大招集!!!<香港寬頻> 誇大速度25M其實得15M,誤導消費者說測試27M,希望<電訊管理局>設立一個測試速度網站
-
<香港寬頻> 誇大速度, 25M 其實 得15M, 誤導消費者說測試27M,
我試過<和記>10M 其實都有8M
我幾日前, 香港寬頻上門安裝25M寬頻, 師傅用佢部電腦試速度,
在download.speedtest.com.hk 個網站試, 仲要在電腦dos入面試, 我話你地客戶服務中心話在www.speedtest.com.hk試, 師傅話在dos入面試為准, 冇阻隔, 快好多, 咁我都算, 試完是27xxKB/sec,
師傅話27M, 快過你申請25M個數, 我咪好開心同佢簽左約, 唸住就算上www.speedtest.com.hk測試最少都有22,23M啦,
師傅走左之後, 我上www.speedtest.com研究下囉, 點知發現原來要將試出的27xxKB/sec輸入數據分析, 原來得出結果是21.xxM, 如果不在dos測試, 在網上測試咪更加慢, 會得番15M左右, 師傅說成是27M, 唔將真實數據話俾我地知, 我係在相信佢有27M情況下簽約, 是誤導消費者簽約.
*** <消委會>話這種情況有好多市民打過去投訴, 不過速度測試是以寬頻公司自己個網站為准, 佢地話建議我地寫信去<電訊管理局> 和 <消委會>兩邊都投訴, 建議<電訊管理局>建立一個網站, 公平咁測試速度 ***
*** 我已向 <電訊管理局> 投訴, 電訊管理局話如果這種情況, 是違反電訊條例, 叫我寫信投訴 & 建議設立測試速度網站 ***
各位, 請多多支持, 大招集!!!!! 我真係好希望<電訊管理局>設立一個測試速度網站, 公平測試速度, 有心人唔該都參與啦, 人多<電訊管理局>先至做野架!!!
<電訊管理局> 反映及投訴 TEL: 2961 6333 FAX: 2110 4239, Email: [email protected]
<消委會>TEL: 2929 2222
-
設立一個測試速度網站, 香港真係有咁既需要, 間間公司個準則都唔同, 電訊管理局早就應該咁做啦
-
測試速度網站？如果啲寬頻供應商在自己網內建立mirror server的話，測速結果根本係無用的。
況且，HKBN起碼都有10M頻寬（甚至連境外網域都有呢個速度），百幾兩百文就有得包月，上下行頻寬一致，仲唔使封BT，咪執到寶咯。
比著大陸啊，1M DSL包月都要上百！繁忙時間周不時斷下線，就算唔斷都得翻512K！最摞命係封BT！
-
在大陸，封BT不但只，還有嚴厲的關鍵詞過濾、特定網域封鎖，很多境外網站無法登入，用google搜尋關鍵字若含有過濾內容，連結會被立刻斷開，在境外網站發言，若輸入的字詞含有過濾內容，也會被立刻斷開連結。
-
[廣州仔]使君子 replied @ 2007-11-23 7:12 pm
---------------------
廣州老友, 呢度係香港, 唔係大陸呀, 冇得比架, 照大陸那套方式搬來香港, 咩都唔使出聲, 香港講求實際.
說話唔係咁講啦, 我用試香港寬頻個網站, 去試和記, 在dos都有10M, 在網上試有8M, 不過和記有斷線, 我唔再續約. 香港寬頻話俾人知, 保證有8成, 有取巧同誇大速度, 原來在dos試先有8成, 在網上試得6成, 況且香港寬頻個師傅將27xxKB/sec講成話在dos試有27M, 係誤導, 唔係將真實數據話俾我地知, 如果我唔係後來發現, 原來要將27xxKB/sec輸入去分析, 都唔知原來在dos試先得21M, 在網上試得15M.
