有無人參加過縱橫遊 <<東京包羅萬有溫泉五天>>團? JNG5





  • http://www.wwpkg.com.hk/2005/winter/

    consume/tour/japan/JNG5-JNG5XP.pdf



    俾d意見oY!



  • 真係無人去過呀? >o<



  • 你係咪諗住會跟呢團? 我報左名 9/4 出發, 如果你未去, 我返來可以話番比你知好唔好!



  • 係呀, 我會5月去.



    記住回來分享下有咩要注意的地方



  • 我在2004年8月跟過緃橫遊的日本團,是去東京及箱根的。



    他的服務很好,導遊和領隊都是同一個人。他不會像其他的團隊般 "趕鴨仔" 咁樣沒有自由時間的,他會等你買完東西後才走的,非常好。



    食住方面,食的相當好,有sabu sabu, 有壽司放題,有拉麵 (博多天神 - 新宿),去過咁多團,都係佢最好。住方面都好近大街,我們是在新宿住的,行大概五分鍾就到shopping 區了,有晚我們行到十二點才番酒店,都ok!



    去箱根浸溫泉,記得去食抺茶雪榚,因為非常好食。小湧園溫泉是可以穿泳衣的,還有,無論幾多月去都好,都要帶一件長袖衫去,我當年8月去,但下了一場大雨,氣溫跌落18度,我凍到要買長袖衫著!



    你去完番來分亨下你的經驗呀!



  • elaine, 你d資料好詳細呀! 唔該曬!!



    我報左團啦, 5月去. 唔去hello kitty land. 以家研究緊邊日自己離團去上野買手信, 同埋睇下有無機會去築地魚市場. 因為我咩都唔識又第一次去, 依家都仲頭痕緊.



    希望ww返來分享下咁啦



  • 其實第三日可以不跟團,因為照我看那個行程,第三天只是去台場,沒有其他地方。而且該天應該住番新宿,所以時間相當充裕。



    如困不去disneyland, 都可以不跟團,到時可以去新宿買嘢,因為新宿很大,行一日都行不完。



  • 小薯仔,

    我回來會再上來話分享下個旅程. 昨天開茶會, 話到時去到箱根d櫻花應該會開得最靚, 好期待....



    elaine,

    妳上次去係咪住新宿太子? 睇其他版講話新宿太子d房好細, 細到連行李箱都開唔到, 係咪真架? 我地兩大一小住一間房咪會好逼?



  • 我都係5月2x號去呀...睇左咁耐, 都係諗住縱橫遊, 包羅萬有5天團, 見到佢話有得食長腳蟹,但我bf想去買玩具扭蛋, 唔知會唔會有時間....



  • ww,



    我上次不是住新宿太子,不過個房的確很細。你們兩大一細,是不是有一個大人 "單" 了出來呢? 如果是的話,咁就可以唔需要咁逼。



    期待你的櫻花之旅。回來分亨哦!



  • elaine,

    我地係兩公婆帶埋個六歲的小朋友, 所以先冇打算個小朋友要佔房呢! 逼逼地都唔緊要啦, 大家方便照顧嘛!



    cheung-c-line

    最後一日會係自由shopping, 當兩點要起程去機場, 相信半日都應該夠時間去買玩具扭蛋的, 我都諗緊會唔會去上野逛下.



  • ww

    係咪好容易搵到扭蛋呀?我bf話有一座專賣玩具既商場, 好似"兆萬"咁, 唔知係邊呢??











  • ww,

    咁就要逼一逼啦! 最後一日如果全天自由活動的話,你可以去上野,然後去銀座,會順路。不過照你說要2:00去機場,就要 "因" 住d時間啦,因為會很趕急。



    cheung-c-line,

    個扭蛋場叫博品玩具城,在銀座burberry 專門店隔離,很易找。



  • elaine,



    我都想去玩具店呀, 除左博品玩具城, 仲有無好介紹? 上野係咪晨早就有野賣? 聽講新宿既店要11點先開, 我都打算最後一日去築地或上野. 你地有無好提議呀?



    ww,

    我都聽過有人話新宿太子好細, 不過位置好, 夜晚肚餓唔想訓都可以有街街去. 對我黎講無所謂, 最重要整齊企理就掂.







