2009年wedding, 一齊入來傾下
-
我同男友打算09年3月, 現只影了婚紗相, 未book 酒樓.. 現找緊中, 都唔知邊間好
-
Hi,我都係09年結婚ga~你咁早影左婚紗相? 我仲未知會幾時影!不過book左酒席喇! 你打算擺幾多圍??
-
2009 -你好呀, 我同男友想早影相..遲d想再影多一輯, 你book左邊間呀..
我應過20圍,可能23-28圍內, 都唔知.. 仍在計數中, 你呢
-
Hi gt, 我地book左羅浮宮,打算4月影相...好緊張呀!
如果你打算擺20圍以上,應該有好多選擇,不過最好早d book,因為我好兩個朋友都係想09結婚,但佢地想要嘅地方都已經比人book左喇!攪到佢地有d唔開心!快手d喇!
-
2009- 唔洗緊張, 影相自然d,開心d..影出來效果會好
yes..我打算20圍以上, 是好多選, 但要揀間心中理想並不是很多人做到..
我d朋友都叫我快dbook酒樓.. 但我要看清楚先咁book, 以免後悔
是啦.. 都不明白09年點解咁多人都拉埋天窗...
-
gt - 多人09年結婚,可能因為08年係肓年...
你有冇去睇過地方呀?有冇心水選擇?不過你講得好啱,好難搵到perfect嘅地方!價錢啱但地點唔好,地點好但貴.....
-
你地好!
我係2006年結婚架 !
如果你地有關於結婚問題,
我都有少少經驗可以和你地姊妹分享 !
-
以我經驗,
結婚第一步就係要book酒席,
問左相方家長揀左邊日好日子先,
因為唔係好難問酒樓有無位,
一般年尾就最搶手架 !
擺酒最好就交通方面,
如果同日註冊,
就最好揀番同區.
-
大家好.
好想問你地結婚儲左幾多年錢 ?
我男友想2010年結婚,但我想 2009 年, 現在係到諗緊點可以儲多D錢 ?
另外你地諗住係酒店 / 酒樓擺酒 ?
-
其實要視乎你想用幾多錢,
我結婚時整個budget + 禮金用左30萬,
我有朋友簡單婚禮, 擺幾位同註冊,
無咩特別野搞就用左5萬蚊.......
-
2009 - 我都未有心水, 睇過一些酒樓.. 不過但未睇曬, 到我想出去行睇, 男友又在溫書中, 到男友想睇場.. 到我自己又要應付考試..
我睇過好多次婚展..
都唔知選邊間好, 我又在苦腦中..
a -結婚不是太多錢, 視乎個人, 你想酒店, 當然貴
儲錢, 想找辨法- 投資
我只打算酒樓..
lee -好犀利用30萬結婚.. 有幾多人儲到30萬.. 自己真的不能..
-
我同男朋友拍o左拖三年幾, 諗住四年後結婚..
我諗我自己對結婚要求都好高..寧願食少o的, 用少o的, 結婚當日同所有o野都一定要好好睇睇..
如果我想o係大酒店擺, 會買婚紗, 影相, 渡密月, 做齊所有o野..大概要幾錢(唔計禮金)?
同埋我唔明咩叫禮金包酒席? 酒席係咪男方俾?
如果女方自己願意俾返錢, 係咪我要幾圍都得?
同埋擺酒唔係賺得返錢o既咩? (人o地會俾人情)
咁點解o的人要儲定咁多錢擺酒?
結婚仲有咩洗費?
-
lee
你個時用左30萬呀 ? 真係好多錢呀, 我估你地搵得多啦. :)
gt
我想係酒店擺呀, 但都係中價的酒店. 若10-15 到.
同埋影婚紗,相囉. 甘要幾多錢呀 ?
投資, 我都係甘諗, 甘你係買股票定係基金呀 ? 你都想 2009 年結婚 ?
-
TY
擺酒唔一定係賺得返錢呀, 因為你D親戚同朋友可能係買野比你唔係比錢你, 甘你咪無得對現囉.
有D女家屋企唔會收禮金, 但就會係酒席上要多D, 甘D禮金就會女家阿媽要埋, 甘女家阿媽表面上咪唔會要禮金, 而個女仔, 又收唔到禮 因為女家阿媽要左呀
:)
-
gt replied @ 2008-01-09 4:17 pm
2009 - 我都未有心水, 睇過一些酒樓.. 不過但未睇曬, 到我想出去行睇, 男友又在溫書中, 到男友想睇場.. 到我自己又要應付考試..
