我去學人整雙眼皮, 整得唔靚, 開得好闊, 好傷心, 老公話唔要我, 有無好心人, 話我知去邊度再整番好去呢? 我宜家無曬自信, 好想死左去
-
-
你去邊度整呀? 係咪勾線果種呀, 可以拆架喎, 有無同醫生傾吓呀, 唔好唸傻野啦, 要面對呀, 你老公可能一時衝動啫
-
你唔係咪割呀?如果係吊線仲有得救架，消曬腫未先?做o左幾耐呀?
-
我係眼皮太長, 切左過長果隻大型手術, 係大陸做, 唉, 我整唔好番, 我老公會同我離婚, 佢話接受唔到個老婆整到咁醜樣, 我都面對唔到其他人, 好想死
-
都成幾個月, 都仲係好腫咁, 我宜家真係好樣衰
-
係喎, 消左腫會好唔同架, 你係咪啱啱今日整架, 係就等幾日啦, 消腫後靚好多, 自然好多架
-
你不如搵個醫生問吓啦, 養和有個整容診所, 你去問吓佢地可唔可以幫到你啦
-
我問過變靚D, 佢地話唔太清楚有無得重修, 要飛過韓國先得, 成5萬元, 唔包酒店及機票, 唉
-
係呀, 好多人去韓國 執手尾架, 貴你都要去架喇, 好過 你無哂自信啦
-
養和醫院有邊位醫生好呢? 由於我有個仔仔要湊, 唔可以去韓國咁耐, 一心諗住整靚個樣, 老公會鐘意多D, 而家反而失敗
-
唔知道台灣韓風得唔得, 話曬好近香港, 又講國語, 易溝通
-
我都唔知養和有邊位醫生, 你打電話問吓啦, 我唸佢地專科整容唔會有好多醫生架, 如果本地攪得掂就唔駛飛lor
-
你搵香港d 整容醫生電話，再逐間打去問有冇得整啦.......
<br>大陸你都夠膽做???
-
其實你應該仲未消曬腫........我諗消曬腫個闊度會細返.......
-
我諗住留番D錢俾個仔學野, 所以唔捨得用咁多錢, 有時見老公話人地隻眼好靚, 我就走去整羅, 點知宜家好醜樣, 佢又更加唔鐘意我, 我無曬自信心, 出街都帶黑超, 唔想俾人見到我
-
chuen
<br>多謝你, 其實已經叫消左, 但好闊, 唉, 好怪個樣
-
飛去韓國, 我又唔識講英文, 唔知點溝通好
-
如果老公唔要我, 又羅埋個仔, 我咁醜都唔會有人要, 死左去好過, 反正咩都無曬
-
仔都同佢生o左，仲嫌三嫌四.......
<br>宜家搞到咁一定要使多少少$$$，一係搵d冇咁出名o既整容醫生咪唔使咁多$$$，你去變靚d問價佢地實收好貴，美容院養咁多人，直接搵醫生就cheap好多，我諗兩萬都應該得....
-
post d dr information 俾你，你星期一打電話去問下....
<br>Dr. C.K. Edmund 陳祖鈞 23162686
<br>Dr. Chan Kwok Ki 陳國基 29881682
<br>Dr. Cheng Ming Shiaw 鄭明孝 23121608
<br>Dr. Ho Wing yun Francis 何榮潤 23092888
<br>Dr. Hsieh Cheung Philip 謝翔 25218292
<br>Dr. Hui Chi Wang Kenneth 許志宏 25237690
<br>仲有好多，你星期一打o左lee 幾個問下先
-
chuen
<br>我知香港有好多醫生都唔太得, 都聽過好多失敗例子, 所以希望真係整過既人可以介紹下, 我唔想飛去韓國, 錢唔係問題, 但我擔心個仔仔, 無人湊, 奶奶行路又唔方便
<br>
<br>我覺得老公對我淡左, 所以我想整靚, 等佢鐘意返我, 我真係做錯左
-
我俾你o個d全部都係整形外科專科醫生.....
<br>其實我都試過整雙眼皮，所以我見到你個post 就立即reply 你....
-
不過我係吊線........
-
chune
<br>多謝你幫忙, 你去邊間整呀?我係眼皮過長, 唔同其他人咁小眼皮, 現在無左長眼皮, 但就............
