SL專區(*平心討論, 反對者發言請自重*)
-
有SL的人面對好多困擾和疑問, 希望利用呢個thread, 俾做SL的朋友, 可以抒解一下.
呢個thread, 不是鼓勵人找SL或做SL, 請打算找SL的朋友, 自行開新thread.
我係男士, 30幾歲, 有一個SL, 已維持三年關係, 曾經想過離開, 曾經在此發表過打算離開我的SL, 可是我最後都係沒有離開她. 離開她是無比的痛苦, 因此我甘願留下來, 而她也為了我犧牲很多
-
歡迎加入
SL都需要互相支持
-
平常心去問,我真係好想知道其實你地有無諗過自己點解要去搵sl,唔可以同自己伴侶從一而終嗎??有無諗過對唔住人架??開始左又話咩無得返轉頭,放棄唔到.....咁點解唔可以決絕d呢??
-
做人SL甚艱難, 現在我好想離開, 好想對佢好好, 但佢連俾我對佢好既機會都俾吾到我 / 吾俾我, 心死了
-
hkjanuary,
你從無諗過選擇和SL一齊?
-
hi hkjanuary, what sacrifice your sl made ar?
-
為何失戀總是沒預告,
愛到沖昏了頭腦, 所以先會咁痛苦
-
明明有個sex版,點解d人要在relationship 版搵sl 同sp呢? 係sex版打正旗號,反而仲好欣賞佢份直接
-
Wa 咁都要去sex版?
-
咁其實一開始都已經知係痛苦架啦
-
我SL為我承受好多痛苦
佢要成日等我, 又唔可以成日見面
-
hkjanuary,
我像極了你SL的角色, 但明明有時可以見面, 但佢都無安排到, 想對佢好都要見面先做到架, 好吾開心, 想走又要留我, 好折磨.... 佢成日都吾講佢諗乜, 我真係好辛苦.... 咁而家你地點相處?
-
樓上個2位可唔可以回應下?
-
為何失戀總是沒預告,
一開始雙方都可以付出並吾辛苦, 後來只有單方付出才變得辛苦
-
為何失戀總是沒預告 replied @ 2008-03-06 2:16 pm
咁其實一開始都已經知係痛苦架啦
--- 我覺得愛既感覺,一係唔出現,一出現就好似炸彈咁爆開收唔返. 明知係一個深淵,仲要跌落去,其實唔係當局者迷,而係無法控制. 當事人好痛苦~~
為何失戀總是沒預告, 可能你個人比較冷靜,可以控制自己感情,又或者未有一個機會比你遇到sl這種關係(其實係好事),未可以體會到,點解我地會痛苦....
-
QQ
我會用心安排同佢見面
我唔會用佢來"sip"時間
-
hkjanuary,
但你諗住永遠1對2?
-
為何失戀總是沒預告
有sl, 大多數人都會痛問為何不可以對原本既從一而終....
如何沒有遇上, 沒有愛上, 我估我都可以, 不過, 我卻遇上和愛上了她
-
why sl? why?
-
hkjanuary
我同我個sl都會盡力去抽時間見對方,而好好彩,我地兩個都係自己揸車,時間會比較易容控制,但係我地又有另外既問題,一方面我地單獨相處好開心,另一方面又好擔心.........
-
qq
可能會吧....不過我和sl一起真的很開心
-
maggie,
我認為呢個就係有sl的現實問題
我都有擔心有被發現的一日....
有呢種關係, 就有呢種感覺
-
咁你地有無覺得對唔住正印個位架?
-
hkjanuary,
咁點解吾同sl一齊? 你結了婚未?
-
如果佢可以狠下心咁對我分手, 或者對大家都會幸福D, 我真係吾能夠一世都做SL
-
為何失戀總是沒預告 replied @ 2008-03-06 2:50 pm
咁你地有無覺得對唔住正印個位架?
---有,我對佢老婆有萬二分歉意,因為我認識佢老婆,仲會傾電話,講下湊仔經.所以我對佢老婆特別好,希望可以減少我既自責........
-
QQ
如果佢係狠心人, 你也不會愛他
我已經結婚
-
是的, 我對我老婆都會好
一方面真係會痛錫佢, 另一方面, 唔佢諗太多.
