但願不只是朋友



  • 自遇著你後 便不只願是朋友
    在暗中愛慕 實在難形容和忍受
    現在又再遇 而夜星把你我亮透
    令我多驚喜 是這想不到的邂逅
    若冒昧注視 是因心內溢情意
    願說出愛慕 但又如何來開始?
    現在面對面 長夜清楚我眼內意
    但你知不知 在這心中火熨故事?



  • on 2007-06-02 12:17:55



  • 你做咩唔上 ?



  • 愛上一個不愛我的人



  • who?

    when?

    how?



  • who? - 我愛的人

    when? - NOW

    how? - STAY BEHIND HER



  • 但願在午夜陶醉 世界變恬靜湖水

    過去那往事在飄遠去 兩眼合上 矇矓的�

    但願是冷漠憔悴 看透了世事玄虛

    遠處那燦爛美景卻要繼續追 多少個夢已累

    多少次再失去 是你伴我渡過了最空虛

    願你今夜別離去 在我依稀的愛裡

    那一刻美麗是錯對 不管有沒有允�

    願你今夜別離去 但你匆匆的告退

    那披星載月前塵裡 為了伴著誰



  • 版主



    你今年幾咪剛30 歲 或有多??



  • 我今年31,為何咁問?



  • 鍾意得呢首歌, 我估大家係同一個年代

    係咁多, 冇意思





  • 其實我唔中意呢首歌,只係一時感觸,諗起呢首歌而已



  • 你有冇俾佢知道你鍾意佢?



  • 有,但佢似乎只想保持朋友關係



  • 全心全意對待她, 好似'得得地"對佢..

    終有一日會贏得美人歸!



  • 黎明

    佢係咪GET到你鍾意佢架? 你當時怎麼俾她知道? 她又怎樣回答你呢?



  • 我當然會全心全意對佢好,不求佢感動,只求佢唔覺得我煩便足夠



    佢get到的,因我其實都表示得頗明顯,佢冇正面回答,只係旁敲側擊,表示大家係「朋友」



  • 相愛很難哦



  • 黎明



    她是你的同事/朋友?

    經常可見到嗎?



  • 她有bf?



  • 她是我的朋友,有bf...



  • 黎明,

    如果你真係咁鍾意佢, 點解唔同佢講, 佢都未結婚, 仲有得自由選擇, 佢如果唔鍾意你, 你咪死咗條心. 你知嗎, 你現在得不到, 所以她是最好的, 如果你唔去試, 你跟本唔係真係鍾意佢, 只是你得不到, 所以佢先咁完美.



  • 類似你個case,我都試過,表示左你心意未必足夠,真真正正行動啦!至少你有嘗試努力過,點都好過一直都保持普通朋友關係啦!機會真係要捕捉ga!



  • 我有嘗試的,並唔係因為得唔到所以最好,我同佢好熟好熟,大家有甚麼好有咩唔好其實都一清二楚,所以已經沒有「完美」既幻想。



    我係真心喜歡佢,其實而家已冇咩顧慮,唯一係怕搞到連朋友都冇得做



  • don't sad la! Tell her, call her much time, buy flower to her or send more sms to her. She is not love you not mind, just want need she know you love her too much. she will know and happy more with you. Don't miss this. Give her and you choice.



  • 黎明,

    如果係咁friend 咪仲好, 話比佢知你的感覺, 同佢講, 如果佢冇意思都唔會冇朋友做,如果同好朋友坦白都會冇朋友做, 咁唔通一直放係心叫好朋友咩.



  • 那我相信又唔會去到朋友都冇得做,因大家識左好耐,都好珍惜這份情。



    我唯一擔心的,更具體地講,係大家產生隔閡,唔可以再好似以前咁close。我怕佢到時有咩唔開心都唔敢同我講,那我就幫唔到佢。(你都明,有時d野,話就話應該盡力唔好怕,但現實總非咁簡單)



  • 仲有你自己都想"但願不只是朋友"

    你唔講唔去爭取, 就只是你個人問題, 唔通你想有奇蹟, 咁我唔覺得你有幾鐘意佢啫.



  • 我係女人, 我會欣賞有勇氣的男人, 你估佢唔知你心想點咩, 女人好叨扮傻, 你係佢旁邊high high 下, 你估佢傻女咩. 你唔坦白, 佢咪當你係佢側邊等運到, 佢就算同bf分手, 你都只是佢好姊妹.



  • 那我想問樣野。佢身邊十分要好既朋友唔多,兩三位,但果兩三位係佢有事時未必幫到佢。



    假使佢早段唔太能接受我,咁我地之間肯定會有種隔閡,到時大家會冇咁close。萬一呢段期間佢有咩事,我幫唔到佢,咁點算?或,有咩方法可避免呢種情況發生?(我是打算追佢的)



  • 黎明 ,

    你成日口口聲聲話佢有事, 有咩事? 你d藉口唔該收埋佢, 人的潛能很強, 唔係只有你先

    幫到佢, 如果只有你先幫到, 咁你更應行出來照顧佢, 唔好閃閃縮縮. 講多過做.



