有冇人同我一樣,住响人地屋企,寄人籬下
-
或者同奶奶一齊住其實都算係. 我就連斟杯水, 用滾水去"朗"隻杯都要俾人怒睥, 住人地屋企, 咩自由都冇, 好似坐監咁.
-
識得有朋友住男朋友屋企, 同你一樣, 成日俾未來奶奶怒睥。煮唔到飯, 成日食即食麵(用滾水淥唔係煮), 充滿怨氣。成日話忍唔到要分手, 但又分唔開。慘!
-
我諗佢奶奶實有話佢唔做幫手家務,但實情係根本唔敢幫手, 因為人地有人地屋企的規矩,唔係話你幫手佢就俾你幫, 惟有少做少錯.佢點解自己冇地方住, 要住男朋友屋企?同埋點解唔住埋一齊就等於分手?
-
我覺得帶女朋友返屋企住好過份...
人地既家人都會覺得少了空間和自由啦
結了婚話曬都一家人,大家遷就下都仲話啊
我係外國,同其他roommates住,不過就無寄人籬下的感覺
但煮飯用toliet,真的無甘方便
-
做受那一位：
除非你有付出，就冇咁既感覺
你想住得安樂，就要坦誠...如何去用金錢或勞力去付出
做施那一位：
如對方有需要+有難處，我會令他全無呢種感覺
-
我之前舊公司同事同奶奶一齊住，因為爸爸媽媽離婚。
佢有兩個細佬而佢係大家姐，佢爺or奶都係重男輕女既人
所以佢身份好婢微....
-
我細個時都係咁, 所以我都明白, 到到中學時都頂唔順出走
-
佢地外國讀書識係外國同居, 個男朋友家人搬埋去當地後男友同家人夾錢買樓供樓, 我朋友就當租佢地一個房不過就住埋同一間房, 到朋友近年畢業父母冇再俾錢先冇再俾租。個朋友都好慘, 碩士生但係當地冇工做, 又唔捨得男朋友, 屈係外國又同男朋友個呀媽關係唔好。講過話搬出去, 但佢男朋友話要照顧屋企人唔肯, 當然又可能供完父母間樓都唔夠錢搬。總之佢肯定慘過你。
-
以前住同祖父母一齊住都係，因為佢地憎我阿媽，我係女，佢地又重男輕女，根本無當我係孫女，當我外人，成日眼啤啤，去洗手間去耐d都拍門叫我出來
-
讀書住其中homestay試過，雖然我有俾$，但佢成日要我幫佢做呢樣做個樣，我話考試要溫書都話唔得，話住埋同一間屋，大家要share work。
後尾嘈咗場交，同school申請換homestay先無事。