  • 小薯仔,



    上野應該近淺草寺,我記得當日我們上午 10:00 就到,�堶悸漸簳ㄔ@通是賣東西的,陸陸續續開門,你都可以買嘢。



    而上野很近銀座,我所說的玩具城好大嫁! 有四至五層高,可以順道一去。我沒有入到,但是團友中有小朋友的,他們說好多啱佢地的玩具買,好開心! 他們說在新宿都有的,不過我不清楚在哪兒,你可以問問個領隊。



  • 個團幾多錢呀?



  • 個團要over 5000 for 5日



  • 我最後報左jng5xp個團. 平jng5成800蚊. 但要搭港龍機同早2個鍾返香港. 個團5500連小費 (唔計保險).



    唔知ww返黎未呢?



  • 小薯仔,



    點解你個團會平800蚊?



  • 我未報, 想5月1 日出發,

    有那些地方,買衫 有大減價, 同時我想去disneyland & 玩具城



  • Hi Hi ~ 我返來啦...

    今個行程, 兩個字----辛苦!! 唔係話個行程唔好, 而係好緊湊, 連個guide都話呢個東京團會好辛苦! 同埋我個小朋友病了, 又五日有三日半係落雨, 所以玩得唔盡興. 等我將會日程話你知啦!



    第一日朝早8:30機場集合, 跟住自己check-in, 飛11:00(少少delay), 去到東京拎埋行李上到旅遊車都已經五點幾, 跟住去左台埸個豐田汽車會館同維納斯名店坊, 只係行左個零鐘就去食飯(shabu shabu), 完全唔夠時間shopping!! 食完飯返酒店, 唔記得叫乜名, 附近似係民居, 個guide話係四星的商務酒店喎!



    第二日上午去箱根, 先去了平和公園睇櫻花, 真係好靚, 東京市己經差不多開曬, 但去到箱根, 周圍仲有好多開得好燦爛 ! :D

    下午去富士急, 好少人, 但開始落雨, 過山車後來都冇開. 只係玩左Thomas land 同"高達動感影院", 如果喜歡高達, 一定要去, 仲有扭蛋機, d SD高達係香港冇架!! 玩每個遊戲前都要先在售票機自己買票才可以玩. 呢度都有手信買, 尤其係以"富士急"或"富士山"為主題的產品, 第二度係冇的, 睇啱好買. 之後返酒店, 我地呢團去唔到小湧園, 改左去住石和的日式溫泉酒店, 包晚餐, 係日式料理, 個個換曬和服浴衣一齊食, 個feel好正!! 咁多餐我最like呢餐!! 同埋酒店對出條小溪旁種滿櫻花, 個guide話個品種叫"夜櫻"係夜晚會發光架, 但我冇出到去睇!!



    第三日出返去東京, 上午先去 Hello Kitty land, 逗留了兩個鐘左右, 如果唔係好鍾意Hello Kitty, 一般唔太特別, 不過睇下d吉蒂貓精品真係好靚. 中午去銀座食鐵板燒, 導遊會問加唔加餸食神戶牛柳, yen10,000/份, 食過覺得都係一般, 一埸來到叫做試過囉!! 跟住行銀座, 又落雨, 冇心機行! 只係行左玩具博品館, 唔太特別!! 跟住去淺草雷門寺, 擔住遮仲邊有mood行呢, 條仲見世商店街都行曬就掉頭走了, 買手信更加唔洗諗! 之後返新宿太子食個所謂自助餐(食長腳蟹), 完全唔掂, 可以留肚自己出去食, 行過一條街就係歌舞伎町, 大把野食, 個guide介紹間居酒屋叫"養老乃蘢", 個名好搞笑!!



    第四日去迪士尼, 又係落雨.... 有d掃興唔可以狂影相同埋取消左大巡遊!! 不過好少人, 玩左成十個遊戲, 排最長個都只係四十分鐘左右, 仲玩左 Winnie the pooh 同賽車各兩次呢!! 有d團友都玩左兩次巴斯光年呢! 完全唔駛用fastpass!! 夜晚睇埋煙花先返酒店.



    最後一日, 朝早 10:00先集合check out, 然後行李寄存酒店, 跟住自由去shopping, 我冇去行街, 因為個小朋友唔舒服, 留在酒店lobby休息, 只係出左去食個拉麵, 係個guide介紹的, 叫"博多拉麵", 在歌舞伎町一番街的, 門口有隻豬的.



