好唔開心



  • 同男朋友一齊左差唔多 7 年, 最近住埋一齊。佢工作成日都好忙, 今日佢終於唔駛返工, 我同佢行行下, 我地嘈左2句,我唔開心, 跟住佢就走左, 剩返我一個係條街度。我打比佢時, 佢係度話我黑面, 唔想出唔好同佢出, 根本我都無咁既意思, 我唸住揾返佢, 佢自己已經乘地鐵走左...........我喊住咁,佢都唔理我。跟住我就返左屋企。
    我覺得佢真係好過份, 好衰,我個心好痛, 好想喊, 但我係條街度抑制住。好辛苦, 我好唔想同佢一齊住。但係我地最近先買左樓,,,我真係唔知應該點做............



  • 你返左屋企之後有冇同佢傾下呀



  • 唉..........好快無事ga la



  • 我都覺得好快冇事



  • 我返到屋企佢都無同我講野.

    有時我覺得我已經算係一個幾好既女朋友,我平時唔開心都唔會講比任何人聽,自己一個人處理。寧願自己呢埋喊。我一定唔會係屋企人面前唔開心,因為我唔想佢地擔心。

    我同男朋友一齊咁耐,我唔知點講,可能一齊耐左,每次節日,生日,情人節,聖誕節,最近呢2年佢都無送野比我,或者同我慶祝。我知佢返工好忙,無時間買野比我,我都會體諒佢。只係有時忽然唸起,就好似今日咁突然講起, 我唔開心左一陣, 佢就話我黑面, 我鬧都無鬧過佢, 唔通我唔開心一下都有錯嗎? 我做錯d乜要搞到佢要咁對我?

    我個心真係好痛, 好唔開心。亦很無奈。



  • lovedoraemon replied @ 2008-03-16 12:23 am



    我都覺得好快冇事



    hi,佢吾覆我地,吾知係咪談判緊?呵呵



  • 好快冇事既



  • 哦~~~男人係甘ga la, 吾細心顧及身邊既人慼受



  • 你地明嗎? 我成日有時同佢講野, 佢都唔係聽, 仲同我講其他野。有時我覺得佢真係好唔關心我。

    我知佢成日捱夜,我去中醫度買左d石斛同太子參唸住沖比佢飲,佢即刻鬧我。話我做乜要買。

    我隻手之前痛左幾日,佢問都無問過我。



    佢真係好自私, 完全唔識關心人。我真係feel唔到佢有幾鍾意我。



    有時我夜晚放完學 (返partime),成個人都好攰,佢都仲叫我幫佢鬆骨, 其實我自己隻手都好痛,但係我知佢攰,我都會幫下佢。但係佢就一次都無幫我。....

    其實我成個膊頭都好攰。



  • 佢都幾九吾答八wor,佢返工一定係甘俾人打壓定la



  • 我以前個男朋友

    都係工作忙, 冇時間陪我

    節日六唔同我慶祝

    初時我都同你一樣

    體諒、體諒再體諒



    最後發生左一d事

    我決定分手



    兩個人既感情真係靠好多野一點一滴維繫



    我覺得應該要比佢知你既唔開心



    要幸福

    就唔可以比佢牽著走...

    但我唔知道你地平日係點

    所以以上都係我personal 意見



  • may



    can chat?



    msn: [email protected]



  • lovedoraemon = tata



  • 係咪逄親男人都係咁自私,咁唔理人感受。

    其實我同佢一齊住,都係唸過同佢一齊結婚,有小朋友。

    最近,我發覺我想逃避,究竟呢個男人值唔值得我再同佢一齊....



  • 算吧 同佢分手



  • sure not la,maybe he have not think about that



  • 佢可能係大意果埋掛



  • 咁婚姻大事就真係要考慮清楚喇



  • how old yours ar ?



  • 我以前個男朋友

    都係工作忙, 冇時間陪我

    節日六唔同我慶祝

    初時我都同你一樣

    體諒、體諒再體諒



    最後發生左一d事

    我決定分手



    兩個人既感情真係靠好多野一點一滴維繫



    我覺得應該要比佢知你既唔開心



    要幸福

    就唔可以比佢牽著走...

    但我唔知道你地平日係點

    所以以上都係我personal 意見

    ++++++++++++++++++++++++++++++++++++++++++++++++



    佢都知我唔開心, 佢理都無理過我。

    好似今晚咁,我返到屋企,佢看都無看我一眼。



  • 我以前個男朋友

    都係工作忙, 冇時間陪我

    節日六唔同我慶祝

    初時我都同你一樣

    體諒、體諒再體諒



    最後發生左一d事

    我決定分手



    兩個人既感情真係靠好多野一點一滴維繫



    我覺得應該要比佢知你既唔開心



    要幸福

    就唔可以比佢牽著走...

    但我唔知道你地平日係點所以以上都係我personal 意見

    ++++++++++++++++++++++++++++++++++++++++++++++++++++++++



    咁你地一齊左幾耐, 又因為咩原因分手呢?