我睇過好多次婚展..
都唔知選邊間好, 我又在苦腦中..
================================
gt,我覺得係婚展睇場地係冇用架,因為你一定要睇過實地至放心,我地就係差d"喇嘢"!佢地show嘅相,個場係好靚,但到實地就真係會差好遠....就算唔係個場景差左,都可能係實地睇落細好多...
所以我話你應該先睇定幾個地方,到婚展再睇下佢地有冇擺,如果有,係0個度book送多好多嘢架!
-
下, 你地甘講係咪唔好去睇婚展呀 ?
-
TY, gt
我同老公結婚都儲左4年錢,
我地用左成三十萬係用左好多地方.....
禮金 + 結婚禮服 + 紅酒及什費 + 裝修新居及傢俱
係我老公人工高,
我地先可以儲到一筆可觀數目,
其實我地都有好多野慳得就慳架 !
因為結婚真係用好多好多money........
sister
其實結婚大圍有幾樣用得最多錢 :
如果我當你訂酒席 (酒樓 : $6000, 酒店 $8000-$10000)
因為好多酒店都有minimum charge,
即係有最低消費,
如果你book佢個room場地,
要你最低消費10萬計,
你擺15圍.....即係你每圍要$6700左右.....如此類推.....
最緊要傾掂找數方式,
有些地方可以全數LOOK 卡,
有些要係比本票,
即係LOOK 卡只可以LOOK某個金額,
你就要預定一些現金用來埋單,
因為你地唔會當日去拆人情比錢找數.......
所以要有定有筆錢埋單.
通常宜家你擺酒10圍以上都有好多野送,
例如婚紗攝影package.....印帖.....花車
如果用得就用啦!可以慳番一筆錢,
攝影及攝錄都會用一大筆$$$$$
如果你擺10圍,當日又會註埋冊....
你就預當日影相大約影10筒-13筒菲林.....
如果你親戚多就另計......
影相個part你預一般時價係$5000 + 再加哂相(我個時要用$6000)
我結婚時都係只係哂番比親戚及家人,
其餘朋友都係send番web photo就算了.
禮服方面:
我建議大家去尖沙咀區看看,
都有好多shop給你們揀,
而家人禮服及姊妹裙,
就建議去金都大眾化價錢就ok了
新娘禮服: 3件晚裝 + 裙掛 + 1婚紗 = $4000-$6000
男裝禮服 : 1件平均 $800-$1000
姊妹裙及媽媽晚裝 : $350 - $600
你地都要預租衫都要成$6000 - $10000
紅酒: 你地可以去婚展看看有無平酒買,
如果酒樓有得送就ok啦!
紅酒你地就預2圍就1枝
XO就5圍就1枝就夠,
除非你地屋企人好飲得XO啦!
花車及花球 :
酒席有得送就最好,
有朋友肯借車就最GOOD,
當日封番利是就OK架啦!
花球就JOIN 一些PACKAGE,
有花球, 手花, 襟花......
要視乎你結婚個時係熱定冬,
熱天就要揀一些不會太易謝的花了.
封利是 :
當天BIG DATE就個個日都要封,
兄弟, 姊妹, 司機, 化妝師, 攝影師,
最緊要係酒樓MANAGER,
佢地當晚服務好緊要.......
你要預定封$20, $50, $100
自己衡量封幾多.
-
SISTER
續..........
仲有係買餅卡
分別係唐餅 & 西餅
餅於就盡量係佢最平個時候買,
唐餅就多數人都係揀奇華,
你地可以看看宜家hk bank仲有無得用積分換coupon,
可以80%優惠,我以前都係用積分換cash coupon......
你地要問清楚屋企人要幾多餅卡,
盡量一次過買會抵D.
至於另外一筆係禮金,
好多人都問點樣計, 點樣預...
每個家庭都唔同,
一定要大家座低傾.....
有好多種方法 :
有些屋企人就要禮金 + 酒席
例如: 要禮金$$$ + 5圍酒席
當你擺$6000一圍,
即係禮金$xxx+ ($6000 x 5 = 3萬)
視乎屋企人囉!
我個時屋企人就費時煩,
我地擺酒前已經比左佢,
到擺酒當日就全部人情佢我地所有.
