追緊個女仔, 未追到已被佢食住, help!



  • 追左佢一段時間(半年), 食左3次飯, 日日msn。
    佢知我追佢, 我擺明追佢, 佢無男友, 但佢就唔嗲唔吊, 每次我明示或暗示, 佢都答我D無稜兩可既答案, 我就黎比佢玩死la, 我對佢認真, 但又唔識點handle呢D心理戰, 請大家俾D意見。



  • 等我做佢情dick

    哈哈~~

    不過我的要求是

    你要乖乖落入我手



    but...y not?



  • 你中左一種名為"天蠍hell"的毒,快d搵人帶你去急救.



  • 我都係蠍女,點解我次次比人死住架?星座唔一定關事架.



  • 我以前未遇過天蠍, 今次見識到其厲害處..



  • try to ignore her for a period of time, see if she will call you .



    yes..means u have hope,try to do something to make her happy, like gift etc.



    no, go next.





  • 愛上天蠍女,嘿嘿,你注定要俾佢食住啦

    以前有個中學同學就係天蠍女,好識玩手段,又要有話事權,兩個男既俾佢玩到團團轉,仲要兩個男既知道有對方既存在,都仲守係個女既身邊

    山羊仔,如果你覺得值得既咪繼續守落去囉,或者吊下佢癮,等佢緊張下你,但我勸你唔好擺咁多感情落去住,佢keep住你未必真係鍾意你架,小心小心



  • 蠍子要過河,剛巧遇見一隻青蛙,於是提出要求:「我不會游泳,你背我過河,好嗎?」青蛙說:「我才不會那麼笨,你是有毒的,我背你,讓你在我背部蟄了一下,我不是准死無疑?」蠍子連忙說:「我也不笨,蟄了你,你被毒死,我在河中,沈下去一樣活不了,對嗎?我發誓不會蟄你,你背我過河,OK?」 於是青蛙背了蠍子過河,來到河中央,蠍子突然發難,蟄了青蛙一下!青蛙毒發,將死之前,疑惑不解地問蠍子: 「你…你不是承諾不蟄我的嗎?」蠍子眼看將與青蛙同歸於盡,無奈地說:「沒辦法,因為蟄人是我的本性啊!」



  • To be frank, I don't think you have high chances to be her boyfriend, ignore her la!



  • 你買樣佢揾左好耐既野比佢,佢收左之後話,"都唔係好難揾0者, 我尋日先係xxx度見到!"; Burn左D佢miss左既劇(BT download),佢話 "乜DVD player睇唔到架?"

    我唔想做佢奴才,蝦得就蝦; 但食飯果陣佢又唔係咁架wor..



  • I do know I have chance but I don't know when she would stop playing.



  • I do know I have chance <--點解你咁肯定?



  • 我都拍過幾次拖,都分辨到鐘意定唔鐘意既。係唔想就佢就得太過份0者.



  • 即刻停止揾佢,睇佢有咩反應,睇佢揾唔揾妳,佢擺明唔鍾意妳,又要吊住妳,眞衰格



  • 追咗半年,係對你有好感,就唔係食三次飯啦



  • just ignore her and find another one



  • 女仔係咁, 米迫太緊.



  • 如果你遇到0個個係太陽獅子月亮天蠍的話...



    你會仲比佢食得西利0的.



  • 蠍子眼看將與青蛙同歸於盡,無奈地說:「沒辦法,因為蟄人是我的本性啊!」------->> 比如得好!



  • Women: try to ignore her for a period of time, see if she will call you .



    yes..means u have hope,try to do something to make her happy, like gift etc.



    no, go next. ---------------->>>半年黎, 我知佢係唔識同人交際,同好被動,驚死既人, 所以要佢做主動, 難DD...

    除左呢招有冇其他? 指教指教..



  • 10月30係乜?



  • 10月30係乜?



    by 山羊仔 vs天蠍女 - 12/29/07 21:05





    你想問咩呀?



  • 10月30係乜月亮星座? 以前唔信, 但佢個格真係勁天蠍..不過我一D都唔山羊..



  • 你咪吊番佢癮lor笨.~~~~~.





  • 你唔可以咁做架........請你具體D!



  • 10月3日就係天蠍 座.