-
我開頭都諗住割，但係醫生話我咁後生吊線好d，因為佢話年紀大眼皮下垂先建議佢地割，一來如果我唔鐘意都可以拆o左佢，二來消腫時間快d.....
<br>我都係上網搵之後打電話去問....我唔知個醫生出唔出名或者手勢好唔好，so far 我就ok law.......
-
chuen
<br>吊線易攪好多, 我宜家執手尾仲要搵個叻既醫生先得
-
我都知....
<br>其實做得專科醫生都有咁上下經驗，如果個醫生冇把握一定唔會幫你整，因為整衰o左個醫生仲驚過你...
<br>總之唔好去美容院整﹐會心人厄曬d $$$$
-
老婆仔~你去呢度睇吓,可能對你有幫助,我え前見個net f有雙眼皮失敗嘅問題,如果你想了解多d,我好樂意幫你問吓有無解決辦法,千其唔好諗傻事,重有個小朋友,不過經過呢次你可以睇真d你先生,你唔洗再為佢傷心,樂觀面對吧!
-
<br>aa aa replied @ 2008-05-27 8:56 am
<br>
<br>矛盾~ 有個好消息,我問咗個F,佢話佢係韓式嗰種開三個切口再縫線入去,$2000,本身未做過或只做過縫嘅話,呢間醫院就非常好,但如果係重割的話就唔敢講,但佢話割失敗咗再重割可以去堔圳鵬程醫院問吓,有個名得兩個字嘅女醫生做割嘅,佢話因為佢表妹响香港做衰咗,一高一低,揾番醫生補救,佢話只可以試吓打自己脂肪响高嗰隻眼度,睇吓會唔會跌番落嚟,試咗,唔得!再去養和問,金E生和歐E生,叫佢縫線加打脂肪,同時做2隻眼,超貴!加埋$35000仲未計覆診及針藥費,仲講明唔一定做得到2隻一樣,佢就放氣咗.之後1次陪個F去堔圳做眼同鼻,順便問吓醫生對眼有無得救,醫生話高個隻眼唔知咩肌受選(講咗唔記得),所以高咗,亦改唔到,只可以張低嗰隻整到同高嗰隻一樣,睇落唔會咁怪,仲話有多人都有呢個情況,佢就決定咗做.結果佢非常滿意,2隻眼對番,佢話仲有D似李嘉欣嗰種雙眼皮��(我無見過係佢形容),你可以上去比醫生睇吓個情况,唔洗咁灰,加油~
-
呢個係え前個net f有關雙眼皮失敗,我幫佢問朋友嘅資料,希望幫到你,你可以响beauty睇返27-5-2008嘅樓主話題係~請問有冇人做過雙眼皮手術呢?~
-
老婆仔,
<br>妳真係儍! 諗住整容可以留住個老公, 男人要變妳點整都冇用, 佢仲大條藉日炎3炎4添, 而家攪成咁, 妳話為乜呢!
-
我訓唔著, 偷偷地流眼淚, 多謝你地支持, 今日老公無同我講過一句野, 可能我太樣衰啦, 佢連望多我一眼都唔想...好擔心佢唔要我, 又唔知去邊度重修好, 好擔心整完仲衰過宜家, 我無野望, 只係想似番個人, 同埋睇住個仔大. 好後悔. 我一合埋眼, 就好擔心我老公會搵過其他女仔, 我地一齊左都有10年啦, 連拍拖, 我真係唔咁想像身邊無左佢係點
<br>
<br>aa
<br>你真係好好人呀, 不過我唔敢去大陸做啦
-
唉
<br>我見老公對我好淡, 又讚其他同事對眼好靚, 佢又話我對眼好多眼皮唔靚, 咁我至去割, 唉, 我知我好蠢, 但邊個女人唔想俾老公鍚
-
老婆你~嗰間係深圳嘅大e院,你可以資詢吓意見,我都唔想你大心急重做,就算有好e生,都要等6-9個月以上傷口好番曬先.因為我身邊有幾個F都响香港做都唔好,出名嘅李天Ｘ,養和e生,一定唔好揾,由其是你係耍重做��~
<br>
-
我下個月去整雙眼皮啦!!