  • 我有個朋友個男朋友又係咁



    但佢地冇野時都好恩愛的



    但你覺得佢平時錫唔錫你先



  • 我諗係因為你地都已經一齊左咁耐

    有D淡左,一切都好似係應份,好唔需要咁

    佢唔會再識得去細心D咁去關心你,去了解你

    如果你係有不滿,應該要主動同佢傾,話佢知你想點

    你地一齊都咁耐,唔好咁易就話想分手

    兩個人係要一齊捱過種種困難先可以一齊到一世



  • 似乎係大男人主義喎





  • 唔好咁易放棄

    但我建議你等大家冷靜d先

    或者過幾日先同佢review



  • 波歷克 , 我知道, 所以我次次都係忍,知道唔可以咁任性。要對自己負責任,對佢負責任。但係我最近發覺原來同佢呢 7 年,我唔知係咪感染左佢d性格,我覺得自己變得冷血左,對人都唔係好關心。我以前岩岩同佢一齊時唔係咁樣架。

    我個人變得好冷漠。我好唔想咁樣。



  • how old yours ar ?



    +++++++++++++++++++++++

    我地今年27了。



  • may

    你真係要認真去諗下你同佢既將來



  • 你有唔係要次次忍

    咁你有冇同佢溝通,話畀佢知你因為佢咁你唔開心?

    同埋你話冷漠,你係指你對佢?



  • 27

    仲有大把青春啦

    唔駛唔開心播



  • Rossi ,係呀,佢真係好大男人。

    我自己都唔係小女人,所以我地成日都為小事而嗌交。



  • 你有唔係要次次忍

    咁你有冇同佢溝通,話畀佢知你因為佢咁你唔開心?

    同埋你話冷漠,你係指你對佢?

    ++++++++++++++++++++++++++++++++++++++++++++++++++

    我對佢唔冷漠,我地好個陣都好sweet,但係我真係好想知道同佢一齊有無將來。

    我成日都覺得其實我唔係同佢好夾。雖然一齊左咁耐。



  • 你地係同學?



  • 如果你同佢性格差不多既話

    仲梗加要互相遷就

    唔係既話好難有將來



  • tata,

    我地唔係同學。係 7 年前偶然機會下相識。當時我覺得佢係一個好男仔,佢拖我手個一刻我好感動,想喊出來。到而家我唸返起都好深刻...



  • Hi,May

    Your bf not Good enough. Both of you should Communicate much more. You have to tell him what your feeling.Otherwise, you 2 cannot be happy together. Good Luck



  • Sell the apartment and split la.....he didn't treasure you....why stick with him?



  • 我地根本無乜時間傾,佢晚晚都成1點先返,我已經好眼訓。佢又唔同我傾。

    d關係變得好差。我知佢多野做,平時我都係好少揾佢,只係lunch有時打下比佢,同埋放工會call一call佢,但都係講一2句就收線。



  • Look like you have been married for ten years.....what a pity......the same word......ditch the guy and find a better one....



  • 如果大家方向一致

    同埋真係愛對方

    性恪唔夾都會可以就到的

    而你地一齊左咁耐,都証明左呢一樣野



    你要諗既係,你覺得"同佢一齊有無將來"

    係因為佢一時咁激親你,令到你咁諗

    定係佢真係對你太差,唔覺得佢會係改



  • 都係試下傾左先

    最緊要係要知道自己唔一定要咁樣委曲求全

    我覺得你已經好就佢



  • 我覺得你係好女仔好老婆個隻, 反而佢似係你有事時會劈低你唔理個種男人

    就算係條街兩句不合都唔使掉低另一個自己走呀嘛, 男人女人都咁話

    見微知著啦, 小事都可以劈低你, 大事發生會可以靠得住?



  • agree



  • i am 36 man can share by msm add me [email protected]



  • 我真係唔明點解佢可以劈低我係條街

    我做錯左d乜,搞到佢要咁對我?

    我自問對佢盡心盡力....我知佢做野都好辛苦.所以有時我知佢可能返工好大壓力,我就算有咩小事唔開心,都唔敢煩到佢。加重佢負擔。



  • 你好似好多時都啞忍左d唔開心既情緒喎



    包容係需要

    但適當時候表達自己意思同感覺都好重要

    單單咁睇你所講今日所發生既事

    會唔會係你男友自己心情已經唔好

    再加上見到你唔開心既樣

    但你又唔講因咩事唔開心

    大家唔開心既情況下,亙相講左兩句唔多好聽既說話

    才導致之後大家不歡而散?!?!



    你要知道,男人有時諗野好簡單

    女人唔講,男人真係會唔察覺架

    加上男人覺得大家關係穩定後就會唔多關心

    變得更粗支大葉,唔緊唔要咁

    所以有時有d野,你要講出口,佢係唔會去估你,亦懶得去估



  • 兩個人一齊唔係應該要開心架咩?

    點解同一個人一齊要咁唔開心喎~~~

    講啦,唔講唔會有改善架!!



  • 男人成日都會覺得:

    ”我忙之麻,唔係唔理你唔愛你呀,大家都一齊咁耐啦,有d野你應該明白我架!”

    佢地又會唔明女人,只會覺得女人無原無故發脾氣



    所以,你講又好,sms又好,有時你要在大家心情好d,冇咁忙既時候

    將你既意願感想表達下比佢知

    當然唔好在大家好累好忙既時間講啦



  • 最近呢2年佢都無送野比我,或者同我慶祝。

    有時我夜晚放完學 (返partime),成個人都好攰,佢都仲叫我幫佢鬆骨, 其實我自己隻手都好痛,但係我知佢攰,我都會幫下佢。但係佢就一次都無幫我。....





    喇.好似呢d咁既野

    你係想既,同佢講呀麻

    你自己又唔講,佢根本唔知咁多年黎你係想有呢d野既

    有時d野,積下積下咪攪到你自己唔開心囉



  • both Monkey person?


Log in to reply