如果經歷過JUNO 三部曲......



  • 純粹搵人傾下,因為呢個星期聽完之後,真係有好多感覺,但又唔可以同GF 講,所以先O係度吹下。

    我呢度講既唔係聽過,係真係親身經歷過,就會明白男同女O係對待感情上,真係同幾首歌講既好相似。

    曾經有個女仔,由我17-8歲開始,識到25-6歲,先完全冇來往,當中經歷既,都係被佢主導既關係,直到佢識到一個男仔,先真正斷絕來往。

    跟住兩三年後,就O係上一年,再O係中環遇到佢,之後FB大家寒暄幾句之後,又再回歸寂靜。但就係咁,令我開始會間唔中睇佢FB,但當然我亦因為佢清楚佢已經同我認識佢時唔同左,我當然會有諗過同佢重新聯絡,但其實大家已經走O左O係兩條唔同既軌道上,而我,應該只係佢一段歷史,而唔係一段將來。

    其實講咁多,我只係想話,可能大家會覺得歌裡而既男主角好慘,但作為我呢個低仿A貨,我覺得其實念念不忘其實真係唔代表放棄呢個世界,呢種念念不忘既情懷係可以收o係心裡面,等夜闌人靜時先拎出O黎懷念下,雖然呢件係一件好自虐、好SM既事,但當你想通左,表受到呢一段係好EASON 落花流水式既感情,你就明白兩條非平衡直線相遇係幸運,而唔係不幸,因為佢O地只會有一個點相遇。當然你可以同我爭辯你自己係一條拋物線,同一條直線會有兩個相遇點,但我會同你講,你要搵既,最後都係一條同你身處同一空間既平衡線。


Log in to reply