......... 終歸病發。



  • 深表同情... 努力工作, 做個好榜樣.



  • 呢 d 野唔會 last forever...



  • 條氣真的好唔順,我頭先真係想走去個衰人面前星把佢再星佢出屋企,仲話人唔尊重佢喎。當正屋企係酒店白食白住!

    兩老剩係識得叫唔好嘈啦...唔好嘈啦...

    個衰人而家又響度笑臉虎同朋友大聲講大聲笑講電話,痴孖根!



  • 可唔可以咁.... 叫成家人唔好同佢講野當佢透明?? <----屎橋???









  • 少生一個呢 D 敗家仔,就已經係賺左一層樓的價錢 (奶粉尿片錢、供書教學、白食白住......),而家就唔使咁窮!



  • 我只知對住咁的屋企好辛苦。。。正常的唔會係咁?



  • 家家有本難唸的經!!



    自從我細佬接手了爸爸的生意,佢對我地d家姐好有戒心,好似好驚我地會搶佢咁,成日都對我地疑心好大,連講句說話都好似喺到試探你咁,因為佢,我覺得個家巳經同以前唔同哂,複雜咗好多好多,無哂以前d温暖、安全感覺。我本來以為最唔需要防禦既係自己屋企人,原來是剛剛相反!我呢幾年對我一次又一次傷害最痛的就係最親既親人。算啦!我覺得係時候去學識放低,如果大家做親人既緣份巳盡,只要問心無愧,咪算數囉!



  • 手足同心 其利斷金.... 我都想做得到....



    加油呀~



  • 比著我,嫁左就算,唔好理佢地,話之佢地. 只係怨冇錢,又要話人歧視,想點呢?



  • 問題家庭



  • 電視劇成日做埋一家人好開心晚晚齊人圍住大台住大屋幾房二廳食飯大魚大肉幾餸一湯飯後甜品生果,現實生活有幾個係咁?!



  • 家家有本難唸的經!!



    我覺得係時候去學識放低,如果大家做親人既緣份巳盡,只要問心無愧,咪算數囉



    Kaka, I could feel your sadness when u wrote the above. In fact, that's what I am also doing to my family. Just let it go when 緣份巳盡



  • 咁板主梗係要幫父母領綜緩啦.

    唔係話貪社會錢,而係事實上你做到死死下自己都已經唔掂仲點養父母?

    做人首要係攪掂自己先為原則囉.

    個衰仔就唔好理佢都奈佢唔何,再絕d,你父母申請換間公屋祗夠兩老住的,

    趕佢走由得佢自生自滅啦,咁大個人係時候獨立喇!



  • 你屋企係咪咁... 我老公頭家仲煩. 又係成堆識飲識食識搵錢但唔識攞錢返屋企的細佬妹, 其中一個細佬仲要一日到黑帶個女朋友返黎, 個女朋友又係做黎做去都無話會升職加人工那種, 成堆人2 個妹3 個細佬加一個女朋友半打人, 老爺奶奶日日喊住口面話唔夠錢用, 我老公唔係最大, 佢仲有個阿哥架, 但阿哥已經頂唔順搬出去, 我老公唔忍心, 攞萬5 一個月返去, 奶奶都話好唔夠, 後來先知原成堆人都無比家用 !!!!! 個個白食白住白用, D 妹成日買明牌袋, 次次出去食飯, 個個拖男帶女但唔會夾錢.



    我同老公已經決定左如果再係咁, 我地比埋2008 的家用便唔理佢地. 真係多多錢都頂唔住. 最難頂係個細佬個女朋友, 真係可以個個星期日日坐係度, 老公個男話一個電話, 佢15分鐘內到, 仲快過叫外賣KFC... 坐到夜晚會走去沖涼, 坐住胸圍款的底衫同過底褲的短褲繼續睇電視 : 佢係已經35 歲, 但未嫁入門, 同埋個樣好唔得... 我地都體諒佢怕自己嫁唔出梗係要主動積極D , 但連佢d 妹都係咁, 帶曬男仔返屋企訓, 一間公屋, 閒閒地9 個10 人...



    我奶奶自己攞黎.