    新宿太子的房真係好細, 開左個喼都已經冇路行, 個guide形容話一步落床, 第二步到洗手間, 第三步已到門口了, 可以想像係幾細, 不過出去行街食野超方便.

    d商埸營業時間係 11:00 am - 10:00pm, 酒店商場8/F有間 100yen店, 都幾多野買, 有d做手信都ok. 我地d手信好多都係同個guide買, 因為我地實在冇時間出去行街買, 雖然貴d, 但可以試食, 隨你買唔買.

    如果會買草餅同Hello Kitty 電話繩, 可以去到機場才買, 都有好多選擇, 不過買草餅時記得睇清楚個食用期, 唔好買左回來先知快到期, 我就係唔記得睇, 買左盒翌日到期的, 唔可以送比人, 要自己食曬!! :(



    小薯仔, 你個團係咪住小湧園一人一房? 記得帶毛巾牙膏牙刷, 好似話冇得供應的.



  • ww



    高達動感影院" WHERE ? 近 Thomas 車嗎 ?



  • ww

    你有 MSN 嗎? 我有野想問你 !



    [email protected]





    thanks



  • ww



    如果你 ADD 左我之後冇 ONLINE ,就 POST 上黎答 ~ THANKS @ 因我仲有 5 DAYS 就出發





    (1)高達動感影院" WHERE ? 近 Thomas 車嗎 ?



    (2)我暫定第3天先去平和公園 ,仲有櫻花嗎 ?



    (3) TOKYO 凍嗎? 旅行社 SAY 果面 得12-19度,你著熱天衫嗎 ?



  • ww,



    你個小朋友點呀? 係咪冷親呀? 希望佢快d好番啦! 行程急又落雨, 真係大人都頂唔住, 何況係小朋友! ><



    我個團係去小湧園一人一房, 不過我早報團所以可入住雙人房, 佢個單張寫前20名報名可選擇入住雙人房. 個到係無獨立廁所, 我會記住帶毛巾牙膏牙刷嫁啦…嘻嘻…之前elaine問點解我個團平800蚊, 我再睇番d資料, 應該係平1000蚊至岩. JNG5係$5499, 我個團JNG5XP係$4499, 我唔去HELLO KITTY LAND減左 $100, 再加埋d機場費同小費, 個團共$5500. 個分別就係:



    1. 有一晚係入住富士山, 即小湧園內係無獨立廁所供應既



    2. 無得食新宿太子個任飲任食長腳蟹及壽司自助餐 (睇ww咁講, 好似唔係咩損失)



    3. 乘搭港龍機, 要早2個鍾返香港 (我個團下午3點半起飛回港, 我諗12點就要去機場啦)



    ww, 我有d問題想問下你:



    第一日即係去台場先, 我以為會返新宿住. 咁夜晚哥度有無野行嫁?



    第二日去箱根, 不過到時我應該無櫻花睇啦, 好想睇下有幾靚..嘻嘻. 我想問你入住石和的日式溫泉酒店, 你地係咪浸酒店既室內溫泉? 有無人自費去小湧園溫泉世界呢? 個到係室外溫泉, 如果落雨都幾濕滯.



    第三日有無人唔去hello kitty land呢? 唔知有無特別安排, 個單張話去”多摩購物城”, 不過咁早唔知有無野睇…..我想留係新宿shopping



    第四日去迪士尼, 有無好野食呀? 你地晚上個餐係園內, 定係出面食呢? 個晚係咪住番新宿太子?



    第五日係新宿, 但我咁早就飛, 而家打算晨早自己去築地魚市場食野.



    仲有我聽人話機場d手信會番貼食用日期. 如果無時間買或買唔到, 我先至係機場買. 我會小心睇清楚食用日期, 真係唔該曬你既詳細資料呀!



  • ww,



    你個小朋友好番未? 小心冷親呀!



    你和我有過同樣的經驗,就是成日落雨。不過,我上次沒有去disneyland, 而去浸溫泉。那天下大雨,另外的團友說很掃興,因為好多機動遊戲都無開,只得遊行。



    新宿太子的自助長腳蟹餐,非常差,你唔提我都唔記得,所以小薯仔不吃是非常對的。



    我想問你個導遊係邊個? 我上次個導遊是一個肥的男人,叫做ben,佢幾好人。



    小薯仔,

    如果要買電話繩,可以在新宿的senio shop買,或者在小湧園中的sovenior shop 中買。



    而且,日本的天氣變化多端,帶多d衫去是好的。



    第五日你最好留在新宿啦! 唔好再去築地市場,交通一來一回,時間,金錢都浪費,唔係咁好。



  • 多謝各位關心, 小朋友已經差不多好番, 可能佢第一次出門, 掛住屋企呢!!



    cc,

    唔好意思, 昨天冇上來, 遲左覆你.