有些屋企人就要自己收番人情,
其實這樣當晚會好亂......
講真差得幾遠呢?
宜家人情都公價架啦!
可以同屋企人好好商量,
好多朋友都因為傾禮金時傾到不快.......
大家要同未來老公兩個傾好哂先,
錢銀方面唔好預得太緊,
因為臨結婚個個月用錢就好像倒水般快.
你地最好座低計好條數先,
去婚紗展做下reasearch.....
看看最用幾多錢,
最好整個婚盞都係用你地個budget70% - 80%左右
唔好用到盡哂.............
**大家有咩再可以同我傾,
我會盡量幫你地慳下錢......
希望你地有一個快樂wedding party.
-
lee - 有個找得多錢的老公是幾好呢
a - 係呀.. 我諗住2009年3月wedding..但真的咩都未搞
講開影婚紗, 都要視乎在邊到影..同埋要幾多張相..
我影了ml 只是5000幾元.. 今年會再影多一輯..
呀, 真好, 酒店擺, 因好貴.. 我沒有想在酒店擺.. 希望你能儲多 d錢在09年可擺酒店
2009 - 你諗住09幾時wedding呀.. 都忘記問你book左邊間, 你4月在羅浮宮影, 之後又無再諗住影多輯
-
lee
thanks for sharing :)
gt
2009 March ? 甘你真係要快D搵野睇下啦. 我自己心想2009, 但 bf 就想 2010, 點都要睇有無錢先知.
bf 剛剛買左樓, 都要洗好多錢, 你地明啦, 要買好多野. 我都想慳D, 但有D真係慳唔到無計
:)
-
lee
放心, 我諗我地班sister一有問題就會係到問係. 不過最快結婚個個都唔係我. 係 gt 呀. :)
-
各位靚女早呀~~~
我都諗住09年做新娘子.
可唔可以一齊傾呀???
唔...我咩都未開始準備,因為都仲未定日子,呢排開始留意d 酒樓,但仲未有心水
-
依家慢慢開始搵info 先知,真係好多好多野要攪,仲要小心遇到黑店呢
-
SISTER
早些找資料做足準備就最好,
樣樣都可以慢慢想清楚才決定.
我2006年結婚,
我同老公就2004年尾就開始搜集資料.
都PLAN左一年零八個月.
-
nana
好呀, 一齊傾盟心d.
lee
一年零八個月?? 哈哈.
係呀, 甘我地個個都真係要開始搵野 ?
-
a- 我都想快搞自己的婚禮, 依排要溫書, 勁煩, 又多野背, 真的無時間搞自己婚禮住, 我想待考完試先, 現在只有一年零三個月時間, 我真的要快啦,, 麻烘各位找到d咩資料記得告訴我聽. 係呢, 你打算09年.. 快點同男友商量下..
公喜你, 剛買了樓, 真的要用好多錢呀.. 努力儲.. 介意分享買了邊度嗎
nana - 歡迎一起傾, 你又打算0幾時wedding呀.. 真的現在又很多黑店, 要睇清楚, 包括酒樓..
-
大家好啊
我都係09年結婚,仲定左日子添
我已經去左台灣影相啦!
酒家都選定左
而家係煩緊禮金同俾幾多酒席女家!!
-
Hello everyone! I plan to wed in 2009 too! Have you got your studio photos taken? Any recommendation on wedding picture company? Thanks.
-
ziege
我建議你同男友商量好一個數目先,
而你就去同媽媽商量左先,
等媽媽知你地能力去到邊.....
之後你男友先上來屋企提親就好好多.
記住大家要慢慢傾,
而一關好多sister都會同屋企人鬧不快,
一定要量力而為,
如果真係比不到屋企人要求,
要坦白同屋企人講,
不可以強求,
這樣你們會好辛苦.
-
hi Graceeee & ziege
-
gt
甘你快快努力溫書先啦. 之後再慢慢攪結婚野啦.
無呀, 我男朋友抽左居屋姐. 不過真係要用好多錢呀. 你知要裝修, 買傢私, 真係好多野要用錢. 最少都要100k 啦. 唉. 想話09年都唔知得唔得. 我都未同我男朋友講想提早結婚(因佢想2010年)
-
a
其實依家你男友抽左居屋,
都叫做行左第一部,
你知香港人個個都係為層樓而努力工作,
其實之後你地都只係儲錢for 婚禮上,
都叫做減輕左一半架啦!
