你身邊有冇一個咁既朋友 ?



  • 世紀廢男人一個....  我有個相識廿幾年既朋友、佢今年四十一歲人、現時打份毫無前途牛工、月入一萬、佢老婆月入重多過佢自己、重要個個月一定詐病請病假、遲到、早退、吞'樸'樣樣齊、由細到大對工作全無責任感、做過十幾份工、永遠無諗過升職、永遠要同上司作對、今時今日依然都係一事無成。佢中五會考八科冇一樣合格、但係佢日常最鐘意同人分析世界經濟、講投資股票、世界政治、科技產品、飲食潮流、夫妻相處之道、做人道理、總之天文地理、最喜愛講人是非、一派胡言、正式吹水唔抹嘴 ....
    另外一個朋友常常笑言: 如果佢咁醒目就唔會係九七年樓巿最高峰期先去買樓註冊結婚啦、之後又話冇錢裝修、冇錢擺酒、冇錢影結婚相、冇錢去渡蜜月、結果最後真係乜都冇做過、重要現時都係一身咭數。
    我想問下大家、如果有個人同你分析世界經濟、但係佢連美國次按都末明白點樣形成、講投資股票、但係佢冇任何投資產品在手、多年來近乎零投資經驗、講世界政治、阿富汗點解打咁多年杖、佢係又唔知點解、講科技產品、家中從未有一件值錢既影音科技產品、從未擁有過價值二千元以上手提電話、諸如似類.... 唔知你地會有咩感覺?
    平日生活佢只係返工放工、近乎冇社交生活、唯一只係識得打遊戲機同玩電腦、因為佢面對住老婆係超級小男人一個、非常怕老婆、老婆一句話企、佢一定唔敢坐、男人老狗買部PSP要經老婆申請批核、次次有朋友生日約食飯都要同老婆申請批核 ....
    我曾經請教過一個心理學博士、佢話 :  貧窮唔係一種罪、大部份人都係普通打工仔一族、但係一個男人唔做好自己本份、對婚姻冇實際承諾、冇知識同智慧去分析自己狀況、最後只會換來一大堆惡果、最可悲係自己還是從末醒覺生活上有好大問題、還在朋友們面前高談闊論、心理學上、呢種完全係一種自卑心理反射行為、呢類人喜愛去批評他人、搬弄是非黑白、斷章取義、但事實上自己係最冇資去批評他人、亦冇能力去愛護同照顧佢身邊既人。



  • 我身邊唔會有一個咁既朋友,因為呢D人我冇可能同佢成為朋友!



  • 你朋友應該出一本-世紀廢男-自傳,一來可以搵錢,二來或者可以一夜成名,做番一個有用男人,然後死左之後再放係博物館比人欣賞,警惕世人



  • 其實你係咪佢老婆?



  • 我唔係佢老婆、我老婆話齋、因為如果有一個咁廢柴既男人、都要有一個咁上下廢柴既女人先可以成為一對



  • 普通男人一個.... 今年三十五歲、做緊份有前途工作、月入約四萬、 老婆係housewife、係屋企湊仔、三年末請過病假、冇遲到、冇早退、冇吞'pop'、由細到大對讀書工作都有責任感、做過三份工、成日諗點升職、永遠同上司合作、今時今日依然都算比上不足比下有餘。澳洲大學畢業、明白世界經濟、有投資股票、尚算明白世界政治、唔會一定追求科技產品、唔喜愛講人是非、最討厭人吹水唔抹嘴、D朋友話夠醒目、六年前樓巿低迷期買左樓、現時市值升左35%、三年前註冊結婚、有擺結婚酒、有去渡蜜月、咭數個個月清。平日生活亦不只係返工放工、正常社交生活、好少打遊戲機同玩電腦、因為要同個仔玩、面對住老婆、佢係小女人一個。你朋友直頭影衰灑d男人



  • 就咁睇你講既內容, 你朋友只係普通一個基層市民囉, 冇乜特別! 唔值得咁誇張 !

    家陣係咪冇學識冇錢, 連社會經濟唔比講, 要封口先 ? 公園, 車站, 維園啲阿伯, 又點先 ? 即係你對四川省, 有幾個鎮都唔清楚, 每個市人民平均收入唔清楚, 有幾多間豆腐渣樓房又唔知, 對各間機構架構運作, 如紅十字會, 樂施會, 聯合國兒基金, 又一知半解, 係冇資格講賬災先 ?

    你所舉出的, 只係好普遍既話題, 傾下計吹水而已, 難得你地肯同佢同答咀喎 !



    就咁睇你所講, 你比較尊貴, 你又對佢咁熟悉, 似你有問題多啲





  • 我覺得你講野好刻薄... 你話人就話人啦~ 做乜要話埋人地老婆? 人家老婆得罪你呀?



    你個朋友固然廢, 但你0既人格質素都唔方會好得去邊!



  • 就咁睇你講既內容, 你朋友只係普通一個基層市民囉, 冇乜特別! 唔值得咁誇張 !