    (1)高達動感影院" WHERE ? 近 Thomas 車嗎 ? ==> 在餐廳隔離, 近"鬼太郎"同水上單車位置; 富士急樂園唔大, 同Thomas land都幾近的, 園內有中文樂園地圖簡介的.



    (2)我暫定第3天先去平和公園 ,仲有櫻花嗎 ? ==> 我地去時d櫻花已開得好燦爛, d開花期只有十天左右, 可能妳到時已開始花落了, 或者睇下會唔會有其他品種會稍遲開花呢!! 平和公園停車埸個自動販賣機有隻玉米湯好好味的, 甜及熱的, 可以一試, 去其他地方見唔到有.



    (3) TOKYO 凍嗎? 旅行社 SAY 果面 得12-19度,你著熱天衫嗎? ==> 十零度同香港唔同, 冇咁凍, 我只係一件薄長袖衫加一件薄外套, 去到箱根得七八度都係加多件coretex, 擋風又擋雨. 我老公有幾日裡面仲著短袖衫呢!! 如果唔大風, 基本上唔太凍, 不過正如 elaine所講, 帶多件衫冇壞的, 唔係冷病就掃興. 同埋宜家係春天, 記得帶多把遮.



    小薯仔,

    第一日即係去台場先, 我以為會返新宿住. 咁夜晚哥度有無野行嫁? ==> 我地第一晚住間酒店附近冇野行的, d舖頭10點就關門, 只有一些24小時的便利店, 同埋第二朝要一早起身, 所以好早休息. 可能你會有機會住新宿呢!



    第二日去箱根, 不過到時我應該無櫻花睇啦, 好想睇下有幾靚..嘻嘻. 我想問你入住石和的日式溫泉酒店, 你地係咪浸酒店既室內溫泉? 有無人自費去小湧園溫泉世界呢? 個到係室外溫泉, 如果落雨都幾濕滯. ==> 酒店有室內同室外的溫泉, 要分開男女的, 同埋唔可以穿泳衣, 所以我地冇去浸呀. 我地呢團冇人自費去小湧園, 因為要比$250, 又唔係玩好長時間, 覺得唔抵嘛!!



    第三日有無人唔去hello kitty land呢? 唔知有無特別安排, 個單張話去”多摩購物城”, 不過咁早唔知有無野睇…..我想留係新宿shopping ==> 我地冇人唔去 hello kitty land, 因為同團的都係家庭組合有小朋友, 所以呢d適合小朋友去的地方一定冇走雞, haha!! 你想留新宿 shopping, 都要睇番你到時個行程, 如果你係由箱根出來去hello kitty land, 咁就唔可以行新宿, 只可以去"多摩購物城".



    第四日去迪士尼, 有無好野食呀? 你地晚上個餐係園內, 定係出面食呢? 個晚係咪住番新宿太子? ==> 我地都係食d快餐, 例如漢堡飽,熱狗, 夜晚返番出去都冇特別再食野, 只去便利店買左d杯麵同自動販賣機d食物試下, 都幾好食.



    第五日係新宿, 但我咁早就飛, 而家打算晨早自己去築地魚市場食野. ==> 我諗你唔好去啦, 時間都會幾趕. 我地搭6:50pm機, 都要 2:00pm集合出機埸, 你仲要搭3:30機, 相信 11:00 前就要集合走人了, 到時如果去左築地遇到有乜阻滯返唔切來, 佢地成團人唔會等你架, 都係留番新宿逛下算啦.



    elaine,

    我地個導遊叫 joe wong, 都唔錯啦, d 團友多行李又要顧小朋友, 佢都會幫手, 同埋幫手搬上旅遊車, 又會介紹有乜地方有好野食, 我地想買d乜, 問佢邊度有得買, 佢都會話我地知.



    我諗下次我地再去日本會係自遊行, 時間同行程可以彈性d, 小朋友會冇咁辛苦.