  • 我家唔窮, 又唔算小康! 但我屋企都係! 細個成日家嘈屋閉,細細個凌晨病到死死下, 叫呀爸呀媽帶我去睇急証, 責任推來推去..點知兩個都唔去! 從始有咩病我都唔出聲,成日要自己一個睇急証!



    到大D…除左基本的食、住、學費外,其他野咩都自己出錢買…學校雜費都係,只靠那每月的 $200 零用..就連女性衛生用品都要我自己買呀! 好啦…咁都算,我有個家姐,佢又細到大咩家務都唔駛做,仲有呀媽買野比佢。但我呢~ 呀媽話用係家姐身上的錢太多了, 覺得呀爸唔出錢唔公平,所以冇係金錢上養過我..只叫我問呀爸拎、叫呀爸買,我阿爸就彩我都傻,仲要我做灑所有家務、煮飯!



    好啦~ 到人大左 ( 大專) …呀爸呀媽離婚後諗住會好 D啦….點知都係咁! 我家姐都出左來做野,每月比得佢人工的 18% 家用,我阿媽就當佢神咁拜,她不但一向都唔駛家務、煮飯…仲要成個皇帝咁! 佢地 (媽 & 家姐) 成日話我對屋企冇貢獻,如果我一唔做家務、煮飯,就話我係白食白住! 我好怕熱…開多陣冷氣、風扇,夜訓等等孚電的, 又話我 ”用灑屋企 D 電,唔駛錢呀! “ 但係我家姐呢…想點都得! 一個人一間房,一返理開冷氣、中午開冷氣午睡又得! 我呢? 哈哈~ 發夢就得! 我問過我阿媽點解待遇唔同? 佢答我 – “ 家姐返工, 我冇! “…意思係 “佢有錢, 我冇錢! “ 真係心淡~ 我仲讀緊書,你地想我點呢? 我已經冇要你地錢,自己 PART –TIME 得少少錢夠生活費…你地仲想我點比錢你地呢?





    好~ 都算..我忍! 忍到我出來做野…一樣同家姐一樣比 18% 家用! 結果呢…? 家務、煮飯一樣要做! 唔做? 罵到你一無事處、呀媽用粗口都照罵我!! 我問點解家姐唔駛分擔家務,佢就答我 “ 因為家姐做野辛苦! “…%$&$#…頂~咁我做野就唔辛苦? 大家都係文職喎! 我晚上 OT 遲返,你唔信..話我出街唔煮飯! 家姐日日出街拍拖你就當佢OT,好辛苦!! 我家姐做左成 6 年野啦…一路加人工,但家用就冇加過! 我呢~ 做左 2 年..阿媽就要我加家用! 我同佢講我人工少家姐成倍,自己又要還學費,儲錢…點解你只問我拎, 覺得我比得少? 咁家姐呢? 以佢人工來講…家用算極少! 佢只係答我 “ 你計較D 咩呀? “



    好心淡..我計較D 咩呢? 不…我只在乎你的偏心。大家都係你個女…想我點?



    我好想搬出去..但一個人住負擔太大..仲要照比家用! 唉~



  • To 心淡,



    如果我係你, 家用照"舊"比, 家務唔好理, 鬧你就啋佢都有有味.



  • TO:路人



    講係咁講,我都試過咩都唔理、唔做,由佢地鬧!

    低始終係人..有感覺,會 hurt !!

    好似樓上 kaka 咁講 "對我一次又一次傷害最痛的就係最親既親人。"...真係全中呀!!

    學識放低、唔計較? 真係好難...唉!



  • 非常同情版主



  • 其實樓主你係咪已經搬左出去住? 如果係, 問題不是太大吧, 唔洗日日對住佢地已經好開心la.

    如果你同你老公同屋企人住, 就要搬了,咁你dad mum可以申請綜緩, 將事實同政府講你細佬一個先都冇比屋企,有可能會批的。(我問過)



    你嬲你細佬之餘, 你要看看他的成長背景, 父母點教等。我哥哥同你細佬好似, 但後來讀了社會學後我知那是沒有家庭溫暖的負產品。可能你會問點解你會咁正常, 其實你好似我,就算環境幾不如意都總會有良性產品.