    家陣係咪冇學識冇錢, 連社會經濟唔比講, 要封口先 ? 公園, 車站, 維園啲阿伯, 又點先 ? 即係你對四川省, 有幾個鎮都唔清楚, 每個市人民平均收入唔清楚, 有幾多間豆腐渣樓房又唔知, 對各間機構架構運作, 如紅十字會, 樂施會, 聯合國兒基金, 又一知半解, 係冇資格講賬災先 ?

    你所舉出的, 只係好普遍既話題, 傾下計吹水而已, 難得你地肯同佢同答咀喎 !



    就咁睇你所講, 你比較尊貴, 你又對佢咁熟悉, 似你有問題多啲







    by 你係咩人呢 ? - 06/03/08 00:53



    拍手同意!



    呢種人士, 係香港地真係大把啦~ 咁你又睇唔過眼喇喎?



    你唔鐘意人地0既, 咪唔好同人地做朋友0羅...



    唔係tim ar, 你下下朋友朋友咁聲, 我覺得你簡直整污糟左"朋友"呢兩個字... 如果真係當人朋友的話, 會咁樣講說話架咩?



    就算你真係好高質素都好, 但全無口德, 泱及池魚....





    好彩我唔識你, 也好彩我身邊無一個"朋友"係好似你咁.



  • 我覺得佢係普通中年男人一個,廢人未到佢,咁四十幾歲,無野做,吸毒.攪3攪4.仲要問父母羅錢果d 男人叫咩呀?



  • 樓上位朋友,又唔係話你,你都唔值得咁誇張!好明顯我朋友只係普通一個基層市民,你冇必要重覆呢點!我既重點係我朋友係一個無責任感既人,至於我朋友成日扮專家去談論D需要專業知識話題,個重點係我朋友冇知識同智慧去分析自己狀況,最後只會換來一大堆惡果,最可悲係自己還是從末醒覺生活上有好大問題,還在朋友們面前高談闊論,心理學上,呢種完全係一種自卑心理反射行為,唔係你所指果D普遍既話題,傾下計吹水而已,另外我地係相識廿幾年朋友,我地又點會唔熟悉呀?就算我真係比較尊貴又代表咩先,乜兩類唔同既人唔可以做朋友既咩?

    我認為你睇野都好表面,好膚淺,完全冇用個心去睇,睇落似你有問題多啲....



  • 你個friend完全係超級小男人一個、廢就廢d、但又末至於世紀廢男、如果我BF係佢都好難抬得起頭做人、不過好彩你個friend佢自己唔多覺、我突然間覺得我BF好正 .....



  • 我身邊唔會有一個咁既朋友,因為呢D人我冇可能同佢成為朋友!



    by 濃夫



    agreex2



  • 係囉, 既然你咁睇佢唔順眼, 為乜要繼續同佢做朋友?!





  • 打工仔返工望放工係好正常,不過一個已婚中年男仕應該對工作同家人有多d責任感law,起碼對得住自己,對得住天地良心,

    其實對自己,太太,同個社會都全無貢獻,好似同一個無靈魂肉體都分別不大,生命都只會變得毫無意義



  • 講真... 佢老婆都幾偉大.... 接受到個咁冇上進心既男人



  • mybaby

    女人有時真係幾偉大,講真... 我話佢老闆就重偉大,居然咁有勇氣可以接受到一個咁鬼樣既員工,可能因為佢老闆知道如果炒左佢,都相信冇可能會有其它公司請佢...老闆...你好偉大呀!



  • 我老婆話齋、因為如果有一個咁廢柴既男人、都要有一個咁上下廢柴既女人先可以成為一對 By Cyrus

    講真... 佢老婆都幾偉大.... 接受到個咁冇上進心既男人 By mybaby

    100% agree 我好相信佢老婆都係一個好差勁既人,可以對自己老公全冇要求,重可以由拍拖發展到結婚,真係好好好難得.老實說,我覺得做好自己份工係好基本既份內事,就算冇乜心機做,起碼唔會比人炒先啦!重要個個月一定詐病請病假,遲到,早退,吞'樸'樣樣齊,由細到大對工作全無責任感,永遠無諗過升職,永遠要同上司作對,咁樣落去遲早比人炒啦,所以我可以理解佢點解做過十幾份工!一對夫妻互相令對方不斷沈淪,府化,重要負資產,供貴樓,真係人間悲劇!







  • 講女: 四十幾歲,無野做,吸毒,攪3攪4,仲要問父母羅錢果d 男人叫咩呀? - 呢D叫社會人渣



    四十幾歲,轉過十幾份工,對工作全無責任感 - 叫公司垃圾

    對朋友作大吹水唔抹嘴 - 叫豬朋狗友

    仲要對住老婆死狗 - 叫抬不起頭的廢柴小男人

    冇好好照顧佢老婆 - 叫懦夫

    總括一句 ~ 男人恥辱



  • 你朋友喎, 你仲唔係廢柴朋友, 一個冇口德,一個亂吹水: 一個吹水吹到忘形, 一個就只識批評唔會自我檢討, 你地簡直天生一對好拍檔..............