  • 你好! 我 join 4月尾去呢團呀! 1st time to Japan ar! Also $4499 .



    1. 想問入住富士山(小湧園)內無獨立廁所供應, 咁沖涼有冇門?係咪獨立定要齊齊

    沖?

    2. D 團餐得唔得?

    3. Hello kittyland冇嘢睇咩?

    4. Disneyland line-up 排得耐嗎?





  • mindymindy,

    1. 想問入住富士山(小湧園)內無獨立廁所供應, 咁沖涼有冇門?係咪獨立定要齊齊

    沖?

    ==> 聽旅行社d staff 講, 類似係d渡假屋咁, 共用廁所浴室, 我諗唔會冇門掛. 係XP 團先係住呢d, 我地原本住小湧園的酒店都係同一般酒店冇分別.



    2. D 團餐得唔得?

    ==> 除左新宿太子個餐自助餐係唔掂外, 其餘都ok. Shabu Shabu 如果唔食牛肉, 可同guide講要豬肉.



    3. Hello kittyland冇嘢睇咩?

    ==> 喜歡 hello kitty 會好多野睇, 凈係同公仔影相都有排影. 我地冇行曬, 玩左個"高達3D影院"同埋一個類似disney "世界真細小"的船仔, 跟住去左睇精品, 因為都係stay得個零鐘頭, 覺得有d浪費了個任玩套票.



    4. Disneyland line-up 排得耐嗎?

    ==> 我地去個日因為係閒日唔多人, 大多數都係排十零分鐘左右, 最耐都係排左四十分鐘左右.



  • WW: Thanks v.v.much for your reply !!

    其實有冇時間去食吓拉麫 and sushi 呀? 幾多$$?? 邊到有得食?

    共用廁所浴室冇門, 咁有HK人 or 團友一齊好尷尬嗱!!

    WW, 你買咗D咩呀? Fancl 平嗎?

    I'm newly married ar, very excited about this trip! Thanks again for your help!!



  • mindymindy,

    恭喜您喎! 您係咪去honeymoon呢? 祝您同另一半有個開心假期!!

    今個旅程我冇周圍去行街買野食野呀, 只係聽個guide講邊度邊度d野好食, 佢話佢以前在日本讀書, 周圍去找好野食. 拉麵就有間叫"博多豬骨拉麵, d湯底真係好正, 在歌舞伎町一番街, 好近新宿太子. 食sushi有間叫"築地", 都在新宿的, 佢話d甜海膽好正, 但我冇去試呀, 你到時可以問問導遊.

    Fancl 聽人講平過hk, 買得過.



  • P.S. 唔好意思, 又係我mindymindy.

    -唔去富士急附近有冇嘢行?

    (我worry 小湧園hotel的共用浴室要一齊沖涼, 你知D日本人liky唔著泳衣浸溫泉 and 更衣室又好open咁更衣! 唔似我地HK人).



  • mindymindy

    富士急附近好荒蕪, 有冇嘢行的. 不過通常個團都唔會stay好耐, 同埋我地中午餐飯在富士急內的餐廳食, 我諗若果唔玩機動遊戲, d時間都好快過的.

    我地冇住小湧園, 所以答唔到妳呢個問題.sorry!



  • 各位,



    我又來分享我的經驗。



    富士急個日,因為成團都係老人家(除了我), 所以我代表他們要求個領隊改行程,就是不去富士急樂園,而改去大湧谷。大湧谷是一座火山,可以蒸蛋食,又可以去座cable car, 風景很秀麗。



    另外,小湧谷溫泉可以穿泳衣,可以玩滑梯,而且有很多風呂,個個試均都幾好。



    ww,



    恭喜你的小朋友已經好番,小心小心。



    博多天神是我們一落機就去的地方。因為飛機餐唔好食,所以我們好多人都肚餓,我就覺得非常好食,尤其豬骨湯底。



    另外,你比我幸福,我去的時候沒有櫻花看,我知道現在櫻花好美,你可不可以send d 相給我看看? (my e-mail: [email protected])



    我都覺得跟團去日本是非常趕,最好都係自由行,因為可以夾自已時間,不怕去不到自已想去的地方。



    我自已會和其他朋友在11月時去大阪,有沒有人可以幫我搜集資料?



    好開心在這�婸{識到你們。



  • elaine,

    我已經send左去妳個email啦.