  • 我都想分享我的姑事:我亞爸有暴力傾向, 我亞媽日日唔係比佢打就係鬧,有時連我同哥都唔放過。有錢就叫雞,冇關心過屋企, 我同哥的玩具都是拾回來的。



    後來捱到大個, 終於途出了魔掌。我以為我地三母子有好日子過之時, 我亞媽就中左風冇左份工仲要有抑鬱。我好憎我亞哥, 佢日日唔返工晚晚玩online game,話佢佢仲要發窮惡。 我一個女仔22歲獨力背起頭家, 家中大大小小事都要我做, 又要理媽媽感受, 份工仲要返得好唔開心, 那時候, 天是灰色的。



    數年後, 我搵到一份不錯的工, 男友對我很好, 又得到了大學學位, 真是苦盡甘來........可是陰影揮不去, 見到男友or朋友一家開開心心的吃飯, 我好jealous;仲有佢妹妹22歲, 仲讀緊書無憂無慮有家庭溫暖, 我問自己我22歲時在做什麼。



    得不到一個快樂的童年, 我會很努力去為未來的家帶來溫暖.



  • 家門不幸



  • 點解聽親o既故事主角都係女仔? 我都有女仔fd又係D類似case...但係心地又係極度善良, 仲要乜都唔介意tim



  • 非常同情版主



  • 領綜緩啦, 益香港人好過大陸人



  • 呢 D 人應該拎去俾人隔楂,社會人楂!



  • 好多時會怨點解好梗唔梗要梗自己屋企人有長期病又無錢又無工開,點解身邊同年紀既朋友唔會好似我咁。讀小學時屋企人長期去完醫院返來第二日響屋企病到訓響床上我以為就快會死驚到自己個身都震埋,屋企人叫我落街買野,我自己一個落到街經過一間酒樓門口見到一家大細飲完早茶,個同我差唔多年紀既細路拖住屋企人隻手話要買咩野,有講有笑好開心,自己就私底下諗起屋企果陣時個樣,心 UP 到自己廿年之後而家都仲記得好清楚。



    再大少少屋企人申請綜援見果個社會福利署負責跟進既咩太,話佢知好多次屋企人長期病一個星期要去醫院幾次,佢講極唔明話咩要去咁多次架 ....我好憎佢。



  • 所以我一早就離家出走



  • 版主,我真係好同情你,不過數數下,其實我而家既情況比你更糟,因為我連工都冇,所以...

    身邊既人其實唔會真係明白我地既苦況,不過只要記住呢個世界有好多人會比我地更慘,用呢種方法去安慰自己啦﹗



  • 板主一份收入,供四個人用,仲要受屋企人氣 + 長期病,樣樣都係計時炸彈,比著係你會點?



  • 有時諗,一出糧 D 錢就差不多即刻俾人分曬,不如辭職唔做 ....



  • To 心淡:



    18% 家用你屋企人都夠使?定係本身屋企人有返咁上下錢?

    我 50% 家用屋企都唔夠使日日呻窮,屋企其他有返工既又係唔 X 理無俾家用唔怪得窮,我又要還政府 loan!我諗我要個個月俾 100% 人工既家用佢地先會開心!我朋友個個月可以好似你咁剩係俾 10% 家用其餘自己使 / 儲得閒做下 facial、shopping、食飯、睇戲點解我唔可以咁?



    年輕時靠自己儲多個錢,窮既真係唔好生仔,什麼養兒防老個仔 / 女自己都養唔惦自己....唔好害人,真係要自己仔女一直賺錢月月清養屋企到老積蓄無婚都唔使結先好嗎?



  • 我家庭都係一樣,多多問題



    有無人同我一樣,對婚姻同小朋友都好無安全感?

    我有個好bf,佢想今年結婚,跟住有小朋友.....我覺得結婚無用,唔想結; 小朋友,好擔心自己第日生活好似我童年咁...



  • cc:



    我又係好似你咁好無安全感,可以睇下下面條 link 個 Topic:



    http://community.she.com/messageboard/gossip/ ?action=view.topic&id=1852791&ref=search


Log in to reply