  • 我都有個廢柴同事,一樣無心機返工,day day 遊魂,最乞人憎係成日發放負能量,講廢話日日消極周圍d同事,搞破壞,成日吹水唔抹嘴,結左婚一樣仲周圍溝女,不過佢收入有30K,唯一一點好過你個朋友



  • 你應該感謝你朋友,佢地兩夫婦為你帶來一個又一個驚喜,絕對係一個好好既負面教材,一次好好既寶貴人生經驗,你令我都學多樣野,thank you very much!



  • 真係一樣米養百樣人,我想知佢老婆搵幾錢呢,應該都唔多得去邊啦!佢地點供樓呀!九七年樓巿高峰期買既樓,一定好貴頂啦!呢頭供得樓,果頭都冇錢食喎!四十一歲男人,先得月入一萬,呢個收入同天水圍家庭收入比較,只係好少少咋!真陰公!



  • 我姐夫同你朋友蛇鼠一窩, 五年前我姐夫三十歲, 已經成日轉工, 冇份工做得長, 份份工都話唔掂, 一個普通中五畢業生, 多多要求, 結果後生細仔走去做'食蕉', 得七千蚊, 都算啦, 叫做有份工, 可惜又係好賭, 成身咭數, 又係家姐還, 好彩我家姐做份化妝品Sales, 都有約兩萬蚊, 先叫可以ok, 姐夫一放工就打機, 賭波同賭馬, 對住家姐又係死狗一隻, 冇法啦, 要家姐還咭數, 正一寄生蟲, 好彩佢地而家已經離左婚同好彩冇細路仔, 我家姐話薟紙離婚仲開心過結婚!



  • sigh....



  • 原來廢柴真係可以好廢 , 多得天主保佑 , 係我人生入面我慶幸我冇d咁既朋友 , Amen !



  • if he's that bad, why still keep in touch with him. and he just bull shxt. won't hurt u, u can ignore him. he just yr fd . what do u expect on him ? be nice to yr fd. shame on u



  • 你朋友聽落又真係廢左小小又鐘意亂吹水,不過作為朋友,只要佢冇做過d事對你有壞影嚮,佢鐘意吹水,咪由得佢吹law,佢吹得多都俾人笑啦,你一係就鼓勵一下佢比心機做番好d佢自己,如果佢都係一樣冇變,你都冇野可以做ga la,衰d講句,人死你唔俾佢死咩!



  • 如果版主所講係真實, 唔係作故仔, 以一個幾十歲男人老狗, 小小事都唔識處理唔, 搞到要上網 唱所謂癈朋友, 而對方又冇做d實質既事傷害倒你, 只係鍾意吹水, 你真係成個女人咁好婆媽 . 以一個有勇氣既男人黎講, 若然咁憎對方, 一係決斷啲絶交, 一係當佢唱歌同透明, 醒目既男人, 亦唔會受對方無傷大雅吹水說話而影響自己, 你啲EQ真係好低.



  • 做男人做到咁、放棄自己、放棄自己事業、對老婆冇盡過丈夫責任、對朋友亂吹水、一事無成、早知生舊叉燒好過生你。



  • 乜係做人尊嚴 ? 點先可以獲得人尊重 ? 一個冇尊嚴ge人同行屍走肉有乜分別 , 你朋友真係要反省反省 ...



  • 個女人咁都唔走佬、都算係咁 !



  • 一個願打一個願挨,都算系一物治一物囖



  • 個女人一定係好豬扒,如果唔係點解會嫁俾一個世紀廢男,e 種男人, 黑社會都勤力過佢.



  • 佢都唔算係一個世紀廢男,只係一個冇理想, 冇上進心ge吹水男, 佢都冇去滾, 冇去賭, 起碼好過d叫極都唔見工, 有工又話辛苦返一日又唔返, 好過四肢健全伸手�姿豱庚�, 香港大把呢d小男人啦...



  • 其實冇乜大不了姐,香港大把呢d唔上進男人,我好同意個心理學專家話--呢種完全係一種自卑心理反射行為,如果你都覺得佢咁自卑,你都無謂再落井下石啦!



  • 一個毫無自信既懦夫, 先會踩住一個毫無殺傷力既人黎上



  • 呢個世界咩人都有, 爭在係你點去面對同同佢地溝通, 如果你咁睇佢唔起, 其實冇必要一路同佢做朋友, 但又一路要接受佢既為人咁為難自己丫.



  • 一個毫無自信既懦夫, 先會踩住一個毫無殺傷力既人黎上

    By 反射行為

    我同意一半 , 我會咁認為

    一個毫無殺傷力既人 , 只會被人人踩住上







  • 我有時都覺得自己老公要再比多d心機放係工作同家庭上,因為個小朋友都開始大個,但係睇見你朋友咁樣,我真係覺得我老公已經好叻


Log in to reply