  • 俾個心理準備你, from <http://www.hknewsgroup.com>



    「愛情厚黑學」理論就是: 男人對女人的追求過程充滿各式各樣的痛苦,而這些痛苦,不是男人追求不到女人的「男人之苦」,卻是女人主觀施之於男人身上的痛苦,後者往往因為男人追求成功而將之掩飾起來。一個男人,通常要經歷大概有八至九種的痛苦,才能成功追求女方,然後才真正成為人家男朋友╱丈夫。當然,之後的男友之苦,又或丈夫之苦,又是另外一回事了。



    今天筆者想給大家知道的,就是一個男人追求一個女人的過程,當中所遇到的苦處,以及這些苦處的「痛苦指數」。希望各位老友明白這些「痛苦指數」,同時抱有各種心理準備,這樣子或許可以令大家減輕一下痛苦的程度,追求女人時也可以輕鬆一點。



    覆機的痛苦



    痛苦原因:女人遲覆Call或唔覆Call。



    痛苦指數:百分之二十。



    通常在生產圈、商場圈,有人打電話俾另一個人,被打電話者因為對方的重要性,而選擇接Call的時間會有所分別。重要者Call自己,即聽;平等人士,有時間先覆;冇特別人士,完全唔聽/唔覆,係咁先!用這種商場伎倆放之於愛情圈內,情況十分之簡單。通常你Call一個女仔,對方一定打好多次先聽一次或甚至乎完全唔聽你電話,當你係冇特別人士辦,這已是一個規律,係女開始俾人追時都幾乎係咁。事後才有人告訴你,或者果個女仔主動告訴你,原來佢唔熟唔聽,大佬呀,你唔聽我電話又點熟喎,離曬大譜。女人唔聽電話及遲覆你,基本上,是扮其大牌,她們在入面一定想如果自己即時聽你電話,咁咪好Cheap?所以大家咪畀佢扮大牌囉,Call了她們,千萬不可以旨望她們即時聽電話,也千萬別伏在電話面前等她們覆,她們即使想,也不會,OK!最好你先睇場戲,喝喝茶,待她們半天兩日之後覆你,輕鬆的等便可以了。





    等待的痛苦



    痛苦原因:女人遲到或乾脆不到或者約都係唔到。



    痛苦指數:百分之五十。



    同樣原理,女人準時(通常遲到十五至三十分鐘也是準時)被她們視為Cheap之舉動,所以約了她們何時在某地方等,她們通常在約定時間才準備出發而已,因為這個原因,請大家在心理上修改一下,就是她們一定遲到。故此,大家沒有必要買定飛睇戲,死梗!另外,女方最興放飛機,有時要你在戲院門口等上半日都唔通知你唔黎。第二次再約,又放多次飛機,放到你嘔為止。但她們會認為這是十分自然之事,唔得閒咪唔去囉,如果你真係鍾意我一定會再約我,係咪?基於上述原因,等待她們遲到時,不妨預先替自己準備零食╱PSP╱IPod,也應有心理準備她們會不赴約,不妨在等待途中媾下其他女,或許你有更大收穫。



    如果女人遲大到或放了大量飛機,而閣下也頂得順的話,她們是會對你好一點的,當然你仍然可以拂袖而去,但如果你仍能夠堅持下去,這可能會是一個好的開始,也未嘗不可!況且,待她成為你的女人,你還可以反放飛機呢,嘻嘻!

     



    犧牲的痛苦



    痛苦原因:你話買左兩張演唱會飛同佢睇,佢話約左男朋友,問你可唔可以請佢同佢男朋友去睇,你想扮紳士,送飛畀佢地,結果自己嘔血。



    痛苦指數:百分之七十。



    各位老友記,千祈唔好咁笨,買定兩張門票吸引對方去看,因為這會引致對方打蛇隨棍上,將你五、六百元兩張飛也告沒收,令你賠了夫人又折兵,浪費了你的心血,浪費了你的紳士風度。對付這種女人只有三種方法:



    一.鳴金收兵,當用五、六百元上了人生一課就算數;



    二.話其實找朋友代買的,因為不知其男朋友有興趣,所以請她及其男友親自向朋友查詢;



    三.發誓一定要整蠱佢地兩個,然後再將個女仔追到手,OK!



  • 愛情厚黑學

    以突破性的主題,深入探討追女仔的心態及手法 (愛情專家: 古仔華)





    [ 回主頁 ]



    有必要在這次向大家介紹 -- 愛情厚黑學。



    未介紹甚麼是愛情厚黑學之前,在這次更有必要和大家講講我們那嚴重壞腦的意識形態,這種意識形態基本上從小就向我們灌輸男男女女愛情的觀念。今時今日對一般男女來說,愛情就是一種好得不得了的東西,它之所以出現,就是一對天作之合的金童玉女。在天時、地利及人和的配合之下,互相認識,跟著這對男女就在電光火石之間產生出一種過電情緒,令他們立時墮入甜如蜜糖的愛情之中去了,但筆者可以告訴大家,這一切都是錯的!