    大湧谷都係一個唔錯的地方 (我睇書咋), 希望下次可以有機會去下.



  • ww,



    我收到你的e-mail啦! 櫻花好靚,不過天氣好一點會更靚。



  • ww,

    我聽日去JP,我想問要唔要著羽'勇' (打唔到.希望你明我意思)?我睇天氣預報,高可以19 二十度,底又可以到九度十度,相差咁遠,準備衣服比較煩惱.



  • funny,

    日本十零度唔係太凍, 就算夜晚得九度十度, 都唔會好凍, 著件厚少少的外套都足夠, 或者戴多條頸巾包住頸部, 會暖好多, 唔需要著羽絨, 怕日間熱拿住件衫仲麻煩!! 最底一件一定要薄, 否則入到室內就會熱. 寧願帶多兩件薄外套, 可因應天氣變化而加減, 彈性大d.



  • Elaine,

    妳11月時去大阪, 會唔會去京都呢? 到時應該會睇到滿山紅葉, 襯埋d古樸的環境, 諗起都覺得靚.





  • ww,

    thank you very much!

    我要碰下運氣,睇下有冇櫻花睇,我都會去和干公園的.最期待係睇櫻花 ^^



  • funny,

    希望妳去到平和公園仲可以睇到櫻花啦, 我地 10/4 去都已經開左花了... 如果好天, 見到富士山就仲靚呢!!

    have a nice trip la!!



  • ww,



    11月時我們主要是去京都和奈良, 因為知道當地應該滿山紅葉,都應該很靚。



    不過有人話奈良無什麼好玩,可以留一日半日的。



    我個朋友想去住民宿,但我又不知道怎樣訂,如果我book了一個package, 是不是一定要幾晚都要住大阪? 不過這個問題我可以遲d了解下。



    我到時回來後,會send番d相比你看看!



  • elaine,

    住民宿係另一個體驗, 妳可以揾d旅遊書, 應該都會有介紹d民宿的資料, 再唔係在she.com post 個topic, 話唔定好多人有好介紹呢!!

    妳真係好呀, 到時記得send d相比我睇下喎, 因為我都唔知自己幾時先有機會親身去睇. 我今次都係第一次去日本咋, 去完之後都心思思想再去, 不過有小朋友就唔係話想去就可以去得到呢, 都要籌備下先得.



  • ww,



    如果你要去旅行,又有小朋友,咁就要暑假先得啦!



    日本是一個旅遊的好地方,我去完一次又想去第二次,不過時間唔arm, 我和其他人又就不到假,所以都沒有時間去。



    上次去日本是和家人去,我媽媽好喜歡縱橫遊,我都係一樣,所以以後和家人去日本,都會參加縱橫遊。



  • 請問縱橫遊點好法, 我本來想join東瀛遊(見去日本個個join東瀛遊), 但冇曬位. 所以join了縱橫遊.



    東瀛遊 & 縱橫遊是否兄弟公司?



    Anyway, 我下星期去日本嗱, 坐ANA(3pm回程), 本來$4499坐港龍(港龍3pm回程),衣家唔洗坐港龍, 算抵!



  • sorry, ANA 係6pm回程, 上個 message 打錯咗



  • mindymindy,

    我今次跟縱橫遊係因為行程合心意d, 同埋東瀛遊個東京團有晚會住山中湖�劗�, 我怕會住new star hotel, 所以唔跟東瀛遊. 有d人又話東瀛遊冇以前咁好呢.

    我諗佢地係死對頭, 我地個導遊有講d關於new star的傳聞, 仲話好多香港團都已經唔住, 叫我地留意如果旅行團係住new star, 就千萬不要報名, 雖然佢冇講, 但當時我就諗到東x遊了.

    妳搭ANA都好, 可以遲兩個鐘到機場, 多少少時間逛街.



  • ww,



    new star 有什麼傳聞?



    mindymindy,



    東瀛遊是縱橫遊的子公司,即係"東"是"縱"的仔。



  • 我上年六月參加過,我覺得佢地d 安排都唔錯,尤其是係酒店夠近,又方便。買嘢時間可能會緊d la....但都可以接受gei

    佢地導遊同領隊都係同一人,咁會好d,同埋佢地一定要係日本生活過,咁會對嗰個地方熟悉好多law....如果領、導分開2個人, 佢地溝通有問題就好麻煩


Log in to reply