想2009年結婚,
你要快快同男友講啦!
如果唔係就趕唔切訂酒席架啦!
-
大家好
其實我係男,希望你地唔好介意
我同女朋友準備09年結婚
而昨日我地2個聯同雙方父母
去左睇酒席,仲落埋訂,因為果度好搶手!
落左訂,父母就開始講禮金......
佢地開出條件係200打西,15唐餅,13圍(我地擺26),禮金係封利是
我應該應承?同禮金利是應該封幾多呢???
-
a - 我知啦.. 我會快d搞, 都希望你能快d搞好間屋.. 快d可以同男友在2009了wedding..那你都開心, 又可快d搞d婚事, 多開心..
星期六我去了富豪機場酒店試菜..
ziege - 我睇了第一次的post 已知你是男的.. 公喜你影了台灣相.. 影得靚唔靚.. 去了邊間呢?我都想在台灣影.. 還有你訂了邊間酒樓呀.. 你會在09年幾月幾號wedding.. 至於禮金方面就要看女家父母.. 有多有少..
-
a - 我知啦.. 我會快d搞, 都希望你能快d搞好間屋.. 快d可以同男友在2009了wedding..那你都開心, 又可快d搞d婚事, 多開心..
星期六我去了富豪機場酒店試菜..
ziege - 我睇了第一次的post 已知你是男的.. 公喜你影了台灣相.. 影得靚唔靚.. 去了邊間呢?我都想在台灣影.. 還有你訂了邊間酒樓呀.. 你會在09年幾月幾號wedding.. 至於禮金方面就要看女家父母.. 有多有少..
-
不好意思, 我之前打錯了yt
-
ziege
禮金其實你同你女友之前傾左未,
你地可以比幾多?
講真無話應該幾多數目,
有些父母就只係要禮金....餅卡....其他都係無所為.....
有些就樣樣都要......
你地要計清楚條數目,
往後日子你地重有好多開支......住屋.....過大禮.....婚禮開支.....
-->初部計算
200打西 --> $36.5美心 x 200張 = $7300
15唐餅 --> $46.5 x 15張 = $697.5 (唔知你15係15張 or 15斤)
唐餅有好多種價錢.....例如 : 奇華$46.5 or $56 or $98
13圍 --> $6000 x 13 = $78000
禮金 --> ???
最初部計你已經要$ 8萬6千元.仲未計禮金.
-
hihi~大家好呀~我都係2009年結婚呀,而家搵緊酒席...都幾full,仲好貴tim,大家有冇心水地方呀???
-
Hi - CS - 係呀.. 依家酒席好貴.. 又多人結婚, 特別是 09年.. 我自己暫覺中港城皇潮匯靚.. 其實 油麻地聯邦都OK
-
lee & gt
係呀. 都叫做有層樓, 你都知現在樓價不停甘升, 一般打工仔, 供得層樓 都真係唔洗食.
我地都要預錢整屋. 不過會過左新年先整. 唔知你知唔知, 裝修新年唔會開工, 所以都係過左新年先. 不過已開始睇野. 都係個句., 好貴 !
係呢, 甘你係咪已買左樓啦 ?
嘩 !! 真係估唔到 09 年甘多人結婚, 今年先係 08, 甘快就要 book 呀 ?
你打算去富豪機場酒店擺呀 ? 幾錢圍呀 ?
ziege
你去台灣影呀, 幾錢呀 ? 係邊到有資料搵到呀 ?
all
如我想係酒店擺, 若 6K 到. 唔知得唔得呢 ? yaumatei 咪好似有間叫 eaton hotel, 我有個 fd 話都okay. 不過唔知有無 min 呢 ?
-
yt - 我係"哈佛"影架,我係銅鑼灣時代玉桃苑,09年3月!
a - 我影左萬五紋,我係結婚展唔覺意咁落左訂!
同埋我上月去過佐敦逸東飲,門口難找,一入去就係個台,人多入時會迫曬係門
口,野食麻麻,純粹個人感覺!
lee - 我地都有傾過,如果而家有呢d野,禮金應該唔會多!
你覺得祺金應該幾多呢??
唔該曬你地!
-
ziege
結婚展呀 ? 係呀, 我都會去今年結婚展睇下. 好似係11, 12 月先有, right ?