    忍辱負重



    首先,這個世界之上完全沒可能有所謂金童玉女的存在,街上面不是金童老女,就是醜童玉女,男人之所以追求到某個類型的女性,以至女性之所以吸引到某種傾向的男性,很大程度上不是天作之合,二者的結合而是充滿了金錢、權力、貪念、迷思、欺騙等因素的影響。另外,大家最嚮往的愛情,其結果雖然是近乎美滿,但其過程一定也沒有如上述那種意識形態般所推銷出來的 -- 如膠似漆。相反來說,追求過程除了滿布阻礙、陷阱、彎路、傾斜地帶之外,對一般男性還是一個充滿了各種由女方施予給他們身上面的屈辱陷阱。



    庸俗的愛情觀一方面誇大了愛情的好結果,但另一方面卻為所有人隱沒了這類傷痛。其實筆者相信每一個談過情、追求過異性的男人,一定都共同經歷了這些集體屈辱,只不過有些人選擇「為畄佢」,然後找機會「報復」;另外一些則會選擇坐在廁盆上面大哭特哭,然後拼命忘掉她;其他的人則可能基本上頂不順這些屈辱,退出戰場,最後追不到女之餘,自己一直都不大有可能忘掉這種愛情後遺症,遺憾一世。





    美麗的代價



    不過,筆者可以告訴大家,如果大家還想追求女性,就一定要準備承受這些各類屈辱的大力折磨,而且最重要的就是,閣下能承受得這種屈辱愈多,女方就會愈愛你。而最最最重要的就是,愈肯對男方施予這些無窮屈辱的女性,她們就愈美麗,死未?如此,如果各位老友記想未來女朋友對你又好又正,準備用前所未有的精力去對抗她們為你度身訂造的屈辱吧。



    有風駛盡⑨



    很簡單,女人大部分都是衰人(男人也是),她們天生出來就是要附近的人不好過的,所以當她們知道了你對她們有所求的話,她們當然玩到盡、折磨你了。



    愛情代價



    香港女少男多,加上正的女人少,醜、衰、賤的男人多,一般女性都十分容易產生一種虐待狂式心態,就是如果你班友仔想得到我,辛苦下先啦!情況就等於她們自比為《奪寶奇兵》入面的一對寶貝,最希望見到男人為她打生打死,淪落為地底泥,才能博取到她的嫣然一笑。原因十分簡單,你班友仔未辛苦過,點反映出阿姐地位高兼且與別不同。





    壯烈犧牲



    香港很多女人之所以搞成咁砼田地,因為在她們過去的戀愛歷史,或多或少都領臈過一至兩個男性高人的極度屈辱,令她們喊又不是,不喊又不是,惟有將這種肉痛式的學習過程搬過來,施於追求她們的男人身上,以發洩自己這口烏氣、怨氣。男人愈痛苦,她們就愈開心;她們愈開心,就愈能忘掉過去,所以我們就成為了她們發洩怨恨的犧牲品。



    女人之想屈辱男人,因為她們再也想不出一種和男性溝通的好方法,所以惟有屈你、辱你、折你、磨你,OK!



    好了,今天說完了愛情的真諦,是從犧牲屈辱之中掙扎求存,以至乘機發圍。在不久將來,筆者將會告訴大家,這些由女方施予給男方的種種屈辱、以及其解救之道,敬希注意



  • 上一課已提及過,男人的痛苦,基本是源自追求女性時,被對方主觀施予的。最初級的痛苦,是女方刻意遲覆機又或甚至不覆機。次級痛苦是約會時,對方遲到或爽約,而所受的痛苦。再痛一點的,是自己被女方耍了一轉,結果錢又冇、人又冇砼犧牲式痛苦。今日再繼續談其餘的痛苦指數。



    後備的痛苦



    痛苦原因:女人雖然應承你外出,但只肯給予你「二奶時間」。



    痛苦指數:百分之四十。



    一般男人以為約到個女仔出街就真係發達,但如果知道對方肯畀乜「期」你,肯定被激到暈低。一般女人通常和男人初次約會,只答允對方在「二奶時間」入面和他們會面而已,這些「二奶時間」包括平日Office Hour入面的Lunch時間,其中最屬「二奶」的,肯定就是星期六中午的Lunch時間。其他「二奶時間」則包括平日的工餘Happy Hour但不直落,又或者個女仔只答允你和你共飯一頓,但九點半後又話約左人,死未?換句話來說,個女仔一就是覺得應該好好食你一頓飯,但又不想付出之後陪你去玩的時間;二就是只不過當你是陪客,替她們打發真正約會之前的浮游時間而已!怎樣辦?