香港寬頻個速度誇大好多, 如果我研究清楚, 到依家都信佢在dos試出結果是27M
-
27xxKB/sec 個 "B" 係 Byte, 而電訊公司同你講果個係 Mbps (Mega Bit Per Second), 1 byte = 8 bit, 所以將個數乘 8 就可以計到 21.6Mbps.
其實一般速度測試都會用 dos, 咁樣就唔會因為你個 Internet Explorer 或者其他 web browser 太複雜而令 download 速度減慢. 如果你有裝 firewall, anti-virus 之類就會更加慢, 所以 d 師傅一定會用自己部電腦, 唔用你果部.
每間電訊公司都會用自己�嚘纀葩�試速度, 因為個網站在他們的公司, 所以一定會快過去其他電訊公司的網站. 去其他電訊公司的網站快唔快, 好睇兩間公司之間個network有幾多bandwidth, 所以電訊管理局設立測試速度的網站, 會對某d公司唔公平. 大部份電訊公司只係保障由你屋企去到大廈底的那段可以去到某個速度, 而唔係話你去任何網頁都可以有一樣速度, 尤其是去外國的網頁.
-
我係討論區睇到如下資料:
================
我用緊Netvigator, 朋友成日投訴我send 歌同相超慢, 所以我都打算轉HKBN BB25.
不過佢話本地25MB, 海外20MB, 穩定速度保證，否則雙倍奉還，都唔知係點定既呢?
果穩定速度保證如同虛設.
首先佢只係包插頭(注意:由插頭到電腦果段都唔包)到HKIX的速度8成保證,其他一概都唔包.
得由插頭去HKIX果段先有速度8成保證,你話有乜用?
不過都唔緊要, 之前有人竟然試過, 佢上網速度變了幾乎零(因為條線short咗, 基本上乜網都上唔到 (當然去HKIX速度都係幾乎零).
結果不但HKBN無按穩定速度保證, 作出雙倍奉還, 更甚連免佢呢段時間基本上用唔到網昏費用都無, 根本上唔到網但錢都要照比, 仲講什麼穩定速度保證.
HKBN既穩定速度保證, 保證範圍窄到阿媽都唔認得,
就算真係比你達到要求, HKBN賠條毛都有你份, 賠錢 NO WAY!!
結論: HKBN保證計劃吹水唔抺咀, 講完大話唔算數!!
================
我用緊係 hkbn ,香港佢就好 d ,但去台灣 d 網頁,就係慢世魔西鷄一隻
================
海外速度:
網上行-我就未試過
香港寬頻VS有線-我就知結果
當時有一個月時間,我同時用緊香港寬頻及有線, 試過分別用兩呢兩間公司, 去些相同網站DL相同檔案, 結果是.............
香港寬頻~~~~
仲慢過有線, 唉......唔好期望50M 100M有幾快, 出到海外一樣龜速!
不過在本地上下載真係快, 名副其實~~~香港既寬頻........
========================
-
27xxKB/sec 個 "B" 係 Byte, 而電訊公司同你講果個係 Mbps (Mega Bit Per Second), 1 byte = 8 bit, 所以將個數乘 8 就可以計到 21.6Mbps.
potato_hk replied @ 2007-11-24 12:09 am
=====================
香港寬頻25M個plan(即係3125KB/SEC, 唔係2500KB/SEC), 師傳話"試出來27M,仲高過你個plan 25M" 即係佢將試出來27xxKB/SEC講成27M, 而不是21.6Mbps, 咁算唔算係誤導呢? 就係呢個問題, 如果我唔係睇返個測試網頁, 我到依家都相信師傳話27M高過我25M個plan, 你明明" 高過" 0既意思? 如果佢淨係講27M, 冇講"高
過25M個plan", 佢仲可以死都拗返生
-
哩排成日見到兩間網絡商針鋒相對o既廣告,好好笑....
十足前幾年idd 減價戰咁
我用Netvigator,雖然係貴/唔算好快,不過要黎睇下網頁send下相已經好足夠
最緊要係c.s.做得好,有咩問題打上去,好快有人聽