等待的時間
-
今日放工, 望住個電話既時鐘顯示,
等緊一個最後都無出現既電話.
諗下, 都覺得自己好傻...
其實果一程車, 一個鐘都唔夠, 響架車度呆下坐下望下風景,
D時間都係咁過. 而且會過得好自在, 唔經唔覺, 又落車.
偏偏我竟然會因為一個鍾意既人, 隨口講句, 我就響度等...
睇住枝秒針響度行, 度日如年...
"我聽日收工打比你", 其實咪即係等於人地好客氣咁講"得閒飲茶".
只係一句客氣說話, 但我就信到十足~ 愈諗就愈覺得自己好蠢...
-
我也為了一句"我返到香港就打比你" 而等了好幾個月...
-
等人,
你要等既人, 佢係未返到香港, 定未打比你?
-
我認為佢係唔會返黎
-
既然係咁, 又何必作出承諾呢?
下巴輕輕, 結果只是惹人苦惱.
如果我要等既人, 尋日無同我講句咁既野,
我今日就唔會咁失落.
-
波子
咪就係...下巴輕輕的亂up廿四, 攪到人地一等就幾個月
唔開心左幾個月
-
等人,
希望你既唔開心, 好快會完結~
而我既唔開心, 兩個鐘頭之前先係開始~
-
波子
其實你大可以打比對方呢~ 咁咪唔使等
-
等人,
唔係扮矜持, 呢個世界, 都無話一定要邊一方做主動.
而係我覺得, 我打比佢之後, 又點呢?
如果佢有心的話, 佢就唔會粒聲唔出, 影都唔見.
如果佢無心的話, 我打唔打比佢, 結果都係一樣...
-
我都等緊一個人....
-
我都係女仔...有時好多野明知對方係隨口講...講大話...但仍然傻傻地去相信
-
我知佢唔係隨口講, 只不過發生係一個唔岩既時間
可以點, 等既時間越長, 個人就會係道諗, keeping going?
但叫我stop, 我真係做唔到
-
我唸佢根本就係隨口up....彧者佢想吊你"印"
-
唔岩既時間
再等下去..又係啱嗎? 唔好介意我咁講....我都有這經驗....最後都放棄了...
-
唔介意, 正常既人都會甘講
只不過係我自己既問題,
就算有冇人講, 一日唔放低, 或者唔去學下放低,
都冇人幫到, 我明又點.....我仲未做到
一份堅持 (好聽甘講), 咪搞死自己...
-
wait
你女仔╱男仔啊...青春有限...想清楚吧..希望你想清楚, 決定後關開心心等一個真正屬於你的人...
-
大佬,你收工啫,人地未收工呀嗎
-
我都仲未收工...
呢份工, 唔知幾時先可以收工~
-
波子汽水
你唔係收左工回到了嗎?
-
嗯... 有糧出果份工, 就已經收工了~
但無糧出, 響度呆等呢份工, 仲未收工~
-
要等既電話, 遲左足足24個鐘.
一拎起個電話果一刻, 我覺得好開心.
收左線之後, 我又覺得自己好傻, 好可憐.
ups and downs, 都係為左一個人地都唔放在心上既電話...
-
好中我最近既心情呀!