    如果是一般Lunch時間,大可以不出現,然後告訴她們經理有事搵你,再約下次晚飯去食餐「好o野」賠罪,將「二奶時間」升格為「大婆時間」,或許有用。如果對方只畀你Happy Hour時間,照殺,原因十分之簡單,至緊要同佢飲酒,飲到佢暈頭轉向,或許可以直落,或博她下一個約會失敗,她們頓失依靠,可能就此畀你上位都大有可能。同樣情形可能發生於「晚飯期」,之後佢可能約左人飲o野,如果計畫失敗,你也有上位的機會,如果對方覺得同你好傾,唔介意帶埋你去蘭桂坊會佢其他女朋友,記得一定要去,事關追唔到佢可以轉呔追佢班Friend,一樣咁正!





    被窒的痛苦



    痛苦原因:女人同你約會或食飯時踢爆你想追佢,並揶揄你沒有女朋友才會出此下策。



    痛苦指數:百分之四十。



    很多女人基本上是極之討厭的一種人物,就係你冇女朋友,先至欣賞佢地及追佢地,但她們不但是對男人沒有同情之心或感激之心,卻往往在約會╱共飯時候踢爆男方單身的困境。其原因十分之簡單,因為她們多數有個男朋友咁巴閉,知道閣下無料到,實係串到你盡。這個情況之下,在口頭上萬萬不可以示弱,如果你點曬頭,佢一定仲笑到你暈,不給你機會之餘尚要通過你尋找口頭滿足,好人有限。故此先不要示弱,萬萬不可承認自己無女在手,一定要話「我有女友,不過我們約法三章,佢可以約會男性,我也可以約會女性!不阻我們彼此之間的相愛!」這番對話,一不示弱,二來向她暗示自己可以同佢「玩下」,如果對方想玩一腳踏兩船,很可能同你有下文。









    致命的痛苦



    痛苦原因:女人同你約會╱共飯,或已約你回屋企煮飯仔,但突然之間晴天霹靂,佢男友好似係CID咁出現,嚇到你傻,仲同你一齊開飯。



    痛苦指數:百分之九十。



    情況當然大大不妙了,因為這證明了女方已將你追她的一切向男朋友詳細告解報道,今時今日男友就向你採取行動,這表示一方面個女仔同佢男友有料到,感情濃厚;另一方面佢男友十分之陰濕,不是君子所為,這時你只可以做一件事,就係同佢男友扮Friend,向他暗示自己明白收到曬一切一切,請你大哥放心放心,跟著斷絕同個女仔來往,事關再去也沒有必要,這一對男女已變成了「雌雄大盜」,所以你最好盡快走頭。





    水魚的痛苦





    痛苦原因:女人同你開心一排,然後叫你幫襯佢買保險買金買股票。



    痛苦指數:百分之七十。



    千祈唔好驚,個女仔咁經濟主義,如果閣下有些少錢,可以同佢玩過,橫掂佢都見錢開眼,咪同佢玩瑶囉,起碼大家從此有共同話題,不過要同自己Set一個Limit(金錢上和時間上的),使完錢之前要搞掂佢,OK?



  • 兄弟, 幫到出面啦, 得唔得靠你自己



  • 一一,咩唔可以咁做?



  • 大樹菠蘿,求教!求教!



  • 太陽獅子月亮天蠍 , 10月30日係乜野月亮星座? 又有乜特點?



  • 其實我都明白要有收有放, 但秘決在於乜呢? 究竟幾時收? 幾時放呢?



  • 太陽獅子月亮天蠍 , 10月30日係乜野月亮星座? 又有乜特點?





    by 山羊仔 vs天蠍女 - 12/29/07 22:26





    月亮星座無咁易睇到架, 要有埋出生年月日, 時間, 仲要查表架~



    所以, 就咁10月30日, 呢0的資料唔足夠.



  • 山羊仔 vs天蠍女, 哈哈,又會咁q ge,我都係10月30日嘅天蠍座嚟架,有咩你不如



    問吓我,睇吓我幫唔幫到你la.^^



  • 我都係山羊仔,我地d性格都係比人食住架啦,算把啦

    食得我舒服,我都唔介意既^^



    你係咪煮飯yoyo?