  • "假使佢早段唔太能接受我,咁我地之間肯定會有種隔閡,到時大家會冇咁close。"



    以上說話係邊個話的, 係咪一定會發生?









  • 你咁講那我最後既疑慮都冇了



  • >咁你更應行出來照顧佢, 唔好閃閃縮縮

    呢句好正,我會記住



  • 黎明

    她有bf, 為何她有事時要你幫忙, 而不是她bf 呢?



    你說的"早段" & "呢段時間' 是咩意思?



  • 黎明,

    年青人唔好咁多疑慮, 愛係無罪的, 你冇去傷害人就ok 啦, 大家自由, 佢結咗婚就話破壞人家庭啫,

    無論結果係點,你都為自己同佢努力過啊.

    good luck



  • 朋友

    佢bf唔太關心佢,佢開心唔開心都好似唔多理咁。我之前講的「早段」係指追佢既初期,因我sense到佢好似唔想;「呢段時間」係指大家面阻阻既時期。不過聽女人講完後自覺想得太多。



    女人

    謝謝



  • 黎明,

    唔使客氣, 最重要你自己有勇氣.



  • 唔知點解唯獨對佢,我會變得過分小心翼翼(因我本身其實是頗粗既人)



  • 黎明

    因為她本身都好斯文, 所以唔敢對佢粗魯??



  • 黎明,

    係你真惜,所以"過分小心翼翼"

    你都話佢男朋友唔多理佢, 你更應去坦白同佢講你鐘意佢, 等佢開開心心, 如果佢係都要比佢男朋友咁對佢都唔接受你, 你應放手, 因為係佢的選擇,就算萬一佢有咩事, 佢都應該自己負責任.



  • 朋友

    都唔係,佢係有d男仔頭,爽朗型



    女人

    明白。如果佢唔接受我,唯有希望佢男友變好d,對佢好d



  • 黎明

    你認為她可以接受你的缺點嗎?



    而她的缺點 (??), 你又可以接受?



  • 黎明

    "唯有希望佢男友變好d,對佢好d"

    唔係你問題, 係你朋友自己選擇, 佢鍾意就算佢唔變好d, 佢都鐘意, 女人係咁的, 你唔使擔心, 你只須要死心, ok



  • 缺點接受與不接受,我想會是一個時間性既問題。人無完人,家人亦有好多缺點,但家人既缺點,如非真係極大問題,大多都係視若無睹。有時會呻兩句,但唔會強求家人去變,我相信那係一種接受。



    至於男女間,最初磨合期間既挑剔一定有,兩個人互相走入對方既生活,總需要時間適應。但只要雙方有心,我相信亦可達到接受既程度。我不能話佢所有既缺點我都能完全當無野,但如建基於一種雙向的、互為的心,我會相信雙方會慢慢調節,這是我個人認為既相處之道。身邊好多朋友,包括佢,面對既問題就是雙方各自為政,好似大家唔理大家,結果感情愈來愈淡。如果雙方都能積極d去維繫,那缺點係可以被縮小的,可以化為一種互相欣賞後既「包容」,而非互不瞅睬後既「接受」。



  • 女人

    呢樣我便不認同。死心同盼望可以並存,死心同時亦可希望佢過得好,就算作為朋友,擔心亦不為過



  • 黎明

    你口口聲聲話真心鐘意佢, 邊個會信你?



    一時又話追, 一時又想佢男友對佢好d, 你就會死心? 你一點都唔認真對待呢份感情, 所以佢咪話大家做朋友先! 又或者她根本當你講下笑!



  • 你冇鬼用!



  • 你睇清楚,我係話,一旦我被rejected後,可以做既,就係冀望佢男友對佢好d。除左咁,我可以點?你話我知可以點?話我知可以點?



    唔通夾硬黎,逼佢接受我?可行嗎?呢d野逼到嗎?



    我寧願有得逼,呢d野如果係可以逼出黎,我唔駛辛苦咁多年,唔駛每年都睇住佢為同一個問題重覆又重覆地唔開心。呢d野你知嗎?你知條毛!



  • 黎明,

    你誤會啦, 我係話你坦白完如果唔成功, 就要死心, 佢唔會避開你, 如果人地拒絕你, 你仲係度盼望, 一定冇好結果, 因為你會使人感覺無懶. 至於佢男朋友點對佢唔關你事, 佢先係當事人, 佢知點解要佢都唔要你, 你唔使為佢擔心.



  • 那就做一次無賴吧


Log in to reply