甘你係唔係去左 taiwan 影呀?
萬五都okay呀, 係咪咩都包, 甘你有無比佢地屈要多d相呀?
我心諗個間都係諗住都係 jordan 同 tst , 又係 hotel, 甘好似好 d. 如其他hotel 好似好貴下.
我估我都係擺 10-15 圍. 所以有d hotel 有 min 就未必合我經濟
-
我男朋友早幾日突要話要我今年內嫁俾佢,但我未有心理準備,我地其實拍左拖差不多8年。
-
a - 我係台灣啊,我係咩都包啊,但你要係結婚展果度傾多d啊,你唔講去到台灣
就冇架啦,到時要加錢就唔好啦!佢地當然有叫我地選擇多d啦!唔駛佢地屈,
你都覺得自己個plan唔夠!
同埋我擺26圍到,我過曬,sorry
各位我msn係
[email protected]
有機會交流下啦!
-
ziege
下. 要自己問先係過去台灣影呀? 唔係就係香港影 ? 甘價錢都唔同啦. :)
10-15圍係我暫時預計.
-
a
我同老公結婚前兩年已經買左樓,
因為當時樓價低,
所以就買左樓先.
你講裝修,
你預師父就農曆初十後先開工啦!
你最好就自己mark低要裝修D咩 !
比師父上來屋企報價.......到時就會有個預算,
要找多幾位上來報價,
如果有朋友介紹就會好些......
因為各人報價都會有好多出入.
至於係話逸東酒店,
我之前都有去睇過場,
都好LIKE依度,
但係去到唔係好LIKE佢有一邊樓底好矮,
只係LIKE佢條樓梯,
佢有MIN CHARGE架 !
我記得我個時問佢,
如果擺25圍時....計番條數$6000一圍係唔得,
不過佢有幾個廳,
你圍數少min charge就會少D.
我個時係計佢最大落地玻璃個個金鑽廳.
仲有好多野限制,
又要收自來XO開瓶費.....
你要預係度擺要成$7000 (依家個市好左, 一定加價)
都有好多人話佢服務好 !
ziege
我覺得計番你之前同佢地講條件,
禮金方面3萬8 or 6萬8左右都ok.
-
hi , 各位好, 我會係今年5月結婚, 我唔擺酒, 攪lunch buffet
-
HI A -我說如你擺酒店, 富豪都幾好..
我以前都有睇過一些場地, 同大家分享下
旺角聯邦金閣 ( 油麻地 ) - 普通.. 沒咩特別
油麻地好彩 - 麻麻, 無柱, 因部份賓客不能睇到個台.. 所以有感麻麻 (不過樓底都OK)
尖沙咀桃源 - OK, 無柱, 但樓底好矮
油麻地 聯邦皇宮 3 樓- 感到麻麻.. 有些柱..
油麻地聯邦皇宮 4 樓 - 有中西式禮堂 , 24圍可包場, 個場幾好.. 但廁所不乾淨
尖沙咀牡丹庭 - 無柱, 不過我朋友擺12圍先沒迫, 朋友結婚, 廁所OK.. 但唔知點解我不喜歡食物, D菜巧鹼..
尖沙咀帝庭皇宮.. - 場地都幾靚.. 但新娘房細
尖沙咀皇潮匯 - 雖有一條柱, 但環境靚過帝庭皇宮, 因有中西式禮堂, 新娘房又靚D
佐敦彩福皇宴 - 去到感覺太黑, 有無人招呼
尖沙咀彩雲軒 - 去個日由於人多, 但入去睇睇, 樓底矮D..好紅
佐敦金御 - 16圍個場幾好.. 又無柱, 另一面可放38圍.. 但好似唔知幾多圍先可夾埋一起
九龍灣德藝會.. - 樓底高, 新娘房OK..
九龍灣皇庭 - 出面睇可以接受..
歡迎.. mm - 依.. 你5月邊日 擺lunch buffet在邊到呀.. 咁你同一日早上註冊或是另一日呢
-
gt
thx for ur information !!
好勁呀, 你間間都去過呀 ? 甘你決定邊間未 ?
lee
thank you !
我知佢有幾個廳, 不過我就係唔知佢最細個間 min charge 係幾多. 不過, 現在唔急睇住, 因現在急住攪間新屋d野多少少.
-
a - 我還有很多都未睇.. 睇完曬再考慮..