  • 愛上天蠍女,嘿嘿,你注定要俾佢食住啦



    以前有個中學同學就係天蠍女,好識玩手段,又要有話事權,兩個男既俾佢玩到團團轉,仲要兩個男既知道有對方既存在,都仲守係個女既身邊



    ------------------------------------------------------------------



    簡直同我既經歴一樣,仲試過我同個天蠍女(10-28)打緊波,追緊佢個條友追到上黎一齊打埋一份,而呢個天蠍女其實係有個拍咗好多年拖嘅男朋友



    普遍天蠍女係靚係charming,但同佢地相處其實真係好辛苦,坦白講佢地好小器,記仇,激嬲要好費力先氹得番,樣樣以己為先,被動自私,唔識或者唔想表達自己,極不熱衷keep任何關係(除非好close個d人)



    如果你唔揾佢,佢地可以完全唔揾妳,有事死不認錯,面皮薄又要命.



    無錯佢地係索,但係成日會激到你嘔血,俾好多hard-feeling你,最弊係佢地知自己錯又唔肯去改.



    我有個老友係山羊仔,俾條天蠍女管到實一實,totally under control,我老友係佢面前地位低到無倫,早幾年都會同佢頂撞下,但呢幾年就俾天蠍女臣服咗.



    版主,天下女子多的是,同天蠍女一齊絕對要三思及好自為之!



  • 其實真係關星座事?



  • 其實真係關星座事?



    by raul - 12/30/07 04:29





    你咩野星座?



    哈哈



  • 講多兩句,好彩我能夠及時抽身,但都拉扯近一年,不過上文提及條友仔追咗四年至今仲未揼得低,中曬毒(天蠍女同我講話好似害咗人,但又唔捨得同人完全斷絕關係).



    版主,中天蠍毒好攞命,小心!



  • 我係雙魚座既



  • 雙魚女好emotional,好易氹好易喊亦好易俾人呃,親身經歷



  • 過來人......

    我係男人黎既.......唔該



  • 我都是天蠍座,又唔見我識耍手段...



  • yoyo replied @ 2007-12-30 2:54 am



    山羊仔 vs天蠍女, 哈哈,又會咁q ge,我都係10月30日嘅天蠍座嚟架,有咩你不如



    問吓我,睇吓我幫唔幫到你la.^^

    ------------------------------------------

    yoyo, 好彩佢唔識中文, 唔係以為你係佢...



    有次我地msn大概如下:



    事前我地已經食左3次飯, 但因聖誕同元誕約佢唔到, 我問:"其實你係咪有bf?" 佢答:"haha.. 點解你而家先問? No ar.." 佢問:"你唔問下你有冇其他對手?" 我答:"呢個係我下個問題.." 佢答:"你唔應該擔心呢D, 你話你知你Market value 架.. 要走,bye~"



    答左等如冇答, 咩心態?



  • 過來人 replied @ 2007-12-30 4:23



    普遍天蠍女係靚係charming,但同佢地相處其實真係好辛苦,坦白講佢地好小器,記仇,激嬲要好費力先氹得番,樣樣以己為先,被動自私,唔識或者唔想表達自己,極不熱衷keep任何關係(除非好close個d人)



    如果你唔揾佢,佢地可以完全唔揾妳,有事死不認錯,面皮薄又要命.



    無錯佢地係索,但係成日會激到你嘔血,俾好多hard-feeling你,最弊係佢地知自己錯又唔肯去改.

    --------------------------------------------------------------

    全部Dpoint中哂, 準到... 不過我就唔多山羊, 我主動,好動,勇..



  • 過來人 replied @ 2007-12-30 4:43 am



    雙魚女好emotional,好易氹好易喊亦好易俾人呃,親身經歷

    -------------------------------------------------------------------

    我之前果個都係雙魚女,又中, 真係好emotional, 日日氹, 但性格就好好。



  • 我最憎人喊一一'''



    喊來冇謂



    我都係天蠍,不過些天蠍不是彼天蠍,wakakaka



    以牙還牙,你唔好成日表現到好緊張佢,擺明要追佢先得ga,你試下一段時間唔揾佢,唔send msg,唔打電話,之後再突然揾番佢,唔好再表現到你爲佢瘋狂



    呢種女人係吊高來賣個D





  • 普遍天蠍女係靚係charming,但同佢地相處其實真係好辛苦,坦白講佢地好小器,記仇,激嬲要好費力先氹得番,樣樣以己為先,被動自私,唔識或者唔想表達自己,極不熱衷keep任何關係(除非好close個d人)



    如果你唔揾佢,佢地可以完全唔揾妳,有事死不認錯,面皮薄又要命.



    無錯佢地係索,但係成日會激到你嘔血,俾好多hard-feeling你,最弊係佢地知自己錯又唔肯去改.



    <=========以前觀點不是所有天蠍都是這樣,激嬲我唔好氹,因爲越講越嬲,只要俾小小時間就會冇事

    做錯野會認,打就企掟,錯會改,不過需要時間不是一時三刻





    我記仇,但唔小氣,


Log in to reply