<br>你咁講整到我好不安><""
<br>不過我唔係hk做
<br>係tw做
-
aa多謝你意見
<br>
<br>GiGi
<br>去韓國吧, 有保障
-
其實tw同韓國都差唔多,tw亦唔會比韓國差,因韓國溝通上問題,就算有番亦,一定無咁清楚同仔細,tw同hk沈美眼光都近似,我唔見意去韓國,不如去tw會好d~
-
老婆:
<br>其實你有無諗過去tw整返好隻眼??
<br>個邊其實整容都ok,,又平!
<br>整眼通常3日已經ok@@
-
今天心很痛, 因為老公同我講, 離婚好嗎?
<br>因為我變得醜樣?
<br>我無做野很久, 再從新出來, 有咩工可以做?
<br>仔仔無媽媽又會點?
<br>為何人生條路咁難行?
-
而家經濟咁好
<br>好容易搵到工架啦!
<br>
<br>我覺得同你個樣無關係囉
<br>佢一早已經想離婚!
<br>唔係話教衰你,,
<br>記得離婚[[立]]多d野袋比自己
<br>e.g:樓要分一半丫,,善養費要比多d,,等等等等....
<br>因為女人離左婚最大安全感就係[[錢]]!!
<br>多個錢旁身好過乜都無
<br>千其唔好偉大話乜都唔要丫知唔知丫!
<br>振作!!!
-
不如你同你先生傾傾到底係乜野一回事先啦!! 究竟係你先生一早已經無感情想離婚? 定係你所講既手術失敗而想離婚呀? 兩老婆唔怕担白講ma!! 唔好喊住啦!! 攪清楚乜事. 然後一步一步去處理. 你亂曬咁無幫助架, 係咪??
<br>手術方面樓上有好多姊妹幫緊你啦, right?
<br>keep us dated!!
<br>
-
sorry, 係keep us updated
-
老婆仔:其實你可以找一個醫生,他叫岑國仁在銅鑼灣區,價錢公道.手勢還很好的.我知道他經常接在大陸整容出了事的手尾.
-
唔好諗埋一邊呀~
<br>做人最緊要首先識得愛自己
<br>同埋愛你個仔仔
<br>對自己同仔仔負責任
<br>取悅你老公唔係你ge責任
<br>你的價值唔係建基於你老公身上
<br>外表亦唔係全部
<br>搵醫生傾左先
<br>明白你有身不由己的感覺
<br>但嘗試慢慢以平常心去對待成件事啦
<br>加油呀
-
佢咁過份ger
<br>
<br>我豬仔係男人都睇佢唔起
<br>
<br>結左婚仲咁樣, 去讚人地好睇~~
<br>
<br>老婆仔攪成咁, 佢可以話要離婚lor~~= ="過份
-
多謝各位支持, 為左仔仔, 我會繼續生活, 我暫時需要搵個地方安定下來先, 因為老公決定左離婚, 佢話會每個月俾返錢我過生活, 我要搵個地方住同一份工作, 對眼暫時不理住, 帶住平光眼鏡庶一庶先, 安定之後, 我再去睇下整番對眼, 希望可以好樣番一點, 不過我已經唔期望會有另一個男人, 因為咁樣衰, 都唔會有人要, 收埋自己, 睇住個仔大就得, 老公可能一早個心已經變變地, 再加上我變得咁醜, 佢對左我幾個月, 都頂唔順啦, 唉
-
如果因為個隸樣而要同你離婚
<br>我覺得佢根本唔愛你!
<br>
<br>我曾經半邊面中風
<br>成塊面側埋一面,醫生話有機會好唔返
<br>但係我男朋友都無離棄到我
<br>仲日日陪住我,又陪我睇醫生
<br>
<br>我唔係想曬命
<br>而係我覺得如果愛1個人
<br>同個樣係無關係
-
GIGI: 我想請教你d野!! 你說你曾經半邊面中風．你是否講緊面部神經痳庳(第七條神經）．如果是，我有好多野想請教你!!
<br>
-
心up:
<br>我唔知係唔係面部神經痳庳(第七條神經)
<br>只係知屬於中風既一種,,你都有呢個問題????
-
GIGI: 唔係我,係我屋企人呀. sorry老婆仔,佔用你些少位置. 係呢GIGI, 你o個時情況係點架? 我mom佢又係一邊面有問題, 嘴側了, 眼睛不能閉合. 你情況是這樣嗎? 你好轉or好返要幾耐呢?