-
hkjanuary & maggie.c,
你們的SL或做SL的, 能夠接受和心愛的人沒有未來嗎?
-
QQ
沒有未來都無辦法,一開始就已經知道結局,問題係幾時可以接受佢完結.
-
或者係我唔明白,你地要開始個陣...唔會諗你會傷害到好多人架嗎
-
QQ
有, 我們都會憧憬未來, 希望可以做真正的夫妻....不過, 現實還有好多限制.
-
為何失戀總是沒預告
我知道, 如果他們知道了, 會好傷
所以我們都做到不讓他們知道
-
為何失戀總是沒預告 replied @ 2008-03-06 3:13 pm
或者係我唔明白,你地要開始個陣...唔會諗你會傷害到好多人架嗎
---會!我有考慮這個問題!所以係我地開始既時候,我係拒絕有愛情的發展!但係佢既傷心令我心痛,我心軟了.............
我唔會傷害佢的家人,老婆,小孩,同樣我都相信佢唔會傷害我身邊既人.........
-
咁其實就算對方唔知....你地都係破壞緊人地家庭同感情架....只不過好似對方一日唔知,自己個心都會好過d咋嘛....
-
為何失戀總是沒預告
我同意.
我唔係說我地一定對...我知錯的
不過, 我因為對方, 對方因我而無放棄大家
-
為何失戀總是沒預告
可能我個人真係太傻,其實佢老婆一直都知道我地感情好(好似兩兄妹咁). 當我知道佢兩個感情有問題既時候,我第一個諗頭係---我唔可以比佢出去找sl的! 我要盡力幫佢地,令佢地感情好啲. 點知.........................
-
maggie,
甘你一定更痛苦, 好朋友的男人成為自己sl.
好多矛盾
-
咁其實係有彎轉既餘地,點解唔返轉頭....仲好過有一日對方知道,3個人一齊痛苦
-
我覺得你地(包括我自己)就好似過得一日開心就得一日, 一諗起會對自己另一半造成好大傷害就自然吾會再行前多一步, 結果可能SL只有無了期地等, 又或者等拆穿了才會真正有結局....
-
30歲了, 吾想再等
-
qq
係呀, 成日覺得自己騙自己
-
hkjanuary
我個sl係我多年朋友,一直都似兄妹感情(原來我地一直暗戀對方又唔敢講出口,就咁過了十幾年),所有朋友都知道我地感情好,又同姓,咪當正我地兄妹一樣.......
我認識佢老婆只有幾年,因為我地既朋友一直都知道我為人正直,又熱心幫人,所以對我完全冇介心,我覺得自己好卑鄙,利用人地既信任.................
到現在為止,我仍然希望我sl同佢老婆可以感情好返啲,什至要同我分手,我都唔介意,只要佢開心就得了,所以我成日同佢老婆傾電話,希望可以改變一下佢老婆既想法去就下我sl............................
但係我sl就擔心,我會受唔住心入面太多複雜既想法,自己既角色,佢擔心我會精神有問題..................
-
maggie
個人覺得你甘做未必好
如果你真係想佢地好, 你唔係幫佢地最好的一個
-
而且, 對你未必好
因此始終那個是你男人既老婆
你如何去平衡自己?
-
hkjanuary
其實我都做唔到啲咩,因為佢老婆都咁大個人,唔係同人傾下計就可以改變到的,我明白,但係佢老婆人緣唔好,唔係咁多朋友,可以傾到計既只有我一個..........
而我都只係想,佢老婆唔好做太多令佢老公反感既事,已經好好了.............
-
maggie,
明白,
最緊要你知道你做緊乜
-
hkjanuary
我平衡唔到我自己,我冇朋友可以聽我心底話,我每講一句說話都要好小心,我亦0想我sl擔心我....................
我今晚又約左佢老婆食飯了...............
-
maggie.c,
好難想像你心理掙扎會有幾咁大... 可以想像你都挺堅強
不像我, 太心軟, 分手後又回到佢身邊
-
其實真係好難平衡得到....天使個邊就要想安慰對方.....但係心底裡既惡魔就知道自己有愧於佢.....講一句說話都要諗過計過...驚講錯...其實慢慢你自己壓力會越黎越大....終有一日會抵受唔到.....希望你可以舒緩自己....比自己好過